بسم الله الرحمن الرحيم..

نبدأ بالرد .. أبلشنا ذا المشرف.. خايف من الموضوع وقام يجيب مواضيع ثانية ويحطها هنا..


## الغالي : حبي تيماوي ..
أجل بتحط قفل ..!!! أو بتصمخ الموضوع..!!!
أقول لو إني لاقي قفول ما كان كتبت ذا الموضوع..
وكانك موزي شيء .. تكفى علمنا..

إقتباس @ حبيبي بروق العراق خلاص صار أُضحية العيد يعني شف الدور منهو عليه ... يعني بعد الاستعمار الأمريكي للكويت وتحويل قطر لقاعدة عسكريه من بقى ... اللهم احمي بلاد الحرمين يارب العرش العظيم .

وش دراك؟..
ألف شكر لك يالغالي على الرد والمشاركة..


## الغالي : روميو..
أجل نقاطع بيتزا هت..الحمد لله حنا مقاطعينها من زمان..بس السبب مادي..
والله يخااااارجنا على قولتك.. ونسأل الله السلامة..
ألف شكر لك على ردك يالغالي..


## الغالي : تحدوه البشر..

إقتباس مساااااااااك الله بالرضا البارق عمرو موسى

الله يمسيك بالرضا والعافية..
بس عمرو موسى ذا وشو؟؟ تراني ما اعرفه ولا قد قابلته..<----- يسمع بالخوف..

إقتباس اموت بالمشرف السياسي اللي ما يحب التقفيل والحذف

أحلىىىىىى يا حبي تيماوي صار لك معجبين..<----- ما يدري وش السالفة..

إقتباس وعندي احسااااس انك وانت تكتب اصابعك تحكك علشان تقفل الموضوع ناسي انك انت اللي كاتبه

تصدق عااااااد..
رحت اقفله .. وأقول هذا وقت مواضيع سياسية..
وتصدق عاد ردك ينم على إنك تعرف ترد <---- وده يقول ينم ولا يدري وشلون..
ألف شكر لك يالغالي على الرد ..


## الغالي : سهل ثلاث تسعات ناقص ثلاث واحدات يساوي ثلاث ثمانيات..<--- هذي New..
ليه ما بلغت يااااااخي.. تصدق لو انك مبلغ كان يمكن قفلته..
تدري آخر شيء أشوفه هو اسم العضو..;)

إقتباس نجي لمضمون المكان القابل للكتابة القصه قديمه بس تركيبها بما يحدث حاليآ في منطقة الشرق الاوسط ( تركيبة واحد يلعب كنكان )

أولا القصة أنا قلت إنها قديمة .. ومنذو نعومة أظافري ( كانها قد صار ناعمة ) وأنا أسمعها..
أما تركيبها تركيب واحد يلعب كنكان..!! فاذكر زمان إني كنت ألعب كنكان.. وأنواع الحساب في الموضوع
تحلف إني داخل اختبار فيزياء ما العب الا معي الآلة..
والله يقبل دعاك..
ألف مليون شكر لك يالغالي ..


## الغالي : أيمن..
الله يرج شيطانك أنت.. <--- يحسبه يسب..
بعدين النمر ماهوب لي ولا تدخلني بالموضوع..

إقتباس صراحه قصه حلوه ومضحكه اول مره اسمعها

علم بعض الناس..

إقتباس كله من هالقرد صدام ليش مايلبس طاقيه ويفكنا من شره

والله ما ادري وش اقول..
يعني ماهوب المقصود القرد صدام .. وإلا كان قد طار راسه أيام حرب الخليج..
لكن الضربة للعراق كـ شعب مسلم.. والسيطرة على الثروات..<--- شكلي مسكت خط بالموضوع
الله يقبل دعاك.. وألف شكر لك يالغالي ...


## الغالي : f15ykh..
ألف شكر لك على المشاركة..
وخذ اللي تبغى من ردي على أيمن..
تقبل تحياتي ...


## الغالي : الكنز نواف..
يا مرحبا يامرحبا..
أول شيء كان عندك ربو الله لا يهينك أطلع برا الموضوع لا يجيك شيء ونبلش بك..

إقتباس اولا يابوقفل

تراني البارق لا تحسبني أحد المشرفينن الثانين..

إقتباس الحيوان هو الثعلب ( بالحصين بالعامي ) مو القرد .

إييييه.. والله القصة من زمان وأنا أسمعها قرد..وأول مرة أسمعها أبا الحصين..
بعدين أعتقد إنها ما تنفع لو كانت ثعلب ( عشان اللي ما يدري وش نقصد ) لأن الثعلب ما تمشي عليه هالالاعيب.. لأنه مشهور بالدهاء والقرد مشهور بالدباشة وبذلك يكون النمر مشهور بالمردغة..

إقتباس اخوي اتمنى ان تقرا ماقاله الشيخ سفر الحوالي عن السبب الحقيقي لهذه الحملة . وهو كلام رائع جدا من هذا الشيخ

ياليت والله..
وأقول لك أخوي الكنز.. لو كان كلام الشيخ موجود على النت ياليت تدلنا عليها أو تجيبها لنا.. وكانها عندك في ورقة ياليت تسوي لها ( سكان )... وكانها على شريط ياليت تعطينا اسمه.. والدال على الخير كفاعله..
وهذا الوقت المفروض من الجميع الارتباط أكثر بالمشايخ والعلماء..واللهم أعذنا من الفتن..

آخر شيء .. أقول لك لا تشوشر علينا .. تراكم مانتم قدي ..

ألف مليون شكر لك يالغالي ...


للردود بقية...

للجميع تحياتي الحارة ،،،

أخوكم / البــــارق