^^^
الى متى وحنا نعطي فرصه ؟؟
واقسم بالله يا اسلوبه واضح ومافي اي جمال باللعب ولا متعه بالافرقه اللي دربها
بس طقها والحقها .. مدرب نهجه دفاعي وقديم وممل ..
عساه مايجي .. المشكله انه ينتظر اي اشاره من الريال
ودي اعرف من هو المتخلف اللي يقرر جلب المدربين بالريال ؟؟
ياخي يذكرني بربعنا بالاتحاد السعودي لما يقررون يجيبون مدرب للمنتخب
بيلسا والله مدرب كبير بس مظلوم اعلاميا .. ممتع وهجومي بكل الافرقه اللي دربها .. بس حظه شين
لكن اتمنى كلوب .. هالالماني واضح انه مخ .. يكفي انه مدرس رياضيات :

^ طيب وين خبرته ضد برشلونة المتهالك هالموسم !

بعدين من قوة الدوري الفرنسي عشان ينقصة الانسجام

في الذهاب مقفل قدام برشلونة
وفي الاياب مقفل قدام برشلونة

*

في نقطة معينة لازم نفهمها
ماراح يجيك مدرب بقوة شخصية مورينيو

يعني الي ابي اوصل له الي طلع كابيلو من الريال راح يطلع انشلوتي

.

^^^^^^^^^

ان جاء انشلوتي على الريال السلام

و اتمنى ان يجي بينتيز ولا يجي انشلوتي لكن بينتيز عنده خيارات داخل انجلترا وهو يفضل التدريب بأنجلترا

اما فينجر او بينتيز او لاودروب

^^^
لا يارجال يرحم امك انشيلوتي ولا بينيتيز
والله ياشباب ماننكر يوم انشيلوتي كان مع تشيلسي كان اداء الفريق نوعا ما هجومي
بس صراحه هذاك الوقت تشيلسي مايوقف قدامه احد
ان جيت للهجوم فتلقى دروقبا ووراه لمبارد وبالاك وبالدفاع تيري وربعه وكانو هاللعيبه في عزهم
يعني خارق الفريق
وكان تشيلسي يفوز بالخمسه والسته بس سمعت انه مو من انشيلوتي ودهائه .. يقولون من المساعد اللي كان معاه هذاك الوقت
بعد ما راح المساعد تردى اداء الفريق عشان كذا اقيل الداهيه انشيلوتي
يعني انشيلوتي ماعنده ماعند جدتي خلوه يولي بس
لكن لو راح مورينيو فاميه بالاميه بيجي الشين .

ياجماعه كلامكم اللي يقراه يقول خلاص مورينهو في الباي باي !!!!
ان شاء الله يبقى معنا للموسم القادم


انشلوتي يعشق الريال وكثير التلميح
ولكن اظن ان الريال يحتاج مدرب اكبر حنكه منه

لا انسى النهائي ميلان ضد ليفربول
الشوط الثاني 3-0 ميلان
ههههههههههههههههههههههه ويقلوبنها جيرارد ورفاقه

المشكله بأقوى بطوله وهي دوري الابطال


الريال مو محتاج مدرب سنتين ثم يضف عفشه

ارى ان كلوب مناسب جدا في حال اذا رحل مورينهو
مدرب شباب ويحب الريال وتكتيكي درجه اولى وعملي
خلاص جيبوه واعطوه عقد لين ظهور المهدي المنتظر ههههههههه



مع اني متشوق ومتخوف لتلميذ مورينهو ( كارنكا) في تدريب الريال
متفائل لانه يعمل مع مورينهو لمدة 3 سنوات يعني لو انه تنكه اكيد بيستفيد فما بالك لو اختيار مورينهو وقع عليه &&& يعني لو يطلع بنصف مستوى مورينهو اعتبره ناجح

ومتخوف لانه قيادة دفة الريال بالنجوم اللى فيه والتصدي للصحافه والجمهور والضغط الاعلامي
يحتاج له مدرب خبير ومتمرس مو حيا الله مدرب


في النهاية
مافيه شي احلى من الاستقرار مع مدرب كبير

وتصبحون على خير

هناك اخبار كثيره عن انشلوتي للريال والمو لتشلسي
اولا اتمنى بقاء المووو واتمنى بيريز يدعمه لاخر لحظه
واذا مره مافي امل انشلوتي خيار لاباس فيه بشرط تعطاء له نفس الاصلاحيات اللي اعطت للمو .. بكل صراحه انشيلوتي مدرب كبير وخبره جدا في الابطال
من ناحية اسلوبه الدفاعي لكل دوري طريقة لعب المو كان يدافع مع الانتر وكان يدافع اول ماجاء امام البرسا ..
لكن مع تشلسي وباريس لعبه متوازن بدفاع والهجووم الشي الاخر في تشلسي رئيس النادي كان بثر ويتدخل بتشكيله وفي باريس بعض اللاعبين شايفين انفسهم اكبر من الدوري الفرنسي وراحو عشان الفلوس فقط ..
لكن الوضع يختلف في الريال اهم شي تعطى الصلاحيات كامله له واتوقع راح يبدع
خصوصا الفريق شبه كامل محتاج ظهير ومهاجم وممكن لاعب وسط ..
انشلوتي فيه ميزه حلووه انه يعرف يتعامل مع الصحافه وصارم مع اللاعبين
بس الاهم من هذا الصحافه واللاعبين لزم يدعمون المدرب ولا ماراح ينجح ...

^^
والله يالقيصر ما ينلام المشجع المدريدي !

الامر كله يتوقف على بيريز , تكرهني اكرهك مو مشكلة
لكن لابد نوحد انفسنا من اجل شي واحد من اجل " مصلحة الفريق "

ما انسى سالفة كرستيانو يوم يسأله المذيع عاجبك الطريقة الي لعب فيها مورينيو يوم نخسر
بنصف نهائي الابطال ضد برشلونة
قال كرستيانو مو عاجبتني الطريقة بس لازم انسجم معاها

وبعدها رجعت الامور طبيعيه

لذلك اتمنى الي حدث بين مورينيو وكاسياس وبيبي اتمنى يخلونه على جنب
وينظرون لمصلحة الريال .

كثر الحديث عن رحيل المو وقدوم انشيلوتي ....
بتكلم وبقول كل اللي بقلبي بخصوص هالموضوع اول شي ببدا فيه " مصلحه الريال " فوق مورينهو وفوق كاسياس وفوق اي شخص
انا حبيت الكيان يعني في حال رحيل المو ماراح يتاثر معي هالشي واذا رحل كاسياس نفس الشي ، بس فيه شي لفت انتباهي اليوم كلنا
شفنا الصور اللي نزلها كاسياس في انستقرام و من خلال الفيديوات اللي شفناها في اليوتيوب يتضح لي ان اللاعبين " والله اعلم "
متفقين جميعا على ان مورينهو راحل لا محاله لذلك وقفوا مع كاسياس" او " انهم يتمنون رحيل المو من اجل كاسياس ، انا قلت
هالكلام لسبب بسيط في الصوره شفنا الموجودين في الطاوله الاولى ( كاسياس ، رونالدو ، بيبي ، راموس ، كوينتراو ، وشخص ما اعرفه ) لو نلاحظ في هالصوره اثنين من المتواجدين فيه بينهم مشاكل مع مورينهو ( كاسياس ، بيبي ) وفي الطاوله الثانيه اغلب المتواجدين اللاعبين الصغار باستثناء الونسو ودييغو لوبيز يعني اللي حسيته ان الطاوله الاولى هم الاشخاص المعادين للمو والثانيه الطاوله اللي واقفه مع المو طبعا هذا الكلام "تحليل شخصي" لا اكثر ولا اقل

عموما في حال رحل مورينهو الريال اعتقد قادر على تحقيق العاشره في حاله جلب مدرب قوي شخصيته مثل " كابيللو ، كلوب ، هيدينك " لان الفريق جاهز تقريبا ومع اعطاء كافه الثقه والصلاحيات للمدرب الجديد اي كان كلنا شفنا تشيلسي بعد رحيل المو صحيح ان الفريق ضاع في البدايه لكنه استطاع تحقيق التشامبيونز ليس بفضل دي ماتيو ، بل بسبب التاسيس اللي اسسه المو صار الفريق جاهز
ولا ننسى ان مورينهو رحل من تشيلسي في نص الموسم ومع هذا قدر الفريق يوصل لنهائي التشامبيونز .

حاله الانتر غير عن حال تشيلسي وحال الريال اللي حصل للانتر ان موراتي بعد ما جاب التشامبيونز ما عزز الفريق بلاعبين عليهم القيمه الفنيه بل العكس من ذلك باع لاعبينه

طبعا كلامي هذا لا يعني اني ضد مورينهو لا انا مع بقاء مورينهو في الريال ، مورينهو افضل مدرب في العالم والافضل لقياده الريال واتمنى بقائه في الفريق واذا خيروني بين مورينهو وكاسياس بختار مورينهو لسبب بسيط " الاستقرااااااار"

إقتباس هالكلام لسبب بسيط في الصوره شفنا الموجودين في الطاوله الاولى ( كاسياس ، رونالدو ، بيبي ، راموس ، كوينتراو ، وشخص ما اعرفه ) لو نلاحظ في هالصوره اثنين من المتواجدين فيه بينهم مشاكل مع مورينهو ( كاسياس ، بيبي ) وفي الطاوله الثانيه اغلب المتواجدين اللاعبين الصغار باستثناء الونسو ودييغو لوبيز يعني اللي حسيته ان الطاوله الاولى هم الاشخاص المعادين للمو والثانيه الطاوله اللي واقفه مع المو طبعا هذا الكلام "تحليل شخصي" لا اكثر ولا اقل

كونتراو معروف انه بحزب مورينهو واحتمال كبير ينتقل لتشيلسي مع مورينهو الموسم الجاي كبديل لآشلي كول .

الطاولة الاولى كلها اسبان والثانية اسبان وبرتغاليين يجيدون الاسبانية وبالتاكيد هناك طاولة ثالثة (خضيرة-اوزيل-بنزيما-كاكا-مودريتش-كارفالهو-ايسيان) مختلطة يجيدون الانجليزية ..

إقتباس بس الاهم من هذا الصحافه واللاعبين لزم يدعمون المدرب ولا ماراح ينجح ...

ما دعموا مورينهو تبيهم يدعمون انشيلوتي !

ما راح يدعمونه الا اذا سمح للصحافة بالشي اللي منعه عنهم مورينهو وكابيلو .. انشيلوتي شخصية ضعيفة لكن تكتيكيا جيد .. اذا واجه ربع الحرب اللي واجهها مورينهو ممكن نشوفه في يوم من الايام يبكي في احد المؤتمرات ..

- " بالوقت الذي يصبح اللاعب بناديك أهم من المدرب، إعلم أن ناديك قد مات " السير أليكس فيرغيسون ..

- سانتياغو برنابيو " في أحد الأيام جاء إلي دي ستيفانو و قال لي " أنا أو المدرب يا رئيس " .. أجبته " أنت تعرف باب الخروج دون ألفريدو "

- من المؤسف أن سانتياغو برنابيو و جوزيه مورينهو لم يكونوا بنفس الحقبة .. حقبة أعظم رئيس ناد كرة قدم بالتاريخ. و حقبة مجد هذا النادي.

- ألفريدو خرج من مدريد بسبب تخيير الرئيس بينه و بين المدرب .. دي ستيفانو كان حينها أكبر صفقة بتاريخ النادي و صاحب الفضل بست ألقاب دوري الأبطال

يخرب بيتك يا أوزيل طلعت كيووووت

إقتباس الرسالة الأصلية كتبت بواسطة يسووووووف ^ طيب وين خبرته ضد برشلونة المتهالك هالموسم ! بعدين من قوة الدوري الفرنسي عشان ينقصة الانسجام في الذهاب مقفل قدام برشلونة وفي الاياب مقفل قدام برشلونة * في نقطة معينة لازم نفهمها ماراح يجيك مدرب بقوة شخصية مورينيو يعني الي ابي اوصل له الي طلع كابيلو من الريال راح يطلع انشلوتي .

ايش دخل قوة الدوري الفرنسي في الانسجام ؟

بعدين في الاياب مقفل ؟ متأكد ؟ بالعكس هاجم برشلونة وضيع فرص كثير وفي الذهاب في الشوط الاول كان الافضل بشكل كبير

وعلى فكرة برشلونة كأسماء افضل بمليون مرة من اسماء باريس .. ما فيه مقارنة !

بالنسبة لكلامك اللي طلع كابيللو بيطلع انشيلوتي ممكن اتفق معك ولكن لا تنسى انه هو اللي طلع مورينيو بعد

طالما النادي فضل المسرب والصحافة على المدرب فهو لا يلام .. اللي يلام ادارة الريال

إقتباس الرسالة الأصلية كتبت بواسطة القيصر لا انسى النهائي ميلان ضد ليفربول الشوط الثاني 3-0 ميلان ههههههههههههههههههههههه ويقلوبنها جيرارد ورفاقه

مو منه تقدر تقول تراخي من اللاعبين انفسهم كلنا نذكر ايش صار للريال هذا الموسم امام غلطة سراي في 10 دقايق اكلونا 3 اهداف

عموما

اللي ما شاف اداء انشيلوتي مع تشيلسي فاته الكثير اداء هجومي وتنويع لعب مميز واحلى ما في انشيلوتي انه يعتمد على اختراقات الاظهرة كثير

والموسم القادم اظهرتنا كارفخال ومارسيلو نار ي حبيبي نار

إقتباس الرسالة الأصلية كتبت بواسطة يسووووووف انا بالنسبة لي ارشح بيلسا ( مدرب بيلباو ) لاودروب ( مدرب سوانزي ) مارتينيز ( مدرب ويغان ) كلوب ( مدرب دورتموند ) ممكن واحد يقول وش هالاسماء انا ما انظر لسي في المدرب هذا مورينيو بطولتين ابطال بسجلة ! .

الله عليك كلامك مزبووط ،، بس منجدك يا يوسف مارتينز وبيلسا ؟!! هي وجهة نظرك وقد يكون المدربين عاجبينك بس لا تنسى ان كل واحد فيهم جاب العيد في نادييه ،، مارتينز لا يغرك في انه فاز بالكاس على المان سيتي ،، ما فاز الا من سوء وضع المان سيتي + حظظظظظظظظ ،، وامس منرقع من ارسنال بال 4 ،، اوكي انا النتايج ما تهمني بعد ،، بس ايش قدم للفريق ؟ ولا شي بس ،، ترا ويقان هبط للدرجة الاولى الحين !! و بالدوري الانقليزي فيه اللي اسوء من ويقان كا ادارة او اوضاع مالية او حتى كلاعبين وقدرو يكملون بالبريمير لييق ،، اما بالنسبة لبيلسا ،، ما راح احكم عليه لاني ماتابعته كثير ،، بس بشكل عام نتايج بلباو هذا الموسم سيييييييئه وفريق مهزوز ،، ممكن ينجح ،، بس هل تضمن انه بيقدر يتحكم في لاعبين مثل اللي عندك ،، كريس - اوزيل - كاسياس - راموس - دي ماريا - ..... ما راح يقدر يفرض شخصيته عليهم ،، وهذي وحدة من الاشياء اللي الريال بيخسرها مع طلعة مورينيو

انا معك في ان الريال ما يحتاج الى مدرب عنده بطولات وانجازات مثل (مورينيو - كابيلو - .... ) الريال يبيله مدرب شخصيته قوية ،، هجومي ،، يعرف كيف يتعامل مع الضغوطات والصحافة >> لان عندك صحافه ولا العن منها

المواصفات هذي تنطبق على كلوب ،، اسمه تووه طالع ،، ماله الا كم سنه ،، على عكس بعض المدربين اللي لهم سنين وسنين ،، كلوب باقي عنده طموح اعلى واكبر من اي مدرب ثاني ،، يبي يثبت نفسه ويثبت قدراته ،، هذا بالاضافه الى ذكائة ،، ماعنده غرور وشوفت نفس يعرف يتصرف ويدبر ،، مدرب ماعنده فلفسة باللعب ،، المرمى قدامي سجل ولا تطول السالفه ،، وهذا جدا طبيعي بما انه الماني

انشيلوتي الله اعلم ،، ممكن يقدم شي للريال ،، ومثل ما قال (نسيت انساك) ،، انشيلوتي دافع يوم كان بالدوري الايطالي لان هذا اسلوبهم ،، وبالانقليزي هاجم وكان هجومه نااار وهذا صحيح ،، وانا تابعت تشيلسي على هذيك الايام ،، وللامانه والله مستواهم كان جامد ،، كانو يسجلون بال 5 و ال 6 ولا يستقبلون اهداف كثيره ،، يذكروني بالريال الموسم الماضي ،، والحين مع بي اس جي مقدم اداء جميل ،، صحيح الدوري الفرنسي ضعيف ،، بس عناصر فريقه كلها جديده ،، وقدر يحقق لهم البطوله اللي ما شموها الا 3 مرات في تاريخهم ،، ووصل فيهم دور ال 8 وطلع من البرسا مو لسوء لعبه ،، بس الحظ ما كان معه ،، لعب مباراة كبيره ضد البرسا وكان قريب من الفوز ،، و انا مستغرب من اللي يقولون انشيلوتي دفاعي وما نبي مدرب دفاعي ،، هو ممكن يكون اسلوبه دفاعي ،، بس مورينيو ايش يصير ؟ هجومي مثلا !! عن نفسي ما قد شفته يهاجم الا اذا لعب ضد زلايب الليقا وفي ملعبنا ،، غيرر كذاااا نشوف اختراعات في الخطط وتغيير المراكز !! وانا اتحدا اي واحد يعطيني مباراة لعبناها مع فريق كبير وكان اسلوبنا هجومي "غير مباراة البرسا" ،، وانا اقصد من بداية المباراة موب يوم انرقعنا وصارت تبديلات ،، صعبه تلقى ،، انا ما انتقد اسلوب مورينيو ،، بالعكس كثير من المرات يفيدنا ،، بس صار شي ممل ما نفوز الا اذا الفريق الخصم فتح لنا اللعب عشان نلعب على المرتدات ،، غير كذا ناكل هواا زي المانيو