#1  
قديم 12/01/2003, 02:04 AM
زعيــم مميــز
تاريخ التسجيل: 25/02/2002
مشاركات: 1,957
مقعووووووول ياناس

[c]بسم الله الرحمن الرحيم [/c]

معقول ياناس هذا هو الهلال ؟؟؟؟؟؟
الهلال اللي كنا نراهن على كسبه أي لقاء ضد أي فريق حتى لو كان الخصم يلعب على ملعبه !!!!
الهلال اللي حقق البطولات والامجاد اللي لايمكن أن يصل لها أي فريق منافس الا بعد احتكاره للبطولات عدد من السنين !!!!
الهلال اللي وصل صيته عنان السماء وتعدت بطولاته الاربعين بطوله !!!!!


معقول ياناس هذولا هم لاعبين الهلال ( النجوم ) اللي نعقد عليهم الآمال ؟؟؟؟

سامي الجابر هذا مستواه ؟؟؟؟؟؟؟؟؟؟؟؟؟؟؟؟؟
لا تقولون عمل اللي عليه وسجل وش اكثر من كذا ؟ .
الهدف اللي سجله هدية واي لاعب يمكن ان يسجله ،وليس هذا هو سامي .
سامي مستواه في الوقت الحالي لا يمكن أن يظهر اذا لعب في مركز رأس الحربه وعلينا ان نعترف بذلك .
والمباريات الاخيره خير برهان ، ضيع قدام النصر ثلاثة اهداف محققه ، يتفلسف بالكوره قدام القول حتى تضيع ، يحاول قد ما يستطيع ( ان يأتي بما لم تأتي به الاوائل ) أن يسجل هدف ماركة ( خمس نجوم ) ، ظهرت عليه الانانية بأكثر من لعبة وخصوصا في مباراة الليله ، ويعصب على ضعيف الله صوماليا يوم اخطأ بالتمرير ، وهو مرر لمدافع الاتحاد قبله بأقل من دقيقه ولا لام نفسه .
هل هذا هو سامي الجابر هداف الدوري السعودي ؟؟؟؟
هل هذا طموحنا من نجم احترف بالدوري الانجليزي ؟
هل يكفي انه يسبب بلنتي بامكانه أن يسجله هدفا أو يسجل هدف هدية ؟
لالالالالالالالالالا لااعتقد أن هذا يرضينا منه .

يوسف الثنيان ...... اعتقد ان للسن احكام ولا يلام .... فالغلطة غلطة المدرب اللي لعبه مع بداية المباراة قدام لاعبين اقل منه عمر واكثر نشاط وحيوية ولو لعب آخر عشرين دقيقه بالشوط الثاني اذا صارو لاعبين الخصم مجهدين كان بين بتمريره أو صناعة هدف .

أحمد الدوخي ....... ليته مالعب بمباراة الليلة
كان ممر بالشوط الاول لكل هجمات الاتحاد ، يتقدم مع الهجمة دون حساب ، ولا رفعه له كانت صحيحة ، يرفع الكوره وهو يناظر الارض كأنه لاعب مبتدء ، ويرجع لمركزه بتثاقل عجيب لدرجة ان عبدالله الشريدة تنرفز عليه اكثر من مره .



معقول ياناس هذا محترف أجنبي بفريق مثل الهلال ؟؟؟؟

والله ان لاعب الطائي البرازيلي يسوى منه عشره

يقولون عطوا صوماليا فرصه يمكن مع المباريات يبين مستواه
اكثر من هالفرص اللي جته ، والمباريات اللي لعبها ، انا ما ادري هم جايبينه رأس حربه ولا مدافع للخصم ، استلام للكوره ما يعرف ، تهديف انسى .
ياجماعه اذا كانوا مستخسرين فيه مقدم العقد وهو اخذه خلاص ولا يمكن يرجع ليه يتركونه يخرب ( قصدي يلعب ويعطونه زود على المقدم رواتب . والله لو نفتك منه كان اصرف ، خسرنا مقدم العقد ، وزود على كذا نصرف له رواتب ومكافآت والله ما يستاهلها .
اللاعب يبين من استلامه للكوره ، من تمريره لزميله ، من اهداف يسجلها ، من مجهود مثمر يفيد الفريق ، ولكن هذا والله كلمة لاعب ما يستاهلها .

معقول ياناس هذا بلاتشي ؟؟؟؟

بلاتشي اللي كان اذا تأخر فريقه يطلع دفاع وينزل هجوم ؟؟؟؟؟
بلاتشي اللي يسمونه صائد البطولات ؟؟؟؟
ينزل صوماليا يلعب ويخلي حسين العلي على دكة الاحتياط ؟؟؟ أي نظرة فنيه يقنعنا فيها ؟؟؟
المفروض يرجع سامي للوسط كصانع لعب وينزل العلي ( آلة الأهداف ) رأس حربه ، شاب وجاهز ، وينتظر المشاركه على أحر من الجمر ، ودفاع الاتحاد كان تعبان ورايح يتعبهم واذا ما سجل رايح يفتح المجال لغيره يسجل .

ومثل ما ان فيه لاعبين قصروا فيه لاعبين قدموا مستوى يشكرون عليه
عبدالله سليمان ، الشريدة ، عمر الغامدي ، الدعيع ، خليل بعدما نزل ، كلهم قامو بالواجب

الخثران ، بدرا ..... هذولا اللي الحكم عليهم بدري لو ان مواريهم مواري خير .

عزيز ، الصالح ، الشلهوب ، لالالالالالالالا تعليق على مستواهم !!!!!!!!!!!!

نعم هناك لاعبين اثنين مهمين جدا خارج التشكيله ( الجمعان والتمياط ) لكن من متى الهلال يتأثر بغياب أحد ؟
الهلال عملاق اندية الوطن بصفه الثاني والثالث يحقق البطولات ، كيف نراه بهذا المستوى ونسكت ؟؟؟؟

يا اخوان يمكن يعتب علي بعضكم ويشوف اني قسيت على بعض اللاعبين ، ولكن هذا كله من قهري وانا اشوف نجومنا في مثل هالحاله وهم يمثلون الزعيم
يا اخوان حنا مقبلين على بطولات خارجية ورايح نمثل الوطن ، وخصومنا في هالبطولات استعدوا من فترة ، وجابوا اجانب على مستوى ، واذا استمر الحال على ماهو عليه أشك اننا نبي نحقق أي بطوله من البطولات الخارجية .
فوزنا على الاهلي جاء بعد عملية قيصرية
مستوانا قدام النصر ما يطمئن
واليوم قدام الاتحاد مثل ما شفتوا
معقووووووول هذا الهلال ؟؟؟؟؟؟؟؟
ما أصدق
  #2  
قديم 12/01/2003, 12:46 PM
زعيــم جديــد
تاريخ التسجيل: 16/12/2002
مشاركات: 48
صدقت يا THE FUGITIVE
كلامك معقول وفيه الكثير من الحقيقة ولكن :
لا تنسى ان هذه منافسات دوري
ومباراتنا مع الاتحاد تعد بين اكبر فرق الدوري واقدرها وهذه المباراة بالذات تعتبر نهاية القسم الاول من الدوري وتحدد متصدر الدوري في دوره الاول . كما انها في جده ( أي على ارض الخصم ) مما يجعل التعادل بالنسبة لهم خسارة .
لذلك من الطبيعي ان لا تظهر بصورة فنية عاليه حيث يوجد الشد العصبي والرقابة الصارمة على اللاعبين وكما لاحظنا في حالة استلام اللاعب الهلالي للكوره يكون معه لاعب اتحادي وخلفه لاعب آخر يتابع .
وانا مع المدرب في نهجه المتحفظ ولست معه في ادخال صوماليا علما ان التغييرات تخضع لعدة عوامل اهمها جاهزية اللاعب ورؤية المدرب وسير المباراة وربما للمدرب وجهة نظر غير ما نراه .
شكرا لك
  #3  
قديم 12/01/2003, 01:18 PM
الصورة الرمزية الخاصة بـ المرعب سامي
زعيــم مميــز
تاريخ التسجيل: 24/10/2001
المكان: الدمام
مشاركات: 2,363
مـــــــــــع احترامي الشديد لك


ســـــــــــــــــــــــــــامي يحرث لملعب وتقول عنه كذا

‍‍‍‍

اخر تعديل كان بواسطة » أبوذكرى في يوم » 12/01/2003 عند الساعة » 02:41 PM
  #4  
قديم 12/01/2003, 03:50 PM
زعيــم مميــز
تاريخ التسجيل: 25/02/2002
مشاركات: 1,957
الغالي / u_asked_4it

احترم وجهة نظرك
لكن الهلال ماهوب الهلال وخصوصا اللاعبين النجووووووووم اللي عليهم الاعتماد بعد الله

والمدرب يمكن يكون عنده بعض العذر في بعض الامور ( كما تفضلت ) ولكن ماهو مبرر نزول صوماليا مع وجود العلي على دكة الاحتياط ؟؟؟؟؟؟؟؟

ــــــــــــــــــــــــــــــــــــــــ

الغالي / المرعب سامي

اولا :

كنت اتمنى انك اكملت قراءة الموضوع وتكلمت عن الموضوع كامل وشرحت وجهة نظرك في جميع نقاطه ولم تقتصر اجابتك عن سامي فقط لأني فعلا يهمني اسمع وجهة نظر كل من يقرأ الموضوع .

لكن يوم قريت اليوزر حقك عذرتك

ثانيا :

يقول المثل العتب على قدر المحبه

ولولا اني احب سامي مثله مثل أي لاعب هلالي وشايف انه يقدر يقدم اضعاف اضعاف ما قدمه الآن كان ما تكلمت عنه نهائيا

والواجب علي اذا كنت فعلا احب لاعب اني ابين له عيوبه اللي اشوفها حسب وجهة نظري ولا يوجد احد فوق النقد ابدا

ثالثا :

كنت اتمنى من مشرفنا العزيز ( ابو ذكرى ) ان يترك موضوعك كما هو ولا يعدل فيه اي كلمه لأني احترم جميع وجهات النظر مهما كان كاتبها يختلف معي .

رابعا :

كلمة في اذنك

اذا كنت تحب سامي فقط وتدافع عنه لوحده فأنا أحب الهلال وكل لاعبينه ، ويهمني مصلحة الفريق مثل ماتهمني مصلحة سامي .

اما حكاية اني ما أفهم كوره فهذي وجهة نظرك وانا احترمها .
  #5  
قديم 12/01/2003, 05:10 PM
زعيــم متواصــل
تاريخ التسجيل: 13/03/2002
مشاركات: 134
بصراحه ..

مو مقعوووووووول أبدا
  #6  
قديم 12/01/2003, 05:15 PM
زعيــم مميــز
تاريخ التسجيل: 29/04/2002
المكان: العاصمة الحبيبة
مشاركات: 4,645
والله يالغالي انا اشوف ان بعض اللي قلتهم ماقصروا ..

بعدين الدوخي تراه توه جاي من اصابة يعني ماامداه على الملاعب وكثر الله خيرة على اللي سواه امس ... وجهه نظر
  #7  
قديم 13/01/2003, 12:15 AM
زعيــم مميــز
تاريخ التسجيل: 25/02/2002
مشاركات: 1,957
الغالي / ساري2002

شكرا لك

ــــــــــــــــــــــــــــــــــــــــ

الغالي / falcon1515

ما قصروا شي واللي نأمل منهم شيء آخر

اما احمد الدوخي فأنا تمنيت انه ما شارك حتى يرجع احمد اللي نعرفه

شكرا لك
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube