#1  
قديم 06/04/2005, 09:36 PM
زعيــم متواصــل
تاريخ التسجيل: 08/02/2005
مشاركات: 194
الى سلطان الشباب و ابو سلطان..كيف نحضر وكرامتنا تهان..!!

السلام عليكم ورحمة الله وبركاته...

والله ياشباب اني من جد من جد خجلان اكتب هالموضوع علشان ما ابغى احد من خارج السعوديه يقرى هالكلام ويضحك على التخلف اللي عندنا...انا كنت ناوي اكتبها من بعد المباراه مباشره(مباراتنا مع المغاربه)) لكني مسكت نفسي ..لكن بعد ما رأيت تصريح رئيس الهلال في الاقتصاديه..
قلت يمكن صوتي او موضوعي يوصل لأن رئيسنا الجميل يحس باللي يصير لنا....

شباب انا طول عمري احضر مباريات الهلال ودايم ماتجي اهانات لنا..انا والله تجي لي اهانات كثيره من رجال الامن وغيري من الجماهير...لكن ماكنا نتكلم وخلوني اتكلم عن نفسي انا..انا ماكنت اتكلم وساكت متحملين وش نسوي متخلفين((اقصد رجال الامن اللي في الملاعب اللي مدري من وين جايبينهم)) انا اكبر من اني اخذهم على محمل الجد...لكن ماحصل قبل مباراة الوداد..لا والله هذي اهانه وانا ارفضها وبقوه حصلت لي و ولأحد اصحابي ولبعض من الجماهير..بسبت وجود شخص وضع على كتفه نجمه ونص خلاص كأنه امتلك المملكه العربيه السعوديه..المشكله ماكان يتكلم هو ماكان يواجهنا كان يوجه اللي اصغر منه رتبه...

ببدا بموقف اللي حصل معي انا ومع صاحبي...
طبعا حضرت للملعب انا ومعي عدد من الاصحاب جميعهم دخلوا الملعب ماعدا انا وصاحبي((وصاحبي كان يرتدي بنطلون برمودا)) بعد مافتشوني ودخلت...فوجئت بأن صاحبي كان امامي ومحاصر من رجال الامن والرائد كان ماسك صاحبي مع فنيلته ويشده للخارج ويقوله "رح لبيتكم وتحشم"
انا تفاجئت ووقفت في مكاني...((طبعا انا ماكنت ادري ان حضرته يقصد ان البرمودا ممنوع والله تخلف يا عالم)) وكان العسكر يجوني ويصارخون علي تحرك وانا كالعاده مطنشهم لأنهم متخلفين من جد...كنت ابي اعرف ايش اللي سواه صاحبي علشان يتعرض لكل هالاهانه..فرحت له في الحارج وقلت له خير وش السالفه وش مسوي انت..!!

قالي يقولي البرمودا ممنوع وشاتني برى..!!!

ايش التخلف هذا..!! برمودا ممنوع في ملعب..!! شباب انا في حلم ولا وين..برمودا ممنوع في ملعب كورة قدم.!! تخلف الى ابعد درجه ..

انا انفجرت غضبا مثل مايقولون فرجعت للضابط جلست اصارخ في وجه واقوله ايش التخلف هذا ايش الفشيله هذي برمودا ممنوع..!! ياخي لو انه جاي بشورت قلنا يمكن ماستر العوره اما برمودا مستوره خاف ربك..حتى لو جا بشورت ياخي اللعيبه نفسهم لابسين شورتات..طبعا هو مايرد علي من قده رائد... رائد يرد على مواطن..!! مافي امل..

عطاني ظهره وقال..اووووف ماحب الجماهير انا..((هههههههههههههههه ضحكت من جد))

رحت للعسكر الثانين وجلست اتفاهم معهم اقولهم يعني كيف بالله تبغون نجي للملعب بالزي الرسمي شماغ وثوب وعقال حتى الصروال الداخلي لازم يكون طويل..!! سناوي مشكله..!!..والله مو بعيده بمنعون انك تلبس سناوي تحت الثوب...
وانا رايح راجع لصاحبي برى وقت ماعطيت الامن ظهري الا وواحد منهم يقول لي بصوت عالي..."رح انت وشعرك"
..!!!!!!!!!!!!! تبغون تخلف اكبر من كذا..!! المشكله انه مو رجال لأني التفت عليهم واشوفهم كلهم متكتفين...

يعني والله جالسين ننهان...اما الموقف اللي حصل مع الجمهور...

انا طلعت برى عند التفتيش الا واشوف اربع شباب جايين ومعم بنت صغيره والله عمره مابين 5-6 سنوات واضح انها صغيره مره البنت.وكانوا صابغين وجيهم ازرق وابيض ماعدا البنت..((انا كنت ناوي اصبغ وجهي انا واصحابي بس اشوى اننا هونا لأننا من جد ماكنا متوقعين هالشي ممنوع يا عالم تخلف والله))
فجا الرايد بكل جبروت وطغيان وراح عند الشباب وقال لهم" رح انت وياه للحمام غسلوا وجيهكم وتعالوا..اما بالنسبه للصغيره ذي(وناظرها بعين واشر عليها باصبعه وقال وهو ينفخ) اما الصغيره ذي ماتدخل الملعب ودها لبيت امها"

..!!!! انا انهبلت من جد انهبلت فقيت خشتي وقتها..اللي قاهرني والله موقف لو شفتوه يا عيال ان تقدرون عصبيتي انا وقتها ناظرت في عيوني الطفله الصغيره هذي..والله تشوفون الدموع في عيونها والله حرام اللي ماعنده مشاعر ذا جاي يصارخ في وجه طفله صغيره ويقول لها روحي بيت امك..الولد حاول يمين يسار مع المتكبر...وقال الولد لأصحابه خلاص ادخلوا وانا برجع للبيت مع اختي مايمدي ادخل المباراه بتبدى قهر والله....

شباب والله الاشياء هذي ماتصير الا في الرياض..تشوفون كيف جمهور جده وكيف لبسهم ويدخلون باللي يبيون ويسون اللي يبون..ليه انا كذا متخلفين معنا..
يعني بالله الاسواق وهضمنا ان البرمودا والكت ممنوع فيها..اما ملعب..برمودا وكت ممنوعه في ملعب..!! يعني يا تعال بثوب وشماغ للملعب او لا تجي..

كلامي موجه لرئيس الاتحاد السعودي سلطان الشباب ونائبه الامير نواف والى حبيبنا ابو سلطان..
لكي لايلومون جمهور الرياض اذا ماحضر مباراة للمنتخب او للنادي..لأن اعز ما للانسان كرامته اذا راحت الكرامه وش بقى للانسان..!!
اضافة رد مع اقتباس
  #2  
قديم 06/04/2005, 10:03 PM
موقوف
تاريخ التسجيل: 24/09/2003
المكان: جــ ــدة
مشاركات: 379


نظاماً ما يحق لرجل الأمن التدخل في اللبس !!

لكن تبي الجد ما الومه


هالبرمودا وشهوله يلبسه !!

يعني لازم نقلد الغرب في لبسهم وقصات شعورهم وصبغ الوجوه


نبي تشجيع ما نبي نكشخ !!

نبي أهازيج وأعلام زرقاء

بلا صبغ وجيه بلا برمودا !!

اضافة رد مع اقتباس
  #3  
قديم 06/04/2005, 10:11 PM
زعيــم فعــال
تاريخ التسجيل: 29/07/2003
المكان: ما أجمل أن تكون في المسجد وقت إقامة الصلاة
مشاركات: 397
اعتقد الحل يكمن في إنشا شركات أمن خاصة بالملاعب تكون مسؤولة عن التنظيم والترتيب داخل الملاعب وفق ضوابط محددة تكون معلومة للجميع وليس كما يحصل الآن ـ والذي تواترت الأقوال حول تصرفات بعض رجال الأمن والذين أظن أن لديهم ما هو أهم من تنظيم مباراة .
أيضا في إنشا شركات أمنية سوف يوفر مئات الفرص الوظيفية للشباب السعودي والذي تكاد البطالة أن تفتك به
اضافة رد مع اقتباس
  #4  
قديم 06/04/2005, 10:58 PM
موقوف
تاريخ التسجيل: 30/11/2001
المكان: ,,,,,,,::..,,,,جدة غير ,,,,,,,::..,,,,
مشاركات: 2,322
ااااااااااااااااه لوكنت مكانكم

والله اقلبها معهم

والله لخلي العالم تفارع بيني وبين رجال النثر (الامن)
اضافة رد مع اقتباس
  #5  
قديم 06/04/2005, 11:05 PM
الصورة الرمزية الخاصة بـ عالي الشان
زعيــم مميــز
تاريخ التسجيل: 06/08/2001
المكان: الرياض
مشاركات: 4,553
[align=center]راح تستمر هالمضايقات

دام ردود الفعل من المسئولين لم تتعدى سوى تصريح من ابو سطان لجريدة الاقتصاديه فقط !!!

إقتباس
لكن تبي الجد ما الومه
هالبرمودا وشهوله يلبسه !!
يعني لازم نقلد الغرب في لبسهم وقصات شعورهم وصبغ الوجوه

بما انه الواحد ما عمل شئ يخدش الحياء فهو حر بتصرفاته اخوي السكري .

تحياتي ,,[/align]
اضافة رد مع اقتباس
  #6  
قديم 06/04/2005, 11:17 PM
زعيــم نشيــط
تاريخ التسجيل: 18/09/2004
مشاركات: 583
حتى السكورتية بيجيك منهم من يشجع الفريق الآخر ، الحل في تفعيل الكشافة اللي في النادي وفتح باب التطوع للأندية الجماهيرية وكل نادي ينظم جماهيره وهو المسئول في أي إختلال يعاقب ..... وبس .
اضافة رد مع اقتباس
  #7  
قديم 06/04/2005, 11:31 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
هو صادق صحيح المفروض تجي بشماغ وبشت بس ماتلبسه تحطه بيدك شايف وتجيب علم صغير اذا جاء هدف

تهزه وتجلس

ياخي والله مسخره ذولي مابقى الا يشوفون اظافرك وشعرك عشان يقصونهن
اضافة رد مع اقتباس
  #8  
قديم 07/04/2005, 01:41 PM
زعيــم نشيــط
تاريخ التسجيل: 19/09/2004
المكان: Portland,OR
مشاركات: 730
إقتباس
الرسالة الأصلية كتبت بواسطة السكري


نظاماً ما يحق لرجل الأمن التدخل في اللبس !!

لكن تبي الجد ما الومه


هالبرمودا وشهوله يلبسه !!

يعني لازم نقلد الغرب في لبسهم وقصات شعورهم وصبغ الوجوه


نبي تشجيع ما نبي نكشخ !!

نبي أهازيج وأعلام زرقاء

بلا صبغ وجيه بلا برمودا !!


كانسان اعتقد اني لي الحريه باللي البسه شرط انه مايخدش

الحيا بعدين البرمودا على قولتك اقل شي فوق الكعب مو إسبال

بعدين ياخي اللي يبي يصبغ وجهه خله يصبغه عادي وش فيها

والا تبيني نسوي زي مايقول هلالي كتلوني
اضافة رد مع اقتباس
  #9  
قديم 07/04/2005, 05:58 PM
زعيــم مميــز
تاريخ التسجيل: 17/08/2000
المكان: الرياض
مشاركات: 2,643
إقتباس
لكن تبي الجد ما الومه


هالبرمودا وشهوله يلبسه !!

يعني لازم نقلد الغرب في لبسهم وقصات شعورهم وصبغ الوجوه


نبي تشجيع ما نبي نكشخ !!

نبي أهازيج وأعلام زرقاء

بلا صبغ وجيه بلا برمودا !!


وتلومون العساكر؟؟؟؟

اللعيبة لابسين شورتات والجمهور ما يلبس برمودا؟؟
اضافة رد مع اقتباس
  #10  
قديم 07/04/2005, 08:03 PM
زعيــم فعــال
تاريخ التسجيل: 21/03/2003
المكان: في قلوب الهلاليين
مشاركات: 319
اممممممممممممممممم

انا مع الشرطي ألي طرد صاحبك

قول عني متخلف بعد

إذا كانت متخلف لأني امنع البرمودا فأنا افتخر اني متخلف

جالس يقلد ثقافة الغرب حتى لو دخلوا جحر الظب لدخلتموه
اضافة رد مع اقتباس
  #11  
قديم 07/04/2005, 08:33 PM
زعيــم نشيــط
تاريخ التسجيل: 13/10/2004
المكان: مدينة خير البشر (طيبة الطيبة)
مشاركات: 688
إقتباس
الرسالة الأصلية كتبت بواسطة لاعب الهلال
اممممممممممممممممم

انا مع الشرطي ألي طرد صاحبك

قول عني متخلف بعد

إذا كانت متخلف لأني امنع البرمودا فأنا افتخر اني متخلف

جالس يقلد ثقافة الغرب حتى لو دخلوا جحر الظب لدخلتموه

ليه ممكن اعرف وش المشكلة في البرمودا

واذا علي حكاية تقليد الغرب فاعتقد في اشياء اهم بكثير من البرمودا المفروض اننا نحاسب نفسنا عليها

والا الشغلة هيا الشي اللي يعجبني اسويه واللي مايعجبني اقول تقليد للغرب
اضافة رد مع اقتباس
  #12  
قديم 07/04/2005, 09:30 PM
زعيــم متواصــل
تاريخ التسجيل: 03/11/2004
مشاركات: 153
انا اول امره ادري بهالسوالف لأنه كلام غريب صراحة..!
شفت تشديد في ملعب الملز بمنع اعلام(في كأس التضامن ضد الإرهاب) وشاهي (بعد الفوضى اللي صارت) وكونه تشديد مايتعدى منع حاجات بسيطه لكن في استاد الملك فهد ماشفت احسن من معاملة العسكر معنا حتى واحد منهم يوم جينا ندخل مزح معنا وقال خلاص مافيه دخول لكن دليل على حسن تعاملهم كان يلاطفنا..
بعد مادخلنا للملعب كان فيه جنبي ابو عيال معه طفلين الكبير منهم مايتجاوز الـ 5 سنوات ومع هذا دخل للملعب.
اذا كان الكلام اللي انت قاعد تقوله حصل فعلا فمعناه انكم مستقصدين او حصل منكم تصرف او طلعت كلمه ما اعجبت العسكر واستقعدوا لكم..
في النهايه احب اقولك ان الكلام اللي قاعد تقوله موب سهل ويمكن يعرضك لمسأله ومشاكل عشان تثبته.
اضافة رد مع اقتباس
  #13  
قديم 07/04/2005, 09:32 PM
الصورة الرمزية الخاصة بـ الزعيم في الصميم
زعيــم مميــز
تاريخ التسجيل: 15/05/2003
المكان: بين النجوم
مشاركات: 1,905
لحجي وسلتووووووووووح وقنزع أذل خلق الله وحاطينهم عند البوابااات !



وش ترجي منهم ؟؟؟؟؟؟؟؟!!!!!!!!!!!!!!!!!!
اضافة رد مع اقتباس
  #14  
قديم 07/04/2005, 10:08 PM
زعيــم متألــق
تاريخ التسجيل: 25/10/2002
المكان: الرياض
مشاركات: 1,218
معهم حق
اضافة رد مع اقتباس
  #15  
قديم 08/04/2005, 12:20 AM
زعيــم نشيــط
تاريخ التسجيل: 24/02/2005
المكان: مملكة الانسانية
مشاركات: 648
انا ما علي من البرمودا
انا حزتنتي الطفلة بالله وش ذنبها ياااااااانااااااااس
فعلا تخلف
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:31 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube