#31  
قديم 28/09/2005, 08:51 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
هلالي الربع الخالي ...

لو ترجع للموضوع زين وتقراه وتمخمخ عليه ..

بلتقى انه مافيه أحد قال لاتشجع الاهلي او الاتحاد او غيره .

شجع اللي تبي ... لكن الموضوع كانت وجهة نظر أيدوها أغلبية اللي ردوا ..

وشرحت وش أسباب الرفض .. وزادوا الأعضاء وماقصروا والله ..

ولكن أخوي .. أن تتم توأمة الجمهور بالشكل العلني هذا وكأننا في حرب ...

هذا يسمى تعصب ...

أن تقول لازم نوحد الجمهور عشان الإتحاد والنصر موحدين جمهورهم هذا شي غبي ...

أن تقول احنا واحد عشان كاتب وبعض الاعضاء الاهلاويين اللي هم تاج راسنا هذا شي مايدخل عقل ..

أن تقول ان الهلال محتاج لجماهير مزيفة تحضر ليس لأجل الهلال إنما لعداوة مع الفريق الجار هذا شي مانرضاه

أخوي ماقلت لاتشجع الأهلي .. شجعه ..

لكن لاتطالب الجماهير اللي ماتشجعه بتشجيعه ...

وأنا ما أطالب بعد بعدم تشجيع الأهلي ..

أنا قلت خلوا كل واحد براحته .. لاتخربون طعم التشجيع بشي غبي مثل هالشي ...

ياليت تفهم وجهة نظري .. ولا تقول اني اصادر ميول أحد مثل ماقلته انت قبل شوي ...


تحياتي
اضافة رد مع اقتباس
  #32  
قديم 28/09/2005, 11:04 AM
زعيــم فعــال
تاريخ التسجيل: 26/09/2005
المكان: كل الأماكن
مشاركات: 297
يا أبو ساري رايك عقلاني
ولكن
النوايا دامها بالحنايا ما تشاف // خلها لين الزمن يفسرها وتعرف مفهومها
على قولة رشيد الدهام الله يذكره بالخير

أو كا جاء في الأثر : (( لا ضرر ولا ضرار ))

يعني خل كل شي بوقته حلو .. يا حلو

وتوحّد الأندية في المباراة هذي بالذات قدام سلطان الخير أمير الشباب
يعتبر منظر حلو قدام راعي المباراة لأجل نظهر بصور مميزة بإذن الله

وأختمها بمثل ما قلت أنت : هذي وجهة نظري
اضافة رد مع اقتباس
  #33  
قديم 28/09/2005, 12:52 PM
زعيــم فعــال
تاريخ التسجيل: 02/11/2003
المكان: الرياض
مشاركات: 388
Wink

مشكلتكم تنسون بسرعه إرجعو للتاريخ وتلقون الرد
تحديدا من 1998 وطالع
كان التنافس محصور بيننا وبين الأهلي على كل البطولات وأتذكر منها بطولة المؤسس

حرام نظلم الأهلاويه لأنهم بصراحه ورغم تنافسنا معاهم طول هذيك السنين لم نسمع أو نشوف إساءات زي الي جتنا من الأصفرين ولذلك لا وجه للمقارنه ,, الأهلي ممكن نتماعط معهم الشوش إذا التنافس بيننا على بطوله لكن مستحيل يسيؤون لنا لما نواجه فرق أخرى مثل ما يسوون جماهير الأصفرين الي أغلب الأحيان ينسون فريقهم علشان يسيؤون لفريقنا وهذا ما شفناه من الأهلي وجماهيره أبدا رغم التنافس على مر السنين

أما من يقول تعصب أو ما يصير تشع ناديين ومستشهد بالبزارين يا ليت تكبرون عقولكم وطبيعي إن يكون لك ميول رأيسيه وميول ثانويه

عن نفسي أنا أشجع الهلال وبعد الهلال أطرب لفريق الأهلي وهذا الموقف له أكثر من عشر سنين ولن يتغير علشان لاعب أهلاوي أخطأ أو حتى مشجع أهلاوي أخطأ

وللتذكير لمن يقول الهلال ما سانده أحد وإننا أخذنا أكثر من نص الملعب بجده فأقولك الشكر لعشاق الأهلي الذواق الي يميل للعب الحلو ولن يجد أفضل من لعب الهلال على مساندتهم الي كل من يحضر المبارياة يشوفها بشكل وااااااااااااااااااضح

أختلف معاك يا أبو ساري بتوجهك جمله وتفصيلا ويا ليت نبعد عن هالتفكير نهائي

كأنكم تقولون أنا ومن بعدي الطوفان وهذا قمممممممممممممممممممة التعصب وقعتو فيه من غير ما تحسون

أرجع وأقول مواقف جماهير الأهلي شبه ثابته لها أكثر من عشر سنين وإن حصل ما يعكر صفوها من وقت لوقت بس دايم ترجع المياه لمجاريها

ثانيا شباب ملحوظه بسيطه للكل
النقد البناء شيء ممتاز وإختلاف وجهات النظر صحي ومطلوب لكن عرض رأيك إنه هو الصح والباقين ما عندهم سالفه هو قمة الخطأ

أرجع وأقول الأهلي الأقرب لقلبي بعد الهلال وإذا الهلال ما أخذ اي بطوله فأتمناها للأهلي مهما كانت هذه البطوله ويضل هذا رأيي الشخصي الي يحتمل الصح والخطأ
شكرا على الموضوع يا أبو ساري ووجهة النظر وإن ما إتفقت معاك فيها
اضافة رد مع اقتباس
  #34  
قديم 28/09/2005, 01:43 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
محبوبكم

هلا وغلا محبوبكم وأشوف التوقيع أوكي ;)

مشكور أخوي ...

والنوايا مايعلمها الا رب العالمين ...

ورأيي هذا ماراح يأخر شي .. ومثل ماقلت بيجيك كلامي بالآخر ..

ووجهة نظري مقتنع فيها .. والأيام بتثبتها ...

ألف شكر على المرور ومثل ماقلت أخوي ...


......................................


AlTiger

هلا وغلا أخوي تايقر ..


راح أرد عليك ... مع اني أشك إنك قريت الموضوع فقط رديت على العنوان ...


حرام نظلم الأهلاويه لأنهم بصراحه ورغم تنافسنا معاهم طول هذيك السنين لم نسمع أو نشوف إساءات زي الي جتنا من الأصفرين ولذلك لا وجه للمقارنه

بصراحة الاتحاد فقط من هالسنة اللي راحت شفت منهم الإساءة ..

أما نادي الأهلي .. فمجموعة كبيرة من جماهيرهم اللي أنا معايشهم ..

في منطقة القصيم ... وفي المنطقة الشرقية ... في فترة من الفترات ...

كانت تكره الهلال حتى النخاع ..

بالعكس كان نادي الهلال جنبا إلى جنب مع الاتحاد من ناحية الاندية المكروووهة لدى الاهلاويين ..

هذا تعليقي على النقطة هذي .. وصدقني أنا ما توقع إنك عايشت أهلاويين ...


أما من يقول تعصب أو ما يصير تشع ناديين ومستشهد بالبزارين يا ليت تكبرون عقولكم وطبيعي إن يكون لك ميول رأيسيه وميول ثانويه

كلامك صح .. وانا عن نفسي مالي ميول جميع الاندية سواسية ..

ومايعني اني اكون مالي ميول أقول لكم لايصير لكم ميول .. انا مافكرت بهالشكل ..

لكن .. أنا اللي أعترض عليه ... إن الموضوع صار رسمي ...

وطلع من طور ان مجموعة تميل لناس وناس ..

طيب فيه ناس تميل لنادي الاتحاد .. ليه ماتطالب بتوحيد الرابطة ...

فيه تميل للشباب .. ليه ماتقول نبي نكون شباب اتحاد واحد ..

أليس من حق اللي يميلون لغير الاهلي من الجماهير الهلالية المطالبة مثلكم بتوحيد التشجيع مع فريقهم المفضل ؟؟

أخوي مايعني انك تصير انت ومجموعة تميلون للأهلي .. انك تطالب الجماهير كلها بهالشي ..

أنا ماعترضت على ميولك بقدر ماعترضت على رسمية القرار وإلزام الجماهير فيه ..

أتمنى تكون فهمت كلامي من ناحية نقطتك...



عن نفسي أنا أشجع الهلال وبعد الهلال أطرب لفريق الأهلي وهذا الموقف له أكثر من عشر سنين ولن يتغير علشان لاعب أهلاوي أخطأ أو حتى مشجع أهلاوي أخطأ


هنا يجي كلامي قبل شوي .. أنت تميل للأهلي وقلت لنا انك تبي توحد التشجيع ..

طيب واللي يشجع ويميل ويطرب للاتحاد .. واللي يشجع ويميل ويطرب للشباب ..

ليه مايطالبون مثلك بتوحيد الرابطة .. ليه الانانية هذي وفرض رأيكم كناس تحب الاهلي ..

هنا يجي كلام البزارين اللي قبل شوي تكلمت عنه .. يعني تشوفون وش تبون انتم وتنسون باقي الجمهور


وعلى فكرة الشبابيين علاقتهم بالهلال قوية .. ..







وللتذكير لمن يقول الهلال ما سانده أحد وإننا أخذنا أكثر من نص الملعب بجده فأقولك الشكر لعشاق الأهلي الذواق الي يميل للعب الحلو ولن يجد أفضل من لعب الهلال على مساندتهم الي كل من يحضر المبارياة يشوفها بشكل وااااااااااااااااااضح


أخوي لو كانت المباراة بجدة بين الهلال ونادي الوحدة والا الانصار والا اي فريق ..

بتحضر الجماهير الأهلاوية ؟؟

فقط لأنها ضد الاتحاد حضرت ... كرها في الاتحاد لا حبا في الهلال




كأنكم تقولون أنا ومن بعدي الطوفان وهذا قمممممممممممممممممممة التعصب وقعتو فيه من غير ما تحسون

بالعكس أخوي هذا دليل إنك ماقريت الموضوع .. صح

لأني قلت وكررت .. لا أكره الأهلي .. ولا أكره الاتحاد .. ولا أكره أي فريق ..

لكني أحب الهلال ..

وأتابع الكرة الجميلة ... يعني نصر اتحاد اهلي شباب كله واحد مايهموني ..

بالعكس خارجيا اكون أي شي ... أكون نصراوي لو شارك النصر خارجيا ..

هل تسمي هذا تعصب ؟؟





ثانيا شباب ملحوظه بسيطه للكل
النقد البناء شيء ممتاز وإختلاف وجهات النظر صحي ومطلوب لكن عرض رأيك إنه هو الصح والباقين ما عندهم سالفه هو قمة الخطأ


صحيح أخوي كلامك .. وأنا مافتحت الموضوع إلا عشان نتناقش فيه ...

وليس الغرض إني أقول أنا صحيح .. وأنتم خطأ ..

وليس الغرض إني أقول من خالفني ماعنده سالفة .. ومن وافقني أحسن واحد

بس عندي فكرة .. ومقتنع فيها ... وحبيت أوصلها لكم بس ..

وكل انسان له وجهة نظر .. وينظر للأمور بوجهات نظر مختلفة ...

وأنا مقدر هالشي أخوي .. واحترامي لكل وجهات النظر ...





أرجع وأقول الأهلي الأقرب لقلبي بعد الهلال وإذا الهلال ما أخذ اي بطوله فأتمناها للأهلي مهما كانت هذه البطوله ويضل هذا رأيي الشخصي الي يحتمل الصح والخطأ
شكرا على الموضوع يا أبو ساري ووجهة النظر وإن ما إتفقت معاك فيها


في الختام أخوي احترم ميولك .. ولكن اللي ميولة غير أهلاوية ..

هل تفرض عليهم مسمى ( أهلي - هلال) لمجرد إنك أهلاوي ؟

أنا قلت لك شجعوا اللي تبون بس لاتخلون الصورة رسمية ...




في الختام أخوي وبما إنك ماقريت الموضوع ..

أحب أقول إن فكرة الاحزاب هذي .. أندية ضد أندية .. قمة التعصب ..

ويجعل همك المنافس بعدما كان همك الهلال ... <=== ركز على هذي





تحياتي لك أخوي
اضافة رد مع اقتباس
  #35  
قديم 28/09/2005, 01:53 PM
زعيــم فعــال
تاريخ التسجيل: 01/09/2005
مشاركات: 491
إقتباس
الرسالة الأصلية كتبت بواسطة زعيمووف
انا ابصم على كلام ابو سارى. نحن لا نحتاج احد ففى جده ناصفنا الاتحاد الملعب بدون تعاطف او منه من احد

فجمهورنا فى كل مكان. ولدينا القدره على تسييّر حافلات لجميع المناطق..


فكونا من المجاملات التى عفى عليها الزمن..




اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:50 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube