شكرا لك اخي باختصاااااااار بلوتشي مفلسسسسسسسسسسسس
وما عنده جديد وكل اللي عنده اعطاه لكن تعبنا من الكلام
رجووووووووعة خطأ بخطأ الله يعين على مزيدا من الاستفزاز والتخبيص
ويا قلب لا تحزن اشكرك على طرحك لكن من يسمع تحياتي

كلام صحيح ... وخاصة التغيير ات اللي مالها أي داعي ...

حاس الفريق كله بصراحة .. المفروض يغير تغيير واحد بإذن الله يفوز الهلال هو تغيير فيصل الصالح وينزل يوسف الثنيان كلاعب خبرة ...

المشكلة غير سامي ونزل العلي ( لا جديد ) ... بعدها غير الصالح ( من زمان المفروض يطلع ) ونزل عزيز .. ( تغيير غريب ) ثمين طلع بدرا ونزل صاموليا ( تغيير غبي ) ...

المفروض يحطون مدرب خاص للتغييرات ... إذا كان لازم يدرب بلاتشي ....

واتمنى يطردون بلاتشي ويجيبون يوردانيسكو .. ياليييييييييييييييييييييييييييييييييييييييييييييت ....

الماهر .. صادق اخوي .. من يسمع !؟ ومن يوصل هالكلام لاهل الحل والربط في الهلال !؟ تحياتي اخوي .

واثق .. ياليت والله والمفروض ان هذا اللي صاير من الاول .. ومافيه مقارنه بين يوردانيسكوا وبلاتشي وش جاب الثرى للثريا !؟ مشكور ياغالي على مشاركتك .


اوين ,,

لولا الله ثم بلاتشي كان صارت علوم00
ياعزيزي حدث العاقل بما يعقل 000اللاعبين هم راس المشكلة واعطيك الدليل00
تحت اشراف ماتورانا حقق الهلال بطولتين صعبه جدا والجميع متفق على انه مدرب فاشل واللاعبين هم نفسهم اللي موجودين الان0
اللاعبين ماعندهم الدافع للفوز لانهم تشبعوا0
وبعدين ماشفنا الصحفيين اللي مدحوا بلاتشي تلا كلهم هابين ضده وانتم طرتوا في العجه!!!!!!

اقول لايكثر


احمدوا ربكم



بلاتشي ولا ماتورنا

الاخ هويدي .. وراك شاب علينا !؟ ووش سالفة هالمثل الجديد ..

إقتباس ياعزيزي حدث العاقل بما يعقل

وبعدين وش قصدك يوم تقول ..

إقتباس لولا الله ثم بلاتشي كان صارت علوم00

وش العلوم اللي كان ممكن تصير لولا المنقذ بلاتشي حضر !؟ ووش انت شايف منه يوم انك طاير فيه !؟ من زين تشكيلته والا من زين تغييراته والا ذبت مع خطته !؟

إقتباس تحت اشراف ماتورانا حقق الهلال بطولتين صعبه جدا والجميع متفق على انه مدرب فاشل واللاعبين هم نفسهم اللي موجودين الان0

ماتورانا على دباشته الا انه على الاقل خطته مقبوله .. وتاريخه مع منتخب بلاده مشرف , ويمكن الظروف ماخلته يقدم مايفيد الهلال .. لكن بلاتشيك وش تاريخه ؟! وهل بطولاته اللي حققها مع الهلال تشفع له !؟ والكل يعلم مستويات الهلال خلال اشرافه عليه حتى وهو يحقق البطولات معه .. ويكفي نظره على الهلال حاليا عشان تعرف ان هالمدرب من جمبها ومايدري والله وين الغنم سارحه !!

إقتباس اللاعبين ماعندهم الدافع للفوز لانهم تشبعوا0

عذر اقبح من ذنب .. وياليت بدل مانتفلسف وندور الاعذار ونبرر .. نشوف وين علة الفريق ونحاول نجتثها واللي واضح ان هالبلاتشي هو العله .

إقتباس وبعدين ماشفنا الصحفيين اللي مدحوا بلاتشي تلا كلهم هابين ضده وانتم طرتوا في العجه!!!!!!

ما اقدر اقول الا (( كل يشوف الناس بعين طبعه )) .. تحياتي .


الاخ السراب ..

إقتباس اقول لايكثر

ماودك تجي تجلدني ؟!

إقتباس احمدوا ربكم بلاتشي ولا ماتورنا

الحمد لله على كل حال .. وبلاتشي وماتورانا سعيد اخو مبارك مع ان مبارك احسن شوي من سعيد الله يفكنا من وجهه عاجلا غير آجل .. تحياتي .


اوين ,,

اقول مادري ليش حاطين نقركم من نقر بلاتشى وبعدين تبونه يصنع المعجزات الصبر زين كنا فين واصبحنا وين

** أخي أوين،،

حقيقة أني كتبتُ موضوعاً يرمي بثقل أسباب الهزيمة على الروح الهزيلة للاعبي الزعيم .. عسى ما كان تبريري مثير للاشمئزاز .. عموماً ، سوف أرد على جزئية واحدة فقط لضيق الوقت

إقتباس فمن قائل ان اللاعبين روحهم مهيب اللي انت تبي .. وهذا صحيح لكن له مايبرره وهو التشكيله والخطه لانه متى ماكانت الخطه والتشكيله حوسه فطبيعيا راح تكون النفسيات دمار ( يلعن ابو التعبير ) وهو ما ينعكس على حماس اللاعبين داخل الملعب

أهم شيء أننا الآن متفقين على غياب الروح الهلالية ;) ..

لا شك أنٌ المدرب يلعب دوراً كبير في التهيئة النفسية للاعبين .. ولا شك أنٌ المدرب هو المسؤول عن صلب التشكيلة وصاحب اليد الطولى في رسم الأداء الفني للفريق ..

لكن لننظر إلى لاعبي الهلال ::

سامي ، الدعيع ، الشلهوب ، الغامدي ، الثنيان ، الشريدة ، سليمان ، خليل ......

لاعبون (( يصنعون )) الفوز والمدرب ولا ينتظرون من أي مدرب أن يصنع لهم الفوز .. من الظلم لبيلاتشي أن نحمله مسؤولية أنٌ تلك الكوكبة من النجوم {ماكان لها نفس تلعب} ..!! ومن المغالاة أنٌ لا يتم تحميل بلاتشي جزءاً من المسؤولية..

إقتباس وعلى سبيل المثال سامي في مباراة الرائد هل من المنطق ان يلام على بروده ونرفزته والمدرب ملعبه راس حربه ومالعب وراه وسط !؟ وانما صفة محاور لايوجد مبرر للعبهم جميعا في وقت واحد خصوصا والمباراه امام فريق ماله كم يوم ماكل نص درزن اهداف من فريق الفقر !!

أخي أوين،،،
عرفنا سامي هدافاً قناصاً ، صانعاً للعب .. يفيدك في كل مركز وقادر على حسم أي مباراة .. ولكنه بلا شك أضاع كماً من الفرص يحاسب عليها لاعب كبير كسامي ..

نحب سامي .. نـــعــــم ..
ولكن عندما لايقدم سامي المطلوب ، نقول لماذا ياسامي؟ .. وليس لماذا يا بيلاتشي؟ .. لا للتقليل من حجم لاعب كسامي ولا للإفراط في حبه وجعله فوق النقد .. سامي كان في موضوع التسجيل ولم يسجل وغلطة الشاطر بعشرة ;) ..

أتركك مع أسطر أحد أفضل كتاب الرياضة العرب ، محمد بنيس ::

إقتباس أتحدى حالياً بالسعودية مع احترامي لكل أنديتها ومسؤوليها أن يأتوني بلاعب بمستوى "سامي الجابر" في خبرته وقدرته، وبالتنوع الأدائي، فمن الممكن أن يلعب رأس حربة ومن الممكن أن يلعب كصانع لعب خلف المهاجمين كزين الدين زيدان وفيغو، ومن الممكن أن يهدف، ومن الممكن أن يلعب وسطا رابطا، وأنا متأكد أن يلعب حارس مرمى، ومهاجما يلعب ،هذا اللاعب مكتمل، ولم أجد أحسن منه لأقول إن سامي الجابر أدى دوره

------------------------------- ------------------------------- -------------------------------

** إليك رأيي مختصراً الغير مناقض بقدر ماهو داعم ومفند لرأيك ::

1. بلاتشي مسؤول ... نـــــــعـــــــم ..
2. الإدارة مسؤولة ... نـــــــعــــــــم ..
3. اللاعبين مسؤولين ... نــــــعـــــــــم ..

وتحدثتُ عن الروح بشكل خاص لأنها الرابط بين عوامل النجاح الثلاثة ولأن سيوف النقد بالغت في نقد بيلاتشي وتحاشت التصادم مع اللاعبين والإدارة ..

تحيـــــاتي،،،

------------------------------- ------------------------------- -------------------------------

أخوكم،
أبوسعد

اخوي العز .. وش نبي بنقر بلاتشي جعله الديك اللي ينقر راسه .. وبعدين هل المطالبه بالتشكيله الممتازه والخطه المتوازنه والتغيير المنطقي والفوز على الرائد يعتبر من المعجزات ؟!! وترى الصبر على غير سنع مهوب زين ابد .. تحياتي .


اوين ,,

تقول طال عمرك ..

إقتباس حقيقة أني كتبتُ موضوعاً يرمي بثقل أسباب الهزيمة على الروح الهزيلة للاعبي الزعيم .. عسى ما كان تبريري مثير للاشمئزاز

لاوالله كان يثير الامتعاض مهوب الاشمئزاز لانك ياغالي تطرقت لغياب الروح بدون ماتذكر السبب الرئيسي لغيابها وهو ماقصدته ..

إقتباس لكن لننظر إلى لاعبي الهلال :: سامي ، الدعيع ، الشلهوب ، الغامدي ، الثنيان ، الشريدة ، سليمان ، خليل ...... لاعبون (( يصنعون )) الفوز والمدرب ولا ينتظرون من أي مدرب أن يصنع لهم الفوز .. من الظلم لبيلاتشي أن نحمله مسؤولية أنٌ تلك الكوكبة من النجوم {ماكان لها نفس تلعب} ..!! ومن المغالاة أنٌ لا يتم تحميل بلاتشي جزءاً من المسؤولية..

اخوي ابوسعد الشريده والثنيان مالعبهم بلاتشي .. والشلهوب ملعبه وحيدا في الوسط كصانع لعب .. والغامدي انا شخصيا مااقتنعت بمستواه .. وسامي زي ماذكرت انه ملعبه راس حربه وماوراه وسط .. وسليمان وخليل مايلامون لان المشكله في الهجوم .. فمن برايك يتحمل المسؤوليه !؟

إقتباس نحب سامي .. نـــعــــم .. ولكن عندما لايقدم سامي المطلوب ، نقول لماذا ياسامي؟ .. وليس لماذا يا بيلاتشي؟ .. لا للتقليل من حجم لاعب كسامي ولا للإفراط في حبه وجعله فوق النقد .. سامي كان في موضوع التسجيل ولم يسجل وغلطة الشاطر بعشرة ..

صدقني يابوسعد اني من اشد المعارضين لتقديس النجوم اي كان حجمهم .. وضد جعل اللاعبين فوق النقد .. لكن والحق يقال ان سامي ماكان سيء بقدر ماكان الفريق بقيادة الداهيه بلاتشي سيء .. فلاتشكيله ولاخطه ولا تغييرات .. فكيف نطالب سامي بعمل شي ؟! ومتى ماكان سامي او غيره من اللاعبين سيء صدقني انا عن نفسي ماراح اذخر وراح اطالب بمحاسبة المقصر من وجهة نظري .. وكل شخص وله نظرته ..

إقتباس ** هذا رأيي باختصار:: 1. بلاتشي مسؤول ... نـــــــعـــــــم .. 2. الإدارة مسؤولة ... نـــــــعــــــــم .. 3. اللاعبين مسؤولين ... نــــــعـــــــــم

رايك يالغالي احترمه وان كنت اشوف ان الاداره ماقصرت واللاعبين اداءهم مسؤولية بلاتشي ..

تحياتي لتواصلك ..

اوين ,,

السلام عليكم

اؤيدك و بكل قوة ياأوين فعلا و الله انا مادري كيف يفكر (( بلا شئ )) افضل من يلعبوا في المباراة الماضية نجدهم في الاحتياط و كأنه عقاب ليه تلعبوا زين .

بالعربي الفصيح المدرب الجبان لا يصلح للهلال , ياناس و الله الهلال مايعرف يلعب خطط دفاعيه .

ابغى جواب لكل من يدافع عن بلاتشي .

من متى الهلال يلعب بطريقة دفاعية ؟؟؟؟؟؟؟؟؟
من متى الهلال يلعب بمهاجم واحد ؟؟؟؟؟؟؟؟
هل يجيد الهلال الطرق الدفاعية ؟؟؟؟؟؟

و سلامتكم

انا رأيي ايضا اقالة بلاتشي او وقفه عند حده .

إقتباس إقتباس من مشاركة الســــــــــراب اقول لايكثر احمدوا ربكم بلاتشي ولا ماتورنا

الله يالدنيا. أيام ماتورانا كنا نطالب ببيلاتشي أو يوردنيسكو .وألحين تغير الراي. ياسبحان الله.....

[gl]هاذا حنا يالجماهير دايم متغيرين بالراي وطبعا أنا أولكم. يانس المدرب كل مباراة يلعب بتشكيلة تدرون ليش؟[/gl]

1- لأنه كل أسبوع يرجع لاعب من إصابة .
2-البطولة العربية قربت وهو إلى ألحين ماعرف مستويات الاعبين زين.(ولاأحد يقول أن بيلاتشي يعرف الاعبين زين لأنه سبق أنه جاء للهلال والسبب أنه 60% من الاعبين أول مره يدربهم)
3-ألي مرجع لطف تراه ماتورانا.

وأخيرا ياجماعة الخير أصبروا شوي.المدرب ماله فتره جاي ولا يمكن الحكم عليه بسرعة.


[c]قصة بإختصار[/c]

سئالوا هاني رمزي المحترف في أوربا عن الجدول اليومي تدرون وش قال:
من الساعة 10حتى 12تدريبات....من12حتى 3.5 فترة غداء وراحة.....من3.5حتى5.5تدريبات.....من5.5حتى7.5 محاضرة عن أخطاء الاعبين...وبعد هالوقت يروح لعياله....

والله الفرق بيننا وبينهم.حنا العصر ساعتين وعساهم يحضرون!!!