|| مــــقدمـــــة ||
السلام عليكم ورحمة الله وبركاته ...
بُغية تغطية كل ماهو جديد لمشاهدي واعضاء شبكة الزعيم بقسم الرياضة العالميه .. قررت رابطة عشاق برشلونه ان تنزل هذا الموضوم لكم جميعاً بشكل اسبوعي .. والذي بمثابة الموجز الاسبوعي للرابطة وما يحدث فيها من اخبار وغيرها ...
وهذا الموضوع بالتأكيد لن يكون في احسن حالاته هذه المره كونها الاولى .. وباذن الله نعدكم بالتحسن اسبوع تلو الأخر .. ان لاقى تفاعلكم واستحسانكم متابعينا الاعزاء .
فـــ بسم الله نبدأ :
|| عناوين اخبار الاسبوع الماضي وبعض اغلفة المجلات ||
غلاف السبورت ليوم الاحد
سامو باق في برشلونه
سيلفا لا يفكر في الانتقال الا الى برشلونه
غلاف الموندو ليوم الاحد
ميسي لجوارديولا : هو يستحق الرقم ( 10 )
بشكل مؤكد : ايتو سيبقى في برشلونه
غلاف السبورت ليوم الاثنين
التــــــــوقيـــع
غلاف السبورت ليوم الثلاثاء
ايتو .. نعم
في اشارة الى اتفاق بيب مع ايتو بالبقاء مع الفريق للموسم الجديد
غلاف الموندو ليوم الثلاثاء
الفيس والامل لتحقيق طموحه
الفيس يطالب جمهور الكامب نو باظهار دعمهم الكبير في تشجيعهم للفريق أثناء مقابلة نادي ويسلا كراكوف
غلاف السبورت ليوم الاربعاء
يراهنون على دوري الابطال
غلاف الموندو ليوم الاربعاء
يراهنون على ايتو
غلاف الموندو ليوم الخميس
ايتو مرة أخرى ..!
غلاف الموندو ليوم الخميس
At Arshavin
غلاف السبورت ليوم الخميس
إيتو الافضل في بيته
ووهنا الأخبار .. وستعرض بشكل عناوين .. ولمشاهدة الخبر كاملة .. اضغط عليه :
القلق يحذو الأمانيه الفنيه من ضعف مستوى هنري
بـيـب يـسامح ايـتـو
][ هنري يتفق مع بـويول : هـناك مجال لـ التحسن ][
|| مـــابــعــد الــمــباراة ||
وفي هذه الفقره سنقوم بتغطية لمباراة برشلونه في دوري الابطال امام الفريق البولندي والتي اقيمت يوم الاربعاء الماضي , والتي انتهت بفوز كاسح لأبناء جوارديولا .. وفيما يليي تفاصيل المباراة :
دك برشلونة الإسباني مرمى ضيفه فيسلا كراكوفيا البولندي برباعية نظيفة، في المباراة التي جرت بينهما على ملعب " كامب نو "، في ذهاب الدور التمهيدي الثالث من مسابقة دوري أبطال أوروبا لكرة القدم.
وسجل الكاميروني صامويل ايتو (17 و84) وشافي هرنانديز (24) والفرنسي تييري هنري (50) الأهداف.
وبدا لافتا إشراك مدرب برشلونة الجديد بيب غواردويلا لإيتو في اللقاء بعدما برز خلال فترة التحضيرات التي تسبق انطلاق الموسم الجديد، ليتأكد بالتالي احتفاظه به للموسم المقبل كون مشاركته في دوري الأبطال قطعت الطريق أمام الفرق الكبرى الأخرى للتعاقد معه، إذ أنه لا يستطيع أن يدافع عن ألوان فريق آخر في المسابقة القارية بحكم لعبه مع الفريق الكاتالوني أمام فيسلا.
وهنا اراء بعض اعضاء الرابطه .. اضغط على اسم العضو لرؤيته
تقييم اللاعبين حسب صحيفة السبورت
تم اختيار المهاجم صامويل ايتو كافضل لاعب في المباراة حيث حصل على ( 9 ) نقاط ، وكان ابيدال هو الاسوء وحصل على ( 5 ) نقاط .
فالديز ( 6 )
بويول ( 6 )
ماركيز ( 7 )
الفيس ( 6 )
ابيدال ( 5 )
كيتا ( 7 )
تشافي ( 8 )
انيستا ( 8 )
هنري ( 8 )
ايتو ( 9 )
بيدريتو ( 7 )
بيكي ( 6 )
توريه ( 6 )
هليب ( - )
|| كــرســـي الاعــتـــراف ||
ومن حوالي 7 اسابيع ومن اواخر ايام الرابطة القديمه وحتى الآن .. يقوم العضو Lionel Messi بعمل استضافة لأحد اعضاء الرابطة بشكل اسبوعي بكرسي الاعتراف .. وسنعرض لكم آخر عضو جلس على الكرسي بشكل كامل .. ولرؤية اجابات الاعضاء السابقين اضغط على اسماءهم وهم :
والعضو صاحب الكرسي السابع هو .. Hilali 3asal .. وسنعرض لكم إجاباته كامله :
الإجابات
قبل الاجابة على الأسئلة نبدأ بالبطاقة الشخصية : الاسم : عواد سلطان العودة العمر : +30 
الاقامة : في مدينة حائل ولكن حاليا في مدينة الرياض لظروف العمل المهنة : محاضر في معهد الادارة العامة بالرياض ( يعني أي واحد موظف حكومي عنده دورة ومحتاج ترقية له او لقريب لا يستحي ولا يرده إلى الرسائل الخاصة ) التخصص : ماجستير في الإدارة العامة من أمريكا . F.C.Blugrana
سـ1 / لماذا تتبع الستايل الرسمي في ردودك ؟
مافيه سبب معين يمكن اني تعودت على الكتابة بهالطريقة وخاصة بالنسبة للنقاشات لأني اشوف الاسلوب هذا يعطي جدية أكثر في النقاش وفي النهاية اتوقع ان الموضوع نفسه هو اللي يحدد اسلوب الرد اكثر وهذا رأيي .
سـ2 / هل أنت رومنسي ؟؟
يعني تقريبا اشوف نفسي كذا .
سـ3 / تخيل معي :
أ - أنت جالس مع الشباب ،، والجلسة جلسة سب وحش .. فعدت تسب في واحد وتحش .. بعد شوي لفيت راسك يمين ليقته موجود ( جني ذا ) .. وش تسوي ؟؟ تعتمد على هالادمي اللي انت مستلمه حش اذا انا امون عليه راح اعتبر الموضوع عادي ، لكن اذا علاقتي فيه سطحية او ما اعرفه زين هنا صراحة تحتار يا اني اعتذر له في وقتها او اني اقول اكرمكم الله يالربع وامشي وبعدين اتفاهم معاه على الموضوع وان الدعوى كلها مزح .
سـ 4 / شرايك فيني بكل صراحة ؟
صراحة ما اقدر احكم عليك او اعطيك رأيي لكن في الرابطة من الاعضاء النشيطين والله يعطيك العافيه.
سـ 5 / وش لابس اللحين ؟
لابس بدلة رياضية وفنيلة برشلونه بالتحديد وجالس في مقهى انترنت واجاوب الاسئلة لأن عندي مشكلة مع اللاب توب وصرت اداوم على المقهى .
H U N T E L A A R
س1 / الـبـطـاقـة الـشـخـصـيـة ( الأسـم , الـعـمـر )
جاوبنا عليه في البداية .
س2 / كـيـف تـعـرفـت عـلـى شـبـكـة الـزعـيـم .
بدايتي مع شبكة الزعيم من سنوات أيام الدراسة في أمريكا ونبي مواقع تجيب لنا أخبار الهلال واذكر في البداية كنت اروح موقع الهلال كلوب وبعدها حولت لشبكة الزعيم ومثل مايقولون شبكة الزعيم تكفيك .
س 3 / مـلاحـظ عـلـيـك مـن خـلال أسـلـوبـك داخـل الـرابـطـة و بـعـض الـمـواضـيـع بـالـعـالـمـيـة أنـك تـضـع بـيـنـك و بـيـن الـعـضـو الأخـر ( فـراغ ) مـن خـلال الـرد بـأسـلـوب رسـمـي . . هـذي طـبـيـعـتـك أو لاتـحـبـذ الأحـتـكـاك مـع الأعـضـاء بـشـكـل كـبـيـر ؟
علشان اكون صريح معاك يمكن اقول الاثنين ... يعني زي ماقلت في السؤال الاول انها سالفة تعود على استخدام هالاسلوب بالكتابة ، لكن من جهة ثانية سبق وحصلت لي احراجات مع اصدقاء في منتديات كنت مسجل فيها زمان ( طبعا تركتها الحين واكتفيت بمنتديات الزعيم ) بسبب بعض الردود اللي فيها مزح زائد او اللي نسميه الاسلوب الساخر وكنت استخدم الاسلوب هذا كثير وبعدها للامانة صرت أتردد في الكتابة بالطريقة هذي لأني ما احب احد ياخذ مني موقف على كلام او رد اكتبه .
س4 / مـايـعـيـب H U N T E L A A R كـ عـضـو ؟ . .أي أنـه تـتـمـنـى أنـه يـغـيـر شـي بـأسـلـوبـه بـالـرد او شـئ أخـر ! .
بالعكس أقولها بدون مجاملة وليد من الناس اللي تعجبني آراءهم وردودهم ... أشوف فيك نوعية المشجع اللي يشجع الفريق بعيدا عن الأسماء واللاعبين النجوم واذا فيه شي ممكن اقوله فأتمنى يكون تواجدك معنا بشكل أكبر في النقاش والتحليل .
س 5 / هـل تـرا أن أدارة الـبـارسـا مـُمـثـلـة بـالـرئـيـس لابـورتـا أسـتـعـجـلـت بـتـعـيـيـن جـوارديـولا مـدربـاً لـ الـفـريـق خـصـوصـا أنـه كـان يـوجـد جـوزيـه مـوريـنـهـو و فـان بـاسـتـن و لـيـبـي ... الـخ عـلـى قـائـمـة الـمـطـلـوبـيـن لـ بـرشـلـونـة و بـطـبـيـعـة الـحـال دربـوا فـرق كـبـيـرة و أصـحـاب خـبـرة مـن خـلال أحـتـكـاكـهـم بـالـبـطـولات الـكـبـيـرة .
هو أكيد تعيين جوارديولا كان مفاجأة وممكن تكون الادارة استعجلت باختياره خاصة بعد سنتين عجاف وهو تنقصه الخبرة لكن نتمنى انها تكون مفاجأة سارة ، وبيب واضح عليه انه مجتهد في عمله من خلال المعسكر الاعدادي والمباريات الماضية تلاحظ التغيير في الفريق من حيث اللياقة البدنية والجدية في الأداء داخل الملعب وخاصة من لاعبي الفريق الثاني اللي يحاولون يثبتون انفسهم ونتمنى له التوفيق مع البرسا .
Lionel Messi
ســ 1 / ساكن وين ,, العمر ؟؟؟
تمت الإجابة
ســ 2 / هالاسماء اذا شفتها وش تحس فيه :
S U L A I M A N أخ عزيز وغالي وهو تقريبا الوحيد اللي علاقتي فيه خارج حدود الرابطة ... شخص كلما تعرفه اكثر تحترمه وتقدره أكثر بس مشكلته كبر راسه يوم توظف .
Ronldinho – 10
عاشق رونالدينيو ... ردوده وكتاباته متميزة وخاصة اذا كان الكلام حول روني لما تقراها تتذكر على طول برشلونه 2005/2006
محب الذئب9 من الاعضاء اللي تعتبرهم ( ملح الرابطة ) في ردوده وتعليقاته ... اذا تشوف تنسيقه للموضوع لما ينزله ألوان وخطوط وشغل مرتب تحس انك قدام واحد يعرف ينظم وقته وشغله ( اتمنى انها ما تكون من كثر الفضاوة )
Lionel Messi
يصلح له لقب ( حكيم الرابطة ) عليه طلعات وأفكار لكن للأسف ماتلقى طريقها للتنفيذ ... له سر غريب مع البوندسليغا مايعرفه إلا هو .
◦●☺هلالي☺●◦
ما أدري وش ممكن أقول عنه لكن اتمنى ما تطول غيباته علينا .
ســ 3 / شي تتمناه يصير في الفريق ؟؟ وشي كان موجود وراح وودك يرجع ؟؟ وشي ما تتمناه يكون ؟
الشي اللي اتمناه هو نفس الشي اللي كان موجود وراح وهي عودة الروح القتالية للاعبين ومستوى برشلونه المعروف ومعاه النتائج الرائعة ... والشيء اللي ما أتمناه هو استمرار مشاكل الدفاع والحراسة هذا الموسم واللي جابت فينا العيد الموسم الماضي .
ســ 4 / ماكسي لوبيز اكيد تعرف هاللاعب ,, وش رايك فيه بصراحه ,, وهل تتوقع ان عدوانيه ريكارد للأرجنتيين اثرت في بروزه عالمياً >>> وهذا رايي الشخصي ؟
ماكسي من اللاعبين اللي انا توقعت له النجاح مع برشلونه مهاجم قوي بدنيا ولياقته عالية واذكر الهدف اللي سجله في تشيلسي كان يوضح ان عنده مهارات جيدة لكن يمكن ما أخذ فرصته الكافية مع المدرب رايكارد لكن ما أتوقع ان الموضوع يوصل يكون عدوانية او تصفية حسابات .
ســ 5 / اذا ماصار فيه فريق اسمه برشلونه ,, وش تتوقع اي فريق يمكن تميل له ؟؟
صراحة ما أدري يمكن اكون شجعت الانتر لأنه تقريبا هو فريقي الثاني بعد برشلونه واكيد الفرق بينهم مسافات.
ســ 6 / لو اعطيت كامل الصلاحية في نادي الهلال .. ماذا ستفعل باختصار ؟؟
الزعيم يحتاج إلى تصفية كبيرة لعدد من اللاعبين اللي اثبتوا أنهم انتهت صلاحيتهم أو أنهم أساسا ما يستحقون الانضمام للزعيم وإعطاء الفرصة للاعبين الشباب ... أتوقع هذي هي النقطة الأولى والمهمة.
ســ 7 / رتب افضل 10 لاعبين بالعالم قديم او جديد ,, يشدك مهم اكنت جنسيته او مركزه ؟؟
سؤال صعب صراحة فيه عدد كبير من اللاعبين ممكن تعتبرهم أساطير في الكورة يمكن يكون صعب ترتيبهم وحتى اختيارهم لكن الأكيد أن مارادونا هو أولهم بدون منازع ..
ســ 8/ لاعبين ياخذون شهره وهالة اعلامية وممكن ما يكونون يستاهلونها ,, ولاعبين مظلومين ماياخذون ولا نص هالشهره ,, رايك في هالنقطة ومن المسؤول عنها برأيك ؟؟
اكيد الظاهرة هذي موجودة في الملاعب وفيه أسباب كثيرة منها الاعلام ونفخه للاعبين ... قناعات المدربين من كثر ما يفرض مشاركة لاعب في التشكيلة يعطيه هالة اعلامية مايستحقها ... ولا ننسى وضع اللاعب في الفريق لما يكون لاعب جيد مع فريق مليان عاهات تلقى اعلام النادي ينفخ فيه بشكل مبالغ لتعويض غياب النجوم الآخرين في الفريق واقرب مثال عندنا هي حالة سعد الحارثي في النصر .
ســــ 9 / رأيك بصراحه في البوندز ليغا ؟؟ وهل تقارن في الدوريات الكبيره كمتعه وحضور جماهيري ؟؟ ورايك في الاحجاف الكبير اللي صاير في شبكة كالزعيم لاتهتم في الدوري الالماني ؟؟ ولو كنت مكاني هل ستترك تقديمها اذا تواصل هالاحجاف والا بتستمر ؟؟ >>> سؤال طويل ارجو تجاوب عليه من كل اطرافه
بالنسبة لي انا اعتبر نفسي غير متابع للبوندسليغا ماعدا مباريات الفرق الكبيرة واولها البايرن لكن اكيد انه دوري قوي واذكر قبل العام لما كانت المنافسة بين شتوتغارت وشالكه على ما اذكر ولم يحسم الا في مباراة الجولة الاخيرة فهذا دليل على قوته واكيد يقارن بالدوريات الكبيرة واعتقد ان احصائيات الموسم الماضي او اللي قبله كان هو الدوري الاعلى في الكثافة الجماهيرية اوروبيا لكن يمكن الشي اللي ينقصه عن الدوريات الاخرى مثل الاسباني او الايطالي او الانجليزي هو عدم تواجد النجوم العالميين فيه بشكل كبير .
اتفق معاك انه فيه تقصير هنا في متابعة اخبار البوندسليغا وحتى في تفاعل الاعضاء معه مع وجود مثل هذه المباريات القوية ، وبالنسبة للجزء الأخير من السؤال تعتمد على القناعة الشخصية وانا لو كنت مكانك بصراحة اتوقع راح افكر بشكل كبير بالتخلي عن الموضوع نهائيا اذا استمرت الحال على ماهي عليه يعني ممكن انتظر بداية الموسم وبعدها اتخذ القرار النهائي .
ســـ 10 / ليه الموز لونه اصفر والتفاح احمر واخضر واصفر ؟؟ حيرتني بالسؤال ... طيب ليه البيبسي واحد ويوم جددوا فيه طلعوا لنا بيبسي دايت والميرندا فيه برتقال وتفاح وحمضيات إذا جاوبتني عن الميرندا والبيبسي أجاوبك عن الموز والتفاح 
.
فهد عاشق البرسا
بطاقتك الشخصية لو سمحت >> يقاله ثقل
العمر ، المهنة ، التخصص ، ولو تذكر الحاله الأجتماعيه ماهيب مشكلة
ذكرتني بالحالة الاجتماعية نسيتها أخوك أعزب.
2- عالم الترجمه وش يعنيلك ، وأين ترى نفسك أفضل في الترجمه ولا التحليل الفني ؟
الترجمة شغلة حلوة تستفيد منها تعلم كلمات في لغة اجنبية غير الانجليزية ، وبالنسبة لي تبقى مسألة التحليل أفضل لأنها تعطيك فرصة للنقاش مع الأعضاء الآخرين ممكن تكون عندك قناعات خاطئة وغيرك يساعدك في تصحيحها .
3- ياليت تذكرلنا متى كانت أول بداياتك مع الترجمه ؟؟
البداية اذكر لما كنت ادرس برا وكان لي أصدقاء اكثرهم من امريكا اللاتينية ومسكت معاي أتعلم اللغة الاسبانية ومن ذاك الوقت اتوقع هي بدايتي مع الترجمة .
4- الأدوات الي تستخدمها في الترجمة ، قوقل الوافي .... ؟ أستخدم قوقل وفيه موقع ثاني اسمه systran وهذا رابط للي يحب يجرب يستخدمه http://www.systran.co.uk/
5- بصراحه مطلقه ما عمر أبو سلطان لطش خبر ، طبعا في بداياته
صراحة ما أذكر الحين يمكن اكون لطشت لي خبر بس ناسي .
7- سبب عزوفك أو ندرة ترجمتك للمقالات سواءً في الموندو أو السبورت ؟
مافيه سبب يمكن سالفة عجز او كسل واحيانا ما تلقى الوقت الكافي انك تترجم مقال كامل .
8- الاحظك في أغلب الأخبار تفضل السبورت على الموندو ، فيه سبب معين !
السبورت اشوفها تتميز عن الموندو بسرعة نشر الخبر وتلاقي فيها اخبار اكثر عن برشلونه ويمكن هذا هو السبب .
9- برايك من أفضل لاعب مر على برشلونة من ناحية تأثيرة على تاريخ النادي " كـ لاعب " عشان ماتقول كرويف ؟
أتوقع ريفالدو هو من أكثر اللاعبين تأثير لأنه مرت فترات صعبة على الفريق ايام المدرب فان غال وعصابة اللاعبين الهولنديين اللي جمعهم وكان ريفا هو السوبر ستار اللي شايل الفريق بأكمله وفي المرتبة الثانية اتوقع رونالدينيو .
10 وأخر سؤال : ماتطمح للأشراف ؟؟ تخيلوا يصير في رابطتنا مشرفين
أبدا ما فكرت بأي منصب إشراف نهائيا .
S U L A I M A N
تخبر مسلسل وضاح ؟ كنت تتابعه ولا ساحب عليه
كح كح ... ايه اخبره ولا أذكر اني كنت أتابعه ... ما أتابع إلا المناهل كان تخبره وخاصة شخصية أبو الحروف.
2- وين رحت له باجازتك ماسألتك هالمره وكانه برايفت ارسله لي بالخاص ما أعلم ترى
المره هذي شجعت السياحة الداخلية وقضيتها في حائل .
3- هل تعلم ان النتيفي نتف أهلي بالدرجات الله يهديه تكفى قل ان موضوعه حق الدوره ماخلص اولاه تكفى اقعد له قهرني قسم بالله يابو سلطان اولااااه
توك تعلمني عن الموضوع كان قلت لي من زمان وابشر بعزك .
4- هل تعلم ان الصندوق سحبوا علي حسبي الله عليهم
ولا يهمك هم الخسرانين معوض خير ان شاء الله .
5- متى ناوي تعرس لاتقولي اذا أراد الله أبيك تعطيني وقت محدد موعد عرسي زي اعتزال ماجد عبدالله لازم يكون تاريخ مميز بس كل سنة يتأجل ... فيه موعد مقترح حاليا 10/10/2010
6- حسابك كم فيه الحين بالضبط وكم يعطونك راتب الدوام بكل صراحة وأريحيه تامه عادي برضو ارسل لي على الخاص هنا الظاهر الجواب يجيك بالخاص .
7- متى آخر مره لبست بدله
الظاهر علمي بها سفرة التشيك اللي تخبر العام .
8- أمس وش تعشيت ووين ؟ ( يعني يوم الثلاثاء )
متعشي بالعجمي اللي في شارع الستين مع واحد من الشباب .
9- شرايك تعزمني بـ تشيليز زمان عن ستيكم صراحة :$
تامر امر أبشر بالوقت اللي يعجبك على الأقل تعلمني وينه لاني ما أدل مكانه .
10- وراك ماتحب تتابع مسلسلات أجنبيه ؟ بريزن لوست ديسبرت مونك هيروز وانت ماشي ؟
بالعكس اتابع مسلسلات اجنبية بس احب الكوميدية منها يعني دورني عند فريندز وسينفيلد ومن هالنوعية ...
PUYOL Carles
1 - متى بدأت متابعة الفريق ؟
اذكر البداية كانت من ايام الدريم تيم 1 مع الاسطورة كرويف .
2 - مدرب تحس ماأخذ حقه ؟
في برشلونه ما أذكر احد .
3 - لاعب تحس ماأخذ حقه ؟
كنت متوقع مستقبل كبير لكواريزما لكن ما حصلت له الفرصة مع الفريق .
4 - نوعية اللاعب الا تفضله ؟
مهاجم قناص من نوعية روماريو يسجل بكل الطرق .
5 - خط من الخطوط الثلاثه او مركز محبب لك .. وتفضل تركز عليه ؟
خط الوسط الأيسر .
6 - أكل المنزل ؟ اكل المطاعم العربي ؟ اكلات اجنبيه ؟
مافيه أحلى من اكل البيت وهالشي ما يحس فيه الا المحروم منه مثلي ... والمطاعم أفضل العربية أكثر وبعدها الايطالية.
7 - الفريق في المباريات الاستعداديه هالموسم قدم وجه افضل من استعدادات الموسم الماضي .. هل هالوجه تتوقع راح يستمر والا راح يكون وجه مخادع ؟
ان شاء الله نقول ان الفريق يستمر على هذا الوجه في المباريات الرسمية وانا صراحة متفائل في برشلونه هذا الموسم .
8 - رأيك في وسامة ورسمية وصوت سليمان ابو الريش الرئيس المخلوع ؟ اكيد السلمي انسان وسيم وأنيق في نفس الوقت وما اذكر اني قابلته بغير هالشكل يلقبونه " دون جوان " البكيرية .
9 - شخصيه فنيه معجب بها ؟
في مجال الغناء اكيد ابو نوره لايعلى عليه يغرد خارج السرب مثل ما يقولون ، وبالنسبة للتمثيل ولاني متابع افلام اجنبية فقط يعجبني كثير واولهم ال باتشينو وروبرت دي نيرو وجاك نيكلسون .
10 - مرحله من مراحل حياتك تحب ترجع لها ؟
سنوات الدراسة في امريكا من اجمل المراحل اللي اتمنى لها ترجع وخاصة السنة الاولى لما كنت ادرس في معهد اللغة قبل بداية الدراسة الجامعية لانها تجمع طلاب من مختلف الجنسيات والثقافات تتعلم منها الكثير وتتعرف على عادات غريبة وخاصة الاسيويين.
محب الذئب
س1/ مـن آفضـل لآعـب عنـدك .. [ محـلي عـآلمـي ] ؟
في الوقت الحالي محليا ياسر القحطاني وعالميا ميسي .
س2/ مـن آسوء لآعـب عنـدك .. [ محـلي عـآلمـي ] ؟
محليا اسامة المولد وعالميا امبروزيني لاعب ميلان لاعب اكرهه بشكل غير طبيعي ما ادري ليش .
س3/ من تفضـل (آيتـو .. توريس ) ( كـآسيـآس .. بوفـون ) ( بيـرلو .. كزكز ) ( جيـرآرد .. لمبـآرد ) .. ؟
ايتو – بوفون – كزكز – جيرارد
س4 / معك سيـآرة ولآ لآ .. وآذآ معـك وش آلسيـآرة ..؟
الايام هذي مامعي وشغال على الايجار .
س5 / وش أفضـل عنـدك تـشوف آلمبـآرآة فـي آلبيـت ولآ في قهـوة .. ؟
مباريات الهلال وبرشلونه دائما احب اتابعها في البيت بعيد عن الازعاج والمباريات الاخرى ماتفرق معاي سواء في البيت او القهوة .
س6 / من تبـي يجي هجـوم للهـلآل مـع يـآسر .. ؟
مالك معاذ
س7 / من تبي يجـي مهـآجم فـي آلـبرســآ .. ؟
ديفيد فيا
س8 / وش تنتـظر مـن برشـلونة و آلهـلآل آلسنـة هـذى .. ؟
ننتظر منهم موسم ملي بالبطولات والانجازات وأكيد الاسيوية بالنسبة للزعيم هي الأهم وخاصة مع الاستعدادات اللي نشوفها تبشر بالخير ان شاء الله .
س9 / لـو كنـت محـل بيـب .. وجميـع آللآعبيـن جـآهزين وش بتـكون تشكيلـتك آلآسـآسيـة .. ؟
فالديز – ابيدال – بويول – ميليتو – الفيس – تشافي – توريه – سيدو كيتا – هليب – ميسي – ايتو
س10 / وش تفضـل ميـسي يـجـلس فـي بكـين ولآ يـرجع .. ؟
من البداية وانا اتمناه يبقى في بكين ويشارك مع المنتخب ، خاصة ان الفريق ماعنده الا مباراة تصفيات قدام فريق بولندي وصراحة اذا كنا نحتاج لميسي علشان نتأهل على حساب فريق مثل هذا من الأفضل الا يتاهل برشلونه لأن القادم اكيد راح يكون أصعب .
س 11 / كيـف تشـوف آلآنتـر بعـد قـدوم مـورينـهو .. ؟
اتوقع ان مورينهو هو ضالة الانتر مدرب صاحب شخصية قوية ويملك ثقافة الفوز وخاصة في المباريات الكبرى وعلى المستوى الاوروبي بشكل خاص وهو الشي الذي كان يفتقده الفريق مع مانشيني .
س 12 / مـن آللآعـب آلى ودك يجـي للـبرســآ .. ؟
اتمنى حارس بقيمة بوفون يزيد من الثقة والامان للدفاع .
س 13 / طـآبع آلرسمـية غـآلب علـيك .. لـية .. .. مـآ تبـي تحتـك كثـير مـع آلآعضـآء .. آو طبـعك كـذآ .. ؟
تمت الإجابة على السؤال
س 14 / جـآتك جـآئزة سفـرة لـ برشـلونـة .. ولـشخصيـن .. مـن بتـآخذ معـك .. .. مـن آلـرآبطـة يعنـي آنت وميـن .. ؟ آخذ معي سليمان علشان استغل وسامته وأناقته في الأماكن العامة .
س 15 / آزعجتـك آسئلـتي .. ؟
بالعكس انبسطت بأسئلتك ويعطيك العافية .
وشلوون مغليك
سين سؤال 1/ هلالي عسل من اكثر المشاركين والمتفاعلين مع مواضيع الرابطه ؟ الا يشعرك الغياب الكثير احيانا بالملل ؟
ج1 / ممكن يكون الغياب الكبير يخليك تحس بشي زي كذا خاصة اذا استمر لفترة طويلة لأن مثل هذه الروابط وضعت اساسا للنقاشات والتفاعل بين الأعضاء والغياب مايساعدك على هالشي ، لكن في النهاية نحن اشتركنا في الرابطة تقديرا للاخوان هنا في المنتدى ولأننا نحب برشلونه وهذي أسباب تساعدك تتجاوز مثل هالمواضيع .
سين سؤال 2/ العام الخامس لك او نهاية الرابع ... تقييمك لعقليات اعضاء الشبكه بشكل عام وبدون مجامله .. خصوصا مجلس الجمهور الهلالي ؟
ج2 / بالنسبة لمجلس الجمهور الهلالي صراحة مالي اي علاقة فيه ومن الصعب اني اقيمه او احكم عليه لان مشاركاتي هنا محصورة في الرابطة ومنتدى العالمية حتى منتدى الجمهور الهلالي مشاركاتي فيه محدودة جدا ، وعن التقييم أتوقع اي منتدى سواء رياضي او غيره لازم تلاقي فيه اختلاف في العقليات بعضهم يشارك من اجل المشاركة والبعض تلقى مشاركته كلها انتقاد وهجوم بدون مبرر ولا يمكن يقنعك حتى لو ذكر الاسباب وفيه فئة تكتب بأسلوب عقلاني ومنطقي تحترمها وتجبرك تدخل معها في نقاشات وتتفاعل معها .
سين سؤال 3 / ادارة الشبكه تبذل مجهود جبار .. ولكن ابتعاد الكتاب الهلاليين الكبار عن الشبكه هل بالفعل السبب يعوود لتعامل بعض المشرفين الغير حضاري معهم ؟
ج3 / بكل امانة ماعندي أي معلومة عن الموضوع هذا لكن اتمنى مثل هالشي مايكون موجود .
سين سؤال 4 / تم اعتماد نظام رائع لطرح المواضيع في الشبكه وخصوصا مجلس الجمهور .. وبعد فتره الغي .. هل ترى اعتماد الشبكه على الكم مضر ام انه صحي ؟
ج4 / الاثنين يمكن يكون صحي لانه يعطي اي شخص يحب ان يسجل ويشارك الفرصة انه يكتب ويبدي رايه بدون قيود ، لكنه مضر لانه احيانا تكون فيه بعض المشاركات المتميزة لكن ماتقدر تقراها بسبب كثرة المشاركات واللي بعضها للاسف ماتستحق القراءة وانت تلاحظ احيانا وخاصة في منتدى الجمهور الهلالي لو تكتب موضوع جديد وينزل في الصفحة الاولى ترجع بعد دقائق ماتحصله تلاقيه انتقل لصفحة ثانية بسبب كثرة المشاركات .
سين سؤال 5 / الرياضه السعوديه الى اين تتجه .. والمسيره الهلاليه القادمه الين تتجه ؟ وهل نستحق الوصول لكأس العالم .. ؟ اذا لا اتمنى تبين سبب واحد فقط
ج5 / رياضتنا مليانة بالمشاكل لأسباب كثيرة منها الادارية سواء في الاندية او الاتحادات ومشاكل نظام الاحتراف المطبق عندنا وعقليات اللاعبين انفسهم ... يعني مشاكل اتوقع واضحة للجميع .
بالنسبة للزعيم يعني متفائلين خير بالادارة الجديدة لكن يبقى الفريق بحاجة الى تصفية شاملة للاعبين المستهلكين وابعاد المحسوبيات والواسطات اللي جعلت الكثير من اللاعبين ياخذ اكثر من فرصته وهو مايستحق .
التأهل لكاس العالم اكيد شي نتمناه للمنتخب ، وصراحة انا اشوف ان الكرة السعودية مع كل هالمشاكل قياسا بمنتخبات قارة آسيا تستحق التأهل لكاس العالم يعني انا استثني اليابان بلد عندهم تخطيط واحتراف صح وبعدها ممكن كوريا لكن باقي الدول كلها اتوقع عندها تقريبا نفس المشاكل .
وأخيرا أشكركم جميعا على الأسئلة واتمنى ان تكون الاجابات لاقت استحسانكم وكنت ضيف خفيف الظل عليكم .
|| ذكــريات برشـــلونــيه بالصــور ||
في هذه الفقرة دعونا نسترجع ذكرى لاحد ابرز اللحظات الكاتلونية إثارة ،
ولأحد أبرز من مروا من هنا... من قلعة الكتلان ،،،
إنه بكل بساطة الآسطورة " 
Rivaldo " ياسادهـ ،،، في هذه الفقرة لن أتحدث عن اللاعب وتاريخه ، ولكن سأدع هذه الصورة تتحدث عن اللاعب ، ففي تلك اللحظة الحاسمه لبرشلونة ، الفوز على الخفافيش كان يؤهل برشلونة لدوري الأبطال ، وكان برشلونة بامس الحاجة للتأهل للضائقة المالية التي تمر بالفريق ، وكانت أي نتيجة غير الفوزتعني " سنوات من الضياع " لكل البرشلونيين،،، وبينما بدأت تشير ساعة حكم المباراة إلى قرب نهايتها ، وبالنتيجة على الشاشات تشيير الى التعادل 2/2 ، تلك النتيجةالتي تخدم الخفافيش بكل تأكيد ، كان للسوبرمان ريفالدو رأيا أخر ، حينما استقبل كرة هوائية بكل حنان صدرهـ ، ومن قلبه حلق في الهواء ، وبلعبة " دبل كيك " مذهلهـ ...!!! بعدها ... شاهدناهـ كيف فجر أحاسيسه وحبه للبلوجرانا.....!!!!! إهتزت الأرض وسجل مقياس ريختر زلزالا مقرهـ قلعة الكامب نو ، زلزالآ باأقدام ريفالدو ، . . . ولكن مهلا دعوني أعيد اللقطة بالبطيء ...
نعم الكرة كانت قادمة من أحد ابناء دي بور الهولنديين ،
ريفالدو لم يشاهد المرمى ؟ وكان محاطا بلاعبين الفالنس ، ومع ذلك أرسل صاروخا " بر بحر جو " أهداهـ لكانيزارس حارس منتخب أسبانيا في ذلك الوقت ، لم يشاهدها سوا في الاعادهـ ، وفاز البرسا باأقدام ريفالدو على الفالنس ،،، وقاد برشلونة في يوم لاينسى ....!!!! * ماهو شعورك عند أول مرهـ شاهدة فيها الهدف ؟
* كيف تصف فرحة الجمهور في الملعب بعد الهدف ؟
* هل تذكر ردة فعل الصحف على روعة الهدف الذي فعلا كان في وقته ؟
* هل تعتقد بان تسجيل الهدف بهذه الطريقة وفي هذا الوقت الحساس والحرج والمصيري " استهتار - مخاطرة - شجاعة وثقة بالنفس والقدرات "؟؟؟
* كلمة أخيرة عن الموضوع ..؟؟؟
وهذه الاسئله لكم الحريه في الإجابه عليها او لا ...
وهنا اجابات بعض اعضاء الرابطة :
* ماهو شعورك عند أول مرهـ شاهدت فيها الهدف ؟
ان تشاهد المباراه وسيناريو النتيجه .. وفجأه ترى هذا الهدف .. بالتأكيد ستشعر بشئ غير عادي وصعب وصفه .. ببساطه شعور صعب يتكرر .. فرحه من نوع خاص ..
* كيف تصف فرحة الجمهور في الملعب بعد الهدف ؟
جنونيه وعاطفيه ..
* هل تذكر ردة فعل الصحف على روعة الهدف الذي فعلا كان في وقته ؟
الهدف كان من نوع خاص والتمجيد الكبير نال منه بكل تأكيد ..
* هل تعتقد بان تسجيل الهدف بهذه الطريقة وفي هذا الوقت الحساس والحرج والمصيري " استهتار - مخاطرة - شجاعة وثقة بالنفس والقدرات "؟؟؟
ريفالدو صاحب احساس مرهف اثناء مداعبة الكره .. يمتلك تفكير من نوع خاص .. ومافعله ينم بشكل كبير عن ثقه بنفسه وشجاعه غير عاديه .. ولكن بكل تأكيد هناك توفيق ..
* كلمة أخيرة عن الموضوع ..؟؟؟
قد تكون لحظة هذا الهدف من اكثر لحظات ريفا التاريخيه تأثيرا .. وعلى الرغم من عدم حصوله على بطولات كثيره مع البارسا كما يستحق .. الا انه حفر اسمه بشكل عميق في قلوب المشجعين ..
Hilali 3asal
* ماهو شعورك عند أول مرهـ شاهدت فيها الهدف ؟
أكيد شعور لا يوصف لعدة أسباب أولها أهمية المباراة لانها تحسم المتأهل لدوري الابطال في ذلك الموسم خاصة وان الفريقين كانوا متعادلين بالنقاط والبرسا ليس لديه سوى الفوز وثانيها توقيت الهدف في آخر دقيقتين من المباراة وثالثها روعة الهدف وجماله يعني هدف خيالي ... اذكر المباراة كانت منقولة مباشر على قناة اوربت ESPN لما كانت تملك حقوق الدوري الاسباني وقتها .
* كيف تصف فرحة الجمهور في الملعب بعد الهدف ؟
فرحة جنونية وعارمة للهدف الغالي وخاصة ان الجماهير الكاتالونية تعشق ريفالدو وكان مسجل هدفين وجاء الثالث مسك الختام .
* هل تذكر ردة فعل الصحف على روعة الهدف الذي فعلا كان في وقته ؟
الصحف كتبت الكثير عن روعة الهدف ويكفي انها اعتبرته وقتها ثاني اجمل هدف في تاريخ البرسا بعد هدف رونالدو الشهير في مرمى كومبوستيلا عام 96/97 لما انطلق من منتصف الملعب وراوغ خمسة او ستة مدافعين وسجل الهدف .
* هل تعتقد بان تسجيل الهدف بهذه الطريقة وفي هذا الوقت الحساس والحرج والمصيري " استهتار - مخاطرة - شجاعة وثقة بالنفس والقدرات "؟؟؟
طبعا استهتار كلمة بعيدة عن ريفالدو لانه معروف من اكثر اللاعبين جدية واخلاص في الملعب رغم مشاكله مع العنيد فان غال لكن أكيد أنها شجاعة وثقة بالنفس والقدرات .
* كلمة أخيرة عن الموضوع ..؟؟؟
ريفالدو الجوهرة البرازيلية يبقى واحد من اللاعبين الذين قدموا الكثير لبرشلونه وجماهيره بمهاراته وفنه وإخلاصه ولا يمكن نسيان مشواره الجميل مع الفريق .
وشلوون مغليك
* ماهو شعورك عند أول مرهـ شاهدة فيها الهدف ؟
بصراحه ما شفت الهدف الا من خلال شريط فيديو وبصراحه من وقتها صفقت وكأن الهدف مباشر
* كيف تصف فرحة الجمهور في الملعب بعد الهدف ؟ فرحه طبيعيه خصوصا وان ريفالدو يسجل الهاتريك في حارس اسبانيا الاول .. وهدف فوز ومؤهل لدوري الابطال .. وفي اخر دقائق الوقت الاصلي .. * هل تذكر ردة فعل الصحف على روعة الهدف الذي فعلا كان في وقته ؟
للأسف لا ولكن ستكون ردة الفعل كما اعتدنا من الصحافه العالميه
* هل تعتقد بان تسجيل الهدف بهذه الطريقة وفي هذا الوقت الحساس والحرج والمصيري " استهتار - مخاطرة - شجاعة وثقة بالنفس والقدرات "؟؟؟ اشوف ان هذا الهدف مشابه لهدف الاسطوره سامي الجابر في مرمى الشباب .. حظ .. مهاره .. استهتار .. شجاعه .. ثقه .. الاكيد ان العظماء وحدهم من يفك رموز مثل هذه الاهداف .. وسلمولي على دافنشي وشفرته 
* كلمة أخيرة عن الموضوع ..؟؟؟
ريفالدو من الاساطير التي من الصعب تكرارها ابدا
|| احــد لاعــبـي الفــريــق ||
وهنا بهذه الفقره سنعرض لكم وبأستمرار عن احد اللاعبين .. والأول هو الرسام
اندرياس انيستا
انضم انيستا الي البرسا وهو في الثانية عشر من عمره عام 1996 بعد ان اكتشفه كشافو الفريق الكتالوني، وسرعان ما تقدم مستواه، حيث تطورت امكانياته مع كل فريق شارك فيه حتى انضم الي الفريق الثاني في موسم 00 – 01، ثم اصبح صانع الالعاب الأساسي في الفريق تحت قيادة جوردي جونزالفو.
وتحقق حلم انيستا بالانضمام الي فريق البرسا الأول في اكتوبر عام 2002 حين تم اختياره ليلعب في مباراة في دوري أبطال أوروبا، وكانت ضد برجز في بلجيكا، وفاز برشولنة بهذه المباراة واستطاع انيستا ن يترك انطباعا جيدا، وهو الان من اشهر لاعبي الفريق الكتالوني.
استطاع انيستا ان يحجز مكانه في كتيبة برشلونة عن طريق العمل الجاد بالاضافة الي موهبته التي لا يختلف عليها اثنان.
وفي عام 04 - 05 شارك انيستا في 35 مباراة من اصل 38 بالاضافة إلي مباريتان في دوري أبطال أوروبا.
واستطاع انيستا ان يثبت اقدامه في فريق برشلونة الأول في موسم 05 – 06 بعد أن لعب في خط الوسط كبديل لزافي الذي عانى من اصابة طويلة المدى، وخلال هذه الفترة اصبح انسيتا من اهم لاعبي البرسا.
الصفات:
يمتاز انيستا بالسرعة والقدرة على قراءة المباراة بشفافية، وفي بداية مشواره كان يلعب في مركز خط الوسط وتدريجيا اصبح يتولى مهاما هجومية اكثر.
الالقاب:
برشلونة:
06 – 07 كأس السوبر الأسباني
05 – 06 دوري أبطال أوروبا
05 – 06 الدوري الأسباني
05 – 06 كأس السوبر الأسباني
04 – 05 الدوري الأسباني
|| مــــنـــــــوع ||
وفي هذه الفقره سنعرض لكم فكره تحمل اسم منوع .. تحمل عمل من اعضاء الرابطة .. وهذه المره العضو الفهد قام من فتره سابقه بتصميم مقطع فيديو لتتويج الفريق بابطال اوروبا من عام 1992 وعام 2006 ...
|| الفــيــديــو ||
واخيراً .. سنقوم بعرض فيديوهات عن الفريق واهدافه .. من الموقع الشهر يوتيوب ...
وهنا مقاطع سابقه وقديمه عن الفريق
|| ختــامـــاً ||
وفي الختام نرجوا ان يكون هذه الموجز الاسبوعي عن الرابطة والفريق قد حاز على رضاكم واستحسانكم .. وتأكدوا بان هذا الموضوع سيتطور مره بعد اخرى كما اوضحنا لكم ..
وتقبلوا تحية جميع اعضاء رابطة برشلونه ..
كان معكم في اعداد هذا العدد :
Lionel Messi & Blaugrana Magic & اكشخ واحد & BARCA-2007 بالتصاميم
ونلتقي بكم في الاسبوع المقبل باذن الله تعالى ...
والسلام عليكم ورحمة الله وبركاته وردهورده
.. 
الوضع العادي
