إقتباس الاخ يتكلم عن الكرامه واجد والله انك انت وخويك

ليه انت بايع كرامتك..!!! اعز ما للانسان كرامته ..

إقتباس شلتو كرامتكم بنفسكم اجل بالله وش فيه اللبس السعودي

الزي السعودي على عيني وراسي وصدقني انا اعتز فيه اكثر منك حتى...وبعدين ما اعتقد ان اللي يلبس غير الزي السعودي معناه انه اهان كرامته..!!! وين وش قالوا لك لابس عبايه انا ولا ماشي عريان..!!

إقتباس والله انه احسسن منذا البس الي جايبه انت وخويك عيب عليك يارجل استح

احم اول شي انا لابس ثوب وارجع واقرى وشف وش كاتب انا..!!! بعدين ماعلينا حتى لو اني لابس برمودا خير انشالله دام انه لبس او شي مايخدش الحياء فهذا مسموح لي وخصوصا اني رايح لملعب كوره مو وزاره..!!

إقتباس وين لبس اجداد خلاص

موجود...

إقتباس وانت وجهك قاعد تقلد وبس

ههههههههههههههه..يبو ترى الكوره بكبرها تقليد للغرب...مسكت على البرمودا.. بالعكس البرمودا اهون بكثير من الكوره لأن الكوره بكبرها اللعيبه لابسين شورتات ومطلعين عوراتهم..اما البرمودا بالعكس ستر..

إقتباس ابسالك ليش الغرب مايقلدون لبسنا هم عندهم كرامه افضل منك مع احترامي لك مع انك ماخليت فيه احترام

تصدق اخوي من جد كان ضايق صدري لأن بكره في الجامعه عندي دوام للمغرب..بس من جدك ردك هذا وسه صدري

ياخي والله ماعرف وش اقولك..بس هذا يدل على انك فعلا ماقريت الموضوع...وسمعت البشريه يقولون برمودا وانت وراهم...هذا اذا كنت تعرف شكل البرمودا...لكن ارجع واقرى الموضوع زين وشف عن ايش تكلمنا بعد

إقتباس كان رحت من باب ثاني وقطعت الشر

والله انا سويت مثل كلامك رحنا انا وخيي مع البوابه الثانيه وخويي نزل البرمودا شوي ودخل خخخخخخخخ والله من دلاختهم

عندنا تخلف كبير بالنسبه للامن ....

من جد والله لحوج قطاع طرق استغفر الله بعضهم من خشته ما ودك تروح للملعب ...

عندك حمير (اعذرني) ما يفهمون كيف يتصرفون وقلة ادب فيهم ووقاحه هذولي يبغالهم من يظبطهم ويشرف عليهم بكل صغيره وكبيره عشان يمشون صح ..

والله إنك صادق في كل ما قلته
لأننا جربنا هذه المعاملة أكثر من مرة، ومع الهلاليين فقط!!!!

أنا مرة دخلت مع ولد (كفيلي) وكان الولد معاه دخان،، في الحاجز الأول شالوا الولاعة ، والثاني في باب الملعب شاف الدخان معاه وقال وقف وفتشه تفتيش رهيب والله إني دخل في قلبي الخوف لا يطلع ولد الكفيل (إرهابي) من شدة التفتيش ويوقفه على جمب ،، ووالله العظيم إنه يقوله إعترف وين حطيت الولاعة بسرعة ويفتشه من أعلى رأسه إلى أسفل قدميه ، تصدقو والله إن الولد بكى من الخوف ، ( طبعاً عمره زيي 21سنة) ، أنا أقول للعسكري والله إن الولاعة شالها اللي يفتش هناك في الحاجز قال لا، إنت خويه؟ قلت إيه قال وقف جمبه ويقول طلع الولاعة بسرعة، وفتشنا الإثنين، عاد الولد يوم بكى قال خلاص بنروح البيت ما نبي نشجع ولا نبي نتفرج وطلعنا من عند العسكري وهو يتفرج، والله ورحنا البيت . (وحنا نقول حسبي الله عليك) .

أنا هنا لا أتكلم عن العسكر كلهم، فهم في المملكة العربية السعودية ما شاء الله عليهم واقفين في ثغور ومعارك مع الكلاب الإرهابيين وأثبتوا شجاعتهم وتفوقهم ونجاحهم في أكثر من مرة ونقول الله يوفقهم ويعينهم ،،، ولكن أنا أتكلم فقط عن الذين هم في الملاعب ، وملعب الملز بالتحديد.... ،،، .
ياليت الأمير سلطان بن فهد يشوف لنا حل معاهم ..

وش سالفه هالناس اللي ماعندهم الا النقط وبس

الرجال يتكلم في سالفه وانتوا تدخلتونا في متاهات الله يصلحكم

اتركوا سالفة البرمودا لأني عارف ان 80% منكم مايعرف وش هو البرمودا

المهم رجعونا لموضوعنا الاساسي تكفون

.. .. .. ..
.. .. ..
.. ..
..

للمره الـعشرين الف اقولك اني ما اتهمك بالكذب يا أخي العزيز
كل اللي ابغاك تفهمه زين من كلامي انه اللي واجهته انا بالمعامله مختلف عن اللي واجهتوه انتم..
ووضحت لك الشيء هذا كله من خلال ردي الاول والثاني.
وإذا قلت أنا ( اذا الكلام اللي تقوله حصل فعلا ) موب معناه اني اتهمك بالكذب او حتى اشكك في كلامك.
بالعكس حطيت لك مبررات وانا ماشفت اللي حصل بعيني لكن من باب الاحترام والاخوه ما ابغى اضايقك او اجرحك بكلمه.
كل اللي اتمناه انكم ماتلقون مضايقات من العسكر في اي مكان واي مباراة ولاتحسب اني احبهم ترى اكره ما اشوف هم ولي مشاكل دايما معهم لكن فيهم ناس محترمين والحق يقال.
اخر شي تعجبني اخلاقك الرياضيه في ردك الثاني علي خصوصا انك مازعلت من كلامي ولو انك مافهمته زين.

إقتباس الرسالة الأصلية كتبت بواسطة عــشــق الــكــتــابـه وش سالفه هالناس اللي ماعندهم الا النقط وبس الرجال يتكلم في سالفه وانتوا تدخلتونا في متاهات الله يصلحكم اتركوا سالفة البرمودا لأني عارف ان 80% منكم مايعرف وش هو البرمودا المهم رجعونا لموضوعنا الاساسي تكفون .. .. .. .. .. .. .. .. .. ..

[glow=FF6600][align=center]أجل لو شفت اللي صار قدام عيني
الله يجعل عيني للعمى ان كذبت رجال محترم لابس ثوب وعقال وشماغ ومشخص سعودي بعد
ومعه مجموعه اعلام زرقاء لا كتابه فيها ولا شئ وقال للجمهور اللي يدخل مع الباب ويعدي البوابه ياخذ علم
قام العسكري الللي حتى الان ايديني للحين ودها بكف في وجهه وأخذ الاعلام ورماها قال له المحترم ليش؟؟ قال بس كذا لاتوزع ناقصينكم حنا وحاول المحترم[glint](( المظلوم والمسكين حتى يرى رجال هذة الدوله بحقه)) [/glint]
حاول وصاح لكن قابلوه بالعنف والضرب والجمهور مصدوم ودخل الملعب وهو مقهور من استفزازات المتكبرين



والله ياسلطان الرياضه لااااااااااااااااااازم تدخل وتقف لنصرة شباب الرياضة
فاذا استمر الحال لن تجد من يقف بالرياض خلف منتخبنا أحد
فكرامتنا عزيزة علينا والصبر نفذ
اتمنى ان تصل رسالتنا الى امير الرياضة والشباب والوقوف في وجه هالمتكبرين الذين اعطوا امانه البلاد[/align][/glow]

يا شبااااب تراه كان لا بس برمودا

يعني ما فيها شي مالها دخل بتقليد الغرب يعني كانه بنطلون قصير عااادي

ورجال الامن الله يخليهم لنا قولو آمين يمكن كانوا يحسبون البرمودا شورت

ويقولون ليش مايحضر الجمهور لا الفرق ولا المنتخب ؟؟؟

الا على فكره في مباريات المنتخب بيمنعون الاعلام ؟؟؟؟؟؟؟؟؟؟؟؟

إقتباس للمره الـعشرين الف اقولك اني ما اتهمك بالكذب يا أخي العزيز

طيب اسف

إقتباس كل اللي ابغاك تفهمه زين من كلامي انه اللي واجهته انا بالمعامله مختلف عن اللي واجهتوه انتم.. ووضحت لك الشيء هذا كله من خلال ردي الاول والثاني.

والله قلت لك اخوي انا الغلطان لأني فهمتك غلط واعتذر منك ..[س صدقني كل هذا قهر لأني من جد منقهر من معاملتهم لنا...

إقتباس اخر شي تعجبني اخلاقك الرياضيه في ردك الثاني علي خصوصا انك مازعلت من كلامي ولو انك مافهمته زين

والله وانا اخوك انا اللي سبوا فيني قبلك وقالوا اني ماني محترم جردوني من الاحترام وشف ردودهم فوق والله مازعلت منهم..فكيف ازعل منك..صدقني ولا اخذت على خاطري كله بس ردت فعل ذاك اليوم من اعمال هالعسكر

إقتباس الرسالة الأصلية كتبت بواسطة عــشــق الــكــتــابـه وش سالفه هالناس اللي ماعندهم الا النقط وبس الرجال يتكلم في سالفه وانتوا تدخلتونا في متاهات الله يصلحكم اتركوا سالفة البرمودا لأني عارف ان 80% منكم مايعرف وش هو البرمودا المهم رجعونا لموضوعنا الاساسي تكفون .. .. .. .. .. .. .. .. .. ..

والله انا ملاحظ بعد هالشي شبوا علي من جد :p

بالنسبة للبرمودا كل له وجهة نظر بس وش ذنب البنت الصغيرة وليه مايدخلونها المتخلفين والله قمة بالتخلف ولو أنا موجود وربي لتدخل ورجلي فوق رقبته الحقير

انا اللي قاهرني ولين الحين ماقفلت الموضوع..ان محد تحرك..!!!

كأن الوضع عادي يعني بنقعد على هالحال كل مباراه..!!مغير تكلم بعض الناس بعد المباراه بيوم وبعدين ماشنفا شي..!! :sad: