#16  
قديم 27/09/2005, 02:12 PM
الصورة الرمزية الخاصة بـ الحضاري
زعيــم مميــز
تاريخ التسجيل: 17/09/2004
المكان: الرياض
مشاركات: 3,962
تمام عليك ابو ساري هذا الكلام السنع صح لسانك
اضافة رد مع اقتباس
  #17  
قديم 27/09/2005, 02:24 PM
زعيــم جديــد
تاريخ التسجيل: 10/09/2005
مشاركات: 5
أختلاف الرأي لا يفسد للود قضية

بسم الله الرحمن الرحيم

أول شيء احب اقوله ( أبارك للشعب السعودي حلول شهر رمضان المبارك جعلنا الله من صيامه وقيامه آآآآآآآآآآمين . ولجميع أعضاء المنتدى والزوار والهلاليين ) .

- - ثانياً سبق وأن أبديت رأيي في هذا الموضوع قبل أمس عندما طرح أحد الأعضاء ( جزره ) الفكره بتوحيد العلمين الهلال والاهلي . وقلت لا يصح الا الصحيح علم الهلال فقط ولا دخيل عليه ولا اقصد بالتعصب حنا بنحضر المباراة لتشجيع الزعيم ودعمه لم نحضر لكي نخبر العالم والناس والمشاهدين بتعاطفنا مع الاهلي او فسرها اخي القارىء العزيز كما بدا لك .

لا يوجد هناك شخص يحب نادي ويحضر المباراة ومعه علم لنادي اخر أو فريق يكون الخصم في المباراة . أرجو من القراء الغاليين عدم فهمي لتعصبي وهذا حق مشروع بس اللي ابي اقوله بأختصار .









لا لا لدمج العلميين . الرجاء منكم ان تتفهمو الموقف .

أنا مع رأي أخوي أبو سااااري

ولكم تحياتي ،،،،

اضافة رد مع اقتباس
  #18  
قديم 27/09/2005, 02:28 PM
الصورة الرمزية الخاصة بـ الهلال موتي
مشرف سابق بمنتدى الجمهور الهلالي
تاريخ التسجيل: 20/08/2005
المكان: تركيا
مشاركات: 12,937
الهلال ... وبس

مع إحتــــرامي " الشــــديد " للأهلي
اضافة رد مع اقتباس
  #19  
قديم 27/09/2005, 02:30 PM
زعيــم فعــال
تاريخ التسجيل: 28/07/2005
مشاركات: 466
انا ارشح التوأمه مع النصر لانه اضعف من الاهلي لانها صارت موضة بعد ما كان الاتحاديين ناشبين في الهلال ايام صلاح المولد و عبدالله فوال صاروا المنافسين وطلعوا على حقيقتهم بعد ما خفت حملات الجوازات والبلدية
اضافة رد مع اقتباس
  #20  
قديم 27/09/2005, 02:54 PM
زعيــم مميــز
تاريخ التسجيل: 15/02/2005
المكان: الرياض
مشاركات: 1,839
والله اذا تبون الكلام الجد

اتمنى من جماهير الهلال كلها حب نادي الهلال فقط ولكن عدم كره اي نادي سواء كان الاتحاد او النصر او الاهلي الخ

يعني تشوف لعبهم وتشجعم اذا كانوا يلعبون خارجيا لكن داخلين خلهم تتفرج عليهم عشان توسع صدرك بس

ولكن حب الهلال يبقى لانه عشق الاول واعتقد ان الاخير
<<<<< توه شايف فلم مكسيكي

مشكور ابو ساري على موضوعك الحساس والمهم في نفس الوقت
اضافة رد مع اقتباس
  #21  
قديم 27/09/2005, 02:55 PM
زعيــم نشيــط
تاريخ التسجيل: 25/03/2005
المكان: عروس البحر
مشاركات: 557
ارفع راسك انت هـــــــــــــــــــــــــــــــــــلالي
اضافة رد مع اقتباس
  #22  
قديم 27/09/2005, 03:05 PM
الصورة الرمزية الخاصة بـ أبو ميرا
مشرف منتدى الرياضه السعوديه
ومنتدى المنتخب السعودي
تاريخ التسجيل: 23/06/2004
المكان: الرس - القصيم
مشاركات: 5,037
اخوي ابوساري حنى هلاليين الى آخر لحظه بس نتعاطف مع الاهلي
ويكفي ابوسلطان تكلم عن جماهير الاهلي
والي معجب فيه ابو سلطان انا معجب فيه ولو كان الاتحاد او ارسنال (اكره شي عندي ارسنال)
الاهلي فريق محترم ويستحق الاحترام
ابوساري انت شجع الهلال ولا لك دخل بالاخرين انا اشجع الاهلي (بعد الهلال طبعا) عشان كلام ابوسلطان
اضافة رد مع اقتباس
  #23  
قديم 27/09/2005, 03:12 PM
زعيــم مميــز
تاريخ التسجيل: 17/05/2005
مشاركات: 1,972
هلا فيك اخوي ابو ساري



صراحة موضوع غاية في الاهمية حيث يظهر انه في قمة التعصب لكن اعتقد ان موضوع اهلي هلال واحد هو قمة التعصب ... الحين واحد ينط علي ويقول شلون ؟؟ ... نقول له شلون ...

اهلي هلال واحد ... نصر اتحاد واحد .... وحده احد واحد .. الى اخره هذا هو مايعرف بالتحزبات .. ولو فرضنا ان كاتب قال الحق في النادي الاخر المتوحد معه .... اعتقد انه ستقوم قيامته هذا خائن وهذا يمثل جماهير ناديه اذن فهم خونة ... وعلى هذا الحال ... ومثل ماقال ابو ساري اليوم معك وبكره عليك على حسب المصلحة ....

لكن لو نشجع الهلال لوحده ... ونتابع اللعب الحلو .. حتى لو من النصر نفسه لكنا الحين بالف خير ...

ومع ذلك التعصب مازال ولا يزال ....





ومع ذلك كله والكلام واللقاءات التلفزيونيه مع احترامي لك ابو ساري .... كانك يازيد ماغزيت

وانت افهم بكيفك وفسرها بهواك .....
اضافة رد مع اقتباس
  #24  
قديم 27/09/2005, 05:05 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
ألف شكر للي أبدوا تعليقهم ورأيهم بالموضوع لحد الان ...


هـ د ف 9 9 9

مشكور على ردك أخوك هدف ...

وبصراحة العملية كذا .. يعني دامك أقوى يكونون معك ..

والأخ جزرة أشكره أشد الشكر لحبه للهلال ..

ولكن مايعني حب مجموعة من الاهلاويين للهلال او مجموعة من الهلاليين للاهلي توحيد الجماهير

والموضوع وردود الاعضاء تشرح لكم الاسباب ..

تحياتي لك أخوي هدف وألف شكر

...............................

حمتو123

ألف شكر على كلامك ... وهذي نقطة بعد

ان مقولة هلال واهلي واحد .. ونصر واتحاد واحد .. هي دعوة للتعصب

مشكور حمتو وردك جدا رائع

ولكن عندي هالنقطة .. معليش ياليت توضح لي اكثر ;)

ومع ذلك كله والكلام واللقاءات التلفزيونيه مع احترامي لك ابو ساري .... كانك يازيد ماغزيت

ألف شكر حمتو وانتظر رجعتك ...

....................................


زعيمووف

كلام سليم ...

جماهير الهلال بكل مكان ...

ومانمنع اي انسان من حب الهلال ... لكن اننا نوحد الانتماء هذا غلط ..

تحياتي لك ومشكور على وجهة نظرك أخوي وردك في الموضوع

...................................


i-vip

أنتظر رجعتك

....................................

عاشق الزعيم من اليمن

هلا وغلا اخوي عاشق ...

فعلا استغرب شخص يشجع ناديين .. حتى لو كان الهلال الاول والاهلي الثاني ..

واشوف انها شي غير طبيعي ..

وكلامك وكلام حمتو على ان ثنائية التشجيع ضد أحد قي قمة التعصب ..

وان شاء الله الاخ جزرة يفهم كلامي ... ويعرف اني موب القصد كره بالاهلي ..

ولكن القصد ابعادنا عن الدخول بنفق حرب لاتنتهي مع جماهير الاندية الاخرى غيرالاهلي ..

تحياتي لك أخوي وشرفتني في الموضوع ...

...............................

هلالي للدفنة

ألف مليون شكر هلالي على صوتك ...

وألف مليون شكر على مرورك

.................................


سـ الزعيم ـام6

اخوي الهلال الفريق الوحيد اللي وقفت ضده جميع الجماهير ..

وأسألني عن مباراة النصر ..ومباراة الشباب الأخير في النهائي ..

ورب الكعبة كانو نصراويين واتحاديين واهلاويين ...

ولكن ماقلت نكره أحد .. انا قلت خلونا من الاندية الثانية ونبقى للزعيم ..

تحياتي لك أخوي ومشكور على مرورك

..............................

هلالي مررره

الحمد لله اخوي ان الفكرة موب براسي لحالي ..

وان فيه كم شخص فكر بنفس التفكير ...

الله يعطيك العافية أخوي ..

وألف شكر على المرور

...........................

الفارس المعصب

تشكر على ردك أخوي ..

فعلا ونقطة ذكرتها ... من تنتهي المباراة .. تروح هلال أهلي ..

ولذلك فكونا من اول شي .. وخلونا بالزعيم ...

الله يعطيك العافية على مرورك وردك

........................................


راسن ..

و قمة الحياد عندنا في المملكة انك ما تسب الهلال ...

دربك خضر أخوي .. وصلت خير وربي

يعطيك العافية على ردك وماقصرت .. ;)

وشرفني مرورك وتعقيبك

............................................

الحضاري ..

صح بدنك يالغالي ..

وألف شكر على كلامك السنع ..

ومرورك السنع

........................................

دربك أزرق ..

الله يبارك بعمرك .. والله يحل رمضان علينا ونتمه بإذن الله


ألف شكر على رأيك ...

وملخص كلامك لا لثنائية التشجيع ودمج العلم

مشكور وماقصرت على المرور


.....................................

الهلالي موووت ..

تشكر اخوي ..

والهلال وبس

ماقصرت على المرور

...................................

هلال1425

النصر متتوأم مع الاتحاد

الله يعطيك العافية على المرور أخوي

وماقصرت وربي

.................................

هلالي شقراء

هلالي نفس الفكرة وربي

يعطيك ألف عافية على المرور والتعقيب ..

ماقصرت أخوي

...............................

mshaks

رافعين الراس صدقني من عرفنا الزعيم

مشكور اخوي على المرور

...............................

زعـيـم 15

ألف شكر زعيم على المرور ...

ووجهة نظرك نفس وجهة نظر الاخ حمتو

تحياتي لك أخوي وماقصرت









===============================




وتعقيب على بعض الردود


عزوزي ...

لا معليش اخواني الموضوع فيه مبالغة كبيييييرة ولايمكن انك تصنف فعل فردي من لاعب اومشجع

وتعممه على كافة لاعبي او جماهير الاهلي


أخوي أول شي انت قلت فعل فردي من لاعب او مشجع ...

هل كل جماهير الاهلي تعشق الزعيم ؟؟ ..

انت قلتها ... لا تصنف فعل فردي ... والاخ جزرة ماقصر والله .. والشمراني بعد كاتب مميز ..

بس افعالهم فردية ... واغلبية جماهير الاهلي ماطالبوا باهلي هلالي واحد ...

ومايعني اننا نوحد الجماهير عشان شي فردي

يعني الاخ جزرة .. والشمراني .. اشياء فردية مثل ماقلت انت ...


مقارنة بعلاقة النصر والتشاد بالهلال وبالتالي استناتجيا ان الاهلي هم الاقرب لجهور الهلال

أخوي العملية موب دوري حواري .. هذي اندية ... يعني النصر والاتحاد بكيفهم بيصيرون مع بعض

النصراويين يبون بطولات ... فما لهم الا الاتحاد كفريق قوي ...

يعني لاتلومهم لو اتحدوا ... ولكن مايعني نستنتج ونمخمخ ونقول الاهلي الاقرب ..

كل فريق له استقلاليته ... من ناحية الجمهور ... والجمهور الضعيف المحتاج هو اللي يلجأ لتوحيد التشجيع عشان يخفف من معاناته


عالعموم انا اتمنى شي واحد ان احنا نطلع بعد مباراة

النهائي بدون زعل من بعضنا مهنئين الفائز مع تمنياتي بأن تكوون هلااااااااااالية بإذن الله


أكيد وأنا أتمنى هذا ... ولكن موب عشان الاهلي .. لو لعب الهلال مع اي فريق كان اتمنى نطلع مهنئين الفائز وهارد لك للخاسر ..

طبيعي ان يتعصب الفرد لفريقه ولكن بعد ان تهدأ الامور ترجع الامور لنصابها السابق

ولا وش رايكم ؟؟


وش الفايدة أجل دام بيكون فيه تعصب قبل ووقت وبعد المباراة ..

أجل مانبي لهم شي



...............................


سبانيش آيز ..


ليش ما تشوف الموضوع انه بادرة لتحسين العلاقات بين الاندية السعودية

الموضوع هذا أبدا مايحسن العلاقات .. بالعكس يعطيها أبعد مما هي عليه

يعني القضية صارت حرب ... حزب وحزب على حزب وحزب

فما فيه تحسين


يعني عاجبك الي صار بين جماهير الهلال والاتحاد من تراشق فاق المنتديات والصحف

وتجاوز الجماهير ليصل لللاعبين


أبدا مايعجبني .... بس تتوقع بتوحيد التشجيع مع الاهلي ... راح يكون فيه مودة بين الهلال والاتحاد ؟

تخيل ان لعيبة الاتحاد صاروا ما يطلعون الكورة لما لاعب هلالي يصاب وحتى لما الهلال يطلع الكورة ما يرجعونها

مشكلة ان يصل التعصب الى لعيبة النادييين

انا ما قد شفت حركة مثل هذي في كل ملاعب العالم

بل ان الاتحاد الانجليزي اعاد مباراة بين الارسنال وكريستال بالس على ما اعتقد

بسبب ان لاعب الارسنال لم يقم باعادة الكرة للخصم الذي اخرجها لعلاج لاعب مصاب فارتدت الهجمة وسجل منها الارسنال هدف


التعصب موب زين أبد واتمنى الروح الرياضية تسود أجواء الدوري السعودي

لكن وش دخل كل هالكلام بتوحيد الجمهور (( الهلال - الاهلي )) ؟

اذا قصدك ان توحيد الجماهير راح يخفف التعصب ... فهذا خطأ

راح يرفعه لمعدل كبير جدا .. لأنك تقول الهلال والاهلي .. ضد ... الاتحاد والنصر



لذا يجب وضع حد لهذا التعصب وجعل التنافس يقتصر على الملعب والمنتديات ان كثر

صحيح وأنا قلت هالشي ..

قلت اتركونا من تشجيع الغير والدخول في حرب كروية ونكون حزب مع ناس وناس ضد ناس وناس

بالعكس انا قلت في الموضوع خلوا الفرق كلها سواسية تابع اللعب الجميل فقط .. وشجع الهلال

وتشجيع الاهلي فقط .. راح يزيد الكره للهلال من باقي الاندية

وين الشباب والقادسية والاتفاق وباقي الاندية ...؟



.....................................

هلالي ألماااااسي ..

بصراحة كان بودي انك تعلق على الموضوع ..

لان بدون تعليق يعني الموضوع مايستاهل ولو تشوف كذا حقك علي ..

وألف شكر على المرور


........................................

هلالي ساامي

نفس الكلام اللي قلته لسبانيش اقوله لك أخوي

ألف شكر لمرورك ..

........................................

أبو ميرا

لو هي علي كان ماكتبت الموضوع .. بس انا عندي رأي وفكرة وأحاول أقنعكم فيها ..

عاد اقنعتكم او اقنعتوني .. موب مهم .. اهم شي اخلص ضميري واقول اللي عندي .. ;)

واذا تبي تشجع الاهلي ماقلت شي وربي ..

ومثل مانتم تطالبون بتوحيد التشجيع .. انا اطالب مثلكم بعكسه ..

يعني لاتقول خلك ساكت .. ليه ماتسكتون انتم وتخلون اللي بيشجع يشجع واللي موب مشجع لايشجع

يعني موب منطق تقول لي اسكت بينما الكل يطالب ..

وانا وجهة نظري معارضة ويجب يوصل ردي ... ورد غيري من لهم نفس الرأي ;)

يعطيك العافية ابو ميرا واسبابي اقراها يمكن تقتنع ;)

واذا ماقتنعت اقرأ ردود الشباب ..

اذا ماقتنعت حرية شخصية ورأيك احترمه ابو ميرا وتاج راسي وربي

الف شكر على المرور




أتمنى من الاهلاويين عدم اخذ الموضوع شخصي ... بس مع اي نادي هذي وجهة نظري
اضافة رد مع اقتباس
  #25  
قديم 27/09/2005, 05:56 PM
زعيــم مميــز
تاريخ التسجيل: 23/10/2003
مشاركات: 1,612
[align=center] .. [ مـدخـل ] ..

يقـول زميلي أفلاطون :

عندما تحب فإنك تحب لسبب .. وعندما تكره فإنك تكره لألف سبب !

_________________________________


قبل أن أخوض في بطن اللي جاب موضوعك ..

اسمح لي ..

أن أعلنها وبكامل قواي العقليه واللا عقليه ..

أننـي أنا ألهلالي أبو سارة .. أصالةً عن نفسي وميادة بعد ..

ونيابه عن كل صاحب منطق ..

أن أقـول :

حــبــيــتـــك ..

آي لوف يووو فري قووود أكسيلنس

ثم أوافقك وبقوة على ما طرحت ..

بل وأشد على يدك .. ومن شدة موافقتي لك أخشى أن أمصعها لك :p


والآن لـ ننتقل إلى الجـد ونتـرك الهـزار .. فمـا في الهـزار إلا الـنـزار ---> باللي هو به سجع


__________________________


الهلال شامخ لوحده ..

أتى بعد تأسيس الأتحاد بـ ثلاثين سنه !!

أتى بعد تأسيس الوحده والأهلي بـ عشرين سنة !!

أتى بعد تأسيس الشباب والنصر بـ خمس سنين !!

أتى هـذا اليـافع والطيور طـارت بأرزاقها ..

كـل نـادي قديم خلق له شعبية وظفر بـ بطولات !!

ولكن يالسخرية القدر ---> اخس يابو سارة ;)

نعم يالسخرية القدر عندما ( سرق ) هذا اليافع الأزرق والحديث عهد بالتأسيس كل الأضواء ..

وأصبحت جماهير الفرق القديمه ( تنساب ) طواعيةُ نحو تشجيع هذا الأزرق وحبـه ..

ثم يا لسخرية القدر ---> أنثبر أزعجتنا

لم يكتفي بأخذ جماهيرهم وانفراد بالشعبية الأولى ..

بل ( احتكر ) بطولاتهم .. وفي غضون ( أتعب مع غضون هذي ) .. نعم في غضون فترة

وجيزة لا تتجاوز الخمسة والعشرين عام ..

أصبح هذا اليافع الأزرق زعيم البطولات .. وصاحب الشعبية الجارفه ..

ومرت خمسة وعشرين سنة أخرى .. ( صاروا خمسين ) ..

ومازال الزعيم ينفرد بشعبيته اللا حدوديه .. وبطولاته اللا عدديه ;) ..


بعد كل هذا ..

بعد كل ماتقدم ..


بعد كل ماذكرت ..


يأتي أحدكم لـ يقول: النادي الفلاني - أياً كان لونه - يموت في الهلال ..

لـ يسمح لي هذا أن أقول له وأنا في كامل قواي العقلية والجسديه:

أخـي العـزيز المثـالي.. ألا طـرت من مـخـي .. وأقلـعت عن سـمــاي


الكرة الآن ليست كالسابق !!

مجرد صحف وصحفيين أصحاب ميول ..

الكرة الآن منتديات ..

كأنك تحاور مشجعين في مجلس مفتوح ..

الله لا يهين اللي جاب مندوبكم .. روحوا تؤبروني انشالله لمواقع ومنتديات هالأنديه كلها ..

والله العظيم حتى منتدى الاتفاق ..

ستجدون اللغة واحدة ,, والطرح نفسه .. الهلال الممقوت الأول ( الله لا يلومهم ) !!


الاتحاد في وقت من الأوقات ( تلزق ) فينا أيام مصارعته الهبوط ..

وأول مانبت له ريش .. وجاهم البلوى .. انقلبوا 180 درجه ..



قيسوا على هذا كثير ..



أحب جزرة .. أحترمه .. لكن قلتها له من فتره :

أنت حالة استثنائيه .. وتعرف في دواخلك أن ربعك مو مثلك ..


أيضاً لا أخفي استنكاري لما سيكون في رمضان وهو العلم الواحد !!

عندما تكون حلف أو تحزب فأعلم أنك الأضعف.. ولا تواجه الأقوى !!

بالله عليكم .. الاتحاد يخوفنا؟ مو حنا اللي ( صفعناه ) من كامل الموسم الماضي وأهديناه العربيه!

بالله عليكم .. النصر يخوفنا؟ مو حنا اللي ( انتدبنا ) له رديفنا فـ جعلهم شذر مذر فذر



أحترم الأهلي كما أحترم غيره ..

لكن لايعني هذا أن أقول أنه وهلالي واحد !! -----> فيها قبايل وصلب بعد


ولا يعني هالكلام كرهي للأهلي..

لا والله ..

لكن لأنه تم التطرق له ..

ولو خرج علينا واحد وقال:

هلال وشباب واحد .. أو هلال وأنصار واحد !!

راح أقول نفس الكلام : معصي ;)


أدري أن كلامي ( زعل ) أمة الصمد ..

ويمكن يخش في عيني واحد ويقول يامندس انت اتحادي أو نصراوي تحاول تخرب العلاقة الراقيه!!


أحب أجاوبه من الآن:

يا روح ماما هي خاربه خاربه . لا تخلوني أشرقها وهي غاربه ;)


__________________________


برايفت عيون اسبانيه:

لا تنكر أن حلاوة مباريات الهلال والاتحاد حالياً.. هي نتيجة التأجيج الاعلامي ..

اذا تبي الكورة مثاليه .. وحب .. ولا فيها تعصب ..

اسمح لي أقول : خلاص مانبي دوري .. ونجتمع في مجالس ونسولف ونصير حبايب وبلاش كورة ;)



............................


يقول راكان بن حثلين شيخ العجمان :

ماقل دل وزبدة الهرج نيشان .. والهرج يكفي صامله عن كثيره ..

بإختصار إذن :

أهلي- اتحاد - نصر - شباب - اتفاق- قادسيه - طائي -أحد - انصار- شعله - ضمك - الكوكب-

نجران - سدوس - رياض - الوحده - أبها - الرائد - تعاون - الكوكب .......... الخ !!

كـلــهــم واحـــد ..

والهـــــــــــــــــلال ..

بالقلب واحــد ;) ----> ( أمحق اختصار تعرفه )

معليش اخوي بو سارى . . طولت عليك السموحه ..

أدري ان هذا ماصار رد .. وإنما رسالة ماجستير.. بس السموحه ..

تحياتي القلبيه واللا قلبيه ;) [/align]
اضافة رد مع اقتباس
  #26  
قديم 27/09/2005, 06:10 PM
زعيــم نشيــط
تاريخ التسجيل: 25/05/2005
مشاركات: 618
إقتباس
لا تنكر أن حلاوة مباريات الهلال والاتحاد حالياً.. هي نتيجة التأجيج الاعلامي ..

اذا تبي الكورة مثاليه .. وحب .. ولا فيها تعصب ..

اسمح لي أقول : خلاص مانبي دوري .. ونجتمع في مجالس ونسولف ونصير حبايب وبلاش كورة


هذي حلاوة الكرة كما قال الاستاذ الشهير عدو الجماهير :p ابو سارة


دمتم سالمين ..!!
اضافة رد مع اقتباس
  #27  
قديم 27/09/2005, 06:22 PM
زعيــم فعــال
تاريخ التسجيل: 08/03/2005
مشاركات: 493
والله العظيم اني يوم سمعت هالكلام ... حسيت بشوي سخافة ... سوري على الكلمة بس احساسي


الهلال ...... زعيم اسيا ...... ثالث قاعدة جماهيرية آسيوية

يطلب ود نادي آخر ... ويستفزع بجماهيره ؟؟؟؟


الهلال ....... اللي بكل مدينة وكل محافظة وكل قرية تلقى الجماهير الهلالية مناصفة مع عدد السكان ...

يوحد كلمة هلال مع أي نادي ثاني ...


اوافقك بكل كلمة قلتها ______ حنا جماهير النادي والانتماء الواحد والهلال مكفينا وزيادة بالافراح والليال الملاح وما فيه اي نادي بالددنيا يفرحني كثر الا المنتخب والانتماء الوطني
اضافة رد مع اقتباس
  #28  
قديم 27/09/2005, 08:23 PM
زعيــم متألــق
تاريخ التسجيل: 07/09/2005
المكان: كــنــدا
مشاركات: 1,455
اضافة رد مع اقتباس
  #29  
قديم 28/09/2005, 03:51 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
الهلالي أبو سارة ..

تمت الموافقة على المعروض المقدم

يابعد قلبي والله ..

صدقني قسم قسمات ودي أحذف الموضوع وأحط ردك

والله الهلال لامحتاج نادي ولا تعاطف مع أحد مثل ماقلت ...

وهم معاك دامك مالعبت معهم .. من تصكهم بينقلبون عليك

يسلموووو أبو سارة على الرد الجميل جدا ..

وبصراحة إضااااااافة قوية للموضوع ..

ماقصرت والله أبو سارة .. والله يعطيك القوة ... وربي لو الماجستير بيدي لأعطيك وأرشحك دكتوراه


..........................................

زعيم الزمان

ألف شكر أخوي زعيم الزمان على الرد

وألف شكر على الاضافة والمعلومة

ماقصرت على مرورك


............................................

ضرماوي_هلالي

ألف شكر ضرماوي على مرورك

ماقصرت يالغلا ..

تحياتي لك أخوي

............................................

طفشاان

يعطيك العافية على مرورك أخوي ..

ماقصرت
اضافة رد مع اقتباس
  #30  
قديم 28/09/2005, 08:28 AM
زعيــم متألــق
تاريخ التسجيل: 29/08/2005
مشاركات: 1,072
انا ارى ان الموضوع عادي جدا وهذا يحدث بين كثير من الاندية والحكاية كلها تقاطع مصالح؟ يعني كلنا نشجع الزعيم هنا وشعبية الهلال معروفة حتى اضحت خارج المملكة، لكن وش المشكلة او وش نخسر اذا كان زيادة الخير بركة بقصد اذا كان هناك تعاطف جماهير اندية اخرى معنا، فمثلا عندما نلعب مع الاتحاد بجده نعرف ان جماهير الهلال بجدة كثيرة ولكن لنكن واقعيييييييييين هل راح تكون اكثر من جماهير الاتحاد ( اقصد بملعب جدة ) طبعا سؤالي لغير المتعصبين00

لذلك لو كسبنا تعاطف جماهير اخرى يظل المكسب للهلال؟؟ وعموما مدري وين التعصب بالضبط هل هو ان تقبل حرية الاخرين بان يشجعون اللي ودهم او تحجر عليهم وتقول لهم مو من حقك كأهلاوي تشجع الهلال؟او ليس من حق النصراوي ان يشجع الاتحاد؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:36 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube