هلا بك اخوي وياهلا بـ اهل الخرج

اغلب العبارات نقولها بديرتنا
ونفس الشي وحده البنات تقول نقولها وكلنا من ديار مختلفه ومو من الخرج
اهل نجد كلامهم متقارب جدا

مدري وش اضيف بس فيه

يعني محمد طلب من ابوه خمسين ريال ورفض ابوه يعطيه
وزعل محمد
ابومحمد ضاق صدره لما شاف ولده زعلان وقال له خذ هالخمسين
محمد رفضها
تقريبا الزعل الي يصاحبه كبرياء

إقتباس مدخل { وإنطفى كهرب بيتنا ورقينا السطح وولعنآ السراج وجبنا الكنابل بعد ما لفحَنا البراد وصرنا نحتسي عن سوالف زمان ..

ترا معناها اللحاف الي نتغطى فيه

\

/
يعطيك العافيه استمعت بالقراءه وخصوصا الامثال وشرحك وافي
ونبي الكل يعرفنا على لهجاتهم

حروف الغلآ , خيآليه : يآ هلآ بكم وسعيد بـ طلتكم ,
وكلمة يبربس برضوى موجوده عندنآ بس نسيتهآ حتى تجي معهآ فوفي نفس السيآق ,
يعفس يعني يحوس مثال : وش فيك صرت تعفس في الكلام أو الآوراق ,

PRINCE.MU : إن كآن المقيم بيضيع عندنا أجل كيف أهل البلد نفسهم ,
يعني تخيل مثل مصطلحآت اليامي وأهل نجرآن , آنآ مآ آدري عنهآ
يآ رجال الواحد يبي يتعلم عشآن لو سبه أحد من هنآ ولا من هنآك يعرف يرد > رآعي مشآكل
منور يآ غآلي وبالتوفيق لك

محبة الرحمن : الله يسعدك أختي ويوفقك ,
وشيء طيب إنه في كذآ كلمة معروفه عندكم ,
وأهم شي إنك إستمتعتي ,

آهلين أخوي ..
موضوعك جآزلي = أعجبني
كلمآتكم أغلبهآ متدآولة عندنآ بِ القصيم إلآ هَـ الكلمآت :
تـيّـــتـــه ، تعتموآ ، كوزه ، يعثور ، حزّره ، ملغدم ، يرطرط ، طنقس ، حفلت ، تسلآبينك ، الحوي ، مزدد ، زناج ، قرنة ، عتش ، أفّل

كتر تعني : زاوية أو جهه .. احنآ نقولهآ بشدّ التآء كتَّر = دخّن .. فلآن سيآرتك كتَّرت

حيالة تعني : مزرعه أو ساحه .. => احنآ عندنآ حآيط بسّ الحين تقريبًا ما تقآل .. إلآ إذآ الحريم تذكّروآ مزآرعهم أوّل قآلوآ حآيط مع العلم إنهن يقولن للمزآرع الحين - الحديثة - مزآرع بسّ مدري وش مِعْنَى بِ الكلآم يميزون مزآرع أوّل بهـ الكلمة

هج تعني : أفتح .. ، و تجي : يَ تركي هِج عن محمّد <~ يعني تجي بِ مَعنى ثآني

يردح تعني : تنكس يرقص .. و ممكن تجي : تركي يردح البآب <~ يعني يطقّ البآب بِ قوّة

إقتباس الرسالة الأصلية كتبت بواسطة **نــواره** أخم : يعني أضم أو أجمع مثال ض1 ي إني مشتاقتن لس تعالي اخممس مثال 2 / فاتكم لقيت عسكريم بآبو و خميت واااجد منه - أخمع : يعني اتكرفس ض1 يعني اطيح على خشتي ض1 مثال / انا فرحانه بالكعب امي تقولي انتبهي بس لآ تخمعين - ولّم : يعني جهز مثال / ولموآ القهوهـ

^^ كلمآت بعد نستخدمهآ

عمومًا أهل نجد كلآمهم قريب من بعض بسّ ممكن تزيد ديرة عن ديرة ببعض الكلمآت ..

خلّني أذكر الكلمآت اللي جتّ في بآلي الحين

أولآه = أدآة للترجّي
يَقْحَن = بأذكر مثآل حتّى تفهمون المعنى
يمّه شوفي تركي بسّ يقحن شآهي

وبسّ ، هذآ اللي جآء ببآلي إذآ جآء ببآلي كلمآت رجعت

عوآإفي المعآتب

خخخخخخخخخخ عليك فكره بس الصراحه الموضوع حلو صح بعض الكلمات
مدري وشلون بس ماعليه

إقتباس تيته " ازبره " تعتموا " كتر " حياله " بحل " كوزه " لهط " وغيرهم كثير بس مدري وش أقتبس وش أخلي

أول مره في حياتي أسمع فيهم ^^ صدق لاقالوا المملكة دولة فيها دول ,.

إقتباس هج تعني : أفتح مثال : هج الباب ! يآخي البآب مهجوج

هج عندنا بس مو نفس المعنى اللي عندكم هج معناها " أنحاش بالعامي وأهرب بالفصحى

إقتباس يرطرط تعني : مدري بس يمكن في المثال توضح

كأنها عندنا " مدري شاكه فيها

إقتباس يرطن ,إمِرح دفش , تحومي , يلفحك ,

هذولآ متأكده عندنا

/
لهجتنا ماأحسها غريبه بالعكس أشوف كثير ناس مثلنا وخصوصاً أهل
الرياض > تحتك
الصدق أحس كثير كلامهم مثلنا يمكن علشان الجماعه وحده
عموماً هى ثلاث كلمات اللي في حياتي كلها ماسمعت أحد قالها غير أهل القبيله

حتى أهل المنطقه مايعرفونها " كلمات لها مواقف كل مااتذكرها أضحك

اللي يعرف معناها يقول [ نتهايق , نتخاشر, مزريه ]
والسلام عليكم ورحمه الله وبركاته ..

شكراً لك ي المعاتب موضوع جمييل