نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || تقديم ذهاب الدور نصف النهائي #90 .. اشبيلية ضد الريال في قمة كبيرة .. وبرشلونة يستضيف ألميريا في اللقاء الآخر ||

Hilali 3asal · #158 27/01/2011, 06:21 PM

إقتباس

الرسالة الأصلية كتبت بواسطة ابودحه الهلالي


	عبدالله عبدالرحمن .. انت شفت الحارس الي يلعب اليوم ؟! فيه مدرب في العالم كله ينزل ذا الحارس ؟ طيب تبي تعاقب دييقو الفيس " عشان العزيمة " من اول موب تجرب تعاقبه في مباراة البرشا خخخخخخخ .. دييقو الفيس كان نجم مباراتنا معهم وشف تصدى لكم كورة .. بعدها اسبوعين تخليه احتياط في نصف نهائي الكأس ليش ؟ انا ما اطالب انهم ما ينهزمون .. ولا اطالب انهم ما ينصعقون بـ 10 لو يبون .. كل الي ابيه ابغى اشوف الجدية والحماس الي شفناه 90 دقيقة متواصلة في مباراتنا معهم !

أبو دحه ترى حارس الميريا استيبان هو اللي مسك لهم مباريات الكأس كلها يعني طبيعي ان المدرب يشركه في المباراة حتى لو كانت ضد برشلونه ومايغيره ، وبعدين تراك تتكلم عن حارس عمره 35 سنة ومعهم من ثلاث سنوات وهو الحارس الاحتياطي يعني عنده خبرة ولا هو حارس توه طالع مع الفريق .

ثانيا اذا ناخذ الامور بمقياسك هذا مانزانو مدرب اشبيليه من فترة وهو مستبعد بالوب من الحراسة في مباريات الليغا وبالتحديد بعد خسارتهم ضد الميريا في ملعبهم ونكبات بالوب المعتادة والحارس الثاني خافي فاراس هو اللي يمسك لهم وآخرها مباراة ليفانتي الماضية ... طيب ليش يرجع بالوب في هالمباراة نقدر نقول انه سلم لكم المباراة وعرف انه ماراح يفوز ولعب بالحارس الغائب عن المشاركة في مباريات الدوري .

أغلب الفرق الحارس اللي يلعب في مباريات الكأس يكون الحارس الثاني مثل سالفة بينتو وغيره ولو تبي امثلة كثيرة ، واذا كان مورينهو ماهو واثق بدوديك ويشرك كاسياس في كل المباريات فهذي قضيته وتخصه لوحده ولاهو مطلوب من كل مدرب انه يقلده ويعمل مثله .

شي ثاني مباراة الثمانية سمعنا من التعليقات عنها ونكتة الفيس وعزيمة فيا مع انه اكل ثلاثة أهداف في اول نص ساعة من المباراة وبرشلونه حسم المباراة من البداية كعادته ، لكن فريق متأهل لدور نصف النهائي في الكأس وعنده مباراة الاياب بتكون على ملعبه ويدخل للمباراة بدون جدية معليش ارحمونا من مثل هالتفكير .

وترجعون تعملون مقارنة بين مباراتي الميريا ضد برشلونه والريال ... ليش ماتعترفون بالحقيقة وتقولون ان مورينهو هو اللي اخطأ في التشكيلة من البداية ولعب برونالدو رأس حربة والدليل انك 45 دقيقة شوط كامل ماعملت الا فرصة وحدة من رونالدو اللي مررها كاكا له وصدها الفيس وجلاها خضيرة ، وبعد ماصلح مورينهو الوضع ودخل بنزيما تغير الأداء وسجلت التعادل وكنت قريب من الفوز .

قضية انه فريق يدخل المباراة وهو ناوي على الهزيمة أو مسلم بالنتيجة معليش كلام مايقبله المنطق ... طيب ليفانتي عجزت تسجل هدف واحد في مرماه في مباراة الليغا وبالكأس تفوز بالثمانية يعني لاعبينه مالعبوا بجدية في المباراة ... هيركوليس اللي فاز على برشلونه في الكامب نو تقدم عليك بهدف في اول الدقايق في ملعبه وفي آخر 20 دقيقة سجلت ثلاثة واحد منهم افلت الحارس الكورة وكملها دي ماريا يعني نقول انهم تساهلوا واعطوكم المباراة في النهاية .

يبقى من الأفضل دائما ان نرتقي بالنقاشات اما قضية تهاون في المباريات وسالفة الفريق اللي ما افوز عليه انت لازم تصير مثلي ماتفوز عليه فهذا كلام ماله داعي ، وياما برشلونه فاز بنتائج كبيرة على فرق سواء محلية او حتى اوروبية لو اجلس اعدها اتعب يعني وقفت الشغلة على الميريا .

وفي النهاية اطيب تحية لك ،،،