اقول يالبارق ابو قفل يا زينك وانت تتكلم جد بدون مزح << اثاريك تعرف تتكلم جد >>

لا لا لا لا لا لا 0000 كل هذا من ابو سليمان
صح الله السانه وقلمه
وعطاه الف عافيه
وبكره رايح له يوقع لي اوتغراف للذكرى كلام جميل وابداع
والله ماهي مجامله اتكلم من جد
وسلامات وما يشوف شر وعسى الوصفه اللي قلتها له انفعته ما دمرته.

تحياتي لك حبي ولابوسليمان وما يشوف شر.
<<< علشان يرجع يراقب معانا ما يشرف على المنتدى >>>

سلام

اي دا (ابو ائفل ) كاتب موضوع انا مش مصدء. هوه من زمان ماكتبش موضوع <<الاخ انقلب مصري

العراق اضحية العيد والكل حيشوف دي الاضحية وهي تنحر
وطبعاً اكيد الكل حيتفرج وماراح احد يتكلم


مشكور اخوي البارق (ابـو قـفـل)

بسم الله الرحمن الرحيم..

نبدأ بالرد .. أبلشنا ذا المشرف.. خايف من الموضوع وقام يجيب مواضيع ثانية ويحطها هنا..


## الغالي : حبي تيماوي ..
أجل بتحط قفل ..!!! أو بتصمخ الموضوع..!!!
أقول لو إني لاقي قفول ما كان كتبت ذا الموضوع..
وكانك موزي شيء .. تكفى علمنا..

إقتباس @ حبيبي بروق العراق خلاص صار أُضحية العيد يعني شف الدور منهو عليه ... يعني بعد الاستعمار الأمريكي للكويت وتحويل قطر لقاعدة عسكريه من بقى ... اللهم احمي بلاد الحرمين يارب العرش العظيم .

وش دراك؟..
ألف شكر لك يالغالي على الرد والمشاركة..


## الغالي : روميو..
أجل نقاطع بيتزا هت..الحمد لله حنا مقاطعينها من زمان..بس السبب مادي..
والله يخااااارجنا على قولتك.. ونسأل الله السلامة..
ألف شكر لك على ردك يالغالي..


## الغالي : تحدوه البشر..

إقتباس مساااااااااك الله بالرضا البارق عمرو موسى

الله يمسيك بالرضا والعافية..
بس عمرو موسى ذا وشو؟؟ تراني ما اعرفه ولا قد قابلته..<----- يسمع بالخوف..

إقتباس اموت بالمشرف السياسي اللي ما يحب التقفيل والحذف

أحلىىىىىى يا حبي تيماوي صار لك معجبين..<----- ما يدري وش السالفة..

إقتباس وعندي احسااااس انك وانت تكتب اصابعك تحكك علشان تقفل الموضوع ناسي انك انت اللي كاتبه

تصدق عااااااد..
رحت اقفله .. وأقول هذا وقت مواضيع سياسية..
وتصدق عاد ردك ينم على إنك تعرف ترد <---- وده يقول ينم ولا يدري وشلون..
ألف شكر لك يالغالي على الرد ..


## الغالي : سهل ثلاث تسعات ناقص ثلاث واحدات يساوي ثلاث ثمانيات..<--- هذي New..
ليه ما بلغت يااااااخي.. تصدق لو انك مبلغ كان يمكن قفلته..
تدري آخر شيء أشوفه هو اسم العضو..;)

إقتباس نجي لمضمون المكان القابل للكتابة القصه قديمه بس تركيبها بما يحدث حاليآ في منطقة الشرق الاوسط ( تركيبة واحد يلعب كنكان )

أولا القصة أنا قلت إنها قديمة .. ومنذو نعومة أظافري ( كانها قد صار ناعمة ) وأنا أسمعها..
أما تركيبها تركيب واحد يلعب كنكان..!! فاذكر زمان إني كنت ألعب كنكان.. وأنواع الحساب في الموضوع
تحلف إني داخل اختبار فيزياء ما العب الا معي الآلة..
والله يقبل دعاك..
ألف مليون شكر لك يالغالي ..


## الغالي : أيمن..
الله يرج شيطانك أنت.. <--- يحسبه يسب..
بعدين النمر ماهوب لي ولا تدخلني بالموضوع..

إقتباس صراحه قصه حلوه ومضحكه اول مره اسمعها

علم بعض الناس..

إقتباس كله من هالقرد صدام ليش مايلبس طاقيه ويفكنا من شره

والله ما ادري وش اقول..
يعني ماهوب المقصود القرد صدام .. وإلا كان قد طار راسه أيام حرب الخليج..
لكن الضربة للعراق كـ شعب مسلم.. والسيطرة على الثروات..<--- شكلي مسكت خط بالموضوع
الله يقبل دعاك.. وألف شكر لك يالغالي ...


## الغالي : f15ykh..
ألف شكر لك على المشاركة..
وخذ اللي تبغى من ردي على أيمن..
تقبل تحياتي ...


## الغالي : الكنز نواف..
يا مرحبا يامرحبا..
أول شيء كان عندك ربو الله لا يهينك أطلع برا الموضوع لا يجيك شيء ونبلش بك..

إقتباس اولا يابوقفل

تراني البارق لا تحسبني أحد المشرفينن الثانين..

إقتباس الحيوان هو الثعلب ( بالحصين بالعامي ) مو القرد .

إييييه.. والله القصة من زمان وأنا أسمعها قرد..وأول مرة أسمعها أبا الحصين..
بعدين أعتقد إنها ما تنفع لو كانت ثعلب ( عشان اللي ما يدري وش نقصد ) لأن الثعلب ما تمشي عليه هالالاعيب.. لأنه مشهور بالدهاء والقرد مشهور بالدباشة وبذلك يكون النمر مشهور بالمردغة..

إقتباس اخوي اتمنى ان تقرا ماقاله الشيخ سفر الحوالي عن السبب الحقيقي لهذه الحملة . وهو كلام رائع جدا من هذا الشيخ

ياليت والله..
وأقول لك أخوي الكنز.. لو كان كلام الشيخ موجود على النت ياليت تدلنا عليها أو تجيبها لنا.. وكانها عندك في ورقة ياليت تسوي لها ( سكان )... وكانها على شريط ياليت تعطينا اسمه.. والدال على الخير كفاعله..
وهذا الوقت المفروض من الجميع الارتباط أكثر بالمشايخ والعلماء..واللهم أعذنا من الفتن..

آخر شيء .. أقول لك لا تشوشر علينا .. تراكم مانتم قدي ..

ألف مليون شكر لك يالغالي ...


للردود بقية...

للجميع تحياتي الحارة ،،،

أخوكم / البــــارق

نعود إليكم من جديد..

## الغالي : ابو سليمان..

إقتباس حيدر همه القنص والدفاع عن خخخخخخخخخخخخخخخخخ ولده يبي ملاهي وهو يدوبس به من جرف الى جرف ههههههههههههه حسيبه الله

أنت شفت..!!
لا والطامة الكبرى يقول لولده ترى الملاهي تجيب عوار البطن..

إقتباس بس من جد بروووووووووووووق من رحت للرياض عرفت تكتب مدري من الي اعداك بالثقافه ليكون شبة السبت والألوان مادري من اعداك به

هههههههههههههههههههههههههههه
هذا سر المهنة..;) بس عاد حتى اللوان..
وكان الثقافة من راعين الشبه عز الله ما غزينا..
ألف شكر لك يالغالي ...


## الغالي والد ديرتنا : صمتوووووه..
مرحبا بك وشكر لك على الزيارة..

إقتباس اطالب واستنكر واحتج واوكد وووووووووووو<<<<مقولات سياسيه ونثراويه المهم الموضوع فيه تشويه لصورتي وصورت كلمة مردغه

خلاص بغيرها عشان التمويه.. بخليها مردغة صتيمة..

بعدين أقول لك لو إنه باقي عندنا شيء من ( ) كان ما كتبا ذا الموضوع..
بعدين تراها ماهيب ..

إقتباس المهم ننكس

يعجبني الكلام المشفر..

إقتباس الموضوع ما عليه كلام بس لو ما اقترن بكلمة مردغه لاني اخاف يتهمونها بالتحريض ضد اللي تتكلم عنها واكتشفنا في المشرف حس سياسي لذلك يجب ان نطالب بانشاء منتدى متخصص بالسياسه ومشرفه يكون كاتب هذا الموضوع...واذا صار اي شي نتهم المشرف

بالنسبة للمردغة قلت لك خلاص بنغيرها..
أما المنتدى السياسي .. والله فكرة بس بشرط ما احد يكتب شيء الا لابس نظارة شمسية ومتلطم <---- تمويه..
والله يقبل دعاك..وألف شكر لك على الإطراء
وتقبل تحياتي يا سيلنت..


## الغالية : كيفي كويتية..
راجعي ردي لأخوي أيمن..

إقتباس بسبب القرد هدام جاءت القوات الاجنبية الى الكويت...... واحنا وش ذنبنا غير اننا نبي ارضنا.....

حنا مانتكلم عن وجودهم قبل .. نتكلم عن الضربة المرتقبة.. واللي ضحيتها بالتأكيد هم أخوان لنا في الدين.. وربما أيضا (( نحن معهم )) والله العالم..خاف تجي سالفة بلوشستان والغلط..
ألف شكر لك ..


## الغالية : العنود ..
شكرا لك للمشاركة في هذا الموضوع..


## الغالي : برق الزعيم ..
أيضا.. شكرا لك للمشاركة..


## شاعرتنا الغالية : المملكة..

إقتباس جتكم السياسية صدق ؟؟؟؟؟؟؟؟؟؟؟

يا هلا والله .. ومن زمان ما شفنا لك مواضيع..
والله تحليلك منطقي - نوعاً ما -.. وزين انك قلتي زيادة على الكلام المذكور..
بس أختي الغالي .. الله يقطعهم عبوا السفن وجايين بالطريق ومستعدين ع الآخر.. يعني أتوقع أكبر من حب وكره..:sad:
لكن الله يستر علينا وعليكم وعلى كل مسلم..
ألف ألف شكر لك ..


## الغالي : خربوووووط..

إقتباس تسلم اخوي البارق ... تصدق!!!! انت ضد الإنسانية ..وعدو الحرية اللدود.. وأنت شخص تؤيد الإرهاااااب وتدعوا الى التطرف الديني ..انت انسان فيك عنصرية ..لم يشاهدوك يوما(ن) لابس الطاقية ...

إقتباس <<<<<<<<ماسبق مقدمة للتحقيق معك من قبل كلاب أمريكا العرب العلمانيين_الله يكرمك _

وش دراك .. أنت أحد قال لك شيء..
----------> خايف يحسبهم خلاص بيمسكونه..

[QUOTEوقاااك الله شرهم ...[/QUOTE]
اللهم آمين .. وإياك وكل مسلم..

وألف شكر لك يالغالي ..

أيضا للردود بقية إن شاء الله <---- صار تقسيط..


وللجميع تحياتي الحارة ....

أخوكم / البارق

إقتباس إقتباس من مشاركة الشـفوق البارق 2000 ؛؛؛ شكراً لنقلك المقال الرائع للكاتب عبد العزيز السويد في جريدة الرياض .. و ببعض التصرف .. الغريب أنك ما لمحت لذلك .. تحياتي .

قويه يا البارق كان لمحت على الاقل ...

وعندك واحد كيس لأخونا البارق وصلحوه ...

تحياتي للجميع ...

بسم الله الرحمن الرحيم

أخوي البارق 2000 .. يبقى إحترامك موجود لأنك زعيم .. و لأنك من المشرفين الرائعين اللذين نفتخر بهم ..

أخي الغالي ..

عندما قرأت موضوعك الأخير تفاجئت .. لأنني قرأت مقال ( مشابه ) له في جريدة الرياض للكاتب عبد العزيز السويد .. نفس الفكرة و المضمون مع بعض الإختلاف في الإسلوب و في الجزئية الأخيرة من المقال .. عموماً لا أطيل عليك .. هذا هو المقال الذي يشترك مع مقالك في أشياء كثيرة .. قد لا يساعدني الوقت في إستعراضها لأن عندي إمتحان غداً ..




لقراءة المقال في موقع جريدة الرياض إضغط هنا ..

تحياتي لك .. و بإنتظار تعليقك .

مرحبا بكم مرة أخرى ..

## الغالي: ملك الملتميديا ( الفيصل الهلال )..
أشكرك على تشريفك الموضوع..

إقتباس صدام ضاربينه ضاربينه امريكا متأكده ان عنده اسلحة الدمار الشامل لانها هي اللي زودته فيها بس مستحيين يقول هالشيء

أولاً .. ترى والله ما همني صدام وكل اللي بيجيه من سوء أعماله..
المشكلة في ( شعب العراق ) والذي لاحول لهم ولاقوة.. وممكن بعد يزحف الموضوع ليصيب شعبا آخر مجاور لهم.. الله يستر بس...
والجزئية الثانية في ردك .. أقول وش دراك ..
ألف شكر لك يالغالي ..



## الغالي : الرجل الأخضر..
مرحبا بك أخي .. ومن زمان عنك.. وين الناااااس ..
ألف شكر لك على الرد .. وكل الشكر لك على الإطراء..
ومن ناحية الطاقية أقول ممممممممممم : تاركها لك..
ألف شكر لك يالغالي ..


## الغالي : moody*colone..
أجل معجبك رد حبي تيماوي..
هين تحر لأحد مواضيعك..
تصدق كان ودي أقفل ردك ذا بس المشكله إنهما يتقفل..
ألف مليون شكر لك ..


## الغالي : big boy..
الله يعافيك ويبقيك..
واللهم آمين يارب..
ألف شكر لك يالغالي ..


## الغالي : اللبيب الأديب الحبيب الطبيب العجيب الرهيب الغريب .. اللي ديم يشرب حليب..
مجرد مشاركة نبض الشارع الهلالي في موضوعي يعتبر وسام أعتز به....

إقتباس طيب كان قال له : هات تفاحة زرقاء !! أكيد القرد ماهوب قادر ( ن ) يجيب تفاحة زرقاء وبكذا يلقاله النمر ( علثة ) !!

تصدق عاد..!!
ما أدري وشلون غابت عن النمر هالفكرة..
أشوى انك مانتب نمر..

إقتباس وبالنسبة للقرد فمادامه يدري إنه مضروب مضروب .... ليش ينفذ أوامر النمر ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يا خطيييييييييير
ترى مالي دخل..بعدين ياخخخخخخخخخي هو وده ينضرب ..
أل مليون طعش شكر لك يالغالي


## الغالي : الواقع..
القصة مثل ما قلت كنا نسمعها على انها طرفة ولكن اشوفها بتصير حقيقة مع تغير الشخصيات..
وباقي كلامك .. يخوف ..

إقتباس الطاقيه مشخله ولا عاديه

والله حسب التحريات..إنها الطاقية الجديدة اللي مشخله من فوق ومن الجوانب عادي..
ترى حتى وهو قرد ماشي مع الموضة..
ألف مليونشكر لك يالغالي ..


## الغالي :wleedsss..

إقتباس

ألف شكر لك..


## الغالي : الفن كله سامي..
شكرا لك على تشريفيك الموضوع..

إقتباس هلا وغلا اخوي البارق موضوعك اخوي هو الحكمه بعينها والله يعطيك العافيه على هالموضوع ومانقول الا حسبي الله عليهم والله يدمرهم

ألف شكر على كلامك الجميل..والله يقبل دعاك..
وحسبنا الله ونعم الوكيل..
تقبل تحياتي ...


## الغالي / الغالية : هوقن15..
الشكر لكم على المشاركة في هذا الموضوع..
ولكم تحياتي ..


## الغالي : شمــوخ.. وفي رواية جحدر
كل الشكر لك على المشاركة في الموضوع .. وكذلك المشاركة في هذه القصة..
وصدقت والله في كل كلمة قلتها..
بس مو كانك طبيت شوي ..
ألف شكر لك يالغالي ....


للردود بقية..

نكمل الردود ..

## الغالي : حبي تيماوي ..( مرة ثانية ) ..
قصيدة أكثر من رائعة.. بس ما ادري ليه أبو سليمان ما نشرها بنفسه..
وإلا ( هو ) خايف إنه ينسبها لنفسه..
كل الشكر لك..


## الغالي : تحدوه البشر..( مرة ثانية بعد ) ..
أقول عساه إن شاء الله ( يمحطك ) بمحضر يخليك تتمنى التقفيل لك موضوع لك..
قل آمين..


## الغالي : مدمي الشباك سام6..
هلا بك أخوي..
الحمد لله المرة ذي طحت في الموضوع بالصدفة..
وبالنسبة للضربة ما لنا إلا الدعـــــــاء..
وألف شكر لك على الرد والمشاركة..


## الغالي : عارف الهلالي ..
الحمد لله على السلامة..
وجاي تتشمت أنت ووجهك..
إيه هذا جزاي يوم أعطيك سطل العصير..
مرة ثانية إذا تعينت بالدمام ما راح اعطيك عصير..
ألف مليون شكر لك على تواجدك معي في هذا الموضوع.. وصدقني إنه إضافة جديدة للموضوع..
كل الشكر لك..


## الغالي : الشفوق..
أشكر لك كلامك عني وهذا يعود لطيبتك وحسن معدنك..
وأشكرك أيضا لسرعة تجاوبك..
فعلاً..مقال رائع جدا كما توقعته..
واسمح لي أبرئ نفسي من ما نسبته لي ..
أولاً..أبطال القصة التي أوردتها ( قرد - نمر - أسد ) والتي أوردها الأستاذ عبدالعزيز هي ( ثعلب - نمر - أسد ) وأنا القصة التي عرفتها منذ صغري هي الشخصيات التي أنا ذكرت .. وارجع لردي على الأخ ( الكنز نواف ) لأنه ناقشني حول هذه النقطة..

ثانيا..هناك اختلاف قليل في القصة فالأستاذ عبدالعزيز ذكر أن سبب الضرب يعود لـ ( خوف النمر من المستقبل الذي يفيه الثعلب ) وأنا ذكرت أن السبب هو عدم اقتناع النمر بالقرد وكرهه له بدون سبب ( ارجع للقصة )..

ثالثا .. نهاية القصة أو ربطها بالواقع .. هو تحدث عن أن المضروب هو زعيم العراق وأنا قلت إنه شعب العراق..!!

رابعا .. حتى لو كانت القصة متشابهه فأنا قلت في بدايتها ..

إقتباس المهم عندي قصة طريفة وكنا نسمعها من زمان ونتسلى فيها

إقتباس وكان ما يهمنا فيها إلا كونها قصة أو طرفة !! ولكن اكتشفت إن لها معاني ثانية وإنها صارت شبه حقيقة .. وفي طريقها لتكون الحقيقة..

يعني بينت إنها قصة معروفة من زمان وإنها طرفة أو نكته .. ولو تابعت الردود كان عرفت إن فيه بعضهم عارفينها من زمان .. والبعض قال غبرت عليها ( من قدمها ).. يعني ما جبت شيء من عندي القصة معروفة.. وأنا ماسويت إلا إني ربطت بينها وبين الواقع..!!
وصدقني .. مع إني أقسمت قبل إني ما دريت عن المقال .. أقول صدقني لو إني عارف عنه كان نقلته هو بدون ما ازيد ولا أنقص..
على الأقل وش جاب اسلوبه لأسلوبي أنا ووجهي


هذا اللي عندي .. وارجو أن أكون وضحت لك ( الحقيقة ) وأكرر شكرك مرة أخرى لحرصك وأريحيتك..



وتقبل خالص تحياتي ،،،

أخوك / البارق

هلا والله بالبارق .. يالله أنك تحييه ..

القرد مضروب مضروب والله لو يسوي اللي يسوي ...

بس خل عنك والله يا موضوعك مميز كما هي عادتك ..

وهذا دليل التميز
7
7
7
7
7

إقتباس أولا.. أنا قليل المتابعة للصف اليومية

تحياتي لك ..

الأخ المدقق الإملائي.. والذي لا يملك إلا مجموعة وافرة من الدجة الغنية بالكلسترول..

أقول له ورى مــــا تــــعـــــظ لـــك عــلــى شــــحــــــــم..؟!!!!!!

D..

إقتباس والذي لا يملك إلا مجموعة وافرة من الدجة الغنية بالكلسترول

الله لا يهينك رح عدل مشاركاتك اللي من طقة يتاج قبل لا أجيب البرنت عليها الحين

<------ يعني كذا يبي يجيب كل مشاركاتك

إقتباس إقتباس من مشاركة شمــوخ جا على بالي يالبارق بعد ماقرئت موضوعك قصة الاسد والاثوار الثلاثه الابيض والاحمر والاسود كأني شفتك يالبارق تقولي وش سالفتهم !!؟؟ طيب حقولك يكحكى ان اسد ا رغب في ان ياكل من لحم ثور ولكن الثلاثه كانوا اقوى من ان يتغلب عليهم في حالة اجتماعهم فقرر استدراج كل واحد لوحده ففكر بفكره وهي نشر البغض والضغينه بينهم فجاء الى الثورين الابيض والاحمر وقال لهم /ان الثور الاسود مشوه لجمالكم بسواده واخذ يسعى في الكيد والخصام بينهما واستدراجهم في التخلص منه ومن عاره ففعلوا واجتمعو عليه وقتلو الاسود .............وكان المستفيد الاكبر من لحمه الاسد وبعد فترة بسيطة من الزمن اشتاق الاسد الى لحم ثور اخر ورجع الاسد الى حيلته القديمه وهي نشر البغض والخصام بين الابيض والاحمر فاخذ الابيض على جانب واخذ يدس البغض والعدوان في قلبه تجاه الاحمر واخيرا اتفق الابيض وبتعاون منالاسد على التخلص من الاحمر فحتمعو عليه في يوم وقتلوه وكان المستفيد من لحمه للمرة الثانيه الاسد الجشع وبعد فتره قصيره اصبح الاسد يتلذذ (يخرم )على لحم الثور فاخذ يلمز ويهمز ويلمح للثور الابيض الذي ايقن انه مأكول لامحاله لما راى وشاهد نظران الاسد تجاهه واخذ يقول قوله الشهيره بنبرة من الحزن والاسى ((اكلت يوم اكل الثور الاسود)) خلاصه القصه ي جماعه ان امريكا المدمره (لا..اعزها الله) تاخذ االثور العربي_اسف الدولة العربيه_وتتخلص منه ثم تاخذ دوله اخرى ثم اخرى واخرى وهكذا على العموم كانت قصه قراتها اسام 11 سبتمبر فاعجبتني فاحببت ان اعيدها اقصها عليكم (من براطمي مباشرتا )

إقتباس ## ## الغالي : شمــوخ.. وفي رواية جحدر .. بس مو كانك طبيت شوي .. ألف شكر لك يالغالي ....

انا الحمد لله اذا جيت اطب ارفع ثوبي شوي عشان ماتوسخه المويه دائما

أحببت فقط أن أبدي رأيي بقضية تشابه موضوع الغالي البارق مع مقال الكاتب عبدالعزيز السويد فكلاهما كاتب له وزنه وهكذا هم المبدعون قد تتداخل إبداعاتهم وتتشابه <== لايصدق البارق

أما الفكرة فلاشك أنها متشابه تشابها كبيرا لكن ذلك لايعني شيئا كون المعاني ملقاة على الطريق دائرة على الألسن

الطرفة التي بنى عليها الكاتبان مقالهما هي طرفة مشهورة ومنتشره بل وقديمة والوضع السياسي الذي تعيشه المنطقة لاينفك أحدنا عن التفكير فيه والتحدث عنه ولايخلو ذلك من ربطه بأمثال شعبية أو قصص هزلية وهذا ماحدث للكاتبين مما يؤكد أن توارد الأفكار وارد جدا لشخصين يعيشان تحت نفس الظروف السياسية وينهلان من منهل مجتمعي واحد .

ماذكر أعلاه ليس دفاعا عن البارق فالبارق قد يعرفه الأعضاء أكثر مني وهو يملك من الأفكار والرصيد المواضيعي مايجعله بعيدا عن الشبهة ولكني ذكرت ماذكرت من باب ذكر كلمة الحق

تحياتي للجميع ,,,

الله يخلف ما عندك أحد ...

تصدق معجبني عنوان الموضوع