ألف مبروك
على الفوز في الذهاب .. نتيجة جيدة على ملعب الخصم وكان بالإمكان أن نطلع
من مباراة بأكثر من هدف ..
التشكيلة من بداية المباراة ممتاز كتمنا الهجوم وصانعي اللعب في إشبيلية وماعطيناهم
فرصة في المباراة وما حصلوا إلا هجمة وحدة منظمة !
وأحسن شى أنه ريح دي ماريا بعد .. له كم من مباراة وهو ماهو في مستواه .. هدف بنزيما أعجبني أستلم الكورة
من نصف الملعب تقريباً و ونت تو مع أوزيل وسحب كم لاعب حطها بالمرمى .. إن شاء الله تكون بداية التصحيح للبنز ونشوفه أفضل من كذا في المباريات الجاية ..
شوط اول اكثر من ممتاز ورائع فريقنا مايمزح 4 اهداف في نص ساعه
كالعاده البرسا امتلك الكره وهاجم وتقدم وتراجع وقدم لنا شي بسيط من المتعه
هذا ملخص الشوط الاول ,,
الشوط الثاني ,, بدآيته كنت دآيخ وفيني النوم لكن اخر نص ساعه صحصحت وكان
وآضح ان الشوط الاول افضل من الثاني ,, كنت اتمنى افلاي يسجل اول اهدافه لكن
ماعليه قدام ايركوليس بآذن الله ,,
بيدرو عقبال الـ 1000 مباراهـ يا بطل
البرسا تجاوز الـ 100 هدف في هذا الموسم
,,
مبروك لعشاق الريال ,, هاردلك لعشاق ومحبي اشبيليه
ماتابعت المتش بس تابعت اخر 20 دقيقه ,, بالنسبه لـ اللقطه حقت
فابيانو قبل نهاية الشوط الاول شفتها بالاعاده ,, والحكم عليها صعب لكن
بعد ماشفت الصور اتضحت بآنها تجاوزت الخط بجزء بسيط يعني هدف صحيح
وهذي وجهة نظري والكل له رآيه ووجهة نظره ,,
بالنسبه للي تكلم عن الميريا ودييقو الفيش ,, البرسا دآيماً يلعب الحارس
الثاني لـ آعطائه الفرصه ومنحه الثقه ,, طيب الميريا يمكن يبي يعطيه
الفرصه ويمنحه الثقه والمدرب ابخص منا كلنا وهو ادرى بمصلحتهم ,,
وصدقني حرس دييقو او غيره البرسا وبهذذا المستوى اللي قدمه بالشوط
الاول راح يسجل اكثر من 3 ,, ومع احترامي لكم يامدريديه يعني اي فريق
يفوز او يتعادل معكم لازم يفوز على البرسا او يتعادل معه ,,؟ غريب امرك !
ايركوليس فاز علينا بالكامب نو ,, طيب الريال لعب مع ايركوليس وفاز الريال
ليه ماتكلمنا وقلنا ليه المدرب يلعب احتياطي اول ليه مايسكر الدفاع او ليه ما
يهاجم ,, بصراحه مستغرب من هالامر يعني الا لازم الفريق اللي يتعادل مع الريال
لازم يتعادل مع البرسا , وآحب اقول شي , برشلونه ترا مو آول مره يفوز بالخمسه
لا لا ترا فاز يمكن هذي المره السابعه ,, فاز على اشبيليه واسبانيول وسوسيداد و
الريال و باناثنيكوس وبيتيس يعني هذا دليل ان البرشا فريق قوي ومافيه منافس له
رئيس نادي برشلونه ساندرو روسيل في صباح هذا اليوم جدد عقد لاعب
خط وسط برشلونه سيرجيو بوسكتيس والعقد يمتد الى عام 2015 , وقيمة
كسر العقد من 80 الى 150 مليون يورو , ويتضمن هذا العقد الى تمديد
سنه تلقائياً حتى 2016 ,,, بوسكيتس اصبح في عام 2008-09 لاعباً
في الفريق الاول , ويذكر انه لاعب اساسياً في تشكيله بيب جوارديولا وايضاً
في تشكيلة فيسنتي ديل بوسكي .
ألف مبرووك الفوز للريال وبرشلونة مورينهو مصيبة قسم بالله مصيبة مدرب مالوش حل البارحة أول ماشفت التشكيلة قلت نفس الكلمة مورينهو مصيبة هدف فابيانو ليس صحيح ويحسب للمدافع الصراحة الانقاذ برشلونة فوز بإقل مجهود وخصوصا مع وجود الحارس أنا مع أبو دحة حارس مقدم مستوى مميز حتى لو ماكان في مستواة في مباراة وحدة تعاقبة قدام برشلونة بحارس مايلعب في الدوري الهندي لكن أنا في نفس الوقت ضدك يأبو دحة إن الميريا يكون بتركيزة في مباراة الريال والعكس برشلونة أنت تذكر مباراة الريال والميريا مورينهو دخل بشكيلة غلط بداية المباراة وأخطاء الحكم يعني ماهي قصة تركيز وبذل مجهود أكثر
أنتظر تحليل بنزيما العضو ( عطني أسمك لاهنت ) على مباراة برشلونة لانه يهمني ويثري الموضوع
عبدالله عبدالرحمن ..
انت شفت الحارس الي يلعب اليوم ؟!
فيه مدرب في العالم كله ينزل ذا الحارس ؟
طيب تبي تعاقب دييقو الفيس " عشان العزيمة " من اول موب تجرب تعاقبه في مباراة البرشا خخخخخخخ ..
دييقو الفيس كان نجم مباراتنا معهم وشف تصدى لكم كورة ..
بعدها اسبوعين تخليه احتياط في نصف نهائي الكأس ليش ؟
انا ما اطالب انهم ما ينهزمون ..
ولا اطالب انهم ما ينصعقون بـ 10 لو يبون ..
كل الي ابيه ابغى اشوف الجدية والحماس الي شفناه 90 دقيقة متواصلة في مباراتنا معهم !
أبو دحه ترى حارس الميريا استيبان هو اللي مسك لهم مباريات الكأس كلها يعني طبيعي ان المدرب يشركه في المباراة حتى لو كانت ضد برشلونه ومايغيره ، وبعدين تراك تتكلم عن حارس عمره 35 سنة ومعهم من ثلاث سنوات وهو الحارس الاحتياطي يعني عنده خبرة ولا هو حارس توه طالع مع الفريق .
ثانيا اذا ناخذ الامور بمقياسك هذا مانزانو مدرب اشبيليه من فترة وهو مستبعد بالوب من الحراسة في مباريات الليغا وبالتحديد بعد خسارتهم ضد الميريا في ملعبهم ونكبات بالوب المعتادة والحارس الثاني خافي فاراس هو اللي يمسك لهم وآخرها مباراة ليفانتي الماضية ... طيب ليش يرجع بالوب في هالمباراة نقدر نقول انه سلم لكم المباراة وعرف انه ماراح يفوز ولعب بالحارس الغائب عن المشاركة في مباريات الدوري .
أغلب الفرق الحارس اللي يلعب في مباريات الكأس يكون الحارس الثاني مثل سالفة بينتو وغيره ولو تبي امثلة كثيرة ، واذا كان مورينهو ماهو واثق بدوديك ويشرك كاسياس في كل المباريات فهذي قضيته وتخصه لوحده ولاهو مطلوب من كل مدرب انه يقلده ويعمل مثله .
شي ثاني مباراة الثمانية سمعنا من التعليقات عنها ونكتة الفيس وعزيمة فيا مع انه اكل ثلاثة أهداف في اول نص ساعة من المباراة وبرشلونه حسم المباراة من البداية كعادته ، لكن فريق متأهل لدور نصف النهائي في الكأس وعنده مباراة الاياب بتكون على ملعبه ويدخل للمباراة بدون جدية معليش ارحمونا من مثل هالتفكير .
وترجعون تعملون مقارنة بين مباراتي الميريا ضد برشلونه والريال ... ليش ماتعترفون بالحقيقة وتقولون ان مورينهو هو اللي اخطأ في التشكيلة من البداية ولعب برونالدو رأس حربة والدليل انك 45 دقيقة شوط كامل ماعملت الا فرصة وحدة من رونالدو اللي مررها كاكا له وصدها الفيس وجلاها خضيرة ، وبعد ماصلح مورينهو الوضع ودخل بنزيما تغير الأداء وسجلت التعادل وكنت قريب من الفوز .
قضية انه فريق يدخل المباراة وهو ناوي على الهزيمة أو مسلم بالنتيجة معليش كلام مايقبله المنطق ... طيب ليفانتي عجزت تسجل هدف واحد في مرماه في مباراة الليغا وبالكأس تفوز بالثمانية يعني لاعبينه مالعبوا بجدية في المباراة ... هيركوليس اللي فاز على برشلونه في الكامب نو تقدم عليك بهدف في اول الدقايق في ملعبه وفي آخر 20 دقيقة سجلت ثلاثة واحد منهم افلت الحارس الكورة وكملها دي ماريا يعني نقول انهم تساهلوا واعطوكم المباراة في النهاية .
يبقى من الأفضل دائما ان نرتقي بالنقاشات اما قضية تهاون في المباريات وسالفة الفريق اللي ما افوز عليه انت لازم تصير مثلي ماتفوز عليه فهذا كلام ماله داعي ، وياما برشلونه فاز بنتائج كبيرة على فرق سواء محلية او حتى اوروبية لو اجلس اعدها اتعب يعني وقفت الشغلة على الميريا .
100% ؟!
حتى الي يجزم انه هدف بيقول بنسبة 51% ..
عالعموم الاعادات وضحت الكرة لم تعبر بكامل محيطها ولا يغرك نهيق حفيظ دراجي ..
على فكرة فابيانو المفروض مطرود من اساس
طيب وطرد فابيانو بالكرت الاصفر الثاني بعد تدخله على كارفالو ؟!
طيب والتدخل على الونسو " نفس فاول كرت اربيلوا " ..
يعني عشان لاعبينا ما يصيحون ما يطلع لهم كرت ؟
اجل 51 %
قفلة : اللي ما عنده حجه ولا دليل يا ليت يكرمنا بـ سكوته لان كل شخص في المنتدى عنده القدره انه ينتقص من اي احد ما يدخل مزاجه لكن في الاخير تبقى تربية الانسان هي الفيصل والحكم في مثل هذه المواقف ممكن نقول تأثير الـ 5ونعديها
شباب يا ليت تترفعون عن بعض الردود المستفزه واللي تكون خارج الموضوع .. وكل شخص له حريته يكتب اللي يبيه ويكلم ويناقش اللي يبيه هي في الاخر قناعات لا تقدم ولا تؤخر وان كان اصحابها احيانا يعتقدون انها ميزه وهي مثلبه .. هنا كرة قدم وكلام يتمحور حول احداثها ومن يحولها الى شخصنه للاسف لا يستحق اصلا ان نجادله ..
يعلم الله أني أحاول تجنب الشخصنة عزيزي عبدالله
لكننا كنا تنناقش عن مستوى ألمريا و لماذا دخل بالحارس البديل وغيره من الأمور
فجأة يدخل شخص و يلفى عبارات مثل (( ماعندهم أختبارات السبت ، هالعينات ، أغسل يدك بديتول))
بالطبع هذا الشئ مستهجن لأن الدعوى نقاش كروي
وفي ردي السابق لم أتلفظ بأي لفظ غير طيب أبداً أو أي أهانة
فقط ملخص ما قلت أني لن أدخل في نقاش معه ، و بإمكانه مناقشة الأسماء اللي وضعها
وله مني خالص التحية والتقدير .
اول ماشفت الكورة قلت قول مافي كلام لانها تجاوزت الخط .. لكن السؤال وش اللي تجاوز الخط ؟؟ ولو نشوف الصورة اللي تجاوز الخط هو الجزء الملتصق بالارض من الكورة .. وزي مانعرف ان الكورة جسم مدور ففيه جزء من محيطها باقي ماتجاوز ( ركزوا اتكلم عن الجزء اللي في الهواء واللي ظله موجود على القائم من برا ) ..
انا مادري وش المقصود بكامل محيطها اصلا في القانون هل الجزء الملاصق بالارض او لا .. لذلك اظنها ماهي قول وترا هذي مجرد ظنون ماهي اكيد واذا احد يعرف القانون فيها ياليت يفيدنا ..
الكرة مشكوك فيها جدا بالنسبة للحكم ولو احتسبها في ظني هي مشكلة اكثر من عدم احتسابها لان الفارق ربع سنتي مثل هدف ابراهيموفتش العام على الريال في الكامب نو يوم قال بعضهم انها تسلل وكان فيها شك بفارق بسيط جدا جدا مايخلي الحكم يحسبها فافضل يمشيها ..
السنة هذي صراع الغريمين راحيكون حامي باقي بس يلعبون بالابطال ذهاب واياب ونشوف خمس كلاسيكوات السنة هذي
المعذره والله المباراة ما شفتها إلا بعد الثلاثه صفر و مباراة الريال ما شفتها إلا من الدقيقه 38
العلم إني سحبت عليها و شفت مباراة بيرمنغهام في كأس الكارلينغ خخخخخخ
غير إن الجو هنا ما يساعد والله على رد و تحليل بين ردود كلها تحكيم و أنا و أنا و دفتر أبو 40 ههههههههههههههههه
أبشر بالخير مرّه ثانيه و لو تقلط في الإستديو دايمن عندنا صدقني أمثالك بيضبطون الوضع هنا إلى الأحسن ..
والنعم والله أبو عابد مقبول أعتذارك يابعدي وإن شاء الله أتواجد هنا بس الاجواء مثل ماقلت أنت فريقنا أحسن من فريقكم أتمنى من كل قلبي إن الوضع يتغير إلى الافضل ونستمتع بتحليل منطقي وواقعي من الاعضاء معك أبو أريج
تدخل بكامل محيطها %100 الصورة توضح وهدف إشبيلة يتبع الكورة رقم 3
.. هدف بنزيما أعجبني أستلم الكورة 
أنامن الناس ياسهلي وياصعبي
بحرا تشوفه ولاتقدرعلى غرفه
!
الوضع العادي
