والله ياعزيزي ان حضرنا واجد ولا ماحضرنا واجد كله سوا بالنسبة للاعبين

حسستني ان الهلال اكسنت ايجار يمديك تنقلها لاي مكان , اسطوانة حفظناه جمهور الرياض وجمهور الرياض
ياحبيبي شف الجمهور مع قيرتس كيف يحضر وفي ادارة ابو سلطان ليش الجمهور يحضر في لعب في طقطقة فيه رئيس معطينا اهمية
اذا كان رئيسنا متسدح في باريس تنقد علينا كجمهور ليش مانحضر
ترا انا اذا حضرت رايح استمتع لان الكورة استمتاع ابي لعب واتونس لكن احضر ومباراة تجيب الهم والعك ولا في الاستاد في قلايع وادرين وتقول ليش ماتحضرون

إقتباس الرسالة الأصلية كتبت بواسطة هدوء المطر يالله عااااااااد اذكر الله انت ويّاااااه ... واحد يقوووووووووول ما تستحقّون والثّاني يقول الجوووف عسى ما شرّ ياااااااااااا شبااااااااااااب ... فووووووووووووز وفزنا وهذا هو الأهم والحمد لله ( وترى مو دائما الحضور الجماهيري الكبير يكووون مردوده إيجابي بل ممكن يكون سلبي لأنّه يشكّل ضغط على اللّعيبه ومباريات كثيره تشهد ).. فهدّوووووا اللّعب شويّه وارحموا نفسكم وارحموا أهل الرّياااااض من هالتعليقات والإنتقادات والتلميحات المتكرّره والمملّه ومالها دااااااعي ... اللي يبغى يحضر الحمد لله وخير وبركه واللي ما يبغى بسلاااااامته .. ( بكل تأكيد مافيه أجمل من منظر الجماهير الغفيره لكن عاد إذا ماصار الشكوى لله ) لكن مو معقوووله كلّ بعد مباراة في الرياض ننزّل مواضيع انتوا فيكم وانتوا يخطيكم ..!!!

أجل هدوء اللعب وارحمو اهل الرياض ؟ والحضور الجماهيري تأثيره سلبي !!

إذا أساطير الهلال الثنيان والجابر والدعيع والنعيمه والبقيه كان يعتبرون جماهير الهلال هي الاعب رقم واحد وهيا المحفز الاول للاعب أن يبدع ويعطي كل ماعنده ! ف ياللي ذكرت اسماهم ماعندهم سالفه ولا انت ماعندك سالفه طال عمرك ! واذا طالباً بالحضور الجماهيري ليس من اجل المنظر والشكر ! بل من اجل دعم الاعبين وبث الروح والحماس لديهم ! واذا بتانظر للحضور الجماهيري على نتيجة فوز وخساره فهذي برضو مشكله ! الحضور واجب ومطلب على كل مشجع يستطيع الحضور ! ولك بالدوري الاننجليزي عبرة !

فعلاً جماهير الرياض والمحافظات القريبة منها لايستحقون أن يكون الزعيم بينهم وأن يكون ملعبه الرئيسي بينهم ! واكبر دليل على ذلك شاهد مباريات الهلال خارج ملعبه نادراً ماتجده يخسر النتيجه بل المتعارف عليه بالسنتين الاخيره ان الهلال يفوز خارج ملعبه اكثر والارقام تؤكد ذلك !

وراح يستمر العتب على جماهير الرياض واتمنى ان يمتلى منتدى الجمهور الهلالي عن بكرة ابيه بمواضيع الحضور الجماهيري بالرياض ! فكما قلت الحضور والدعم الجماهيري مطلب ! وليس الانتقاد والمطالبات بلاعبين ومدربين من خلف الشاشه هو المطلب !

تسلم يمينك أخوي نواف ع الطرح وفعلاً جبتها ع الجرح !

تحياتي للجميع وأسف ع الإطالة

إقتباس الرسالة الأصلية كتبت بواسطة ريفالدو 11 حسستني ان الهلال اكسنت ايجار يمديك تنقلها لاي مكان , اسطوانة حفظناه جمهور الرياض وجمهور الرياض ياحبيبي شف الجمهور مع قيرتس كيف يحضر وفي ادارة ابو سلطان ليش الجمهور يحضر في لعب في طقطقة فيه رئيس معطينا اهمية اذا كان رئيسنا متسدح في باريس تنقد علينا كجمهور ليش مانحضر ترا انا اذا حضرت رايح استمتع لان الكورة استمتاع ابي لعب واتونس لكن احضر ومباراة تجيب الهم والعك ولا في الاستاد في قلايع وادرين وتقول ليش ماتحضرون

مشكله اذا كنت تحضر عشان فلان وعلان ! الا اذا كنت تشجع ابو سلطان ولا قريتس فهذا كلام ثاني ! اللي يبي يحضر ويشجع من اجل الهلال فقط ولا شيء غير الهلال ! فأنت بالاول والاخير تشجع وتعشق الهلال وليس اشخاص معينين ! اما اللعب والطقطقه تلقاها عند برشلونه !

أنتم احضرو وشجعوا وادعموا الاعبيه بحماسكم ! عشان يعطونك لعب ونتيجه ! اما سالفة الرئيس ف باريس والعزف ع لحن قريتيس ولا الا عب الفلاني ليش يلعب ! هذي اعذار مدري وين تنصرف اذا كنت فعلاً عاشق للكيان ! فخليكم نايمين بالعسل وامشوا بوتر الانتقاد والتدقيق ع الرئيس والاعب الفلاني وخلو هلالكم بحريقه ! لين يجي ميسي بعدين تعال احضر طال عمرك عشان تستمتع !

تحياتي لك

وشلون تبني الاعبين يتحمسون والجمهوووووووووور 500



وبعدين من شاف جماهير الاهلي والاتحاد تعداااا الثلاثين الف





يالرقم الصعب ارجوكم ساااااااااندو الزعيم ونبي من مبااااااراة الشباااااااب نخطي الواااجه بكملهاااااا نبي حضور بس لو 10000 الااااف قدام الشباب

اتمنى احد النهائيات والي يكون الهلال طرف فيها يقام

اما في الشرقية او القصيم او الغربية

كـ تكريم لـ جمهور الهلال خارج الرياض

باذن الله بينعشونكم بالنهائي ْ~

ياليت الهلال بالشرقيه
بلا رياض بلا هم
بس جماهير انتقاد

إقتباس الرسالة الأصلية كتبت بواسطة نواف ون بيس احترمكم ياجمهور الهلال بقدر احترامي لنفسي كهلالي لكن بكل اسف ياجمهور الرياض لاتستحقون الهلال بينكم لو كان الهلال بالغربية او بالشرقية لما رأينا هذا الاجحاف عن المدرجات كانت في السابق ثقافة اللاعب الهلالي ان قلة الجمهور تجعله لايؤدي في الملعب وان كثرة الجمهور امر طبيعي وغير مستغرب حتى تعجب منا الخليجيين والاسيويين واصبح يضرب بنا الامثال من بين كل الاندية اما الان الاعب الهلالي اصبح كالشبابي لايتحمل الجمهور والضغط لأنه ولفتره طوييييله جدا اعتاد على 2000 الى 5000 مشجع فقط ومن يرانا يعتقد أن ترتيبنا 12 او 13 بالدوري ونحن بالمركز الثاني ونستطيع أن نحصل عليه بالتكاتف حنا بس نتفلسف بالتويتر وبالمنتدى ومين يكون اقوى سوط على الاداره الادارة تعمل بمنطقية وقد تخطئ وهي اخطأت لكن لايختلف احد اننا نملك الان مدرب ولاعبين قادرين على تحقيق كأس اسيا وغيرها من البطولات لماذا لاتقفون وقفه صادقة مع عشيقكم الهلال...؟؟ الاهلي قبل ثللاث مواسم تقريبا ينافس ع الهبوط ووصل لنهائي كأس اسيا لماذا لوقفة الجمهور مع الادارة كان الفريق يخرج خاسر والجمهور كللله يصفق له ويغنون مجانين بحبك مجانين الاتحاد اين هو واين مركزة شوفو حضور جمهوره ومع كل هذا لايقطعه جمهوره معقول 500 مشجع فقط والفريق ينافس ع الدوري ولديه مباراة مهمه مع الشباب يوم الاثنين ولدية نهائي قوي قوي قوي ومهم جدا جدا مع النصر كيف سيكون الحضور في هالمباريات قال لي صديق نصراوي في عام 2010 عندما كان قريتس مدربا للهلال قال ان جمهور الهلال عاطفي لو طاح مستواه لن ترا المدرجات مليئة كما هي الان وكنت اقول مستحيل ان يحصل ذلك ماذا لو حصل لنا مثل ماحصل للنصر من انتكاسة اتوقع لايحضر احد ابدا هل جمهورنا مع الفريق فقط بالحلوه فقط واذا طاح الهلال كلنا نتخلى عنه تكفون تكفون تكفون ساااااااامحوووووني على شدة الفاظي لكن والله والله والله انها من شخص يحب النادي ويحب الجمهور نواف ون بيس

سلمت يمينك وزادك الله رفعة وحرصا

اذكر مباراة الهلال مع العربي الكويتي مطر غزير وهوا والله ماتحركنا ابد وصخنا بعدها كم يوم بس لأجل الزعيم فدى

تسللمموووووووون حباااااايبي ع المشاركة بالموضوووووع

اللي وافقني واللي خالفني شككككككرا لكم

واللي مدحني واللي سبني شككككرا لكم

ابقى هلالي واحب الهلال واحب جمهوووووره

ومهما اختلفنا حبنا مايتغييير

وكلكم ع راسي

تم التبليغ عن مشاركه سيئه

ثلاث سنوات نقسم مشاركاتك عليها نلاقي لك بكل سنه ثلاثين مشاركه نقسمها على عدد ايام السنه يطلع كل ميه وعشرين يوم

عشر مشاركات نقريبا شي ملفت للنظر .

تم التبليغ عن مشاركه سيئه وفالك الشطب ان شاء الله .

موضوع ينمـي روح العنصريه والمناطقيه والفرقه بين الجماهير .

كاسر ياسر الآسـر

شكرررررا لك على كل حاجة

واشكر لك نقدك

وكذلك شكرا لك على التبيليغ ياعسسسل