- تشيلسي هو النادي الوحيد في البريمير ليغ الذي لديه سجل ايجابي امام مانشستر يونايتد منذ انطلاقة الدوري الممتاز .. الفريق اللندني لديه 13 انتصار مقابل 10 انتصارات لـ مان يونايتد بينما تعادلا 14 مباراة .. تشيلسي سجل في الـ 37 مباراة 48 هدفا بينما اليونايتد سجل 45 هدفا ..
- مانشستر يونايتد لم يحقق الفوز على تشيلسي في ستامفورد بريدج في جميع البطولات في جميع البطولات وذلك منذ تسجيل بول سكولز وفان نيستلروي و اولي سولشاير ثلاثية في ابريل 2002 على ستامفورد بريدج , حيث كان اخر فوز لهم في 13 زيارة لـ SW6 .
- كارلو انشيلوتي تغلب على اليكس فيرغسون في ستة مباريات من اخر سبع مباريات بما فيها مباراة الدرع الخيرية ..
- الفريقين تقابلا سابقا في 158 مباراة في جميع المسابقات ’ و تمكن اليونايتد من الفوز في 67 مباراة ، بينما تشيلسي فاز في 44 ، و حدث التعادل في 47 مناسبة ..
- الفريقين تقابلا مرتين هذا الموسم ، أولا في الدرع الخيرية في 8 أغسطس في الويمبلي و كان الفوز من نصيب اليونايتد بنتيجة 3-1 ، و ثانيا في الدوري الإنجليزي الممتاز في أول أيام الشهر الماضي و تمكن البلوز من قلب تأخره إلى فوز بنتيجة 2-1 ..
- منافسات قوية بين لاعبي الفريقين حيث ان جوزيه بوسينغوا سيواجه مواطنه البرتغالي نآني , وكذلك برانيسلاف ايفانوفيتش المدافع سيواجه زميلة المدافع الصربي الآخر نيمانيا فيديتش ..
وين روني , من المتوقع أن يكون جاهزًا لقيادة هجوم الفريق ليلة الأربعاء رغم عدم المشاركة في جانب من التمرين لوجود كدمات شديدة في الساق.
السير أليكس فيرجسون يأمل تخلص المهاجم من الكدمات حيث ستكون القرارت الأكبر في خط الدفاع مع عودة ريو فيرديناند في الوقت المناسب تمامًا. معظم مشاكل الإصابات التي واجهت المدير الفني مؤخرًا بدأت في التلاشي قبل الدخول في المرحلة الحرجة من الموسم.
قال السير أليكس موضحًا "غاب روني عن جانب كبير من التدريب هذا الصباح, حيث كان يتلقى علاجًا. أنا واثق أنه سيكون جاهز غدًا."
" كان لدينا بعض الإصابات, خصوصًا في خط الظهر. ولحسن الحظ أنها تنتهي."
"جوني إيفانز جاهز. وفيرديناند يشارك في التدريب منذ أسبوع. ولست متأكدًا من جاهزيته لهذه المباراة. ولكنه لاعب كرة قدم رائع ولديه خبرة جيدة."
"رافاييل جاهز - ويشارك في التدريب منذ أسبوع. كما عاد كل من جون أوشيه وويس براون. لذا, أصبح وضع الدفاع أفضل لدينا."
في خط الوسط, المباراة جاءت في وقت مبكر جدًا بالنسبة لأندرسون, رغم عودته إلى التدريب, في حين أن دارين فليتشر سيظل بعيدًا.
"أندرسون شارك في التدريب اليوم, " هكذا صرّح المدرب. "لقد عاد. سوف أشركه في المباراة غدًا لأنها مباراة هامة بالنسبة له - لقد غاب لمدة أسبوعين - ولكن خيارات لاعب خط الوسط ليست سيئة جداً."
"بول سكولز, ريان جيجز, مايكل كاريك, دارون جيبسون, بارك جي سونج. لدى خيارات كثيرة. أتمنى فقط عودة رباعي خط الظهر."
"دارين فليتشر سيعود يوم الجمعة. كان مصابًا بفيروس خطير وجعله يفقد جانبًا كبيرًا من وزنه ولكنه بدأ يستعيده الآن. نتطلع لرؤيته يوم الجمعة - سوف نبحث حالته ونحدد إمكانية مشاركته."
الأربعاء وعلى صدى إزعاجات يوسف سيف الكتالوني و عصام الأرجنتيني والله يا إننا بننغث منهم حسبي الله على الواسطات اللي زي كذا المباراة بيننا و بين البلوز ولكن أكثر شيئ بتسمعه هو ميسي و برشلونه الله يعينكم
استغرب راي الكثير في عصام الشوالي ؟! ... بالسنبة لي عصام الشوالي ورؤؤوف خليف افضل المعلقين العرب .. ولو ما تبغو نعمم افضل معلقين الجزيرة ... عصام كثيييير مرات نشوفه محايد مرات يخربها اوكي خصوصا في مبالغته ... بس المشكلة اذا الواحد صار فريقه خسران ومتنرفز يصير يركز على المعلق وش يقول عن الفريق الثاني ؟! .. واذا صار يمدح الخصم عشانه احسن يتنرفز ؟! ... انا ما اوافقكم الرأي ابدا في عصام .. يوسف سيف اوكي اما عصام ؟!
يعني معليش تبغو يحطون لنا ايمن جاده ... اللي يقلبها سوالف تنام وانت تشوف المباراة وتصحى على صوته وهو يشرح درس قواعد ؟! .. والا الكعبي اللي بنص المباراة والحماس يقولك بالامس وانا اتمشى في الستامفورد بريدج التقيت مع ام لامبارد وقالت لي ان ابني سيسجل هدفا رائعا ... انا ما قلت هالكلام اقوله لكم من حديثي مع ام لامبارد قبل ان تشاركنا زوجة تيري الحديث وتشكيلي عن خيانته ؟!
انا بصراحه مبسوط ان عصام المعلق .. احسن ما يحطولنا واحد مدري من وين ؟!
الشي الثاني احس مشكلة البعض ما هم مستوعبين ان تشيلسي وابراموفيتش خصوصا ... مستعد يتفق مع المانيو انه يبيع له مباراة الدوري الاياب 5-0 لو بغى المانيو في سبيل انه ياخذ التشامب ؟! من وقت ما شرى ابرا النادي وهو يلعب بيديه ورجليه عشان اللقب ودايما يطلعو لين وصلو الفاينال وهم اقوى بالترشيح من المان وطلعو بلنتيات ... تشيلسي بالتشامب مستحيل يتهاون او تتوقع وش بيسوي ... وبصراحه تشيلسي اكثر فريق من البيج فور ينشب لنا ونتعب معه هذا الواقع ... يمكن انها شغله نفسيه خصوصا مباريات الجسر ... عشان كذا انا اشوف المباراة صعبه جدا .. واشوف ان تشيلسي الاقرب للتأهل من المان لاني ببساطه اعتقد تشيلسي مع الريال من اكبر المرشحين هالموسم ... الريال كنت مشترط تاهله للفاينال هو انه يفك نفسه من عقدة ليون ودور الـ 16 ... بعدها خلص الريال نفسيا صار عندهم ايمان بقدراتهم بهالبطولة وشفنا امس مع توتنهام ؟! حتى قبل توتنهام نفس مباراة ليون الاياب شفنا كيف بعد ما سجلو ووثقو بنفسهم فتح معهم اللعب وصارو يهاجمون بشكل افضل ... عموما المباراة صعبه جدا والله .. وانا شخصيا متوقع الخساره اليوم ... ان شاء الله يلخمنا المانيو زي شالكه امس .. بس بصراحه بالنهاية بمجموع المباراتين ماني متفاءل مدري ليه
إن شالله الخبر صحيح , لكن مو معناته العبه اساسي , لا طبعا !! يتكي بالدكة تحسبا لشطحات فيدا ولا سمالينج ما منه خوف من ناحية الكروت
آآآآه يالريو , كل ما افكر بالمبلغ حق انتقالك , و مستواك حاليا , اتذكر ريو 2007 - 2006 و اتحسف عليك
نجي لنقاش مباراة اليوم ,
النقاش ..
1_ ماهي التشكيلة المتوقعة للفريق .
السير دايم يلخمنا , و يلخم افضل المحللين , من ناحية التشكيلة و كل يوم له حقل تجارب و مستحيل احد الا نادرا
يتوقع التشكيلة المعتادة اذا كان فيرجسون هذاك اليوم ما شرب شي خخخخخخ
طبعا تشكيلتي بالنسبة لعطاء للاعبين المباريات الأخيرة ولا اتوقع السير يدخل فيها , لكني لو مكانه اتمنى تكون هي
تشكيلتنا قدام الزلايب
^^ استبعدت اوشيه المصاب و اللي المفروض لو جاهز يلعب اساسي و رافاييل مافيه الا هو و اضطريت احطه ولا المفروض ما العبه
, بسبب انه صعبة عليه المباريات الكبيرة فما بالكم بالتشامبينز , و قدام الغريم التقليدي ع ملعبه
ولكم في مباراة البايرن الموسم اللي راح عبرة ,
روني قدام ويست هام سجل هاتريك , بغض النظر عنها مستواه نازل
انا المباراة هذي ابي العب ع المرتدات من الاطراف , و ابي اضغط ع الخصم فقط و هنا مهمة برباتوف في الوسط يحتفظ بالكورة اذا كانت معنا
و يضغط على الدفاع بحيث تكون هجمتهم بطيئة و نقدر نقلتها من نص الملعب قبل توصل بابنا
ممكن روني ادخله الشوط الثاني بدال قيقز اذا كانت النتيجة 1 - 0 لتشيلسي , او ادخله بدال برباتوف اذا كانت 0 - 0
و اندي طبعا يكون بديل سكولز الشوط الثاني
2_ ماهو سيناريو اللقاء المرتقب .
اتوقع السير بيلعب بـ 4-5-1 مافيها كلام , و اتوقع ان شالله خط الوسط بتكون تعليماته الضغط ع لامبارد و مالودا ومضايفتهم و عدم اعطائهم مجال للاوفرات
بحيث هم يطقطون من جهة ايسيان ولا توصل الكورة عندنا و يضطرون يلعبون جهة ايفانوفيتش و هناك بيكون ايفرا طبعا
و هذا اللي نبيه , لأن مالودا مع رافاييل , مشكلة عويصة , احتمال مالودا ياكل الولد رايح جاي و يعطي اوفر انت و ضميرك
لكن اذا ضغطنا من جهتهم اليسار و صارت الكورة تروح يمين هنا نقدر نحد من خطورتها , قيقز + ايفرا + سكولز + فيدا
, احتمال تنتهي الشوط الاول ينتهي 0 - 0 , و اذا كملنا ع نفس النهج و راحت لياقة لاعبين تشيلسي يمكن تنتهي المباراة 0 - 0و هذي من صالحنا ,
لكن فيرجسون اتوقع لو صارت النتيجة كذا بيدخل تشيشاريتو بدال و روني بدال بربا و قيقز او يدخل روني بدال قيقز
هالكلام الدقيقة 80
نرجع للشوط الاول , مانشستر هدفه الرئيسي ينتهي الشوط الاول 0 - 0 , او ننهيه بمرتدة و فرصة وحدة 1 - 0
و طبعا مع اضاعة الفرص لا تتوقعون الهدف يجي من كذا طقطقة , احتمال ركنية او فاول , و راس برباتوف او فيدا
احتمال ثاني , تشيلسي يهاجم من العمق , طبعا صعبة عليهم بحكم اننا نلعب بسكولز و كاريك و بارك
فهم بيعتمدون ع الاطراف و خاصة جهة رافاييل , و لأن ايفرا ايضا مستواه نازل شوي
طبعا انا متفائل بعكس مباريات الدوري , فيرجسون يكون همه الـ 3 نقاط و اذا ما جابه بالقوة يترك الامر للاعبين
لأن الـ 3 نقاط تعوض , لكن الوضع يختلف في مباريات خروج المغلوب و في الابطال خاصة ,
لاحظنا ع مانشستر برا ارضه في الابطال نادرا ما يسجل , و هالكلام قدام الميلان و البايرن سجلنا ع ملعبهم و قدرنا نتعداهم , و حظنا حلو في ان المباراة الاولى خارج ارضنا , بس الفرق اننا بنلعب بالطقم الاساسي كل المبارتين
في حالة تقدم تشيلسي 2 - 0 , اتوقع فيرجسون يسوي التالي ,
خروج فالنسيا و دخول ناني , خروج سكولز و دخول روني , و يرجع قيقز مكان سكولز و روني يروح ع الطرف اليسار و كذا تصير الخطة , روني يسار بارك بالنص و ناني يمين , و قدامهم برباتوف , و يساند بارك قيقز و كاريك هو من يبدأ الهجمة
التغييرات ع مستوى الدفاع ما اتوقع يكون فيه تبديل , المحاور , اذا كانت المباراة 0 - 0 اندي احتمال كبير يدخل
لكن الله و اعلم بدال من , لكن من رايي يدخل بدال سكولز لأن النتيجة لصالحنا و نبي نضغط عليهم و ندافع لين تنتهي المباراة , بكذا نقدر نفوز عليهم بالاولد ترافورد و نلعب و حنا مرتاحين
ع حسب وضع برباتوف , اذا كان مستواه ممتاز , ما راح اطلعه , لأني بستفيد منه من نواحي كثيرة , بنيته الجسمانية و كنتروله و احتفاظه بالكورة , و تبادله الكور مع قيقز و بارك
و حتى لو روني كان بجمبه , برباتوف هو من بيرفع مستوى روني , لان روني لحاله سيئ
و قدام ويستهام شفنا كيف , كنتروله سيء و استلامه سيئ , و تعامله مع الهجمة شوي فيه عك , ما عدا توزيعه للكور
, بالنسبة لاوراقنا في الاحتياط
تشيشاريتو مادري , لكن في حالة ان برباتوف مستواه زفت و لا اخذ اصفر , اكيد بدخل تشيشاريتو مكانه
مع اني لي تحفظ ع طريقة لعب هالبزر صح موهوب و فنان و معدله التسجيلي رائع
لكن مع تيري مستحيل ياكل عيش خاصة , ان استلامه للكورة بطريقة ترفع الضغط و كنتروله زفت , يفيدك داخل المنطقة في العرضيات و اذا كانت الكور واصة له
أترك لكم المساحة , ذكروني بـ 2008 >> نفس عميق بعد لحظات من روعة >> إنه ينزلق
الصراحة , بالدوري نشوف الموسم هذا خاصة فيرجسون له تخبطات , في النهج الدفاعي ,
و احيانا , السير يلخم يا جماعة
منب مستغرب اذا بشوف فابيو مكان ايفرا ولا قيقز , و منب مستغرب اذا شفت ناني و روني و برباتوف و قيقز مع بعض من بداية المباراة
السير يفكر باللي يفكر فيه انشلوتي , و هي ان فالنسيا هو اللاعب الاساسي و ناني احتياط و بكذا مسوي هو بيلخمه و يلعب ناني اساسي
و نفس الطريقة يفكر ان قيقز بيكون يسار و يتفاجأ بـ فابيو ,
الموسم اللي قبل اللي راح , لعبنا اخر نهائي و كان معنا كريستيانو , الفريق لعب اسوء مباريات الموسم
رغم انه كان مؤدي مستويات خيالية , لكن قدام البرسا , الفريق اختفى تماما
ما لقوا يختفون الا بالنهائي الله يصلحهم
مادري , منب متفائل بالابطال , لكني متفائل بالتأهل من بوابة تشيلسي و اللعب بدور الاربعة لكن النهائي و البطولة
ماششش ما اعرف صراحتن , حنا الدوري مكانا كويس , البطولة الـ 19 جاية جاية , لكن مع الابطال ؟؟ احسها قوية
لأن فريقنا اصلا ظروفه حاليا ما تسمح من ناحية اصابات و من ناحية لاعبين مافيه انتقالات حلوة ولا فيه نجوم
و تتذكرون كلام روني وقت مشكلته , ان النادي ما يتعاقد مع نجوم و ان مستقبله غير معروف
كلامه كله صحيح , فيرجسون مستغني عن التعاقدات ما ادري ليش ,
الموسم هذا الفريق ماشي بفضل ربي ثم قيقز و فاندير سار و سكولز , اللي بيختفون كلهم الموسم الجاي
و صدقوني هذا افضل موسم بتشاهدون فيه مانشستر بهالمستوى و الموسم الجاي اذا صار ع نفس الوضع
الفريق بيكون مركزه الرابع او الخامس بالدوري , و بيصير لنا مثل ليفربول , عزوف عن البطولات و مستوى و ترتيب سيئ
ابو سارة
و هل يخفى القمر ,
هذا الحارس له فضائل ع النادي لا تعد و لا تحصى , و بكل مبارياتنا القوية و الحاسمة تشوفه هو من يكون له الفضل فيها
و اذا كان في قمة مستواه قدام تشيلسي , لا روني ولا قيقز ولا برباتوف بيخلون المانيو يتأهل ,
باختصار , فان دير سار حارس لا يعوض صراحة ,
عانينا خلال موسمين , من اصابات ريو فيرديناند اللي نزلت مستواه كثيييير و صار ما يعتمد عليه دفاعيا
لكن ربي رزقنا هالولد من فولهام صراحة استبشرت فيه خير , لكن يبقى صغير
فيدا بيدخل بالـ 30 , صح قدامه 5 سنوات يقدر يعطي فيها , و عقده الظاهر ينتهي 2014
لكن يبغالنا نجدد , مستحيل نخلي البزر ايفانز يكون خليفة لفيدا ,
نفس الكلام ايفرا , خلاص الرجال بالثلاثينات و عطاءه كل ماله يقل , نحتاج نجدد في خطوط الدفاع
خط دفاعنا يعتبر اقل من جيد , و ناظروا احصائيات الاهداف اللي تدخل علينا و قارنوه بالمواسم السابقة
سلام عليكم شباب
إلا وش قصتكم يا دحيم أنت و علاوي ؟؟
وش التشاؤم اللي عايشين فيه ؟؟ يعني لما رجعوا لعيبتنا وما بقى إلا فليتشر تجون تنشرون تشاؤمكم بيننا !! لو كان الأمر بيدي لحذفت ردودكم المحبطة حرام عليكم يا شباب الحين الفريق جاء من فوز خرافي و آداء سهل ممتع تجون تقولون تشيلسي بيفوز ؟؟ وبعدين تعال قل لي وش اللي مالي عينك منهم ؟؟ تيري ترى عندك فيديتش وش بعد ؟؟ خلاص ما عندهم إلا هو وحتى لو كان عندهم أحد فأعلم بأن عندك لاعبين أجود من اللي عندهم أجل أنيلكا و توريس يخوفونكم ؟؟ لما يكون عندك لاعب بإمكانيات بيربا فإن عليك ألا تنظر إلى الخلف يا جماعة لا تحسبوني أطبل على عماها ولكن تشيلسي أضعف من المواسم الماضية كلها .. المواسم الماضية كان عندهم في الدكة " ديكو , كول , ميكيل " و الأساسي " إيسيان , بالاك , لامبارد " الحين دكتهم ولا تسوي 10 مليون إذا أستثنينا توريس اللي مستواه ما يسوى المبلغ اللي أندفع فيه .
ما زلت أحمل راية التفاؤل وحتى لو خسرنا " وهذا أمر مستبعد في قاموسي " فإنني لن أستعجل على الثغى و الزعل قبل لا تبدأ المباراة .
وأعلموا بأن إحترام الخصم ليس بالخوف منه وإظهار الإستكانة أمامه , وإنما إحترام الخصم هو ببذل الجهد و تكسير العظام .
وتذكروا بأننا سنفوز بإذن الله هذه الليلة >> واثق لأني مانشستراوي وليست غير ذلك
1- مانشستر يونايتد هو صاحب الرقم القياسي في عدد المشاركات في دوري ابطال اوروبا وبلغ عدد مشاركاته 16 مشاركة ويليه برشلونه وريال مدريد ب15 مشاركة لكل منهما.
2- صاحب الرقم القياسي في اكبر فوز في ادوار خروج المغلوب وذلك بفوزه على روما الايطالي في ربع نهائي عام 2007-2008 بنتيجة 7-1 ويشاركه في هذا الرقم بايرن ميونخ الالماني ولكن في دور ال16 وذلك بفوزه على سبورتينج عام 2008-2009
3- ثاني اكبر فوز في تاريخ دوري ابطال اوروبا بمسماها القديم وكان ذلك في العام 1956-1957 امام فريق اندرلخت البلجيكي وذلك بنتيجة 10-0
4- صاحب الرقم القياسي في نظافة الشباك منذ بداية البطولة وذلك عام 2010-2011 حي بلغ الزمن المسجل 481 دقيقة
5- الرقم القياسي في تسجيل اكبر عدد من الاهداف في دوري المجموعات وكان ذلك في عام 1998-1999
6- مانشستر يونايتد هو صاحب الرقم القياسي في الفوز المتتالي على الارض وذلك بواقع 12 انتصارا متتاليا
7- الرقم القياسي في عدم الخسارة خارج الارض وذلك بواقع 16 مباراة متتالية من دون خسارة خارج الديار
8-الرقم القياسي في عدم الخسارة وذلك بواقع 25 مباراة متتالية بدون خسارة
9 - يدخل ثلاثة لاعبين من مانشستر يونايتد قائمة الاعبين الـتسعة الذين لعبوا 100 مباراة واكثر مع نفس النادي في بطولة دوري اوروبا وهم الراين قيقز وسكولزي وقاري نيفيل
للأمانة منقول من منتدى اخر
بالنسبة للمتشائمين
التشيلساوية هم اللي متشائمين عشان هالمرة مافيه حكم اسمه اتكنسون يدبرهم
مدرب مانشستر يونايتد السير اليكس فيرغسون ما زال يأمل بـ أن يوقع سكولز عقدا جديدا
وقد وافق رايان جيجز على توقيع عقد جديد لمدة عام للموسم المقبل مع مدير أعمالا ، صاحب الـ 37 عاما يمكن أن يستمر لفترة أطول من ذلك ، في حين أن الجهود التي يبذلها السير لإقناع سكولز بـ اللبقاء ما زالت جارية.
و قـآل فيرجسون :
"غيغز استثنائي يمكن أن يلعب عامين و سأحاول إقناع سكولز على مواصلة اللعب، و هو وعلى عكس غيغز ، كان لديه العديد من الإصابات والمشاكل وخصوصا في ركبتيه"
"كما كانت لديه مشكلة في العين التي أبعدته عن الملاعب لمدة خمسة أشهر. ومع ذلك فهو دائما على استعداد للتنافس مع مانشستر يونايتد"
"غيغز و سكلوز من بين أفضل 10 لاعبين في تاريخ مانشستر يونايتد".
و جآ الهدف 
والله يا إننا بننغث منهم حسبي الله على الواسطات اللي زي كذا 
الوضع العادي
