الحقران يقطع المصران !!! - صفحة رقم 4 - نادي الهلال السعودي - شبكة الزعيم

قرقاص · #46 29/12/2010, 10:29 AM

إقتباس

الرسالة الأصلية كتبت بواسطة ام متعب التميمي


	ماجبت جديد عارفين ان اغلب النساء عندهم قولون والبركه فيكم معشر الذكور اثكلتكم امكم :::::::::::::::::::::::::: اخيرا وليش اخرا خلصت سلسلتك الطبيه عطنا من مواضيعك القديمه الي تخليني اضحك ناقصين احنا امراض وقولون نبغاا شي يوسع الصدر

هلا بأم متعب

أجل الرجال هم اللي جابوا القولون للحريم

طيب من اللي لعب بشعور الرجال ؟؟ اللي مايسلم من الشيب مايسلم من الصلع

اما سعة الصدر اذا تبينها هاليومين تراها بمنتدى الجمهور الهلالي ! خصوصا بعد مهازل النصراوية وتزرويرهم المكشوف بطريقة غبية

قرقاص · #47 29/12/2010, 10:34 AM

إقتباس

الرسالة الأصلية كتبت بواسطة الضحى


	الله يعطيك العافية ويحفظ لك أبنائك ووالدتهم . مواضيع مفيدة وعلمية ... الله يحفظك لماذا لم تذكر أهمية قراءة القرآن والله مجرب العادات الصحية التي ذكرتها في التقرير هي عادات وردت في السنة النبوية ولو تفتح الطبي النبوي تجد فيه الطب المفيد مع أننا لا ننكر فوائد الطبي الحديث ..وإذا قرأت الطبي النبوي تجد فيه لاتدخل الطعام على الطعام ولا تكثر الخلط بين الأطعمة ..والأفضل الاكل مماتنتجه أرضنا يعني من بيئتنا الأنشغال بذكر الله عن تتبع الناس ...الإلتجاء للصلاة عند الضيق لأن في السجود إتصال بالخالق سبحانه وتعالى وتفريغ شحنات التوتر في السجود وهذا أثبته الطب الحديث .. المشي واللسان يردد التسبيح والتكبير والأستغفار له فوائد عظيمة على النفسية مع البعد عن كل مايثير القولون .. أي أن الإنسان طبيب نفسه عندما يكون فيه مشكلة أو إختبارات أو أي مايشغل التفكير نبتعد عن كل المثيرات للقولون ..وعندما يكون الإنسان مرتاح لابأس من الأكل العادي .. وفي الختام لا غنى عن الطب الحديث مع الطب النبوي والنفسي .. جزاكم الله خير وربي يحفظكم جميعاً..

مرحبا بالمربية الفاضلة الضحى !

الموضوع في الغالبة هو تلخيص لدراسة أمريكية عن القولون العصبي ! لذلك لم اذكر دور العلاج باقران الكريم او الطب النبوي !!

(وننزل من القرآن ما هو شفاء ورحمة للمؤمنين ) ! هذه الأية واضحة ولا تحتاج لتفسير من ناحية حقيقة العلاج بالقران الكريم والرقية الشرعية !!

شكرا لك على مرورك الكريم

قرقاص · #48 29/12/2010, 10:36 AM

إقتباس

الرسالة الأصلية كتبت بواسطة Ṩσσłŧẵή


	حيآ الله دكتورنا قرقاص ،، حقيقة كعَادتك تتحفنا بمواضيعك الطبيـه ، والمميزه دومـا ، زآدك الله علما ونورا ،

مرحبا بسلطان

شرفني مرورك !

قرقاص · #49 29/12/2010, 11:55 AM

إقتباس

الرسالة الأصلية كتبت بواسطة شوق الكويت


	ماشاءالله ماشاءالله بديت افكر جديا اني اتزوج واحد صيدلاني شعوور حلو معاك احد بالبيت يعرف كل هالاشياء ماشاءالله اخوي قرقاص موضوع او سلسلة مواضيع جميله ومفيده ماكان في وقت ان نشكرك عليها ولكن استمرر ماشاءالله عليك وبارك الله فيك واكثر موضوع عجبني اللي عن السمنه او شي جذي نسيت بس كان حلوو شكرا لك

هلا وغلى بشوق الكويت وأهل الكويت كلهم

اسعدني مرورك وتعليقك

بس ماقلتي لنا كيف معدل انتشار المرض عندكم بالكويت !؟

قرقاص · #50 29/12/2010, 11:59 AM

إقتباس

الرسالة الأصلية كتبت بواسطة HILALYA ]~


	. مرحبا بك ض1 .. انت الحين تقولنا وتعلمنا والا تجيب لنا الوساوس ض1.. ماشاء الله موضوع كويس وشامل وكمال ما يحتاج وشسمه ض1.. طيب عندي سؤال ض1 ؟! الحين اللي ما يروح يكشف وهو فيه قولون , يصير له شيء والا ض1 ؟! غير الاعراض والالم ض1ض1 ؟! شكرا دكتور و1 ض1..

هلالية

نسيت أذكر ان كثر ترديد وشسمة و ض1 تهيج قولون اللي يقرا لك

الواحد يروح يكشف عشان يتطمن ماعنده اشياء اخرى !! خطيرة مثل سرطان القولون حمانا الله منه !! أعراضه تشابه أعراض القولون العصبي ! لكن يتميز في الغالب بوجود دم بالبراز(اكرمكم الله)!
وجود الدم يستعدي الكشف حلا وعدم الأنتظار !! لأنه ممكن يكون سرطان او ممكن نزيف ولا حاجة اخرى !

قرقاص · #51 29/12/2010, 12:03 PM

إقتباس

الرسالة الأصلية كتبت بواسطة داق لطمة


	قرقاااااص والله مالك دااعي نبغا مواااضيع زي كذاا نبي نستفيييد مشاء الله عليك يادكتووووور والله ماظنيت احد يقدر يستغني عن المفاااطيح بس اتوقع انك تستهبل هههههههههه شووف اذا وقفت نبي نسوي مظاهرااات علشان ما توقف عن الموااضيع اللي زي كذا هع هع الله يعطيك الف الف عاافية والله يحرم هاليدين من النااااااااااار الله يشفي جميع مرضى المسلمين يارب

هلا بداق لطمة

من ناحية مانقدر نقاوم المفاطيح ! أنا معك مانقدر

خاصة بالشتوية

لكن الواحد ياكل بإعتدال ولا يجلس لين ينغث وماعاد يقوى يتحرك وينام وهو ماغسل يديه

إقتباس


	شووف اذا وقفت نبي نسوي مظاهرااات علشان ما توقف عن الموااضيع اللي زي كذا هع هع

بلاش من الكلام الكبير هذا

نحط لك موضوع كل يوم بس توي لنا مثل جمهور النصر شغب وطق بالنعال وانتم بكرامة وطق شرطة عشان تعادل

لو خسروا نهائي وش بيسوون

قرقاص · #52 29/12/2010, 12:08 PM

[SIZE="6"]

إقتباس

الرسالة الأصلية كتبت بواسطة الـصـخـرة


	هلا هلا بالصيدلي اجل الدرس اليوم عن ( الكيلون ) ياخي انت وش بينك وبين الفول وش فيك حاقد عليه كذا الحين كل هالكوارث حقت الكيلون سببها الفول انا كنت احسب عندك سالفة لكنك طلعت صيدلي خرطي الفول اكبر وأرقى من ان يهان بواسطة الصيادلة المرتزقة الفول ياكابتن تاريخ الفول حضارة الفول تقدم الفول تاج من لا تاج له.. الفول عرش الفقراء رجاءً رجاءً لا عاد تحش بالفول والا اعتبر الوجه من الوجه ابيض يابوجنى

هلا بصخ صخ

وش كوالينه اللي قاعد تقول عنها

اسمح لي أقول ان الفول هو سبب كوارث العرب

الناس تقوم نشيطة ورايحة اشغالها وانتاجيتها 100% لين ماتجي الساعة 9 صباحا يجيك الفول المغرق بزيت يقولون انه زيتون وانا اشك انه زيت فرامل ! وخذ يالموظفين ماغير دبغ لين الواحد ينقلب على ظهرة وماعاد يقدر يقوم

ياخوك وش فيه القشد الحين !! مهوب أزين ! وينشط ولا يجيب النوم! ليش مانبدل الفول بالقشد والحنيني والفريك

الهلالي دائماً · #53 29/12/2010, 02:28 PM

الله يعطيك العافية ابو جنى

موضوع مفيد جداً

بصراحة مدري وش اقول وين مغبي هالمعلومات قبل

من جد نبيك تتحفنا بهيك مواضيع دايم

شكرا لك يالغالي

قرقاص · #54 29/12/2010, 07:50 PM

إقتباس

الرسالة الأصلية كتبت بواسطة هلالية والعز عنواني


	, . هلآ بك يَ دختور هذآ الشيء اللي أنآ أعآني منه والسبب كله من القلق والتوتر بس شلون أمسك نفسي وَعقلي ومآ أقلق حآولت بس مآقدرت هذي النصيحه اللي مآ أعترف فيهآ ومآ أبي أصدقهآ بالله شلون يحلى الأكل بدون الفلفل والشطه تدري لو فيني حرقآن أعآند معدتي وآكل فلفل ~> بس بعدين أنآ اللي أروح فيهآ . مشكور أبو جنى ولآتوقف أستفدنآ ونبي أكثر

مرحبا هلالية

معرفة السبب نصف العلاج !!

ومادام عرفتيه يبي لك شوي تضغطين على نفسك وتحاولين قدر الأمكان تقليل التوتر والعصبية وفيه طرق كثيره ! اكتبي في قوقل وبتلقين كثير !!

أما بالنسبة للشطة والتوابل !!

أكيد صعب الواحد خاصة اذا كان مدمن عليها

صعب انه يتركها

لكن ماهي مستحيلة !! خذيها بالتدريج

! وشيلي من راسك فكرة اني ماأقدر وما أقاوم

قرقاص · #55 29/12/2010, 07:54 PM

إقتباس

الرسالة الأصلية كتبت بواسطة Blue Sun


	هلا والله وغلا بدكتور الشعب قرقاص ,, قريت موضوعك هذا ومواضيعك السابقة .. وصراحة كانت اضافة كبيرة لي.. مرض القولون يعاني منه نسبة كبيرة جدا من الشعب .. ومثل ما ذكرت انت وسمعت انا ان ماله علاج الا الروقان , وتجنب القلق والتوتر , والترفيع ان حصل .. وكل الادوية الموصوفة له مسكنات لاعراضه وليست علاج له .. أسال الله أن يحفظنا واياكم من كل شر , ويبعد عنا وعنكم الامراض والاسقام .. يعافيك ربي على المعلومات القيمة .. ولا توقف ..

هلا بالشمس الزرقاء

يالروقان وبرودة الأعصاب علاج لأشياء كثييير بس وين اللي رايق

دايم الناس الرايقه اللي بتضحك على طول >>> قلب احمد عدوية

دايم تلقى الرايقين شكلهم أصغر من عمرهم شعرهم اسود وهم في الخمسين ولا عندهم ضغط ولا سكر

بعكس الناس العصبية

تلقى شكله اكبر من عمره وشعره مشيب ونصه طايح وضغط وسكر وقولون وهو ماوصل الأربعين !!

تشرفت بمرورك

قرقاص · #56 29/12/2010, 08:03 PM

إقتباس

الرسالة الأصلية كتبت بواسطة مدريدي جداً


	يعطيك العافية دكتورنا قبل شوي مختبر Anatomy و أكبر جزء من المادة اللي اختبرنا فيها كان ال Digestive System لذلك ما ودي اسمع كلمة كولون لمدة شهر يعطيك العافية مرة ثانية على المعلومات المفيدة يا ( زميل ) تحياتـ ي ـــ

هلا وغلا بالزميل مدريدي

بشر عن الأناتومي

ياهي مادة حفظ صم

أنا ادرس صيدلة ! وش دخل أهلي أعرف اسم العظمة اللي تحت الجمجمة

الله يحلل digestive عند CENTRAL NERVOUS SYSTTEM

STS2005 · #57 29/12/2010, 09:26 PM

إقتباس


	تقليل الكافيين ( القهوة والشاهي والبيبسي والبايسون )

رحنا وطي

اجل الواحد من اللحين بيكثر الخضروات والفواكه وفعلا مرض القولون يجعل الانسان في عزله عن المناسبات الله يبعده عنا .

يعطيك العافيه وكلمة شكرا ما توفيك حقك .

محبة الرحمن · #58 29/12/2010, 10:31 PM

أهلآ وسهلآ أخي الفآضل

ماشآء الله تبآرك الرحمن ..مميز بمآ تعنية الكلمة

الحمدلله انهآ تمت والله يوفقك ويسهل عليك ..

كل ماكتبت رد وعلقت يايطفي الانترنت عندي او يعلق جهآزي
ومآيتم الي كتبتة

ومادري الي باكتبه الحين بيتم أولآ

فمآراح اطول بالرد واعذرني ماراح اعلق على كل شئ

القآلون منتشر بين اوسآط المجتمع ..

والله يستر
وهآذا مؤشر اننأ كثيرين العصبية ..

الله يشفي كل مريض ويعآفية

يعطيك العآفية .. مآتقصر والله ..

اسأل الله ان تأخذ الدرجآت العليــــه

ويوفقك ويسهل عليك ..

كل الشكر لك

دمت بحفظ الرحمن

قرقاص · #59 29/12/2010, 11:45 PM

إقتباس

الرسالة الأصلية كتبت بواسطة آخر طموحآتي


	مشكور دختورنا ، والله يفكنا من هالقولون .. بانتظار الموضوع الطبي القادم

هلا بأخر طموحاتي

شاكر لك مرورك الكريم

قرقاص · #60 29/12/2010, 11:50 PM

إقتباس

الرسالة الأصلية كتبت بواسطة الكلاسيكي


	اهلاً وسهلاً جدنا قرقاص .. اهنيك ع الطرح المميز والمفيد جداً .. بالامس القريب كنت مع نسيبي وما اكل زين ولا شي ومتغير وجهه قلت له سلامات وش فيك .. قال راجعت الطبيب قال ان عندك مشاكل بالقولون .. والقولون الي عندك نفسي .. فلما سالته وش فيك .. قال حسبي الله هذا دكتور الجامعه .. طبعاً هو يحضر ماجستير وشكل فيه دكتور مدبل تسبده واصابه بالحقران الله يشفي كل مريض .. ويعافي كل مصاب .. واشكرك ن الاعماق ع طرح الموضوع .. المليئ بالفوائد .. وتقبل شكري واحترامي .. ودمتم متميزاً

هلا بالكلاسيكي

في الجامعات الدكاترة يجيبون القولون للطلاب !! وفي الثانوي الطلاب يجيبون القولون للمدير والمدرسين

تشرفت بمرورك ومشاركتك !!