تعليقي كنقاط : - مع الشوفة الشرعية والسبب بحكم الشرع حلال وعشان بكره ولد الناس مايتلكك ويقول والله ماشفتك من قبل ,, وحتى لـ اخواني مستحيل أزوج واحد منهم وحده رافضة الشوفة أو أهلها رافضين بسلامتهم ,,
ذا زواج عشرة عمر وأخوي بيدفع دم قلبه من مهر وإيجار بيت وتأثيث على وحده ماشافها ,, اش ذنبه المسكين ؟؟ الموضوع مو حلوة ولا لا ,, الموضوع الراحة النفسية الأهم ( الأرواح جنود مجنده ماتعارف منها ائتلف وماتناكر منها اختلف ) - تبي تشوف البنت زين وتمر الشوفة الشرعية بسلام ضروري يكون مرتبين لها مو خبط لزق ,, - تكرار الشوفة بالطريقة اللي ذكرتها عزيزتي ضحى ممكنة , بس يوم ثاني يقول أبي شوفة مرفوض بتاتاً البتة ,, - البنت تطلب شوفة مره ثانية قوية ,, ما أحلاني وأنا رايحة عند اخوي اقول أبي أشوف خطيبي مره ثانية ,, والله لو تتكرر الشوفة مليون مره ماراح أحط عيني بعينه ,, - العرب الغير سعوديين والأجانب على أي أساس حكمت إن زواجهم أنجح ؟ ياليت تشوف الموضوع من كذا ناحية مو بس شوفة ,,
- خارج النص: نصيحة لوجهه الله لكل شخص مقبل على الزواج لا تعاندون أهلكم وبالذات الوالدين بـ الزواج , لان طبيعي بيكون نهاية زواجكم الفشل الفشل الفشل ,, لو تعاندون الدنيا كلها إلا الوالدين إلا الوالدين ,, - واللي يخاف من الزواج أو إن بنت الناس تكون نذلة مثلاً بقوله زي كل مره إذا طيب بيرزقك ربي بوحده مثلك بإذن الله , بس إذا إنت مش ولابد مبروك عليك الزوجة النذلة ( الطيبون لـ الطيبات والخبيثون للخبيثات) ,, بس بعضهم مايتوفقون مو شرط إنهم كانوا سيئين ممكن ايتلاء من ربي العالمين ,,
ليش في الغالب المجتمعات العربيه غير السعوديه وايضا الغربيه أنجح في العلاقات الزوجية ، لأنه تلقاها صديقه عمل ، او زميله دراسه ، ويعرف تفكيرها وكلامها واسلوبها ويعجب بها والعكس
انت جبت الزبده
الزواجات عندنا حتى لوشفتها شوفه شرعيه يمكن يطلع كلامها غبي وتفكيرها عقيم وماينفع لك ابد
يمكن شخصيتها متعبه وماتنطااق
يمكن ويمكن ويمكن وينبنى هالزواج على فرضيات .. واغبى زواج هو اللي يبنى على افتراضات عشان كذا الفشل كثير بمجتمعنا
وزي ماذكرت اخي الكريم زي الجحه ههههههههههه
انا اقول دايم زواجاتنا شختك بختك يعني اكشط واربح
اذا لك حظ بتمشي واذا منحووس بتتوهق
بس انا اشوف عادي لو شفتها اكثر من مره لانه حقك ترا شرعاً
والبنت اللي تسوي مستحيه وعلى قولك مع السواق لا لان مجتمعنا غبي يحكم على البنت لو من سوالفها انها ماتستحي وان اخلاقها ماااااااش هههههههه يعني مجتمع غلط بغلط وس بتسوي الله يكون بعونك اخووي
ومعك حق النظره الاولى ماتسوي شي احنا بعد يالبنات وش نقول .. مايمدي الوحده تشوف إلا زوله وبس
هذا زوااااااج متى الناس بتفهم بس
عموما بالتوفيق اخووي وربي يكون بعونك ويحقق لك مرادك
اخوي صاحب الموضوع يسعد صبااحك ... انا سااتكلم من جانب الدين الشرع وحياتنا كلها في اطار الدين تأكد ان الشوفه الشرعية حق مشروع للي ناوي يتزوج وله حكمه سبحان الله خشية ان يكون هناك تنافر فيما بعد يعني بااختصار هالنظره لك تمقل زين وانا اخوك وبعدها قرر انا عن نفسي حتى لو تكون متوسطة الجمال لان لدي مقاييس اهم وهي ان تكون متدينة وتحافظ على صلاتها وشرط مهم وطبيعة علاقتها مع والدتها لانها غدآ ستتعامل مع والدتي والله يوفقك ويزوج كل شاب وشابه يارب ويستر على الجميع تحياتي
- خارج النص:
نصيحة لوجهه الله لكل شخص مقبل على الزواج لا تعاندون أهلكم وبالذات الوالدين بـ الزواج ,
لان طبيعي بيكون نهاية زواجكم الفشل الفشل الفشل ,,
لو تعاندون الدنيا كلها إلا الوالدين إلا الوالدين ,,
معليش خيتوو بس معروف ان الوالدين مايجوز لهم غصب ابناءهم على زواج هم رافضينه ولا بيكون زواج باطل
والاهل مالهم دخل الا بالمشوره فقط والنصح والباقي على الابناء لان هم اللي بيعيشون هالحياه
وانا سمعت شيخ يقول ان ابن باز حلل معصيه الوالدين في اختيار زواج هم رافضينه لان مايعتبر عقوق
هم مارفضوا شي يخص اهلهم عشان يكونون عاقين وربي مابيعاقبهم لان هاالشي يخصهم
والقبول ترا شرط من شروط الزواج ولو اخل بهذا الشرط اصبح زواج باطل
ثاني شي ... احمد ربك خلوك تشوف بنتهم غيرك يعيون كأن بنتهم مخلوقه من ألماس ويخافون تخذشه بنظراتك... ويعتبرون هذا من زود المرجله
ثالث شي ......تخيل تخيل عقب ماراح هم هالشوفه والخوف والحياء وداخله مفصخه على رجال وماعلي عبايه شعور جدا سيء يجي يطلب منك انه يشوفك ثانيه يوم ثاني
ماعليش ترا انتم ماتحسون باللي نحسه...صدقا صدقا انتو كل الي عليكم تلبسون شراب اسود وجزمه سودا<<((هذا الي شافت يوم الشوفه الشرعيه بس ))
لكن احنا غير ادخل من دون عبايه على ولد يووووووووووووووماااااااا<<معناته شعور غريب
انا يوم خلست الشوفه الشرعيه ماقويت اقوم من شد الخوف جتني ام الركب
اسحب نفسي تسحب يوم دخلت على الصاله طحت مقوى امشي
حتى ابوي قام يقرى علي ((انا داخله مع اخوي )) وامي تحسبه نظلني
معليش خيتوو بس معروف ان الوالدين مايجوز لهم غصب ابناءهم على زواج هم رافضينه ولا بيكون زواج باطل
إقتباس
الرسالة الأصلية كتبت بواسطة هلاليه مدريديه
والاهل مالهم دخل الا بالمشوره فقط والنصح والباقي على الابناء لان هم اللي بيعيشون هالحياه
وانا سمعت شيخ يقول ان ابن باز حلل معصيه الوالدين في اختيار زواج هم رافضينه لان مايعتبر عقوق
هم مارفضوا شي يخص اهلهم عشان يكونون عاقين وربي مابيعاقبهم لان هاالشي يخصهم
والقبول ترا شرط من شروط الزواج ولو اخل بهذا الشرط اصبح زواج باطل
وشكرا لك
طيب انا ماجبت سيرة الغصب والتغصب ,,
اللي أقصده يابعدي إنتي , مو إن الوالدين يقول خذ فلانة غصب اللي أقصده العكس ,,
كمثال : اوقات الأم تكون رافضة الزواج من البنت الفلانية وماهي مرتاااااحة بسبباً ما ,, او البنت فيها شيء اممم مثلاً شافت إنها مو كويسة بـ شخصيتها بجحة وكذا فتقول لولدها وولدها يعنننننند ويصر يمشي رأيه اللي أبغى أوصله لك : عمري ماشفت ولد ولا بنت عاندوا والدينهم بموضوع الزواج ونجحوا ,,
والله رغم إني مقصرة بحق امي الله يخليها لي بس وربي عمري ماعاندتها بموضوع كبير مثل زواجي أو وظيفة أخاف ربي يبليني ومايوفقني ,, وش حياتي بدون رضى أمي قسم بالله أضيع !!
اكثر من مره جاتني وظيفة وتركتها لأن أمي رفضت وكان لها أسبابها صح بالبداية زعلت وتحلطمت وكذا بس لما فكرت زين قلت إن شاء الله ربي بيعوضني وسبحان الله بعدها بكم شهر اشتغلت بمكانين ,, الاول كان من دون مقابل خبرة , وبعدها بفترة اشتغلت بمكان ثاني بمقابل تطورنا ,,
اما الزواج قبل شوفتي سألت أمي اكثر من مره قلت : إذا مو مرتاحة ورافضة وتبيني افركش الزواج افركشة ,,
حياك اختي بجلس أعيد وأكرر كم مره كلامي ، مدار كلامي كله انه اذا مانجحت النظره الأولى يعني ماشفتها كما يجب ولا كلمتها ولا شي ، فلي الحق أني اطلب النظره الثانية ولهم حق الرفض ..
حياك أخوي لا مرت الشوفه الثانيه علي وهذا كلام توني متأكد منه بعد السؤال والبحث في الموضوع وتوفقوا وعايشين أحلا حياه ، ويمكن كذا ناس سووها بس مو جاي يقولك شفت أكثر من مره . فالواجب إني ما أقدم على شيء خصوصا الزواج الا بعد أن أشعر براحه كبيره تجاهه عشان ماأندم والندم ، اكتشاف الخطأ بعد فوات الأوان
النقطة الأخيره اللي ذكرتها ، فعلا هذي مصيبة ، واللي يسوي الشي هذا إمعة وجاهل وأتمنى مانقع في الشي هذا.
هلا وغلا بصاحب القلم الراقي لاشك النيه الصادقه مطلوبه في جميع الأفعال والأقوال ، وأخيرا هناك من عرف قصدي كما يجب والله يعين الجميع تقول احدى الأديبات : الحمدلله أني لم أخلق رجلاُ حتى لاأتزوج إمرأة .. قلمك دائما يعجبني
شاكر لك تعليقك الرائع ، ودمت للمجلس ، وبالتوفيق لك أيضا ً
الضحى
هلا حياك ، صاحبة القلم التربوي .. أختي الكريمة إذا كانت النظره مدروسه وتحقق المقصود فما راح أطلب النظر مره أخرى . بالنسبه للشوفه الشرعيه بتاع ابنك الله يحفظه ، أوجه تحيه لوالد الفتاة صاحب العقل الكبير ، بالفعل نحن بحاجه الى آباء كهذا الأب ، طريقه ممتازه اتبعها وأتمنى أنها دايم تطبق هالطريقه فاتني أن أضيفها الى الموضوع ، واستدركتيها جزيت خيراً ، لكن بلا شك أفضل من تكرار الزياره مره أخرى لمراعاه نفسية البنت .. وقرار الزواج دائما قرار صعب ، فأصعب الصعاب اتخاذ القرار الله يوفقك ابنك ويخليه لك ويسعده بدنياه وأخراه بالنسبه لخوات البنت لحد يتلقف ويخطم معروض علي الشي هذا فرجاء لاحد يخرب
بالنسبه لي أأيد النظره الشرعيه .. لمره وحده بس .. ماتدري كيف شعور البنت لما تدخل مره وحده ع الرجال ..كيف اجل اذا كانت اكثر من مره .. اصلا وش بيجي في بالها اذا كرر الطلب .. يمكن يلعب .. يمكن ماعجبته ويبغي يتأكد ويمكن ويمكن ..
بس ترى اعرف كثيييييير تزوجوا ومتهنين من غير شوفه ولاشي ..
بعدين الزواج مش شكل وجسم وجمال .. الزواج تفاهم وحوار وهذا اهم شي
الله يستر ع المسلمين والمسلمات ويرزقكم الازواج والزوجات الصالحين والصالحات
ابجلس معه اكثر من مره اطالع من فوق لأسفل وهي كذلك تطالعني اريد ان اسمع صوته واتكلم معه واعرف مستوى تفكيره وثقافته هل هي الفتاة اللي اتمناها زوجه لي وام لأبنائي ؟
وهي من حقه ان تعرفني قبل ان ترتبط بي هل انا الزوج المناسب الذي سيسعده و التي كانت تفكر فيه؟
ربما انظر اليه النظره الاولى ولا اجد ارتياح
ياخالي انا مالقيت ارتياح اتمنى انظر اليها مره ثانيه وبالعكس هذا هو المتزن اما المستعجل وخفيف العقل تجده يوافق لأول نظره مباشره
النظره الاولى ليست كافيه فليس هناك مايمنع ان يعيد النظر مره وثانيه وثالثه
لانه بالنظره الاولى لن يدقق في امور مهمه ولكن بالنظره الثانيه والثالثه ستتضح له اكثر من قبل
لكن عندما يستعجل بالموافقه الشاب من اول نظره ربما هو متردد في اتخاذ القرار يحصل زواج ثم بعد الشهور الاولى تتضح له امور لم تتضح له في النظره الاولى .
الذي يخالفني في الرؤيه الشرعيه لأكثر من مره اريد منه دليل واحد فقط يحرم هذا الأمر ؟
( انا كشاب لست مستعد ان ادفع ثمن سعادتي مقابل عادات وتقاليد ما انزل الله بها من سلطان)
العلاقه الزوجيه علاقه ابديه ليست لفتره محدوده فمن حق كل طرف ان يعرف الطرف الاخر قبل الا قتران به
لابد ان ننظر للأمر بجديه ومن جوانب متعدده ولا ننظر للعادات التي لا تسمح للنظره الشرعيه وكذلك كلام الناس لا يهم فنحن مسلمين ومرجعيتنا القران والسنه ونبينا محمد صلى الله عليه وسلم دعانا الى النظره الشرعيه .
عجيب جداً امر البعض يرفض ولا يسمح للمتقدم والذي تقدم ليتشرف بمناسبة هذه العائله ان يرى ابنته ولو لنظره واحده والبنت تجده تخرج باي وقت مع السواق لوحدها والامر عادي
(هذا تناقض عجيب)
عموماً من يخالفني في امر النظره الشرعيه اقول لو فكرنا بالامر قليلاً
انا لدي بنت ابنتي او اختي وتقدم له شاب لماذا امنعه من الرؤيه الشرعيه ؟؟
هل اخشى ان يتراجع ولا يتزوج با ابنتي ؟
ربما هذي اعتقادات البعض من النظره الشرعيه
لكن بالمنطق ان يتراجع المتقدم بعد ان ينظر لها النظره الشرعيه قبل الزواج افضل من ان يتزوجها بدون نظره ثم لا يجد الراحه معها ويحصل طلاق .
النظرات تختلف فما يجوز لي ويعجبني قد لا يعجب الغير والذي يعجب الغير لا يعجبني وهكذا
ومن هنا تأتي اهمية النظره الشرعيه وعدم الاكتفاء بكلام الاهل فربما اهلي ينظرون للأمر من منظور آخر يختلف عن منظوري .
اتمنى ان لاياتي احد ويقول لي كلامك فيه سخريه على عادات القبائل وعليك ان تحترمها ومن هذا الكلام .
انا احترم جميع القبائل ولكن لا اعترف في هذه العادات ولا احترمها وصدقوني لم ترتفع نسبة الطلاق في المجتمع الا بسبب هذه العادت فالشاب يتزوج ويدخل على زوجته وهو لم ينظر لها من قبل فينصدم من الواقع ولا يتردد في اتخاذ قرار الطلاق .
ههههههههههههههههههههههههههههههههههههاي الله يسعدك يارب بالدنيا والآخرهـ موضوع جدي خفيف الظل ولا يخلو من الدعابة المحببة الى قلبي
بس باللهي أول شيء فيه ردين يجيبون الإشمئزاز واحد ...... و الثاني ........ ,, فا لو ماعليك أمر أنك تقمز ردودهم من شان فقط لا يخرب الموضوع .
شوف أول شيء هذا موضوع راجع للعادات والتقاليد يعني مثلاً عندك حنا بحايل مستحيل تشوف البنت قبل تتزوج مو بس ملكه حتى بعد الملكه ماتشوفها ولا وقت الملكه يعني ماتشوفها الا يوم الزواج ,, وهذا له تفسيره أن حايل ديرة صغيرهـ وأهلها وشبابها راعين حكي . وأنا هنا مع مبدأ عدم الرؤية الشرعية اطلاقاً
فيه ناس عندهم عادي الشوفه الشرعية وبعد الملكه عادي تطلع البنت مع زوجها يأثثون شقتهم أو يتعشون بمطعم أو أي شيء .
وفيه ناس شوفة وتخب وحب ايدك وجه وقفى .
لكن شوف مسألة ان بوهـ ناس طلقوا حريمهم بعد الزواج يوم شافوا انهم شيون فا هنا انت بالغت مرة لأنه ما اعتقد أحد بيتزوج بدون مايصلي الخيرةهذا اولاً ثاني اذا ربي أخذ منك نعمه فكن متأكد انه بيعوضك نعمه افضل منها , فإذا كانت حرمتك ماهي جميلة فتأكد ان فيها خصلة تغطي ع نقص جمالها .
فيه شخص يتذمر من إن زوجته شينه ولا هي حلوة وانه تزوجها صن مغطى أو ع قولتهم بطيخه صيفي طبعاً يتشكى عند ابوه فا عرض عليه أبوهـ أنه يطلق هالزوجه ويزوجه البنت اللي يبي وكامل التكاليف يتحملها الاب , وش كان رد هالشخص قال لا حرام مسكينه مالها ذنب , قال له أبوه أجل عض شحمة والا ترا بناديها وأقول لها ترا ولدنا يقول لك انك شينة ووده يطلقك بس خايف ع مشاعرك ومن بعدها والولد ماشي سيدهـ .
مايستفاد :
هو أن بني آدم مايملى عينهم الا التراب والفرق بالاخلاق فقط لا غير .
انا مدري هي بنآت النآس لعبه بين ايديك انت وافكآرك ذي وش رآيك بعد الشوفه الشرعيه تاخذ ايميلها ورقمهآ وتسولفون وتشبكون مع بعض بعديييييييييين تشوف هي تصلحلك ولا لا وكل ماخمت برآسك رحت شفتها وجلست وسولفت معها موب هذا اللي تبيه ؟
والله غريب امرك انت يعني مادري انت تستحي يوم انك كتبت هالموضوع
طيب شف بتكلم بالمنطق انا اسمي فلان الفلاني وبخطب اختك ترضى اجي بالاسبوع ثلاث مرات واسولف انا وياها وانا توني ماملكت عليها ؟؟ انت بعقلك ؟!
بعدين البنت اللي تركض تمشي مليون (( هذي بنت شريفه )) ماقد شافها رجال طول عمرها تبيها تشكشك قدامك يعني ؟!
الكلام يطول وكل سطر كتبته عندي الف رد عليه لكن ماحب اطيل الكلام اكثر علشان مايكون له لاطعم ولالون
على فكره انا ماني ضد الشوفه الشرعيه بالعكس ماراح اتزوج الا بشوف قبل
مآعندي مانع يصير كل هالكلام اللي تقوله في حآله وحده بس (( بعد الملكه ))
ان كان لك رد علي
فلي عوده لك
حياك الله أخوي معصب منفعل ! سبق قلت الموضوع للنقاش ولك الحق في إبداء وجهة نظرك من غير انتقاد لاذع لوجهة نظر أخرى ! عامل إخوانك بالتسامح تسلم أعصابك من التليف والإنهيار .. ماودي أرد عليك برد مثل ردك ، وسأتماشى مع (( لا تعامل أخاك بمثل مايعاملك به بل كن خيراً منه دائما )) .
لكن ، ستذكر كلامي فيما إذا ماجت الشوفه الشرعية على ماتبي (( كم من كثيرين كنت تتمنى صفعهم ، والآن تتمنى تقبيلهم )) ..
سأنسى إسائتك حتى تصفي لي مودتك ..
* إذا كنت تريد الرد على ماكتبت ، فرتب ردك واجعله واضحا بعيد عن بعض الألفاظ الغير جيده واللي ماتليق بشخص مثلك ، واقرأ الموضوع مره أخرى وافهم مقصدي ، وفي ردود الأخوان المؤيدين للفكره تجد جوابك ..
أنآ مع الشوفـّه مارآح أرضى أتزوج إلآ بعد مايشوفنيّ سعيد الحظّ الليّ دآعيه له أمّه موب تشوفنيّ أمّه وخلآص ّ أما الشوفه للمره الثانيّه والثالثّه فـ لآ وألف لآ تخيلّ يروح بيـته ويفكرّ ويرجعّ يقولّ أبيّ أشوف مره ثـآنيه ويروح البيت ويرجع ويقول ماشفت مدري وشو .. خير إن شاء الله وين عايشين حنآ ماأتوقع أن فيه بنت ترضىّ على نفسهآ أنه يشوفهاآآ أكثرّ منّ مره إذا ماأقتنع فيني أول مره وقلبه مادقّ الله يسهل عليّه هيّ مره وحده فتح فتح عيونكّ زينّ وتوكل على الله
حياك الله أخوي معصب منفعل ! سبق قلت الموضوع للنقاش ولك الحق في إبداء وجهة نظرك من غير انتقاد لاذع لوجهة نظر أخرى ! عامل إخوانك بالتسامح تسلم أعصابك من التليف والإنهيار .. ماودي أرد عليك برد مثل ردك ، وسأتماشى مع (( لا تعامل أخاك بمثل مايعاملك به بل كن خيراً منه دائما )) .
لكن ، ستذكر كلامي فيما إذا ماجت الشوفه الشرعية على ماتبي (( كم من كثيرين كنت تتمنى صفعهم ، والآن تتمنى تقبيلهم )) ..
سأنسى إسائتك حتى تصفي لي مودتك ..
* إذا كنت تريد الرد على ماكتبت ، فرتب ردك واجعله واضحا بعيد عن بعض الألفاظ الغير جيده واللي ماتليق بشخص مثلك ، واقرأ الموضوع مره أخرى وافهم مقصدي ، وفي ردود الأخوان المؤيدين للفكره تجد جوابك ..
اشكر لك ردك المفبرك لاقنآع الاعضآء الاخرين بأنك المظلوم وباسلوبك الجديد حيث انك ماخطأت بكلامك
هالاسلوب انا اكرهه , لو راد علي بنفس طريقة صياغة الموضوع كان افضل لك
اما ان اسلوبك يتغير في الردود فهذي انفصام شخصيه عضويه
بآين من ردي استهزآء على موضوعك مثل ماهو موضوعك استهزآء على بنآت الحمآيل
يعني بالعربي نزلت الموضوع تحمّل ان في كلام بيجي عليك مثل ما انت كاتب كلام على غيرك
طبعآ تقول انك ماتبي ترد بالمثل , وانا اقولك لاتتعب نفسك لاني قريت ردي اكثر من مره
ولالقيت رد عليه بنفس الكلام << شهآده اعتزّ فيهآ
بالنسبه لوجهآت النظر تختلف عن الارآء
الرأي اخوي يكون عن قنآعه تامه في الموضوع بعكس وجهة النظر
واللي انت كتبته رأي ولا انا غلطآن ؟!
بعكس الاعضآء الاخريـن اللي طرحوا وجهآت نظرهم وممكن تنآقشهم بعقلآنيه وتغير من وجهآت نظرهم
على فكره اخوي مو هذآ اسلوبي بالردود ورب البيت
لكن اثرت اعصآبي انت
بنت الاصل مانرضى عليهآ مثل هالكلام وانا اخوك
فكر بكلآمي زين
,, 
,, 
,, 
)
,,
,,
بقوله زي كل مره 
,,
الوضع العادي
