مانيب مصدق أويلاوه !!

عواكيس بوه !!

والله إنه جتن الصيحة

على فكرة ياعكوس قلبي شكل أمريكا خربت اللهجة شوي !!

مسكت عليك كم كلكة زلفاوية الظاهر إنه من تأثير حدى هالماريات اللي سمعت إنهن يرطنن زلفطي

بالنسبة للعنوان فتفسيروه تسالتالي :

كل شيء : كل ثنق !!

أهون : مقتبسة من المثل الشهير ( عساك أهون ) وتعني أشوى



من اللي : يعني فروم ذا !!

أكود : أردى !

منوه : من + أوه حقت القصمان كقولهم : بوه و لوه !!

ودي أصيح !!!

أبصيح !!

صحت !!

المهم ترى البضاعة بالحفظ والصون وكانوه نقص عليك شيء لايردك إلا لسانك مع إن موضوعك يدل على إنك ماخذ معك واجد ;)

الغريب وش قصدك بالبضـــــــــــــاعه

عواكيس

---------> أبد ما سرقتها من أحد..

هلا وغلا ومية مسهلا

وشلونك يا بعد تسبدي

الحمد لله إنك بخير يالغالي .. والله إننا اشتقنا لك ولمواضيعك واشتقنا لشوفتك..

الحمد لله أنا قريت الموضوع وما يحتاج لي مترجم..;) يعني فهمته زين..

وطراي لي طاري .. وهو إني انقل الموضوع للمجلس العام .. على إنه قصة مثل جديد وهذا المثل ( كل شيء اهون من اللي اكود منه )..

يا جعلك تسلم يالغالي.. والله يردك بالسلامة


وتقبل تحياتي ،،،

أخوك / البارق

ساء الخير الله يحييك ويا هلا والله ..............

أشوا إنك كتبت موضوع وإلا كان على أعصابنا نحسبك عقلت على قولت أبو هيا ..

>> [ تبون تقولون وش تبي بقولكم ما أدري الموضوع وما فيه إن أخر
خبري بالهلال يوم يكلمني اخوي ويقول لي شالوا المصيبيح والنوبة الثانية يوم
أدخل على شبكة الزعيم وأشوف وش صار على الإجتماع هم لقوا لهم رئيس و إلا جبت
لهم واحد على دربي و أنا راجع ]<<

حنا ما صدناك إلا يوم تدخل على الشبكة في ذلك اليوم .......

بس صيده شكلك ..!!

>> [ فيه علاج جديد للخرشه والعجله تجيبون ثلاث شعرات من ابط الجراد وتنقعونهن
بمويه حاره لمدة ثمانطعش دقيقه همن تخلطونهن بحلتيته ومره وهمن تفرجوا
عليهن وقولوا الله يخلف على أهلنا بأحسن من ]<<

بس الحلتيته يقولون لازم من ولد غصن...!!

أبو بدر تراهم حاطين حفل معايده بالمدرسة وإلا هالحين ما قضى الحلاو ..
ويبيله أسبوع إلين تركد سبده ثمن دوره بالمنتدى ومعه سكروب يفكبه الواحد
اللمبه وهو قاعد ...:p :p

وباقي الرساوية عندك أحد امرين إما يعمرون .. بيوت !!! وقاطعين وإلا طيور
بر ولا تدورهم إلا بعد شهر واحد ..! أو واحد ونص ...!

والله تطويلك بالغيبه ما هيب بالمنتدى .. الله يجيبك لأهلك سالمن غانمن
فاهمن وإلا أقول إقعد تراه أبركن ...!!!! <ـــــ ما أعرف قصيميييين

الله يبارك بهالوجه الي خلانا نشوف ناس بالموضوع مطولين الغيبات
ومنهم شاهين وأبو بدر والبقية ...

وسلامتك يالحبيب


sa999as على كلٍ تراه إحساس !!

اهلين اخوي عواكيس كل عام وأنت بخير بعد الزحمة

يا هلا والله بـ (( عواكيس )) ...

حيا الله الغايب .. ..

مشكور على السؤال .. تسأل عنك العافية ..

الله يرجعك سالم اللهم آمين .. ..

يالله إن تحيي الحاضر بالتصفح المكشوف والغائب عن المشاركات (( عواكيس ))..

وين هالغيبات ياخوك ..

حمد الله سمعنا منك بعد طول إنتظار..


عندي بس تعليق على نقطة صغيرة::

إقتباس أبو ذكرى نو انقليش خطه ماهيب صاحيه

أي ماهيب صاحية .. كانها ضبطت معك مرة .. اقضب الساس وإلا إن تروح في خرايطها المرة الثانية .. وإسأل مجرب ..

عاد الله الله بالمشاركات والتواجد المستمر .. ترا والله مالك عذر تحرمنا من طلتك وانت قريب ..

تحياتي،،،،،

-------------------------------- -------------------------------- --------------------------------
أخوكم،
أبوسعد

الغاااااالي جداً عواكيس...

يا هلا ومرحبا فيك ومن طوووول الغيبات جاب الغنايم وانا اخوك

وشلون الجو هناك حساه احسن;)

إقتباس مخاوي البطولات وكايدهم يوم تركتوا الإشراف رجعتوا للإبداع

ايه والله عساهم على القوه ان شاء الله.

إقتباس ما عليه طولت عليكم بس وش نسوى بالشوق نشوفكم بالقريب العاجل بخيمة أبو هيا إن شاء الله لا خلى ولا عدم يارب

على خيرررررر ان شاء الله

إقتباس إقتباس من مشاركة أبو بدر ما ني مصدق عواكيس بلحمه وعظمه مرحباً ألــــ 1000 ــــــف ،،، صمت وأفطرت بسكري القصيم مع قشطة المراعي خل نشوف لك مشاركات لا تقطع ، وكل شي بوقته حلو ، تحياتي ،،،

تصدق على هبالك اللي في الموضوع بس الهبال اللي على الطبيعة غير !

قل آمين الله يردك سالم غانم ، اشتقنا لك أو بالأصح اشتقنا للي تعاني منه و انا أخوك !

كل يوم امر الغريب وناخذ من البضاعة اللي انت خابر و ندف بها أحد من الشباب نبيه يعقل مثلك بس ماش يا عواكيس ما لقينا اللي مثلك !

هلا والله بالطش والرش

عواكيس ماغيره موجود بيننا ... ياحظنا ياحظنا

والله اني فرحت يوم شفت اسمك يلعلع في الصفحه الأولى ... الله لايحرمنا شوفته وشوفتك آمين ,,,,

علومك ياشريكي في ( البيتزا )

مشتاقين لك والله ,,, أدور لك في الماسنجر مالقيتك قلت أكيد انه على الفوتوشوب

وعلى حالي لي فتره وانا مسنتر في الفوتوشوب انتظرك

لا تصير في الفلاش وأنا مدري

المهم انتبه لاتستخدم ( انجليش نو ) خصوصاً حول ( فاديز ) ;)

نورت المنتدى ولاتطول علينا والحمدلله على سلامتك

عواكيس بـُــــــــه ..

مادريـنا بــُــــــــــــــه ...
ياحبـيلك والله انت وهرجك وسوالفك ..
الحيـن انت بـــــذا والا بـــــــذاك .. أحتس اويلالالاوووووووووه .. < === تراه ما هو قطــو

والله يانت طابٍ محيفره بهالموضوع ..
ماهنا شين ٍ ماقلته .. بك وانا اخوك فتـق ما هوب باحـد .. والله ياخيي ان هالمريكان اللي حولك يبي يجيهم بــلى .. مير أفطن لهم ..

اقول الله يرج شيطان سموكم لا بغيت النوبة الثانية تكتب بالقصيمي قل لكوكتيل عشان يفتح خاصية الدعم باللغة البريداوووويه والله لو بحلف ان ماري نمبر ون انه هالحيين ما عنُه وعن المرقيقة اللي ماهنا ازين منه مع قريعيعة وكويسه ولوبا .. والا ماري نمبر تو ياعليه قريصصصصة ما عندك احلى منه ..

عواكيس ياغلى الصحبان .. هرجانك يهاللهجة عله تعود لويزاتك لوضعهن الطبيعي

وترى والله والله والله ان لك وحشة كبر قـرررررريح <=== الا والله مدح >>

مو فاهم شيء,,,,,

احلى من كل الحلا موضوع الرهيييييب ابو عواكيسنا ..

"" مشكور والله يوفقك يا رب