سلام يالربع

عارف عنوان مدري وش يبي
بس ما راح يفهم ويتفهم الا من جرب الشيبان
لانهم فعلا ارهاااااب

الشيبه : هو كائن فاضي نشبه ما يعجبه شي لا يرى الكون الا من افقه الضيق يؤمن بالمسلّمات ويكفر بما دونها لديه اعتقادات ابن امه اللي يغيرها وما يقدر عليهم الا ربي .

لفظة الشيبه ليست دلاله على العمر وانما على الوضع الاجتماعي وعلى عدد الاولاد

فالابن يسمي والده شيبه مهما كان عمره ووضعه الصحي

وكبير العائله اسمه شيبه ولو كان في مقتبل العمر

وشيخ القبيله شيبتهم

علاوة على ان من تعدى عمره الخمسين ترقى لمرتبة الشيبه
نعم ترقى
الشيبه مرتبه شرفيه لها اعتبارات رسميه وغير رسميه


متى يكون الشيبه ارهابيا؟

في اوضاع عده ناخذها واحد واحد




ارهاب الشوارع : هذا المصطلح يطلق على شيبه معه جمس حوض احمر او وانيت بين 85 والـ 92 يمشي في الشارع لانه راح يمسك اقصى اليسار ويمشي 50 ويشغل الاشاره يا ايمن يا يسار او السفتي (الاثنين مع بعض) وما راح يلف واذا وسع شوي لغيره يتجاوزه ما راح يوخر من المسار كامل راح يوخر شوي وانت تفاهم مع الرصيف وانتبه تكبس له او تضرب له بوري لانه راح يصير احدى هذه الاشياء : اما انه يوقف وينزل عليك وسط الشارع (وتذكر ان الشيبه في مجتمعنا دايما على حق) او تعبد معه ويهدي السرعه الى 20 او يوخر منك لكن ما راح تسلم من اللعن والدعاء .




ارهاب الحج والعمره : هذا المصطلح يطلق على شيبه او اكثر في حج او عمره في مكة والشيبه في هذا الوضع سريع الاشتعال ويحسسك انه لحاله اللي حاج ودائما ما يجب علينا تجنب الحج مع الشيبان لانهم ما يعجبهم شي فاذا واسعت لهم في الطواف قالوا لا تزاحم الناس واذا ما واسعت لهم قالوا انك رخمه واذا طبخت لهم واعجبهم قالوا حرمه واذا ما اعجبهم قالوا دجاجه واذا شكيت قالوا بزر واذا ضحكت قالوا مفهي واذا دعيت الله وبكيت قالوا منافق واذا دعيت وابتسمت قالوا فاسق واذا رديتوا الديره فضحوك واذا فضحتهم قالوا منت خوي حج ..




ارهاب السفر : هذا المصطلح يطلق علي شيبه تنازل بعد زن من النسوان في البيت انه يطلعهم سفره او طلعة بر واول شي راح تواجهه محاولات قويه من الشيبه في تولي قيادة المركبه فاذا وافقت راح توصولون متاخرين عن الجدول خمس ايام واذا انت نشمي وعييت وتوليت القيادة اتبع التعليمات التالية: لا تسولف ابد حتى لو انك افضل سواق في العالم ، افصل منبه السرعه وادعس زي ما تحب لان الشيبه ما يفهم الا لغة المتبه ، انت ولوحات الحكومه الارشادية والناس واهل الديره كلهم غلطانين والشيبه هو اللي صح وعارف الاتجاهات ، لا تشغل المكيف ولا تفتح الدرايش وحاول انك ما تنفس ، انتبه تشغل المسجل واذا شغلته شغل قران او قصايد محاوره ، لا تشرب لا تاكل لا تقهوى لا تكلم بالجوال لا تضحك ، لا تبدي رايك في أي شي ، سق زي الهندي انت ماكل تراب ، اذا بتعبي بنزين لازم تستاذن واذا طلع صوت في السياره جنب بعد طلب الاذن ، اذا وصلتوا نقطة تفتيش دع الشيبه يتولى الحوار ، واذا وصلتوا روح مكان ما حد يشوفك فيه وابكي وشوت الارض وفضفض للجن.




ارهاب البلوت : هذ المصطلح يطلق على شيبه يلعب بلوت وانت خويه طبعا بما انك ورطت نفسك فاتبع اتالي : لا تشتري ابد لو بتكمل لك اربع ميه ، واذ اشترى الشيبه دايما عزز له بادب فاذا قال حكم لا تقول احكم واظلم لكن قل حكم ذيب واذا قال صن لا تقول فن لكن قول لعبه فهيم وكل مره تاكلون فيها قول كفو واذا خسرتوا قول غلطتي لو هو ملقمهم الاكه واذا اخطا قول الغلط على الورق واذا اخطيت قوم حب رجوله واذا الفريق الثاني شيبان بعد لا تهايط عليهم وتضحك واذ غشوا مشها لهم انتبه تسجل عليهم واذا انتهت اللعيه حط رجولك لان اذا فزتوا لعنوا شكلك الشيبان الثانين واذا خسرتوا مسكوك الشيبان الثانين لخويك الشيبه واهم نقطة وتذكرها دايما اذا انت تلعب بلوت مع شيبان الشيبه اللي في الورق عامله باحترام بالغ واذا يصير لك خله اعلى من العشره والاكه في الصن واعلى من الولد والتسعه في الحكم واذا صار معك اربع شيبان في الورق فاعرف انك خلقت لتلعب مع شيبان .




ارهاب العربية: هذا المصطلح يطلق على شيبه يشوف الاخبار وانت عنده تقهويه وتسولف معه الشيبه في هذا الوضع راح يكون سلبي للغايه ومأساوي ( لان ما فيه اخبار طيبه) والغريب انهم يتفاعلون مع قضايا ميته كان توها صايره زي قضية فلسطين والعراق وافغانستان ويجلس يقولك انت تسمع وش يقول المذيع ؟ وراح يكرر ذا السوال واجد وللنصيحه اتبع التالي : لا تايده ولا تعارضه لان مزاجه متقلب وكل شوي يغير رايه ، لا تسولف ابد وصب القهوه وانت ساكت ، لا تبدي رايك في أي شي ، اعتمد في الاجابه على هز راسك بطريقه ما يعرف انت معه والا لا ، لا تعزز وتقول سمعت كذا او قريت كذا لانه راح ينشب لك ، دائما عينك على فنجال الشيبه اول ما يخلص تملاه ولا تزيغ عينك للتلفزيون لو هو خبر موت سلطان عمان اللي عيا يموت .


اخيرا الارهاب المعروف

ارهاب المباريات : وهذا ارهاب له اشكل عده ويختلف حسب النادي اللي يشجعه الشيبه وناخذهم واحد واحد




شيبه الهلال: واثق ، وقور ، هادي ، تقاسيم وجهه اقرب ما تكون الى تقاسيم وجه جرتس ، نظيف ومرتب ، فاهم الكوره ، دائما ما يبدي اعجابه بلاعبين المحاور اكثر من غيرهم ، يلقي اللوم في الخساره على روح اللاعبين ، لكن قنوع ومتفهم .




شيبة الاتحاد: مثقف ، كشخه ، عياله واجد ، سيارته حديثه، عادة ما يكون موظف او رجل اعمال او في الاسهم ، فاهم ان الكورة طقها واجري وراها ، يبدي اعجابه بخط الهجوم فقط ، يلقي اللوم في الخساره على الادارة واعضاء الشرف ، ما يعصب الا نادرا .




شيبة الاهلي : تراثي ، معه ولد او اثنين بس والباقي بنات ، جيبه الفوقي فيه حبر ، موظف حكومي او عسكري ، يحلل في وسط المباراه ، كلامه واجد ، يبدي اعجابه باللاعبين الاجانب فقط ، يلقى باللوم في الخساره على المدرب ، يشجع برقي .




شيبة الشباب : دكتور او مهندس المهم انه دارس، عياله مناصب ومطانيخ ، يلبس كبك دايما ، متقاعد ، ما يتكلم اثناء المبارة ابد ، يبدي اعجابه بالاظهره وقلب الدفاع ، يلقي بالوم في الخسارة على اللاعبين الاجانب ، يعيش وحيد.





شيبة النصر : لبسه الرسمي روب النوم ، عياله سبعطعش وبنتين ، كل عايلته الموقره نصراويه ، يسمع بالكشخه ، سيارته وانيت او جمس حوض ، متنرفز على طول ، له سوابق مع الدخان ، في جيبه الفوقي ورقة موعد في الشميسي او العسكري ، اما مفصول من وظيفته او معه محلات ومزارع ، يبدي اعجابه بالرئيس ، يلقي باللوم في حال الخساره على الحكم ، يشجع بهواش .



الخلاصه :
اللهم احفظ لنا شيبانا




ودمتم

هههههههههههههههههههههههههههههههه

الله يسعدك

أهم شي الحج والله انك صادق من جد يا يفضحونك بالديره يا يقولون منت خوي مع انه بالنسبه لهم اي سالفه فضيحه اهم شي يقولون عنك قبل لاتقول عنهم ,, ان شاء الله ما احج مع شيبان

اما الاهلاوي احسن شي ( جيبه الفوقي فيه حبر )

ونسيت شي شغلة التصويت بسبة سعة الصدر ,,,,

بس بالاخير والله انهم هم البركه والله يخلي لنا شيباننا ,,,,

شكرا

إقتباس الرسالة الأصلية كتبت بواسطة عاشق ســـــ9ـــــامي أما في هذي أخالفك , لأن النصراوية صغيرهم وكبيرهم يحطونها في الحكم , أو في الهلال ... يعطيك العافية و الله يخلي لنا شيباننا

الله يعافيك اخوي

ياخي الهلاليين ذولا فيهم جنون عظمه


ههههههههههههههه

منور اخوي

إقتباس الرسالة الأصلية كتبت بواسطة ^_^ F A W W A Z ^_^ هههههههههههههههههههههههههههههههه الله يسعدك أهم شي الحج والله انك صادق من جد يا يفضحونك بالديره يا يقولون منت خوي مع انه بالنسبه لهم اي سالفه فضيحه اهم شي يقولون عنك قبل لاتقول عنهم ,, ان شاء الله ما احج مع شيبان اما الاهلاوي احسن شي ( جيبه الفوقي فيه حبر ) ونسيت شي شغلة التصويت بسبة سعة الصدر ,,,, بس بالاخير والله انهم هم البركه والله يخلي لنا شيباننا ,,,, شكرا

العفو

والله انك صادق هم البركة


لا هنت اخوي منور

إقتباس ارهاب البلوت : هذ المصطلح يطلق على شيبه يلعب بلوت وانت خويه طبعا بما انك ورطت نفسك فاتبع اتالي : لا تشتري ابد لو بتكمل لك اربع ميه ، واذ اشترى الشيبه دايما عزز له بادب فاذا قال حكم لا تقول احكم واظلم لكن قل حكم ذيب واذا قال صن لا تقول فن لكن قول لعبه فهيم وكل مره تاكلون فيها قول كفو واذا خسرتوا قول غلطتي لو هو ملقمهم الاكه واذا اخطا قول الغلط على الورق واذا اخطيت قوم حب رجوله واذا الفريق الثاني شيبان بعد لا تهايط عليهم وتضحك واذ غشوا مشها لهم انتبه تسجل عليهم واذا انتهت اللعيه حط رجولك لان اذا فزتوا لعنوا شكلك الشيبان الثانين واذا خسرتوا مسكوك الشيبان الثانين لخويك الشيبه واهم نقطة وتذكرها دايما اذا انت تلعب بلوت مع شيبان الشيبه اللي في الورق عامله باحترام بالغ واذا يصير لك خله اعلى من العشره والاكه في الصن واعلى من الولد والتسعه في الحكم واذا صار معك اربع شيبان في الورق فاعرف انك خلقت لتلعب مع شيبان .

في هذه انا مؤيد لك وبقوه جلست مره اناظر شيبان يلعبون بلوت كل واحد سجارته في ايده ولا كلمه يمكن حتى مافيه نفس المره الوحيده اللي تسمع اصواتهم وقت التسجيل يقول اللي لهم واللي عليهم بعدها يرجع الهدؤ يعم المكان واللي يغلط تسمع خويه افففففففف وقتها انتظر الصياح بس بعد ماخلصت الصكه بدات المناقشات والاصوات الحاده قام واحد منهم بيسري قالوا تعال كملنا رابع رفضت وتحججت باني مشغول بامشي لاني عارف اني باتهزأ وبينغسل شراعي على ادنى غلطه

إقتباس الرسالة الأصلية كتبت بواسطة (اسير& المحبة ) في هذه انا مؤيد لك وبقوه جلست مره اناظر شيبان يلعبون بلوت كل واحد سجارته في ايده ولا كلمه يمكن حتى مافيه نفس المره الوحيده اللي تسمع اصواتهم وقت التسجيل يقول اللي لهم واللي عليهم بعدها يرجع الهدؤ يعم المكان واللي يغلط تسمع خويه افففففففف وقتها انتظر الصياح بس بعد ماخلصت الصكه بدات المناقشات والاصوات الحاده قام واحد منهم بيسري قالوا تعال كملنا رابع رفضت وتحججت باني مشغول بامشي لاني عارف اني باتهزأ وبينغسل شراعي على ادنى غلطه

هههههههههههههههههههههههههه

اجل و تقول لي انا اللي لعبت مع ابوي

وطول اللعبه يقول لي ياولد فلانه يا خسيس يا حمار ليتني نايم هذيك الليله

ههههههههههههههههه

منور ياشنب

الله يرجك رجاً مبرحاً يا طعنة الظهر !

أما شيبة الحج و البلوت كلآم ثاني

ألف شكر

ان كنت تريدالوناسه فالعب مع شايب

ولا وقت المباارة لاتتفرررررررج مع الشايب

لانك ستسمع سب وشتم في الاعب الاجنبي

إقتباس شيبه الهلال: واثق ، وقور ، هادي ، تقاسيم وجهه اقرب ما تكون الى تقاسيم وجه جرتس ، نظيف ومرتب ، فاهم الكوره ، دائما ما يبدي اعجابه بلاعبين المحاور اكثر من غيرهم ، يلقي اللوم في الخساره على روح اللاعبين ، لكن قنوع ومتفهم .

الله يحفظهم لنآآآآآآآآ يآآآآآآآآآآآرب

إقتباس ارهاب الحج والعمره : هذا المصطلح يطلق على شيبه او اكثر في حج او عمره في مكة والشيبه في هذا الوضع سريع الاشتعال ويحسسك انه لحاله اللي حاج ودائما ما يجب علينا تجنب الحج مع الشيبان لانهم ما يعجبهم شي فاذا واسعت لهم في الطواف قالوا لا تزاحم الناس واذا ما واسعت لهم قالوا انك رخمه واذا طبخت لهم واعجبهم قالوا حرمه واذا ما اعجبهم قالوا دجاجه واذا شكيت قالوا بزر واذا ضحكت قالوا مفهي واذا دعيت الله وبكيت قالوا منافق واذا دعيت وابتسمت قالوا فاسق واذا رديتوا الديره فضحوك واذا فضحتهم قالوا منت خوي حج ..

هههههههههههه هذولاء احسسن شيء
يآآزين من حج معهم خخخخ

يعطيك العافيه اخوي ومآآقصرت ..

خخخخخخخخخخخخخخخخخخخخخخخخخخخخخخخ
والله مو بس هو والله نص الشيابين كذا
خخخخخخخخخخخخخخخخخخخخخخخخخخخخخخخ

إقتباس ارهاب الحج والعمره : هذا المصطلح يطلق على شيبه او اكثر في حج او عمره في مكة والشيبه في هذا الوضع سريع الاشتعال ويحسسك انه لحاله اللي حاج ودائما ما يجب علينا تجنب الحج مع الشيبان لانهم ما يعجبهم شي فاذا واسعت لهم في الطواف قالوا لا تزاحم الناس واذا ما واسعت لهم قالوا انك رخمه واذا طبخت لهم واعجبهم قالوا حرمه واذا ما اعجبهم قالوا دجاجه واذا شكيت قالوا بزر واذا ضحكت قالوا مفهي واذا دعيت الله وبكيت قالوا منافق واذا دعيت وابتسمت قالوا فاسق واذا رديتوا الديره فضحوك واذا فضحتهم قالوا منت خوي حج ..

يعطيك الف عافية اخوي الطعنة

لو ما كتبت الا هذا كان كفى انه موضوع لحااااااله

فعلا ضحكت بشكل خراااافي و رسمت البسمة على غيري

يعطيك العافية و لا هنت

فعلا انا اضافة جميلة على المجلس ويييييينك من اوووووووول يا شيخ

اتوقع تاخذ افضل عضو في الشهر اللي فات و انت تستاهل مع انك فقراوي