السلام عليكم ورحمة الله وبركاته
عاد انتم تخيلو ثوب وتحته جنز وش بيكون شكله لاجد أتكلم


وعليكم السلام ورحمه الله وبركاته
ليش أتخيل شفته بعيني بس مو تحت الثوب لاتحت المريول
حتى أنا جد أتكلم


وبعدين ياناس انا من الناس اللي اذا صار بجيبي فلوس مارتاح لين اغرقها

بالذات لاجاء يوم الأربعاء لازم وضروري أفضي البوك .. ماارجع البيت
وهو فيه شيء > كذا ماارتاح

رجعت البيت ونمت وبالصبح لقيت بالكوت حقي سبعين ريال قلت ياربي وش هالحظ اللي يفلق الحجر ياعيني على الكوت اللي يشتغل من ورا صاحبه ويجيب قروش
وبعد ماوصلت لنص الخط واحد من اخوياي المطفرين قال هي ترا نسيت بكوتك 70 ريال لأني خذته البارح وانت نايم قلت يصير خير .

ي فرحه ماتمت >

وبس ماودي أطيل فاضي وشايفكم معشقين قلت نسوي موضوع خفيف على قلوبكم وعسا مايكون سامج شوي

فعلاً موضوع خفيف , يعطيك ربي ألف عافيه
والله يبارك لك في راتبك .,

.
.

و عليكم السلآم ورحمة الله و بركآته
.
.
ندخل بِ يوميآتك ..
ع فكرة " جينز " تحت الثوب ! تخيّلت الشكل أنت بسّ ! .. تذكّرت الشعب المصري الحبيب مآيهمّه أحد المهمّ صحّته
بِ البرد ، يَ حبّي للبطآنيّة أوّل الصبح
.
.
أمّآ سآلفة الميزآنيّة و الطفرة آخر الشهر .. الشبآب و خآصّة اللي عندهم صرفيّآت كثيرة " المتزوجين " ، مفروض يسجلون الأسآسيآت - فوآتير ، حقّ بنزين ، مصروفهم اليومي .. الخ - و الأشيآء الثآنويّة -هذي ممكن تتغيّر كل شهر - بِ نوتة مثلاً أو حتّى في ملآحظآت الجوّآل ، بِ حيث يوزّعهآ ع قدر الرآتب أو أقلّ - حتّى يبقي شيء منّه لو يطلع شيء فُجآئي خلآل الشهر - .. و إذآ جآء الشهر الثآني و هَـ الزيآدة مآ أصرفهآ - مع إنّه مآ أظن - يحطّ عنده حصّآلة و يجمع فيهآ الفآئض من الرآتب - حتّى لو ريآل - .. فيه نآس أعرفهم متزوجين وكذآ يسوون
بسّ هذآ اللي تجمعه يكون للأيّآم السودآء
،
و الوآحد لو دخل محل و أشترى اللي يبيه بسّ ! و طلع من دون لآ يشيل شيء زيآدة مآ رآح يطفر آخر الشهر ..
يَ زين الوآحد لآ دخل السوبر مآركت و هو شبعآآآن
.
.
عوآفي القحمآني ع موضوعك الخفيف
والله يبآرك بِ رآتبك و حّتى أوقآتك بِ الخير

..

إقتباس الرسالة الأصلية كتبت بواسطة algohmani يوميات قحماني تحت الصفر :

إقتباس الرسالة الأصلية كتبت بواسطة algohmani وأمس وأنا جالس مع واحد من المعلمين قلت ياخوي شكلي بلبس جنز تحت الثوب على الأقل الجنز يحميك من البرد لكن هالسراويل اللي نلبسها والله ماوراها إلا تكسير العظام والبرد يدخل وانت تتنافض :

يمدحون بجايم القطن

إقتباس الرسالة الأصلية كتبت بواسطة algohmani عاد انتم تخيلو ثوب وتحته جنز وش بيكون شكله لاجد أتكلم :

<<اصبر كم سنه وتصير موضة

إقتباس الرسالة الأصلية كتبت بواسطة algohmani لاحد يلوموني ويقول وشب راسك يالقحماني صاير مهستر وتجيب افكار مخبولة صدقوني من البرد القارص اللي بعاني منه .:

لا وانا اختك ماتنلام ماتعودت على هالأجواء حدك 45 درجة الحرارة
<<حلو البرد اكشن شوي

إقتباس الرسالة الأصلية كتبت بواسطة algohmani واحد من أخوياي عيا يتروش من يوم جينا وكل ماقول يابن الحلال ترا فيه سخان قال مابتروش الا ببيت امي وكفاية حتروش يوم الاربعاء والخميس والجمعة بدق عليه بعد العصر وبقوله خذ شاور وطلع حق الأسبوع كله

هههههه سلمني عليه

إقتباس الرسالة الأصلية كتبت بواسطة algohmani يوميات قحماني بلا رصيد

ياذا القحماني حيآآآة شقا

إقتباس الرسالة الأصلية كتبت بواسطة algohmani ترا قسم قسم لاحد يشك ويقول يعنني معاي بلاك بيري لا والله صدقوني بس مير إني أمس نسيت اشحن البطاقة ( كذاب مانسى بس مطفر )وجاي عند واحد من زملاي وقايله هات جوالك ابتصل ماعندي شحن قال الله يالدنيا بلاك بيري ومدري وشو وآخر شي بدون شحن قلت انت خابر آخر الشهر والشعب السعودي يوم 24 مايكون معه إلا السروال ( ماسكه معه ) كلمة خويي ذكرتني بواحد معه لكزس بأبها كنت واقف بالشارع ووقفلنا انا واخوياي قال وين قلنا للقهوة قال اركبو كل واحد بثلاثة ريال ههه استغربنا وش لون معك لكزس ومامعك قروش أجل بتأكسي اللكزس :

مافيه شي جديد بشعبنا الموقر الله يحفظة
بس حلوة تاكسي الكزس

إقتباس الرسالة الأصلية كتبت بواسطة algohmani من منكم يملك إتزان اقتصادي ؟

املك بس موبكل الاشياء بس حلو فيني نوع من الإتزان
الله يديمه

إقتباس الرسالة الأصلية كتبت بواسطة algohmani وبس ماودي أطيل فاضي وشايفكم معشقين قلت نسوي موضوع خفيف على قلوبكم وعسا مايكون سامج شوي

استمتعت بقراية يوميات القحماني
وموضوع خفيف جداً
شكراً