صباح / مساء الخير للجميع بدخل بالموضوع على طول أعتقد مايلزم مقدمات
تعرفون أنتم العاطلين عليهم تفكير للمستقبل مختلف خصوصا اذا صار مقبل على زواج فيجلس يفكر وشلون بتزوج وش بسوي وشلون النظره الشرعيه وأنا أفكر جت على بالي هالنقطه اللي بعرضها الحين .. ( الموضوع للنقاش )
طبعا نبي نناقش سوا النظره الشرعية ( أكثر من مره) فرجاء لاحد يجي الا اللي يعترف بالشوفه الشرعيه والي يقول لا ماعندنا شوفه شرعيه لاشوف خشته بالموضوع طيب ياجماعة الخير أنت مثلا خطبت بعد وصف أمك والا اختك اللي مايعول عليه أبد وكم واحدن أكله جلست أمه واخته يمدحون بالبنت لين خلوها سندريلا بسم الله من كثر المدح ، وقال خلاص خلاص مابي شوفه أكيد انها زينه ومناسبة لشخصي الكريم ، يوم دخل بليله العرس والا يشوف ذيك الشيفه ياولد وين وصف أمي واختي ! وشهر شهرين مطلقها حرام ياخي ليه ماشفت طيب ؟
نرجع لمحور حديثنا : قلت بشوف البنت وجاء وقت الشوفه بعدين رحت ودخلت البيت بكل ثقة وعلامات الرضا مرتسمه على وجنتيك جت بنت الحلال مستحية كالعاده وجابت معها عصير وحطته وانت تطالع بخشته تقل واحد مهبول رافعن راسك شوي والا تنكسر رقبتك من الشفاحة < مع اني ماقتنعت بذا الروتين الخايس ، لأنه يمكن يطيح العصير او تكبه على الخطيب المغلوب على أمره خصوصا اذا البنت خجولة ، فأفضل شي تدخلين مامعك شي والعصير والا الشاهي يجاب قبل تجين او بعد ماتجين ، وهذي نصيحه لوجه الله
المهم تجيب هالعصير والا الشاهي تحطه على الطاوله وتمسك الباب تمشي مليون حتى مايمديك تركز على مشيته حتى بالله ذي تسمونه شوفه شرعيه ؟ ودايم تصيرهذي همن يجيك الطعس المروح تسأله تقول أمداك شفت ؟ يقول اييه اييه والله ارتحت من يوم شفته وحبيته بعد تصير خشك كذا < ماعليش على الفيس بس مالقيت الا ذا يمثل الواقع لو هو يخرب التنسيق سبحان الله حب وراحه من نظره وحده يانصاب
الصنف الثاني فيه ناس لا أكثر تطور يخلي البنت تجلس شوي بس وين يجلسها يجلسه على الجنب يعني ماتصير قبال ولد الحلال ، طيب ياخال وشلون تبين اشوف البنت اقعد اتلفت تقل مروحه قعاديه
فيه نوع ثاني لا أكثر تطور يخليها تجلس قبالك على الكنب والبنت منزله راسة لكن لاتغتر ياشنب انها منزله راسها قازتن اللي جابك لأن البنات عندهن حواس استشعار غير طبيعية وشعرها طايح على خشته ولا تشوف الا أجزاء من جسمها والخشه مالك سنع علما أنه أهم شي لزوم تشوف الخدود والوجنتين والخشم والعيون والفم وأبوها ساكت ولا يكلمها ولا شي طيب ياخي احتس معها خلها تكلم خلنا نسمع صوتها يمكن يصير شين ونهون
المهم :انا شفت الشوفه الشرعيه الأولى ، لكن ماشفت على سنع ماكلمت البنت تلخبطت ماشفت الشي اللي يريحني يعني ممكن يصير فيه راحه شوي لكن ماش يبي لي شوفه ثانيه لأن غالبا الشوفه الأولى الحياء زايد شوي وبأرضه البنت ممكن تصير متلخبطة ، كلمت ابو البنت يابو فلان الله لايهينك ابي اشوف مره ثانيه اذا مافيه مانع تلقاه يناظرك بنظرات تكره نفسك منها واذا صار شايب جلس يزبد ويرعد وبنات الناس لعبه عندك وطردك مباشره
المهم في ذا الموضوع شباب وشابات ، الزواج مشروع متكامل ، ليه ماأشوف مره ثانيه وثالثه < طماع ، لاصرت مو مقتنع بالشوفه الأولى اللي جلست اطالع فيها ماكلمتها ماسمعت صوتها ماعرفت طريقة تفكيرها مع ان معرفة طريقة التفكير شي ثانوي مو لازم ويبغالها جلسات متعددة ، يجب اني اكلمها اسمع صوتها بحضرة أهلها وش المانع؟ ولا أعلم حديث من النبي صلى الله عليه وسلم يدل على أن النظره الشرعيه مره واحدة ، بالعكس ربما النصوص تؤيد النظر أكثر من مره (فإن استطاع أن ينظر الى مايدعوه الى نكاحها فليفعل فإنه أحرى أن يؤدم بينهما ) .. والأب الذكي يقول ياجماعه عن اذنكم بكلم انا أو يقول بجيب غرض من الصالة ،علشان آخذ راحتي اطالع فيها من فوق لتحت وآخذ جوي وتاخذ راحتها هي بأرضه .. وأنت ياطعس خلك ذكي مافيه مانع تلتفت على جنب شوي عطها مجال تشوفك
ولاهي خلوه شرعيه ولا شي وش اللي يمنع ؟
وتكلم معها وأنتي تكلمي معه ، هذاك تكلمين السواق ،لاصرتي ماتستحين من السواق ليه تستحين من زوج المستقبل ان كتب الله نصيب ، ليه التناقض الاجتماعي عندنا .؟
الأب الذكي يخليها تجيب شي عشان أشوف قوامها أشوف مشيتها اشوف مفاتنها كلها ومن حقي هذا .. اللي يطلب الشوفه مره ثانيه ويقول تبريراته هذا الصادق مب مثل الكذاب المستعجل خفيف العقل اللي من يوم يشوفه يقول ارتحت ويالله بسرعه بسرعه بأتزوج !!؟
وياجماعة النظرة الأولى دايم تشنجيه ، لكن لو شفت أكثر من مره يصير استرخاء أكثر وأكثر ..
المفترض العكس البنت تطلب شوفه مره ثانية اذا كان الرجال عجل وتكلمه وتسولف معه ، لأنه الرجال وش عليه يتزوجها ويمكن يطلقها وينتهي الموضوع .. < شطحه بس اعتبرها منطقيه ولي الحق في اعتبار ماريد اعتباره .. ليش في الغالب المجتمعات العربيه غير السعوديه وايضا الغربيه أنجح في العلاقات الزوجية ، لأنه تلقاها صديقه عمل ، او زميله دراسه ، ويعرف تفكيرها وكلامها واسلوبها ويعجب بها والعكس أما حنا تجي على خشتك ياتجي على ماتبي والحمدلله والا طلقها ، وانا ماادعوا أنه لازم يكون عندنا صداقه وكذا لا والله حاشا ، لكن التعرف أكثر الى البنت مطلوب ، ولا يتم هذا في الغالب الا بالنظر اكثر من مره
باختصار : بعض الفوائد من الشوفة أكثر من مره :
1- داائم النظر مره أخرى أكثر استرخاء من الأولى
2- تكلمها تسولف معها تحاول تعرف طريقه تفكيرها والعكس
3- ممكن بعد النظر أكثر من مره تعجبك أكثر وتتزوجها وهي ايضا كذلك ولو وقفت على النظره الأولى ممكن خليتها ودورت غيرها .
4- ممكن تعجبك من النظره الأولى ، لكم لين شفتها مره ثانيه تغيرت نظرتك ولا اعجبك اشياء فيها وتقرر انك ماتخطبها والعكس كذلك وهو الأصلح لكما .
5- دائم ماتطمئن نفسك مع النظره الثانيه بعكس الأولى تكون متردد ومتشتت .
في الختام ،،
الله يوفق كل من تزوج ويكتب للي ماتزوجوا الزوج والزوجه الصالحين ونبي أرائكم لأنها مهمة وتناقش مسأله اجتماعيه أعتقد إنها ضروريه
* الموضوع كتب على عجاله ، فكره خطرت في بالي من كثر التفكير العذر والسموحه على التقصير
السلام عليكم جميعا ، أعتذر عن التأخير في التعليق على الردود .. فيه ردود شاطحه وتتهم شخصيتي الكريمه بالتفكير الشاذ مع إني قايل من قبل انه للنقاش وكل واحد له الحق في ابداء وجهة نظره من غر تجريح لكن مسموحين
إقتباس
الرسالة الأصلية كتبت بواسطة قرقاص
هلا وغلا بأخر طموحاتي
أجل تبي دور ثاني في الشوفة الشرعية
هالموضوع هذا مافيه !! ياناجح ياراسب
يارجال زين ربعنا يرضون بمرة وحدة وبالمطاق بعد !! تجي وتطلب ثانية !!
تعرف ليش سموا ليلة الزواج ليلة العمر ؟؟
عشان هالشي !! يعني أنت وحظك ونصيبك !! وزي الجحة >>> معليش على التشبيه >>> ياحمراء يابيضاء
أنا معك أن هاللي صاير غلط !! والمفروض على الأقل تجلس معها لو شوي !! بس وش يقنع هالأباء الله يهديهم !!
وبعدين تراك أحسن من غيرك !! فيه ناس قالوا لهم مافيه شوفة شرعية تبي ولا رح دور لك غيرها !!
وفيه اقتراح ثاني اذا تعرف أخو البنت
فيه وحده نادها اخوهاعشان تنزل اغراض من السياره طبعا السياره مدخله بحوشهم جت تركض ومعها صحن تفحط كانها تسوق سياره قربت من السيارة عشان تنزل الاغراض شافت واحد بسياره وانحاشت اللي بسياره خاطبهاوجابه اخوها عشان يشوفهامن غيرماتدري لانهاحيويه وسوكذاعشان لايحرجونها
هلا بالمخضرم قرقااص
ياخي الدور الثاني من حقي بعضهم مافهم المطلوب يحسبني ابي دور ثاني عبث لكن كل مافي الأمر قلت انه لو مانجحت النظره الأولى بطلب ثانيه ومن حقي ومن حق البنت بأرضه ..
اما بالنسبه للي يقول مافيه شوفه ، اقول له البنات كثير يابعد حيي
اقتراحك متعوب عليه أعتقد هو الحل الأمثل ، لأنه على الأقل تشوف كل شي وتسمع صوت بالغالب ، فأنا لعله يحصلي هالشي ، ان ماحصلت لي الشوفه أكثر من مره ..
حياك يالتميمية مش ممكن على ردك ، بالأول كنت مستغرب حاطك أبو مقبل مع الصعوبات بس الحين اقتنعت أنا ماخطبت الله يصلحك متنحه ؟ بخصوص تعليقي على ردك أكتفي باللي ذكرته من قبل ,, عسا اللي شافك أعجب فيك ؟؟ < نمزح الله يوفقك ويستر عليك
حياك أختي ، اسمك قديم مافكرتي تغيرينه ؟ تحطيم وفيه كثييير فشل زواجهم لأنه تزوج من غير شوفه والزواج تفاهم وحوار وجسم وشكل وجمال وأخلاق والله يستر عليك ويرزقك ابن الحلال السنع شكريات لمرورك الحييلو
بريماكس
هلا والله بالغالي أعتبر ردك مرجع لكل من خالف الفكره ومالي أي تعليق ( كفيت ووفيت ) ولا عطر بعد عرووس
كنت توني مسجله خروج ورجعت اطل ع المنتدى ولا اشوف موضوعكـ السنع ..
ولما دخلت ولا لقيت نفسي لازم اسجل دخول ..
الموهيم :
كل ذي الصجه مسويها عشان تبي تشوف شوفه ثانيه وثالثه
ليه بنات الناس لعبه < خخخخخخخخخخخخخخخخخخخخخخ ..
طيب من اول مره قزها زين ..
وقولها قومي امشي وتحركي وكولي تبن ..
ترا عادي الابو ماهوب قايل لكـ شي ولا مهاوشكـ ..
فيه قصه لاحد الصابه او التابعين او أحد السلف ..
اذكر قالتها لنا الدكتوره في فقه الاسره ..
انه جلس يلاحقها في البستان لين رأى مايددعوا لنكحاها ..
ولا اذكر القصه كامله لاني المحاضره لها اسبوع .. وامداني نسيتها ..
حتى الدكتوره كانت تقول احلى شي انكـ تشوف البنت ع طبيعتها عشان اغلب بنات ذا الجيل يزينون شكلهم .
. فادخل عليها مثلا وهي بالمطبخ او صاحيه من النوم ههههههههههههههههههههههههههههههههههههههههههه ..
^^ اتوقع في الحالتين لن ترى مايدعوا لنكحاها <
الموهيم الخلاصه ليه مسوي كل ذي الصجه شوفها من اول مره زين وخلصنا ..
واذا لهادرجه انت مرتبكـ .. < هي وش ذنبها كل يوم جايه ترتز في وجهكـ ..
حتى هي مرتبكه وياليت الي بتشوفها تكب عليكـ العصير عشان تشوف وجهها زين ..
شوكرا لكـ ع الموضوع ..
ومن جد الفضاوه تسوي هوايل ..
معليش رجعت للموضوع بعد مالقيت هذا الشي
بالله عليكـ !! .. انا ماقد شفت حجه بيضا ..
بعدين اجابتكـ عن سبب التسميه خاطئ ..
اختكم .. ميمي
وعليكم السلام والرحمه
هلا ميمي
تقولين أول مره قزها زين ، لكن هل بضمن أني بقز ، يمكن البنت تجي وتروح على طول ولا أمداك تشوف ..
اما أقولها امشي وتحركي داخلن ألقي أوامر أنا ابوها الخايس ليش مايكلمها لكن عسى الله يوفقنا بأبو عقلاني وفاهم
قصة الملاحق في وسط البستان ليتنا ننلاحق كان ماشفتي هالموضوع أنتي وخشتك ، وتأكدي من هالقصه وليت تجيبين نصها ، مافيه مانع
أجل ودك تشوفها أكثر من مره ؟
المشكله مو بالآباء ترا .. الأساس من البنت , اتحداك تلقى بنت ترضى تدخل على
رجال مره وثنتين وثلاث وين عسى ما شر ؟
صراحه جلست اتخيل شكل البنت كل يوم كاشخه عشان يجي يشوفها الرجال
بالعكس اشوف مره وحده تكفي وزياده .. تشوفها تسألها تكلمها هذا كله من حقك
أما انك تشوفها اكثر من مره وتجلس معها لوحدكم .. صعبه شوي
مافيه شي يمنعك تشوفها وتكلمها اذا ابوها او اخوها موجودين بالعكس هذا شي عادي جداً
على العموم , الله يوفق الجميع ان شاءالله ويكتب لهم اللي فيه الخير
يعطيك العافيه آخر طموحآتي وحيّاك الله ^^..
أجل ودك تشوفها أكثر من مره ؟
المشكله مو بالآباء ترا .. الأساس من البنت , اتحداك تلقى بنت ترضى تدخل على
رجال مره وثنتين وثلاث وين عسى ما شر ؟
صراحه جلست اتخيل شكل البنت كل يوم كاشخه عشان يجي يشوفها الرجال
بالعكس اشوف مره وحده تكفي وزياده .. تشوفها تسألها تكلمها هذا كله من حقك
أما انك تشوفها اكثر من مره وتجلس معها لوحدكم .. صعبه شوي
مافيه شي يمنعك تشوفها وتكلمها اذا ابوها او اخوها موجودين بالعكس هذا شي عادي جداً
على العموم , الله يوفق الجميع ان شاءالله ويكتب لهم اللي فيه الخير
يعطيك العافيه آخر طموحآتي وحيّاك الله ^^..
إقتباس
الرسالة الأصلية كتبت بواسطة عسيريه
.
.
وعليكم السلام ورحمة الله وبركاته
ياهلا فيك
أجل ودك تشوفها أكثر من مره ؟
المشكله مو بالآباء ترا .. الأساس من البنت , اتحداك تلقى بنت ترضى تدخل على
رجال مره وثنتين وثلاث وين عسى ما شر ؟
صراحه جلست اتخيل شكل البنت كل يوم كاشخه عشان يجي يشوفها الرجال
بالعكس اشوف مره وحده تكفي وزياده .. تشوفها تسألها تكلمها هذا كله من حقك
أما انك تشوفها اكثر من مره وتجلس معها لوحدكم .. صعبه شوي
مافيه شي يمنعك تشوفها وتكلمها اذا ابوها او اخوها موجودين بالعكس هذا شي عادي جداً
على العموم , الله يوفق الجميع ان شاءالله ويكتب لهم اللي فيه الخير
يعطيك العافيه آخر طموحآتي وحيّاك الله ^^..
هلا عسيرية
كلامي كله ياجماعة الخير فيما إذا لو مانجحت النظرة الأولى .. والجلسه لوحدنا مجرد وجهة نظر وابوها يصير عند الباب يصرف نفسه بمكالمه والا شي < الله يعينك ياولد
اول شي شوفة وبعدين قالوا شوفة ما تكفي نبي شوفة ثانية و بعدين قالوا شوفة ثانية ما تكفي نبي جلسات شووووف و بعدين قالوا جلسات شوف ما تكفي نبي جلسات نتعرف على طريقة تفكيرها لأجل ينجح الزواج بالمستقبل و بعدين قالوا نبي خلوة لأجل نأخذ راحتنا لاجل تقل نسبة الطلاق و بالاخر الله يستر لا يطلبون جلسات نوووووووم لاجل يتأكدون من طريقة معرفتها بفنوان النوم الحديثة ..!!!!!
ياعزيزي الزواج واضح وضوح الشمس و المراهقة واضحة وضوح الشمس ...
الزواج ليس مبني على نظرة و ليس مبني على جلسة تتعرفوا على تفكير بعض ... و الدليل زواجات استمرات عشرة سنين او عشرين سنة و بعدين تطلقوا ... يعني لا نفعتهم نظرة و لا نظرتين و لا جلسات و لا حتى خلوة شرعية و لا حتى عيااااااال ....
الزواج مبني على الاخلاق و على قواعد الحياة الزوجية ... الاقدام على الزواج يتمثل في عدة خطوات بسيطة ... 1- فتاه من بيت صالح سيمت اهلهم الصلاح .... 2- او قيل لك عن فتاه صالحه ذوا اخلاق عاليه ... 3- النظرة مجرد التعرف على شريك الحياه حتى تقطع هاااااجس التفكير في شكل الطرف الاخر وحتى تعرف حقيقة حياتك و يهداء بالك و يهداء تفكيرك ... 4- احترام قواعد الزواج و المعاشرة بالمعروف ... وبس ...
غير ذالك مجرد أفكار مراهقين يتمنى ان لا يفارق وجة االمرأة فقط
اول شي شوفة وبعدين قالوا شوفة ما تكفي نبي شوفة ثانية و بعدين قالوا شوفة ثانية ما تكفي نبي جلسات شووووف و بعدين قالوا جلسات شوف ما تكفي نبي جلسات نتعرف على طريقة تفكيرها لأجل ينجح الزواج بالمستقبل و بعدين قالوا نبي خلوة لأجل نأخذ راحتنا لاجل تقل نسبة الطلاق و بالاخر الله يستر لا يطلبون جلسات نوووووووم لاجل يتأكدون من طريقة معرفتها بفنوان النوم الحديثة ..!!!!!
ياعزيزي الزواج واضح وضوح الشمس و المراهقة واضحة وضوح الشمس ...
الزواج ليس مبني على نظرة و ليس مبني على جلسة تتعرفوا على تفكير بعض ... و الدليل زواجات استمرات عشرة سنين او عشرين سنة و بعدين تطلقوا ... يعني لا نفعتهم نظرة و لا نظرتين و لا جلسات و لا حتى خلوة شرعية و لا حتى عيااااااال ....
الزواج مبني على الاخلاق و على قواعد الحياة الزوجية ... الاقدام على الزواج يتمثل في عدة خطوات بسيطة ... 1- فتاه من بيت صالح سيمت اهلهم الصلاح .... 2- او قيل لك عن فتاه صالحه ذوا اخلاق عاليه ... 3- النظرة مجرد التعرف على شريك الحياه حتى تقطع هاااااجس التفكير في شكل الطرف الاخر وحتى تعرف حقيقة حياتك و يهداء بالك و يهداء تفكيرك ... 4- احترام قواعد الزواج و المعاشرة بالمعروف ... وبس ...
غير ذالك مجرد أفكار مراهقين يتمنى ان لا يفارق وجة االمرأة فقط
هلا بك مرسال ، حياك الله عزيزي ، أنا مارحت أخطب الا بعد ماسألت عن البنت وعرفت دينها وأخلاقها وسماتها وميزاتها ، لكن بقي أني أشوف البنت لكي يتم الإقتناع والا ماهي فائده حديث ، (( فلينظر الى مايدعوه الى نكاحها )) وش المقصود ؟ هل المقصود بالنظر هو قطع هاجس التفكير في شكل الطرف الآخراو لأجل يهدأ تفكيري ؟ الأمر الآخر انا ماطلبت النظره الشرعيه مره أخرى الا لحاجه ! ماطلبتها عبثا وأعتقد جواز ذلك ، وأحرى لتحقيق قوله (( فإنه أحرى أن يؤدم بينهما )) .. ولو أني اكتفيت من النظره الأولى ماطلبت اشوفها مره ثانيه .. تعليقك ، أنه تستمر 10 سنوات او 20 سنه ويمكن يحصل طلاق مع انه حصل ماحصل أثناء الزواج وأنا اوافقك بها النقطه هذي .. طيب لو طلقها في خلال شهر او اقل أو شهرين ؟ وش السبب ؟ في الغالب شكلها ماأعجبه اوأي عيب شكلي واضح ،وما كان يصير ماصار لو انه تفحصها قبل الزواج .. وما اعتقد انه خلال شهر راح يتعرف على أخلاقها وطبيعتها وعشان كذا طلقها ..
طريقة لتفكير سبق قلت انه شي ثانوي والحياه الزوجيه ماتعتمد عليه ..
الله يوفقك كل من اصلح نيته وقصد العفاف .. ودون ذلك فسوف ينال ما انعقدت نيته عليه .. ان كان خيرا فسيكتب له الخير وان كان سوءا فالله يمهل ولا يهمل ،،،
يحدث ان نظرة واحدة لا تكفي سواء للشاب او الفتاة .. حيث أن البعض قد يرتبك او يخجل خاصة مع حضور والد الفتاه او اخوانها ،،،
الأمر ببساطة شديدة .. طالما كانت النية سليمة وأمرها الى الله
ان رأى الشاب انه في حاجة لرؤية خطيبته مرة أخرى فأمامه الطلب من وليها .. فأن وافق وليها فذلك خير .. وأن لم يوافق فذلك ايضا خير .. ونسأل الله للجميع التوفيق ،،،
في هالأمور وأنا أخوك ما يصلح تكون حياوي خلك بجيح وعيونك زايغه وكل البنت بعيونك الزواج عمر - إذا ما كنت بجيح وقت الشوفه ( عز الله راحت عليك ) خلك من أبوها ولا يهمك - حتى لو كان يتكلم ناظر لمستقبلك مصيرك يتحدد من خلال هالثواني المعدوده ( خصوصاً إذا كان أبو البنت مزرقن شويتين من الشوفه )
بالنسبه لي إذا الله رزقني وشيبت ما أمانع أبداً الشوفه للمره الثانيه من حق الرجال يشوف زوجته المستقبل لكن بحضوري
تعليقي كنقاط : - مع الشوفة الشرعية والسبب بحكم الشرع حلال وعشان بكره ولد الناس مايتلكك ويقول والله ماشفتك من قبل ,, وحتى لـ اخواني مستحيل أزوج واحد منهم وحده رافضة الشوفة أو أهلها رافضين بسلامتهم ,,
ذا زواج عشرة عمر وأخوي بيدفع دم قلبه من مهر وإيجار بيت وتأثيث على وحده ماشافها ,, اش ذنبه المسكين ؟؟ الموضوع مو حلوة ولا لا ,, الموضوع الراحة النفسية الأهم ( الأرواح جنود مجنده ماتعارف منها ائتلف وماتناكر منها اختلف ) - تبي تشوف البنت زين وتمر الشوفة الشرعية بسلام ضروري يكون مرتبين لها مو خبط لزق ,, - تكرار الشوفة بالطريقة اللي ذكرتها عزيزتي ضحى ممكنة , بس يوم ثاني يقول أبي شوفة مرفوض بتاتاً البتة ,, - البنت تطلب شوفة مره ثانية قوية ,, ما أحلاني وأنا رايحة عند اخوي اقول أبي أشوف خطيبي مره ثانية ,, والله لو تتكرر الشوفة مليون مره ماراح أحط عيني بعينه ,, - العرب الغير سعوديين والأجانب على أي أساس حكمت إن زواجهم أنجح ؟ ياليت تشوف الموضوع من كذا ناحية مو بس شوفة ,,
- خارج النص: نصيحة لوجهه الله لكل شخص مقبل على الزواج لا تعاندون أهلكم وبالذات الوالدين بـ الزواج , لان طبيعي بيكون نهاية زواجكم الفشل الفشل الفشل ,, لو تعاندون الدنيا كلها إلا الوالدين إلا الوالدين ,, - واللي يخاف من الزواج أو إن بنت الناس تكون نذلة مثلاً بقوله زي كل مره إذا طيب بيرزقك ربي بوحده مثلك بإذن الله , بس إذا إنت مش ولابد مبروك عليك الزوجة النذلة ( الطيبون لـ الطيبات والخبيثون للخبيثات) ,, بس بعضهم مايتوفقون مو شرط إنهم كانوا سيئين ممكن ايتلاء من ربي العالمين ,,
فيجلس يفكر وشلون بتزوج وش بسوي وشلون النظره الشرعيه وأنا أفكر جت على بالي هالنقطه اللي بعرضها الحين .. ( الموضوع للنقاش ) 
ياولد وين وصف أمي واختي ! وشهر شهرين مطلقها 
حرام ياخي ليه ماشفت طيب ؟
بعدين رحت ودخلت البيت بكل ثقة وعلامات الرضا مرتسمه على وجنتيك 
جت بنت الحلال مستحية كالعاده 
وجابت معها عصير وحطته وانت تطالع بخشته تقل واحد مهبول رافعن راسك شوي والا تنكسر رقبتك من الشفاحة 
بالله ذي تسمونه شوفه شرعيه ؟
< ماعليش على الفيس بس مالقيت الا ذا يمثل الواقع لو هو يخرب التنسيق 
والبنت منزله راسة لكن لاتغتر ياشنب انها منزله راسها قازتن اللي جابك 
وشعرها طايح على خشته ولا تشوف الا أجزاء من جسمها والخشه مالك سنع 
وأبوها ساكت ولا يكلمها ولا شي 
طيب ياخي احتس معها خلها تكلم خلنا نسمع صوتها يمكن يصير شين ونهون 
< طماع ، لاصرت مو مقتنع بالشوفه الأولى اللي جلست اطالع فيها ماكلمتها ماسمعت صوتها ماعرفت طريقة تفكيرها مع ان معرفة طريقة التفكير شي ثانوي مو لازم ويبغالها جلسات متعددة ، يجب اني اكلمها اسمع صوتها بحضرة أهلها وش المانع؟ 
وتاخذ راحتها هي بأرضه .. 
.. 
!
الوضع المتطور
