اخوي العزيز اوين:- بعد التحية.
احب ان اوجهة وجة نظري في هذا الموضوع .وعلى ما قال احد الاشخاص هو وولده( دحمي)
الاختلاف في وجهات النظر لايفسد للود قضية

وتكون مباراة القادسية احل بروفة للهلال قبل البطولة.

عاشق الكيان الازرق

بس لحظة ما قلت وجهه نظري
المدرب:-
اليس هذا المدرب اللي فرحنا فيه وقلنا فيه الشعارات ولامثال. وقلنا بس بلاتشي جاء اجل البطولات في الجيب.
اليس هذا المدرب انه هو المدرب الثاني من حيث الافضلية (بعد يوردانسكو) من المدربين الذين مروا على الهلال.ولمن سمعنا خبر التعاقد معه بغت عيونا من الفرحة تكون قد شاشة الكمبيوتر.
باختصار هو مدرب رائع ، قدير ، فنان .يعرف الهلال من اوله الى اخره.
اللاعبين:-
وبهم اثبت لك ان المدرب ماله دخل في اللي قاعد يسير للهلال الحين .المشكلة في اللاعبين.المثال:-
قلي ويش الفرق بين مباراة الهلال مع الاتحاد والرائد؟
في الاتحاد فن ، قتال ، روح عالية جدا. باختصار حاولوا ان يقولوا نحن الافضل .
في الرائد تخاذل ، تهاون ، عدم جدية.باختصار داخلين وقالوا(بس السته في جيوبنا والثلاث نقاط ماخذينها ليش نتعب انفسنا). بالرغم انها نفس التشكلية تقريبا.
سامي و الشريدة:-
سامي في هذه المباراة ليس في مستواه او بالاصح كلنا شاهدنا كيف كان مسرح في المباراة (مدري ويش اللي شاغلة). بس المهم انه يلتفت للفريق ويحاول ان يخفف من تاثير اموره الشخصية داخل الملعب. وليس المركز هو اللي ماثر علية.والدليل مباراة الاتحاد رغم انه كان راس حربة الا انه ازعجهم ولوحدة.(بعدين بلاتشي معذور الجود من المجود)سوماليا من جنبها. والعلي ثقيل ولا يناسب الخطة اللي يلعب فيها بلاتشي(لافي السرعة ولافي المهاراة اللهم في التهديف وهذه غلطة بلاتشي الوحيدة انه المفروض ان يعرف متى الوقت المناسب لادخاله في المباراة. والدليل على العلي مبارة النصر.
والشريدة اللي انت معترض ليش مالعبة هو كان مصاب وعشان كذا مالعب.
فلو لعب الهلال بنفس قتال وحيوية مباراة الاتحاد لكان هزم الرائد باكثر من 6 اهداف.

باختصار الامر في يد اللاعبين وليس المدرب.
واسف على الاطالة.
عاشق الكيان الازرق

يااخوان يوم مباراة الاتحاد الأخيره بالاتشي مايدري وين الله حاطه

اولا: لاعب بتشكيله مختلفه75% عن مباراة النصر

وثانيا: لاعب بثلاث خطط 4-5-1 وفي الشوط الثاني4-4-2 وفي نص الشوط الثاني 5-3-2

ورجعة حليمه لعادتها القديمه

لأنه في اخر مره اشرف على تدريب الهلال كان يلعب 4-5-1 اللي ادت لألغاء عقده

لانه بصراحه من متى الهلال يلعب دفاع؟؟؟؟

والله قهر الأتحاد هو اللي يهاجم بعد ما كان العكس هو الصحيح



أخوكم عبدالعزيز الأول

سبحان الله الحين صار بلاتشي مدرب فاشل ..... غلط في تغيراته في المباراة الاخيره بس

وصار مدرب فاشل !!! .. أصلا من أول المباراة وباين ان اللاعبين خاشين الملعب بدون نفس

والدليل أن اول فرصه هلاليه ماجت الا في الدقيقه 20 !!!!!! وقدام مين قدام الرائد ..

بلاتشي شفنا تغيراته في المباريات الاخيره كلها صح وافادت الفريق .... لان مدرب ماعنده

أحتياط وش تبي يسوي يخترع .. لاكن أتمنى ان الاداره ماتتهور وتطرده ....

لاننا مو مثل النصر على طول بنجيب مدرب ينفعنا .. يبغالنا على الاقل شهرين عشان نلقى مدرب

واذا وصل صار أشين من الي قبله !!!!!

واعتقد السبب في كل هذا فيه شي أسمه مرض دلع اللاعبين واعتقد انه وصل لسامي والي معه

ومشكور أخوي على الموضوع وكلن له وجهة نظر

اخوي ابو دلال .. مشكور ياغالي على كلامك واتمنى نلقى من يجاوب على تسائلاتك.. تحياتي لك .


الاخ هلالي^صميم .. ياليت والله في القريب العاجل .. تحياتي .


الاخ هلالي الشعراء .. اقول اقلب وجهك .. تحياتي .


الاخ مجروح الهلال ..

إقتباس الله يالدنيا. أيام ماتورانا كنا نطالب ببيلاتشي أو يوردنيسكو .وألحين تغير الراي. ياسبحان الله

شكلك تكلم عن نفسك !!

إقتباس هاذا حنا يالجماهير دايم متغيرين بالراي وطبعا أنا أولكم

الا والله صرت تكلم عن نفسك !! ياليت اخوي ماتعمم وانا شخصيا ماعمري اقتنعت في هالبلاتشي لاسابقا ولا حاليا ولا لاحقا مادام بنفس عقليته الغبيه ..

إقتباس يانس المدرب كل مباراة يلعب بتشكيلة تدرون ليش؟ 1- لأنه كل أسبوع يرجع لاعب من إصابة . 2-البطولة العربية قربت وهو إلى ألحين ماعرف مستويات الاعبين زين.(ولاأحد يقول أن بيلاتشي يعرف الاعبين زين لأنه سبق أنه جاء للهلال والسبب أنه 60% من الاعبين أول مره يدربهم) 3-ألي مرجع لطف تراه ماتورانا. وأخيرا ياجماعة الخير أصبروا شوي.المدرب ماله فتره جاي ولا يمكن الحكم عليه بسرعة.

شخصيا انا مااعترضت على عدم ثباته على التشكيله .. انا اطالب بالخطه المناسبه والتشكيل المناسب والتغييرات المنطقيه .. وبالنسبه للطف فالكل يعرف ان اللي مرجعه هو بلاتشي وماادري من وين جبت معلومتك هذي !!؟ اما الصبر فانا اشوف ان الصبر على علة بينه ماله سنع !!


الاخ عاشق الكيان الازرق ..

تقول ..

إقتباس اليس هذا المدرب اللي فرحنا فيه وقلنا فيه الشعارات ولامثال. وقلنا بس بلاتشي جاء اجل البطولات في الجيب. اليس هذا المدرب انه هو المدرب الثاني من حيث الافضلية (بعد يوردانسكو) من المدربين الذين مروا على الهلال.ولمن سمعنا خبر التعاقد معه بغت عيونا من الفرحة تكون قد شاشة الكمبيوتر

انا شخصيا ماقلت ويخسى بلاتشي يصير المدرب الثاني بعد يوردانيسكوا وش جاب الثرى للثريا .. وشخصيا بغت تنفقع مرارتي من القهر يوم تعاقدوا معه وهو اللي عرف الهلال معه اسوأ المستويات واخسها .. وحسنته الوحيده انه كان محظوظ ..

إقتباس في الاتحاد فن ، قتال ، روح عالية جدا. باختصار حاولوا ان يقولوا نحن الافضل . في الرائد تخاذل ، تهاون ، عدم جدية.باختصار داخلين وقالوا(بس السته في جيوبنا والثلاث نقاط ماخذينها ليش نتعب انفسنا). بالرغم انها نفس التشكلية تقريبا.

والله اشوف ان اللعب ماتغير كثير في اي من المباريات الماضيه .. يمكن مباريات الفرق الكبيره كان الضغط على باب الهلال يبين ان اللاعبين متحمسين .. وقدام الرائد عشان الرائد ماضغط اللي بين ان اللاعبين متهاونين .. مع انهم في كل المباريات لم يلعبوا بالحماس المطلوب .. وانا هنا اركز على الوسط والهجوم وهم لايلامون مادام السيد بلاتشي يواصل تخبطاته .. فكيف تطلب من لاعب ان يقدم مستوى كمهاجم ولا يوجد من يمده بالكور !؟ وكيف تطلب من صانع لعب وحيد في الوسط ان يقوم بكل العمل !؟ ووش فايدة هالمحاور اللي ملعبهم بلاتشي ؟؟

إقتباس والشريدة اللي انت معترض ليش مالعبة هو كان مصاب وعشان كذا مالعب.

والله هالمعلومه ماسمعتها الا منك لاني ماقريتها في جرايد ولا انترنت .. ويمكن يكون التقصير مني !!

تحياتي لك اخوي .


اخوي عبدالعزيز الأول .. كلامك سليم وبالفعل من متى الهلال يلعب دفاع ؟؟ .. مشكور ياغالي على المشاركه .


الاخ التمياط 11 ..

إقتباس سبحان الله الحين صار بلاتشي مدرب فاشل .....

الحين ومنول !

إقتباس أصلا من أول المباراة وباين ان اللاعبين خاشين الملعب بدون نفس والدليل أن اول فرصه هلاليه ماجت الا في الدقيقه 20 !!!!!!

مالهم نفس والا خطة المدرب تجيب القرف .. وعموما زين اللي جت للهلال اول هجمه في المباراه في الدقيقه 20 .. لانه مع خطة هذا المدرب الغبي المفروض ماتجي هجمات خير شر !!

إقتباس لان مدرب ماعنده أحتياط وش تبي يسوي يخترع

لاعب عنده الثنيان وسامي والشلهوب صناع لعب وصوماليا والعلي والجمعان هجوم .. مايقدر يلعبهم بطريقه تفيد الفريق !؟ وش المشكله لو لعب الشلهوب وسامي صناع لعب وقدامهم اثنين من المهاجمين وخلا لكل خط لاعب احتياط !!؟ ترى المسأله مهيب كيمياء والناس صارت تميز الغث من السمين ..

إقتباس لاكن أتمنى ان الاداره ماتتهور وتطرده ....

الا والله ليتهم يطردونه قبل مايطيح الفاس بالراس .. والتهور والله انك تخليه يبقى مدرب للهلال !!


عموما مشكور اخوي وزي ماقلت كلن له وجهة نظر .. تحياتي .


اوين ,,

اوافقك الرأي اخوي اوين 100% والله يعطيك الف عافيه على رأيك الصريح والجريء

يخليك ربي