بسم الله الرحمن الرحيم

السلام عليكم ورحمة الله وبركاته

كل عام وانتم بخير


هالموضوع مدري وش يبي كتبته كذا فضاوة نمت سبعة الصبح وصحوني عشرة وحسيت نفسي بسه مدري قطه أجل نايم أربع ساعات

طار النوم بس اي واحد بحس من رده انه شبعان نوم لايلوم إلا نفسه

بنت أخوي والإشارة

في الحياة المواقف الطريقة كثير ومنها ماهو مضحك وماهو محرج . البارح وأنا واقف عند الإشارة كانت في سيارات قدامي ومنها ثنتين واقفة غلط متجاوزة الإشارة شوي ولايشوفون الإشارة يعني عشان ينطلقون لازم بوري السيارة اللي خلفها

كانت معي بنت أخوي وحاطها معي قدام ووقت مالعالم تنتظر الإشارة قلت بشيلها واخليها تلعب شوي بالطارة حقت السيارة ولادريت إلا وهي تدق البوري
والسيارتين اللي قدامي ماشفتها إلا وهي قاطعة الإشارة هههه يحسبوها فتحت

تلفت عن يسار وانا متفشل من السيارات اللي جنبي وكويس إن السيارتين ماسوت حادث ولا مسكتهم الدوريات

لكن السؤال كيف لو دقت البوري على أمن الطرق

لاحد يقول أمن الطرق يوقف صح لاوالله في واحد مرة محصله واقف غلط ولو دقيت بوري وتمنذلت فيه بيدهر

الملكة وبعدين قصر الفرح

الحين فيه عادة منتشرة عندنا ومدري عندكم منتشرة ولا .. لا
يملكون للواحد والقصر حقه بعد سنه يقولك البنت تدرس خلها تكمل دراستها وبعدين نسوي الفرح

طيب خلوها خطبة يمكن أفكر أخلع ولاموبايلي تعرض أحسن من شركتكم

المشكلة مو بهذي إن مادامني مملك فالحرمة حلالي وعلى الأقل من حقي أجلس معها لوحدنا نسولف .. لا ماتجلس إلا وهي محاطة بحراسات أمنية وحولها حبال شائكة وأمها تطالع فيك بنظارتها تقل بتاكل بنتها

واذا تبون تطلعون تتمشون تطلع معاك ويركبون معك بالسيارة كل بزارين البيت حتى من كثرهم اذا جيت بتعشق في نمرة بسيارتك تمسك راس بزر من البزراين وتقدمه بالغلط

نصيحة ثم نصيحة لاتملكون إلا قبل القصر بليلة أو بنفس اليوم عشان ماتشوف حرمتك قدامك وتنقهر عشان تكلمها لازم تستأذن أمها

على فكرة ماتكلم عن نفسي واذا تبون أحلف مستعد


رمضان يجمعنا ببرامج مفيدة

ما إن يحل رمضان علينا إلا وتلاقي أبو شهاب مسنتر في قناة ........ وحليمة بآخر الليل أمبيـــــــه كلكم بتفوزو واحنا من خبالتنا نتصل نبي نكلمها

رمضان ليس لمتابعة شاشات التلفزة والمسلسلات ولكن مع ذلك فهناك برامج دينية تقدمها بعض القنوات المحترمة فمن هنا أدعو الجميع للمشاركة بهذا الموضوع بوضع إسم أي برنامج ديني وثقافي مع الوقت واسم القناة يستحق المتابعة بحيث إن وجدنا وقتاً للمتابعة نتابع ونستفيد بشيء يفيدنا بالدنيا ويصلحنا للآخرة بعيد عن تعكير مسلسلات رمضان لصيامنا وقيامنا


كل عام وانتم بخير

برنامج رمضان غيرني على قناة المجد تراه ممتاز للشيخ عبدالعزيز الاحمد
بوركت

إقتباس الرسالة الأصلية كتبت بواسطة أبو عزام4 برنامج رمضان غيرني على قناة المجد تراه ممتاز للشيخ عبدالعزيز الاحمد بوركت

شكرا على المشاركة والتفاعل نأمل وضع الوقت أيضاً

إقتباس ما إن يحل رمضان علينا إلا وتلاقي أبو شهاب مسنتر في قناة .......

لا الحين يبي يلعبون علينا بعد بواحد بأبو عصام
وحنا مغير نصدقهم

أما عن البرامج الدينية
أتوقع إن برنامج بيني وبينكم
لمحمد العوضي
بيكون شكل ثاني


وجهة نظر :

أعتقد إن بعض البرامج الدينية في رمضان تكون غلط
يعني مو لازم تحط محاظرة أو مشابه في رمضان
عندك 11 شهر غير رمضان
خلي العالم بهالشهر تبعد عن الشاشات
وترتل الآيات



ثانكس ا ل ق ح م ا ن ي >>>> يتهجى الاسم

الحياة كلمة ع الام بي سي بعد صلاة الجمعة مع شيخ العصر كثر الله من اشكالة الشيخ د سليمان العودة

ويعرض في رمضان قبل الافطار مع تغير الاسم

وايضا يعجبني برامج دينية تعرض قبل الافطار مباشرة في الامارات ولمدة 10 دقايق ع قناة ابوظبي الاولي خاصة الشيخ د طارق على الحبيب.

اما سالفة الاشاره سالفه
ترى من الناس اللي تنتقد
ماجات هالمحبه وطولة البال الا بسيقاره تلعبها اذا رحت البيت لعبها
بس الحمد الله جات سليمه

الله يجزاك خير
الحمد الله برمضان ابتعد عن تلفزيون قد مااقدر

برنامج خواطر هالبرنامج يعجبني بشكل كبير على قناة MBC قبل اذان المغرب ومع الاذان

ومشكور اخوي

إقتباس الرسالة الأصلية كتبت بواسطة حمد الاحبابي الحياة كلمة ع الام بي سي بعد صلاة الجمعة مع شيخ العصر كثر الله من اشكالة الشيخ د سليمان العودة ويعرض في رمضان قبل الافطار مع تغير الاسم وايضا يعجبني برامج دينية تعرض قبل الافطار مباشرة في الامارات ولمدة 10 دقايق ع قناة ابوظبي الاولي خاصة الشيخ د طارق على الحبيب.

افضل برنامج ديني رأيته في الماضي والحاضر والمستقبل

لا يوجد به كلمة حراااااااااام او حلااااااااال اللي ربعنا الله يعطيهم العافية ما عندهم غيرها

برنامج يخاطب العقل والقلب وليس يكبل العقل والقلب

اللهم وفق الشيخ الدكتور سلمان العودة ومتعه بالصحة والسلامة وقوه على نشر الرسالة المحمدية الحقيقة

رسالة التسامح والود والعقل والدين الحياة وليس الدين ياويلك من ومن ومن ومن ومن

شكرا للجميع على المشاركة لدي تساؤل لمن يعلم

إقتباس الجبيلان بقناة قطر..

متى وقت البرنامج انا من المعجبين بالجبيلان واسلوبه

إقتباس على فكرة ماتكلم عن نفسي واذا تبون أحلف مستعد

إقتباس الرسالة الأصلية كتبت بواسطة بطلة ننتظر مشاركات الأعضاء يخبرونا عن البرامج وياليت بـ وقت الإعادة ,, لان خواطر وقته غلط ماإحنا فاضين وماأدري متى الإعادة ---> شكر لك بطلة

من جد خواطر عجزت الحق عليه .. عليه وقت ..

فيه برنامج حلو يجي ع قناة المجد .. اسمه < نست ض1 ..
ايه اكثر من اسره يجي اخر الغرب .. ع المجد العاديه ..
اشوف امي متابعته .. وشفت حلقه منه حلو ..

إقتباس نصيحة ثم نصيحة لاتملكون إلا قبل القصر بليلة أو بنفس اليوم عشان ماتشوف حرمتك قدامك وتنقهر عشان تكلمها لازم تستأذن أمها

وانا لدي نصيحه هل تقبلها يالغالي ؟
لكل شاب .. لا تملك من اجل الزواج فقط
تملك اذا شعرت بالراحه مع المخطوبه بغض النظر عن موعد الزواج .

بمعنى انك عند الخطبه لا تتملك من اجل ان تحددوا الزواج .. لا
تملك عندما تشعر بالارتياح مع الخطيبه .. وحتى لو دعاء الامر الى نظره اولى وثانيه وثالثه !
اتمنى انه وصلت ؟
لانه نقطه مهمه جداً جداً .