رد احد الاعضاء على احد المواضيع قائـلا : "لو مدرب ريال مدريد أبـعد من تشكيلته رونالدو وزيدان وبيكهـام .. ماذا ستكون ردة فعل جمهور ريال مدريد "


وانا اقـول .. نرى آدميوس .. يضع الجابر ، الشيحان ، التمياط ، الدوسري .. خارج الـ 11 لاعب .

وليتنا نرى مستوى جـيد .. نـتـقبل خروجهم .. بل نرى تخبطات ومستويات هزيله .


- الهـلال الآن لعـب أكثر من 14 مباراة .. أريد أن اسأل : كم مباراة لعبها الهـلال وقلنا للهــلال ... براافووو هذا الهــلال ؟

يمكن مباراة الـنصر - مباراة القادسيه .. والباقي مابين مستوى متذبذب وسيء ، ولو اننا نعرف ان مباريات الهلال و النصر تحكمه الظروف النفسيه اكثر من الامور الفنيه .

- عندما نرى عمل الجهاز الفـني " داخل الملعب " نشاهد الاخطاء مستمره سواء في " تـشكيلته " و كذلك في " تـغـيراته اثناء المباراة " .. غير قناعاته الغريبه تجاه بعض اللاعبـين .. امثال .. العـنزي ، والمطيري .. واللذان دائما يكونوا في التشكيله الاساسيه !!


- آدميوس لا يـفرق عندما يلعب مع نادي قوي او صغير .. طريقة لعب الفريق لا تـتـغير .. نفس الخطه و التشكيله .. حتى عندما يسجل هدف الهلال .. يتحول لعب الهلال الى اسلوب دفاعي .. حتى اصبح لاعبـي الهلال لا يـثقون في أنفسهم بسبب تكتيك المدرب الدفاعي .. ولعل فضيحة مباراة الخليج وضربة الركنيه في الدقيقه 43 وتواجد لاعبـين أو ثلاثه .. و الفريق متقدم بهدفين .. تكشف لنا عقلية آدميوس الدفاعي .. وكذلك ضربة الركنيه في اواخر الشوط الثاني للهلال امام الاهلي " البطوله العربيه " وتواجد فقط 3 لاعبين داخل منطقة 18 !!

- ولعل فرحة آدميوس بعد مباراة الاهلي " بالتعادل " تـكشف لنا انـنـا في وضع مـزري .. ولا يقل أحد ايقافات .. من هم ؟ فقط الدوخي وسيسيه .. والبقيه بوجودهم لم يشركهم آدميوس !! ولاتنسوا كذلك ظروف النقص في الاهلـي .

- اللاعبـين لا يريدون آدميوس .. المستويات هزيله ... الفريق مـكـتـمل وتواجد وفره من النجوم الدوليين .. المدرب منذ الموسم الماضي وهو معهم ..وانتصف الموسم ولازال المستوى سيء ..

هـل نقول اصـــبــروا عليه ؟؟ تـــونا ؟؟ الى متى طيب ؟؟ الين ينتهي الموسم ؟!! الين نطلع من المربع .. و كذلك كاد الهلال يخرج من البطوله العربـيه لولا حظ الهـلال !!

وش الصبر اللي نصبر عليه وهو لعب اكثر من 14 مباراة ؟! لازم اللاعبـين يتأمرون ويجعلون الفريـق ينـهزم .. حتى يــقال الـــمدرب ؟!!

- قـارنوا بين امتـاع هلال الاولمبي .. وهلال الكـبار ؟!!

- الفرق بينهم .. الاول .. يسجل ويبحث عن تسجيل هدف ثاني وثالث .. و الآخر .. يسجل هدف و يكتفي بذالك !!

- كروش مدرب ريال مدريد استثمر لاعبيه لم يخترع و يتفلسف .. فأحصل على المركز الاول في الدوري .. وتأهل لبطولة اندية اوربا .. رغم انكـشاف خط دفاعه .. لكن اسلوبه المتوازن الهجومي نوعا ما ساعده في جعل الفرق تخاف من مواجته واصبح بانتهاء الشوط الاول يضمن الثلاث نقاط !!

[ALIGN=CENTER]صدقت والله في كل كلمه قلتها


البطولات جايه باذن الله باديموس اوغير ه بس بنتعب كثير
بوجود اديموس
الله يستر[/ALIGN]

[ALIGN=CENTER]كايدهم هلا بك

إقتباس [ALIGN=CENTER]قـارنوا بين امتـاع هلال الاولمبي .. وهلال الكـبار ؟!! [/ALIGN]

الهلال الأولمبي جميع عناصره تبحث عن إثبات وجودها من أجل الفريق الأول


ولذلك سينجح معهم أي مدرب


الهلال الكبار معظم عناصره بلغوا مرادهم ، فغابت الروح في معظم المباريات وأصبح الجمهور يبحث


عن سبب فلا يجد إلا المدرب لأن اللاعبين سبق وحققوا بطولات


وبعد ذلك صار اللاعب يسمع حجج الجماهير والتي تساعده على التكاسل


[ لأنه في نظر الجمهور بريء ]

إقتباس [ALIGN=CENTER] الفرق بينهم .. الاول .. يسجل ويبحث عن تسجيل هدف ثاني وثالث .. و الآخر .. يسجل هدف و يكتفي بذالك !![/ALIGN]

هذه تعود لدافعيّة اللاعبين للفوز في المقام الأول ( حتى لو لعب الفريق مدافع )


لأن اللاعب إذا كان حريص على تحقيق الفوز سوف يحرص على أن يقدم أفضل أداء يمكنه من ذلك


لا أعفي ( آد دي موس ) من المسؤليّة


ولكن ما يحدث للهلال الأن ليس مسؤليّة المدرب وحده ، بل اللاعبين شركاء له في ذلك


أما بخصوص القناعات فنتذكر أوسكار سابقاً كيف كان له قناعاته الخاصة


بـ ( المسعري و عبده الصبياني ) آن ذاك ـ على الرغم من نقمة الجمهور القويّة


على هذين اللاعبين



يعطيك العافية لحرصك الواضح على مصلحة الزعيم

[/ALIGN]

أهلا بكايدهم ،،،

ما قلته عن أديموس غيض من فيض ، فلا اختيار تشكيلة ولا تغييرات مقنعة ولا مستوى مقنع بشقيه الدفاعي والهجومي .

وسيرد عليك من يقول بإنه مدرب عالمي وله تاريخه وحصل على كذا وكذا إلخ ...

العبرة بمستوى الهلال حالياً فقط وبعد أن أمضى عشرة أشهر مع الفريق بعدها فقد اللاعبون والجماهير والإعلام ثقتهم فيه .

تحياتي ،،،

سلام من الله عليكم /

[ALIGN=CENTER]الأخ كايدهم الفرق بين أديموس وكيروش كبير جدا تدري ليشّّّّ!!!؟

لأن في فريق مثل ريال مدريد كل فرد يؤدي عملة المدرب واللاعبين في الملعب ولأدارة

في التعاقدات والجمهور في التشجيع وفي نهاية الموسم يكون النجاح حليفا لهم

أما في الهلال فالجميع يجتهد الا الجمهور يحضر للملعب 100مشجع وللأسف يسبون المدرب

واللاعبين والباقين خلف الشاشة مع الشاهي والفصفص وكل واحد يبغى اللاعب الفلاني

والمدرب العلاني والحقيقه نحمد ربنا على هذه النتائج والمدرب والأدارة يقومون بعملهم

على أكمل وجه والباقي على الجمهور والجمهور فقط......

(يعيبوا على النــاس والعيــب فيهم ) !!!!! [/ALIGN][ALIGN=CENTER]صنت بن ضيدان[/ALIGN]

انا عقلي خلاص فضي كل الكلام الي عندي حطيته تعبت من كتر الكلام على

المتخلغ المخرف العجوز حرام الهلال الاول يلعب بواحد مهاجم والاولمبي ب3 ويفوز

ب4 ولا مباراه الاهلي المدرب فرحان من جد صادقين منتدى الاهلاويه من حقك يستهزؤ

بينا المدرب يفرح بالتعادل ايش معناها انتوا قولو ايش معناها

بلا ناقص بلا هم واعذروني ماسأقوله من حرقه قلبي على الي مايحرقون من اجل الزعيم

جيدخل واحد متخلف ويقول المدرب 100% وفعلا حتحصل ويقول المدرب عشان مدري

ايش ومدري ايش مقصر وخواف وانا اشك في هلاليته ممكن وجايز اي واحد من الفرق التانيه

يؤيد بقاء الناموسه عارف انو مرتاح بالشكل ذا

بوجود اديموس حيكون الهلال الاسد النائم برحيله يصحى

وش جاه ذا سكتوه يالربع ؟!

والله تعبنا يا كايدهم


واذكر سمو الامير عبد الله بان الحب كالزجاج فهل يصلح حال الزجاج المكسور؟؟؟؟؟؟ وهل يمكن لصقه

الواضح ان هذا المدرب لم يعد مرغوبا لا جماهيريا ولا حتى في اوساط اللاعبين ومن غير الممكن ان اغير اللاعبين اذا الحل هو تغيير المدرب

واضح جدا ان المدرب جبان وغير مقتنع بما يفعل ويناقض نفسه كثيرا بل ان الاراء الجماهيرية صارت تسيره يمينا وشمالا فهو يلعب حسين العلي ليس عن قناعة فقط لاسكات الجماهير وغيرخطته لاربعة اربعة اثنين في كذا مباراة وقت ما احس انه قريب من الاقالة وبمجرد ما تحسن الوضع قليلا عاد لخطته المحببة السخيفة لا شين وقوي عين يقول ما اقدر العب باكثر من مهاجم ليه بابا ما تقدر هو انت تدرب نادي توه صاعد للممتاز ؟؟؟؟؟؟؟

الحوار في هذا المدرب لن يؤدي لنتيجة اخواني الاافاضل فقد اسمعت لو ناديت حيا ولكن لاحياة لمن تنادي والمستوى عاجب سمو الامير واعضاء الشرف وعلى ما يبدو يجب ان نضحي ببطولة حتى يتم تغيير المدرب

[ALIGN=CENTER]قد أسمعت لو ناديت حياً ،، ولكن لا حياة لمن تنادي ...!!!

هذا الواقع إدارة الهلال مقتنعة بالغبي أدديموس ...

الآن كما كتب في جريدة الرياضية أنه وقع خلاف وتأزم الموقف بين سامي وادديموس ..!!!

سامي يريد أن يلعب أساسي والمدرب يقول لا ...!!!!!

حسبي الله عليه ...

لكن نتمنى أن الخبر غير صحيح ...

وأتمنى خبر إقالته اليوم قبل بكرة ...

بس إقالته مستحيييييييييييييييييييييييييييييييييييييييلة ..!!!

أتمنى أن يكون المدرب هو الحبشي ...

ومثل ما قلت الهلال الأولمبي فريق ممتع ... ولعب جميل ... لعب هجومي ...

على العموم ...

أتمنى إدارة النادي تقرأ المقال هذا وتقرأ ردي ...

وتسارع في إقالة المدرب الهولندي ...

يعني معقولة سامي والشيحان ونواف والدوسري إحتياط ؟؟!!!!!

نجوم منتخبنا السابقين .. واللي تأهل بهم إلى نهائيات كأس العالم ...!!!

الأيام هذي فرصة لإقالة المدرب .. نظراً للتوقف ...

ولكي يعرف المدرب الجديد قدرات اللاعبين وأن يلعب معهم مباريات ودية ...

محتاجين مدرب برازيلي ...

ويارب تعجل بإقالة المدرب ادديموس والبديل برازيلي ...

تحياتي لك يا مبدع ...[/ALIGN]

إقتباس إقتباس من مشاركة أبو بدر أهلا بكايدهم ،،، ما قلته عن أديموس غيض من فيض ، فلا اختيار تشكيلة ولا تغييرات مقنعة ولا مستوى مقنع بشقيه الدفاعي والهجومي . وسيرد عليك من يقول بإنه مدرب عالمي وله تاريخه وحصل على كذا وكذا إلخ ... العبرة بمستوى الهلال حالياً فقط وبعد أن أمضى عشرة أشهر مع الفريق بعدها فقد اللاعبون والجماهير والإعلام ثقتهم فيه . تحياتي ،،،

هلا بكايدهم ...


هلال اديموس وكيروش مدريد

اختر ...يا اديموس الهلال وكيروش مدريد

ولا ..هلال اديموس ومدريد كيروش

إقتباس الهـلال الآن لعـب أكثر من 14 مباراة .. أريد أن اسأل : كم مباراة لعبها الهـلال وقلنا للهــلال ... براافووو هذا الهــلال ؟

يبغى لك يا اخي تدور كم مباراة لعبها الهلال منذ 3 سنوات

وما راح تلقى .. الا ما ندر ،،،،،،،، فليش نتغلق ونغلق العالم معنا

دام البلا موفي اد دي موس .........

يا إنا نحاول ندور على العلة ،،، ولا ،،، ننطم ،،،،،،، بصراحة الأخلاق صارت سياحية حبتين

والعالم صارت .. تعير وتغمز وتلمز

وكللللللل هاللي تشوف باسم الغيرة على الهلال

وبصراحة اذا صادق اللي يقول سامي علق مع اد دي موس ،،،، يقول له لعبني

والله مشكلة من جد

اذا كان رب البيت بالدف ضارب .............

ومع ذلك صعبة استيعاب هالامر .. وسامي ارقى واحلى من الامور هذي

بس المشكلة اذا عطس لاعب ... من بكرة تلقى العالم طلعت اسم لهالعطسة >>> صارت ولد

من حق سامي يناقش المدرب ..

وليس من حقنا تسمية الاشياء بغير مسمياتها .. ترى سامي يناقش فقط ;)

إقتباس لولا حظ الهـلال

الله يا كايدهم انت اللي تقول هالكلام


عموماً الهلال لم يخسر شيء حتى الآ ن ....

المباريات اللي ينتظرونها ربع راجا وكومار .. هلالية غالباً مستوى ونتيجة

والبطولات ..ما بعد فات ولا بطولة ...

والمنافسين كروياً ما عندك احد ... بس يصك عليهم سامي في زاوية يرجفون


وانتم قاعدين تبكون على اللبن اللي ما بعد انسكب


والله اللعب عااااااادي وما في شي يخلي الواحد يحرق رزه


لأن الوضع العام أصلاً تعبان ،، والمنافسة غير الشريفة في أوجها ،، وهي اكيد بتخمد قريباً


وبعدها ابحثوا عن المتعة برااااااااااحتكم


لكن تذكر ......... ما في انهاء عقد لاد دي موس

وراح نستمتع بالهلال بوجوده .. وتوافر ظروف ومناخات افضل

للاعبين والاداريين وحتى الصحفيين

تحملني يا كايدهم .....


أحب وطبعي غيور ،،، واياك ايش العمل


هذا حالنا يا جمهور الزعيم الهادر

[ALIGN=CENTER]

إقتباس إقتباس من مشاركة راسن هلا بكايدهم ... هلال اديموس وكيروش مدريد اختر ...يا اديموس الهلال وكيروش مدريد ولا ..هلال اديموس ومدريد كيروش إقتباس [ALIGN=CENTER]الهـلال الآن لعـب أكثر من 14 مباراة .. أريد أن اسأل : كم مباراة لعبها الهـلال وقلنا للهــلال ... براافووو هذا الهــلال ؟[/ALIGN] يبغى لك يا اخي تدور كم مباراة لعبها الهلال منذ 3 سنوات وما راح تلقى .. الا ما ندر ،،،،،،،، فليش نتغلق ونغلق العالم معنا دام البلا موفي اد دي موس ......... يا إنا نحاول ندور على العلة ،،، ولا ،،، ،،،، ،،،،،،، بصراحة الأخلاق صارت سياحية حبتين والعالم صارت .. تعير وتغمز وتلمز وكللللللل هاللي تشوف باسم الغيرة على الهلال وبصراحة اذا صادق اللي يقول سامي علق مع اد دي موس ،،،، يقول له لعبني والله مشكلة من جد اذا كان رب البيت بالدف ضارب ............. ومع ذلك صعبة استيعاب هالامر .. وسامي ارقى واحلى من الامور هذي بس المشكلة اذا عطس لاعب ... من بكرة تلقى العالم طلعت اسم لهالعطسة >>> صارت ولد من حق سامي يناقش المدرب .. وليس من حقنا تسمية الاشياء بغير مسمياتها .. ترى سامي يناقش فقط ;) الله يا كايدهم انت اللي تقول هالكلام عموماً الهلال لم يخسر شيء حتى الآ ن .... المباريات اللي ينتظرونها ربع راجا وكومار .. هلالية غالباً مستوى ونتيجة والبطولات ..ما بعد فات ولا بطولة ... والمنافسين كروياً ما عندك احد ... بس يصك عليهم سامي في زاوية يرجفون وانتم قاعدين تبكون على اللبن اللي ما بعد انسكب والله اللعب عااااااادي وما في شي يخلي الواحد يحرق رزه لأن الوضع العام أصلاً تعبان ،، والمنافسة غير الشريفة في أوجها ،، وهي اكيد بتخمد قريباً وبعدها ابحثوا عن المتعة برااااااااااحتكم لكن تذكر ......... ما في انهاء عقد لاد دي موس وراح نستمتع بالهلال بوجوده .. وتوافر ظروف ومناخات افضل للاعبين والاداريين وحتى الصحفيين تحملني يا كايدهم ..... أحب وطبعي غيور ،،، واياك ايش العمل هذا حالنا يا جمهور الزعيم الهادر

الرسن أرفع لك الشماغ تحيّتاً لك على ما خطته يدك أخي الكريم


كلامك جميل وقريب جداً من الواقع


وأنا معك فيه


بستثناء كلمة واحدة حطيتها ( فواصل حمر ) في الإقتباس


على الرغم من تقديمك للعذر عنها أخي الكريم

يعطيك العافية أخي الحبيب [/ALIGN]

اخوي العزيز كايدهم عندي كم ملاحظة الله يحفظك

إقتباس "لو مدرب ريال مدريد أبـعد من تشكيلته رونالدو وزيدان وبيكهـام .. ماذا ستكون ردة فعل جمهور ريال مدريد "

أولا : جمهور ريال مدريد اتوقع انه فاهم و يعرف ان المدرب ما اخرجهم الا لسبب .

ثانيا : 1 - الجابر لازم نعترف انه الان ماهب مثل الجابر الي قبل سنتين , الجابر الي يلعب 90 دقيقه متواصله بفن ولياقه فل , يصلح كوره لهذا ويذب كوره لذاك ويوجه هذا وينبه ذاك ( مشكله لازم نمدحه شوي لا يجينا واحد من البزارين ويقول مندس !! ) الجابر الوسم هذا يلعب اخر 20 دقيقه , مره يبدع ومره لا , وغالبا ما يبدع لكن لو لعب المباراة كامله ضنك يبقدم فيها نفس الي بيقدمه في الـ 20 دقيقه ؟ والي يقول سامي طلب من المدرب انه يلعب اساسي هذا كذاب , سامي مستحيل يسويها وهو ابخص من المدرب في مصلحته و ابخص من المدرب في سمعته .

2 - الشيحان والدوسري : بسألك سؤال ... لو المدرب لعبهم اساسيين من اول ما تم التعاقد معهم, شي طبيعي انهم ما راح يقدمون المستوى المطلوب منهم صح وبعدها شف الكلام في الجرايد والمنتديات الي يقول صفقات فاشله والي يقول ليه تلعبهم وهم توهم جدد والي يقول مدرب فاشل والي يقول اداره فاشله ....الخ . لذلك حب يتركهم حتى تصل لياقتهم وجاهزيتهم لـ 100% . الشيحان مع انه ما يلعب الا في اخر المباراة الا ان مستواه تحسن ونفس الشي مع الدوسري تذكر مباراته الاولى قدام الاتحاد ؟ تذكر كيف كان لعبه ؟ الان الحمد لله تحسن . وبعدين لنفرض انهم وصلوا لقمة مستوياتهم كيف تبيه يلعب الدوسري ويترك الشلهوب على دكة الاحتياط ؟ وكيف تبيه يلعب الشيحان ويترك الجمعان و تراوري برا ؟ لا تقولي يلعبهم كلهم لان كذا بيحوس ابو الفريق ويبي لهم شهور حتى يتأقلمون مع الطريقه الجديده .

3- التمياط : نفس الشي راجع من اصابة وخايف ترجع له من جديد , حتى في كل مره يعاق فيها التمياط تشوف المدرب يفز وحاوش والجماهير تحط يديها على قلوبها . وبعدين اذا ان شاء الله تعافى التمياط واصبح قادر على انه يلعب اساسي كيف تبي سامي والتمياط يلعبون اساسيين من بداية المباراة وثنيناتهم يلعب في نفس المركز ولهم نفس الدور ؟؟ لا تقولي يلعب سامي مهاجم لان عندك في الهجوم تراوري والشيحان والجمعان ومدري من بعد نسيتهم من كثرهم .

إقتباس الهـلال الآن لعـب أكثر من 14 مباراة .. أريد أن اسأل : كم مباراة لعبها الهـلال وقلنا للهــلال ... براافووو هذا الهــلال ؟

غريبه تطلع هالكلمه من "مشرف سابق في شبكة الزعيم " الحين وشهي 14 مباراة ؟ هذي ما تجي ولا ربع الدور الاول في اي دوري اوروبي !!! من جدك تحكم على مدرب من 14 مباراة فقط ؟ لا والي يسمعك يقول ما فزنا الا في ثنتين بس ! قل خمس مواسم اربع مواسم هذه معقوله .

إقتباس .. العـنزي ، والمطيري

العنزي لاعب رائع جدا جدا , والي يحضر تمارين الفريق ومبارياته الوديه يعرف صحة كلامي , اما المطيري فتكفيك تغطيته الدفاعيه وفاولاته .

إقتباس آدميوس لا يـفرق عندما يلعب مع نادي قوي او صغير .. طريقة لعب الفريق لا تـتـغير .. نفس الخطه و التشكيله

هالجمله اشوف الأعضاء ما غير يرددونها ولا عرفت وش المقصود منها !!!! غريبه جدا

الحين اذا لعب مع فريق قوي , وش رايك انت تبيه يلعب مهاجم ولا مدافع ؟ ان لعب مهاجم وخسرنا قلتوا متهور ولا يفرق بين الصغير والكبير الخ . وان لعب مدافع قلتوا جبان وشوه سمعة الزعيم ...الخ.
واذا لعب مع فريق ضعيف و هاجم وجا فينا قول من مرتده وخسرنا , شرشحتوه شر شرشحه واستلمتوه وقطعتو فيه الين يقول امين مثل مباراة الطائي . وان لعب مدافع سواء فزنا ولا خسرنا ماهب سالم منكم ومن تقطيعكم فيه .

يعني ياليت اخوي العزيز تشرحلي كيف تبيه يلعب امام الفريق القوي وكيف تبيه يلعب امام الضعيف .

إقتباس ولعل فضيحة مباراة الخليج وضربة الركنيه في الدقيقه 43 وتواجد لاعبـين أو ثلاثه .. و الفريق متقدم بهدفين .. تكشف لنا عقلية آدميوس الدفاعي

يا ساتر صارت فضيحه . من متى والركنيات مقياس على عقليات المدربين !! جديده هذه .

إقتباس ولعل فرحة آدميوس بعد مباراة الاهلي " بالتعادل " تـكشف لنا انـنـا في وضع مـزري

كيف ؟ انا ماشفت هاللقطه لكن شريط المبارة عندي ... ممكن توضحلي كيف اكتشفت انه فرحان ؟ اذا بتقولي انه كان يسلم على اللعيبه والاداريين ويقولهم " قود قيم , قود قيم " ترا هذه بعد كل مباراة تصير !

إقتباس لازم اللاعبـين يتأمرون ويجعلون الفريـق ينـهزم .. حتى يــقال الـــمدرب ؟!!

الحين بدال ما تقول ليش اللاعبين ما يصححون اخطاء المدرب تبيهم يتأمرون عليه ؟ بديت اشك ان المسأله بينك وبين اد دي موس مسأله شخصيه !!

في انتظار ردك ... اذا حاب ...

تحياتي

فيه نقطه معليش نسيتها ......

اغلب الاعضاء في منتدانا هذا ما يفكرون يردون على موضوع يخالف رأيهم ..

يعني انا اذكر فيه اكثر من موضوع واحدهم تعدى الخمس صفحات اغلب الاعضاء الي مشاركين او كلهم يؤيدون اد دي موس

ونفس الشي فيه كذا موضوع ضد اد دي موس ما يرد فيه الا الي ضد اد دي موس !!!


يعني صراحه شي غريب , وش فايدة المنتدى اذا ما كان فيه نقاش والواحد يوضح رايه للثاني , اقنعني او اقنعك بدال ما الواحد يدور المواضيع الي توافق رايه ويشارك فيها !

تحياتي

[ALIGN=CENTER]
أهــلا ومرحـبا بالجـميع [/ALIGN]

zaeem32 ... الله يسمع منك ..

هـلا مليّعهم ..

إقتباس الهلال الكبار معظم عناصره بلغوا مرادهم ، فغابت الروح في معظم المباريات

أقـنـعـتـني بالرد .. يعني على كلامك .. خلاص مانطالب نفوز بهدفين واكثر .. لان لاعبي الهلال دوليين وخلاص حققوا كل البطولات

إقتباس عن سبب فلا يجد إلا المدرب لأن اللاعبين سبق وحققوا بطولات

المدرب لو يلعب بـتـشكيله جيده ... و بالاسماء المطلوبه .. و عدم مبالغته في الدفاع .. و عدم تأخيره في التغيرات ..

كان قلنا المدرب عمل اللي عليه .. و الخلل في اللاعبـين ..

إقتباس كان له قناعاته الخاصة بـ ( المسعري و عبده الصبياني )

المسعري سابقا كان جـيد .. صحيح انه يوجد بديل افضل منه لكن يقوم بادوار مقبوله في الملعب .. وعموما اذا الفريق يقدم نتائج و مستويات مطمئنه .. مايهمني اللي يلعب من اللي مايلعب ..

وحياااك

أبو بدر .. لا فض فوك .

صنت بن ضيدان .. تحليلك جيد .. ومقنع جدا ..

الجمهور سبب مستويات ونتائج الهلال !!!!

لن ارد .. ولكن اقول .. بلا تعليق ؟؟؟!!

HENRY 12 .. الشكوى لله ..

abu_riman ..

spanish eyes .. اتمنى الا يطال بقاء آدميوس اكثر مما بقى .

اهلا اخوي واثـــق .. معك في ردك .. الا حسين الحبشي فمع احترامي له .. الهلال يحتاج الى مدرب اجنبي متمكن نـفــسيا للتعامل مع اللاعبـين .. و يملك خبره فنيه في الملاعب .. لكن الاهم " نفسيا " .

اهلا راسن ..

لا هلال مدريد .. وكروش آدميوس

إقتباس يبغى لك يا اخي تدور كم مباراة لعبها الهلال منذ 3 سنوات وما راح تلقى .. الا ما ندر ،،،،،،،، فليش نتغلق ونغلق العالم معنا

يعني .. كإنك تقول .. لا تطالب بمستوى .. ترانا منذو مبطي ومستوانا تعبان .. وشوله تنبش وتتكلم عن المستوى ؟؟

وهالكلام اتوقع كـتـبته وانت مستعجل لاننا كهلاليين دائما نبحث عن الافضل .

إقتباس ما بعد فات ولا بطولة ... والمنافسين كروياً ما عندك احد

هذي الغـبنه والله .. ماعندك احد يمكن الا الاتحاد و الشباب والباقين بالاولمبي نأكلهم .. وهذا اللي قاهرنا .. ان الهلال فيه نجوم يتمناهم اي مدرب لكن شوفة عينك .. الهلال حاليا اذا قدم مستوى مقبول .. رضـينا .. وقلنا بس مانبي اكثر من كذا .

إقتباس ما في انهاء عقد لاد دي موس

والله شوف اذا آدميوس عدل اخطاءه و مشى الفريق معه بمستويات عاليه وبنتائج ممتـازه .. اتمنى يستمر .. لكن اللي نشوفه من بداية الموسم هو اخطاء في كل مباراة .. اخطاءه مستمره ..

في بداية الموسم كنا نقول .. المدرب فيه نقص لسا .. اصبروا عليه .. خصوصا ان الموسم الماضي قدم مع الهلال مستوى رائع .. لكن بعد ان لعب مع الهلال أكثر من 15 مباراة.. وباخطاء متواصله وبنتائج متفاوته ومستويات متذبذبه .. علينا ان نقول .. قف يا آدميوس ..

فعبدالله بن مساعد بذل من المجهود الكبير .. وتعب من أجل الهلال .. و حاول تقديم الهلال بافضل المستويات .. يأتي آدميوس ويحاول افساد هذا العمل الرائع .. بتخبـيط واضح .. لا ارضى ولا يرضى كثيرا من الهلاليين عليه .. فبدل آدميوس .. مدرب آخر ..يأتي وبإذن الله يستطيع انتشال الهـلال ..

المهم انا اطالب باقالة آدميوس .. ربما رأي يقول بعد شهر اقالته او كذا .. و رأي يقول الآن المفترض اقالته ...

أنا ارى .. اي هزيمه قادمه للهــلال .. بعدها يقال آدميوس .. وكحد اقصى الى نهاية الجوله الخامسه عشر من الدوري ..


وانا عن نفسي هالموسم استمعت بمباراة الهلال مع النصر و القادسيه و الزوراء . فقط .

اتمنى بقية الموسم استمتع فيه .. بس مع آدميوس .. اشك في ذلك .

مليّعهم ..

إقتباس الرسن أرفع لك الشماغ

ملكي ولا البسام


تحياتي للجميع ..