السلام عليكم ورحمة الله وبركاته ..


..


..


..


..


صديقاني صديقاتي .. أحباب قلباتي ...

كفرد من الجمهور الهلالي <==== من يقول هالكلام يعني ارفقوا علي لاحد يجيب حاصله معي

عندي وجهة نظر .. تعبر عني .. فقط ... ويمكن تكون مخالفة او مطابقة لوجهت نظرك كعضو ..

وقبل لاتسوي شي وترفع ضغطك ... جب لك كاس شاهي وركز معي


موضوعي لاهو استفزازي ... ولا هو تقليل من أحد ... ولا فيه أي تعصب بقدر مافيه مصلحة عامة ..


وكما قلت ... وجهة نظر عضو في منتدى شبكة الزعيم ( اللي هو أنا )

لذلك لاحد يزعل من وجهة النظر هذي لأني ماحب أحد يزعل مني الا بشي يستاهل



أهلي - هلال


كلمة سمعتها أكثر من 100 مرة ... لا أكثر من 1000 مرة ..


والغريب انها من جماهير الهلال والاهلي معا ...


فكرة بصراحة ان دلت على شي فتدل على ضياع شي من الانتماء الكامل للنادي ...


أنا ماقول تعصب .. إكره هذا وإكره هذا .. وحب هذا ...


لا ... أنا أحب الانسان اللي يحب ناديه وماعليه من أي نادي بالعالم ..

سواء نصر - اتحاد والا اهلي وشباب ...


والله العظيم اني يوم سمعت هالكلام ... حسيت بشوي سخافة ... سوري على الكلمة بس احساسي


الهلال ...... زعيم اسيا ...... ثالث قاعدة جماهيرية آسيوية

يطلب ود نادي آخر ... ويستفزع بجماهيره ؟؟؟؟


الهلال ....... اللي بكل مدينة وكل محافظة وكل قرية تلقى الجماهير الهلالية مناصفة مع عدد السكان ...

يوحد كلمة هلال مع أي نادي ثاني ...




أنا والله ما أكره الأهلي ... بالعكس الاهلي نادي يمتعك بلعبه .. وبمهارات لاعبيه ....

نادي تستمتع من متابعة مباراة له ..

لكن ... حتى النصر والاتحاد والشباب وباقي الاندية مثلها مثل الأهلي ...

كلها ماتعني لي ولا تحرك فيني أي شي ... لا حب ولا كره ...


أنا كل مشاعري ... مع الزعيم ...

تدمع العين حزن اذا انهزم والا انكسر يوم من الايام ...

وتدمع العين فرح لا فاز والا حقق انجاز يوم من الايام ...

ولا أرضى أن يشارك حب الزعيم ... ولا ميولي له ... أي نادي بالعالم ... وليس السعودية فقط



جماهير الأهلي فيها من تعشق الزعيم ...

ولكن فيها من تكره الزعيم كره أعمى وعندي حالات من اللي اعايشهم كل يوم ..

ومع ان فيه جماهير أهلاوية تعشق الأزرق ... يوجد جماهير اتحادية ونصراوية وشبابية تتابع الهلال

وتعشق لعبه .. وهي جماهير ماهمها تعصب ...


الجماهير الأهلاوية ماطلبت توأمة الجماهير كما أشوفها الحين حبا في الهلال ...

ولكن كرها باللون الأصفر فقط ..


ولا أنسى مباراة الهلال والنصر .. حينما امتزجت مدرجات الاصفر بجميع الاعلام ... اخضر واصفر واسود

وهذا دليل أن توحيد الجماهير وثنائية الجماهير مسألة وقت فقط وتنتهي مع اقرب لقاء ...

أحبائي الأعضاء ....

انا ماكتبت هالموضوع الا من غيرتي على فريقي ... وليس تعصبا .. لان مايعني لي الاهلي ولا غيره


بس توحيد التشجيع ... وثنائية الفرق تسبب تعصب أكبر ..


وصدقوني الحين توحدون الجماهير وتطالبون بأهلي هلال ...


وبعد مباراة الأهلي القادمة بيتبدل الحال ... وبينقلب


وبيجيك مشجع اتحادي يطالب ... باتحاد هلال ..


حتى تجي المباراة مع الهلال ... وبعدها يتغير الحال ...



لذلك .... طلب بسيط أختم فيه الموضوع ...


أتركوا عنكم الفرق الأخرى ... وركزوا على الزعيم فقط ...

اتحدت جماهيرهم .. أو ماتحدت .... شي راجع لهم ... جماهير الهلال ولاءها للهلال فقط ...


أتمنى ماتفهمون كلامي حسب أهواءكم ... أتمنى تتعقلون في فهمه ...

وختاما أشكر الكاتب أحمد الشمراني على مقالاته المدافعة عن الهلال وسامي ...

ولكن مايعني ان حب واحد للهلال يعني حب باقي الجماهير الخضراء للهلال ...

وأنا على استعداد أتقبل أي رأي منكم .. جارح موب جارح كله يمشي ... اهم شي يكون عندك فكرة توصلها لي ممكن اقتنع فيها

والموضوع ماكتبته ابي صدامات ... أبي ناس تبدي رأي


تحياتي ... أبوساري

وانا معك يا ابو ساري

الأهلي كاتم بلفهم البلوي وجايين للهلال
ويمكن ماصار بيننا تنافس من سنتين
لكن بعد النهائي بتشووفهم .. وش راح يقولون عن الهلال لو نفوز بالكأس
والدليل من أولتها
حطوا المباراة بالرياض وجلسوا يتكلمون ويقولون أن الهلال الأبن المدلل لإتحاد الكرة ومدري وشو
اجل لو نجيب البطولة؟؟؟؟؟

وإذا كان عشان جزرة 2005
فنشكرك يا أخ على وقوفك معنا
لكن الحقيقه
أن الأهلي وجماهيره أكثر عداوة من الإتحاد والنصر
لكن هالفتره مايقدرون ينافسوننا .....عشان كذا ملتزمين الصمت


وتتذكرون حركات عبدالغني.....عبدربه......القهوجي .....والبقية تأتي

[align=center]هلا فيك اخوي ابو ساري [/align]

[align=center]صراحة موضوع غاية في الاهمية حيث يظهر انه في قمة التعصب لكن اعتقد ان موضوع اهلي هلال واحد هو قمة التعصب ... الحين واحد ينط علي ويقول شلون ؟؟ ... نقول له شلون ...

اهلي هلال واحد ... نصر اتحاد واحد .... وحده احد واحد .. الى اخره هذا هو مايعرف بالتحزبات .. ولو فرضنا ان كاتب قال الحق في النادي الاخر المتوحد معه .... اعتقد انه ستقوم قيامته هذا خائن وهذا يمثل جماهير ناديه اذن فهم خونة ... وعلى هذا الحال ... ومثل ماقال ابو ساري اليوم معك وبكره عليك على حسب المصلحة ....

لكن لو نشجع الهلال لوحده ... ونتابع اللعب الحلو .. حتى لو من النصر نفسه لكنا الحين بالف خير ...

ومع ذلك التعصب مازال ولا يزال .... [/align]



[align=center]ومع ذلك كله والكلام واللقاءات التلفزيونيه مع احترامي لك ابو ساري .... كانك يازيد ماغزيت

وانت افهم بكيفك وفسرها بهواك ..... [/align]


تقبل تحياتي

لا معليش اخواني الموضوع فيه مبالغة كبيييييرة ولايمكن انك تصنف فعل فردي من لاعب اومشجع

وتعممه على كافة لاعبي او جماهير الاهلي فعبدربه وعبدالغني تعمدوا فعل بعض الحركات

ولكنهم اولا واخيرا لايمثلون الا انفسهم ولايمثلون الاهلي ، بالنسبة لهم انهم اشد عداوة من النصر

والتشاد اعتقد ان الموضوع مبالغ فيه فالكل يعلم ماهي العلاقة بين الجمهور الاهلاوي والهلالي

مقارنة بعلاقة النصر والتشاد بالهلال وبالتالي استناتجيا ان الاهلي هم الاقرب لجهور الهلال

وفي الاخير يأتي مشجعو الاصفرين ، اما من ناحية التشجيع فالهلال يأتي اولا ومن ثم يأتي الاهلي

وهذا مايقوم به الجمهور الهلالي والاهلاوي حاليا من تعاطف متبادل وهذا لايمنع من تواجد

بعض الذين لايشجعون الا الهلال ولايرون غيره وهذا من حقهم ولكن هناك من يقوم بالتعاطف

مع فريق معين بعد فريقهم الاصلي ، عالعموم انا اتمنى شي واحد ان احنا نطلع بعد مباراة

النهائي بدون زعل من بعضنا مهنئين الفائز مع تمنياتي بأن تكوون هلااااااااااالية بإذن الله

بالنسبة لتغير المواقف فأعتقد بأن تغير المواقف فترة ويعدي فبعد اي مباراة نهائية

طبيعي ان يتعصب الفرد لفريقه ولكن بعد ان تهدأ الامور ترجع الامور لنصابها السابق

ولا وش رايكم ؟؟



(( هذا رايي والراي لايفسد للود قضية ))

انا ابصم على كلام ابو سارى. نحن لا نحتاج احد ففى جده ناصفنا الاتحاد الملعب بدون تعاطف او منه من احد

فجمهورنا فى كل مكان. ولدينا القدره على تسييّر حافلات لجميع المناطق..


فكونا من المجاملات التى عفى عليها الزمن..

هذا رايك اخوي

والاختلاف فى الراي لا بيطل للود قضية

ومشكور على الموضوع

ولي رجعة لموضوعك

واللة رهيب يابو ساري اضم صوتي لك لانر يد ان يشاركنا اي نادي الهلال غييييييييييير

لااااااااااااااا تعليــــــــــــــــــــــــــــق

أبو ساري .... يارايق

أشكرك على هذا الطرح ...

بصراحة .... وكأنك غصت بين أفكاري واستخرجت ما كتبت

الزعيم وبس.

جزرة ... على عيني وراسي

ولكن الزعيم وبس.

تحياتي

[align=center] ياسلام عليك يابو ساري

من جد غثونا فيها

والمشكله اذا جاء الجد وصكهم الهلال كالعادة

قلبوا الحكم والحكم والهلال ابن المدلل للأتحاد السعودي وغيرها

الي يبي يشجع الهلال يشجعه لحاله

والي يبي يشجع الاهلي يشجعه لحاله

بلا هلال اهلي واحد بلا كلام فاضي

ارفع راسك انت هلالي

غيرك ينصك وانت تفوزي [/align]

اخوي اسمح لي اني انظر للامر من زاوية رؤية اخرى

ليش ما تشوف الموضوع انه بادرة لتحسين العلاقات بين الاندية السعودية

يعني عاجبك الي صار بين جماهير الهلال والاتحاد من تراشق فاق المنتديات والصحف

وتجاوز الجماهير ليصل لللاعبين

تخيل ان لعيبة الاتحاد صاروا ما يطلعون الكورة لما لاعب هلالي يصاب وحتى لما الهلال يطلع الكورة ما يرجعونها

مشكلة ان يصل التعصب الى لعيبة النادييين

انا ما قد شفت حركة مثل هذي في كل ملاعب العالم

بل ان الاتحاد الانجليزي اعاد مباراة بين الارسنال وكريستال بالس على ما اعتقد

بسبب ان لاعب الارسنال لم يقم باعادة الكرة للخصم الذي اخرجها لعلاج لاعب مصاب فارتدت الهجمة وسجل منها الارسنال هدف



لذا يجب وضع حد لهذا التعصب وجعل التنافس يقتصر على الملعب والمنتديات ان كثر


اما ينتقل للجمهور او اللاعبين ونشوف زي الي صار لباص الهلال او محمد الدعيع من قبل الطارقي
فلا والف لا

هذه ارواح ولهم عوائل ينتظرون رجعتهم بالسلامة

8
8
8
8
8
عين العقل

لكن الانديه هذي نقول عليها (( لاحياة لمن تنادي ))

وياهلال عزك عزنا

و الله يا بو ساري سالفة اهلي و هلال واحد

اصبر عليها شوي و بتروح مثل ما راح غيرها ......

انا فقط ضد المبالغة في الاحتفاء و كأن بينا و بينهم مصالح و لا عيش و ملح

و الله ما بينا و بينهم الا اصابة سامي و اتهام الهلال بالتواطيء مع الحكم و من هذا

لنتحدث بحكمة و بدون حماس زائد .. لا نسب الاهلي ... لكن لا نصير مخفات مع احترامي

ايضاً سالفة العــلم المشترك كان لازم يكون فيه مناسبة لها .. اما هجولة و ركض ع الفاضي

فيه لاعب اهلاوي مصاب و توه راجع .. فيه مناسبة يبغون يهنون فيها الجمهور مع بعض

نقول اخوان و ما تعدى كورة ... اما نشجع الفريقين مع بعض ... اسسسمحوا لي ما

عندكم سالفة ,,,, و ما فيه اي رابط روحي بينا و بينهم أصلاً اذا استثنينا احمد الشمراني

و اللي يا ما سب في سامي و أخرها قبل سنتين ووصلت انه يحرض

نواف لأخذ الكابتنية من سامي .. بحجة انه الاحق !!!!

لكن بما انه الان حليو و ماشي معنا بالتي هي احسن .. نعتبره محايد ... مع محمد العبدالله


و قمة الحياد عندنا في المملكة انك ما تسب الهلال ...

مشكور ابو ساري و لا عليك من احد قل اللي تبي تقوله و خلهم بوجهي