جمهورنا الأزرق في الرياض ،، زعيمنا بحاجتكم .. وننتظر وقفتكم احترمكم ياجمهور الهلال بقدر احترامي لنفسي كهلالي لكن بكل اسف ياجمهور الرياض الهلال لا يستحق كل هذا الجفاء منكم ,, لو كان الهلال بالغربية او بالشرقية لما رأينا هذا الاجحاف عن المدرجات كانت في السابق ثقافة اللاعب الهلالي ان قلة الجمهور تجعله لايؤدي في الملعب وان كثرة الجمهور امر طبيعي وغير مستغرب حتى تعجب منا الخليجيين والاسيويين واصبح يضرب بنا الامثال من بين كل الاندية اما الان الاعب الهلالي اصبح كالشبابي لايتحمل الجمهور والضغط لأنه ولفتره طوييييله جدا اعتاد على 2000 الى 5000 مشجع فقط ومن يرانا يعتقد أن ترتيبنا 12 او 13 بالدوري ونحن بالمركز الثاني ونستطيع أن نحصل عليه بالتكاتف حنا بس نتفلسف بالتويتر وبالمنتدى ومين يكون اقوى سوط على الاداره الادارة تعمل بمنطقية وقد تخطئ وهي اخطأت لكن لايختلف احد اننا نملك الان مدرب ولاعبين قادرين على تحقيق كأس اسيا وغيرها من البطولات لماذا لاتقفون وقفه صادقة مع عشيقكم الهلال...؟؟ الاهلي قبل ثللاث مواسم تقريبا ينافس ع الهبوط ووصل لنهائي كأس اسيا لماذا لوقفة الجمهور مع الادارة كان الفريق يخرج خاسر والجمهور كللله يصفق له ويغنون مجانين بحبك مجانين الاتحاد اين هو واين مركزة شوفو حضور جمهوره ومع كل هذا لايقطعه جمهوره معقول 500 مشجع فقط والفريق ينافس ع الدوري ولديه مباراة مهمه مع الشباب يوم الاثنين ولدية نهائي قوي قوي قوي ومهم جدا جدا مع النصر كيف سيكون الحضور في هالمباريات قال لي صديق نصراوي في عام 2010 عندما كان قريتس مدربا للهلال قال ان جمهور الهلال عاطفي لو طاح مستواه لن ترا المدرجات مليئة كما هي الان وكنت اقول مستحيل ان يحصل ذلك ماذا لو حصل لنا مثل ماحصل للنصر من انتكاسة اتوقع لايحضر احد ابدا هل جمهورنا مع الفريق فقط بالحلوه فقط واذا طاح الهلال كلنا نتخلى عنه تكفون تكفون تكفون ساااااااامحوووووني على شدة الفاظي لكن والله والله والله انها من شخص يحب النادي ويحب الجمهور نواف ون بيس |
اتمنى انام واقوم والقى الهلال عندنا بالججوف .. عهد علي ما اترك ولا مباراه الا واحضرها .. آآآآآآآآه يا جمهوووور الهلال .. مقصرين معع هلالنا .. |
تسلم يمناك كلام جدآ معقول ان شاء الله القادم افضل بالتوفيق للزعيم |
لاحياه لمن تنادي فالجمهور الهلالي ماتعرف ايش يبي اجل 500حاضرين المباراه ياشيخ والله انه شي مخجل ان ترى جمهور الدرجه الثانيه يحضرون ويترسون الملعب وتشوف جمهور فريقه ينافس على جميع البطولات ولايحضر الا هالعدد شي موسف ولا ياريت علىكذا وبس ولكن تلاقيهم شانين حملات على اللاعبين في المنتدى وفي تويتر وكانهم حاضرين60000الف مو500شخص ؟ |
تري ليش لان الكل مايعطي اهميه للحضور حتى مواضيع المنتدى وتويتر كلها عن النحليل والتشكله وكان المدرب خلف الجهاز يتدرب عندهم عكس باقي الانديه مواضيعهم عن الجماهير انت بس قارن بين موضوع يخص جماهير الهلال وبين موضوع يخص الاهلي او الاتحاد تجد المتواجدين فيه الاف لانهم يعشقون التشجيع بينما احنا فقط لايصلون ال50 وهذا قصور منا المفروض فيه مواضيع حلوه وبها مقاطع وحث ع الحضور وتفنن في التشجيع وتكون باستمرار مو بس وقت المباريات صدقني يطلع لنا من الصغار جماهير تعشق التشجيع في الرياض وبعدين اشوف الكل يكتب ويلوم ولا اشوف حضور اظنها الاتكاليه احد الاسباب |
يالله عااااااااد اذكر الله انت ويّاااااه ... واحد يقوووووووووول ما تستحقّون والثّاني يقول الجوووف عسى ما شرّ ياااااااااااا شبااااااااااااب ... فووووووووووووز وفزنا وهذا هو الأهم والحمد لله ( وترى مو دائما الحضور الجماهيري الكبير يكووون مردوده إيجابي بل ممكن يكون سلبي لأنّه يشكّل ضغط على اللّعيبه ومباريات كثيره تشهد ).. فهدّوووووا اللّعب شويّه وارحموا نفسكم وارحموا أهل الرّياااااض من هالتعليقات والإنتقادات والتلميحات المتكرّره والمملّه ومالها دااااااعي ... اللي يبغى يحضر الحمد لله وخير وبركه واللي ما يبغى بسلاااااامته .. ( بكل تأكيد مافيه أجمل من منظر الجماهير الغفيره لكن عاد إذا ماصار الشكوى لله ) لكن مو معقوووله كلّ بعد مباراة في الرياض ننزّل مواضيع انتوا فيكم وانتوا يخطيكم ..!!! |
كلامك صحيح . شيء ينفرزز صراحه لما تشوف جماهير الاتحاد يملون الملعب وفريقهم مركزه السابع وفوق كذا بمكة مو بجدة : ) وجماهير الاهلي وجماهير النصر ومساندتها لفريقها طيلة السنيين اللي راحت جمهور الرياض جمهور عاطفي ولا يستحقون ان يكونوا جماهير للهلال .. يعني ياصدارة يا ما نحظر .. اذا ماوقفتوا مع الفريق هالوقت بالذات متى توقفون ؟ |
إقتباس:
هذا مثال بسيط لجمهور الرياض المحبط ! سلامي للجمهور الهلالي بالغربيه :ba: اقسسم بالله اكبر قهر ان الهلال متواجد بالرياض |
فعلآ الجمهور الهلالي مقصر كثير واتمنى الحضور بشكل افضل |
جماهير الرياض .. لاتعليق ... |
والله شي يقهرر حضو جمهور الرياض لبية على جمهور الشرقية والغربية والقصيم وجمهور الشمال حائل وتبوك اة يالقهر بس |
الجمهور مقصِّر بس الكلام هذا ما يحسن الوضع .. كلنا جمهور هلالي بس للأسف (كلٍ يقرِّب الجمر لقريصه) ركزوا على الطرح الإيجابي .. نبي حملات للحضور و أولها مباراة الشباب .. الله الله بالحضور و المسانده .. |
جمااااااهير الرياض انتهت صلاحياتهم (: |
جمهور الرياض هذي عوايدهم يفشلون |
مع اني من اهل الرياض الا اني اتمنى ينقلون الهلال لأبها !! اللي بيسألني ليه يرجع يشوف الحضور الجماهيري في بطولة النخبة !! |
الوقت المعتمد في المنتدى بتوقيت جرينتش +3.
الوقت الان » 02:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd