قبل قليل في مؤتمر السير قال ريو جاهز ورافا جاهز.. يعني التشكيلة كذا: فان دير سار ايفرا..فيدتش..ريو(سمولينق)..رافائيل سكولز كاريك(اندرسون) نااني..فالنسيا روني..برباتوف
2_ ماهو سيناريو اللقاء المرتقب
والله مثل هذة المبارايات توقع اي سيناريو من كلا الفريقين ان كان هجومي او دفاعي او ممتع او ممل..! كل هذا متوقع لقمة الغد مباراة مولعة دايخة كلش متوقع لكن توقعي انا المباراة ستكون سيطرة مانشستراوي في اغلب اوقات اللقاء وخطورة تشلساوية في كرات متعددة اللعب اتوقع يكون سريع من الطرفين.. اتوقع السير راح يعتمد على الاطراف بشكل كبير وعلى روني في الهجوم..ولازم استغلال غياب لويز اتمنى من فالنسيا وناني ان يكونوا في يومهم وخصوصاً الاول الخطورة التي اخشاها من البلوز هي الكرات الطويلة الارضية.!! لأنها وبصراحة قاتلة جداً انا تابعت كذا لقاء لهم وشفت اعتماد لاعبي الوسط على الكرات الطويلة الارضية من ايسيان ولامبارد والاعتماد على سرعة توريس ولكن ليس في اغلب الاحيان.. اتمنى من كاريك أن يكون في الفورمة لأنو لن يقبل اي خطأ من اي لاعب كاريك بكل صراحة كان من اسوأ الاعبين في مباراة وست هام الماضية..! وإلا اشراك الدينمو اندرسون والذي اتمنى ان يكون اساسي في الهجوم اتوقع من السير ان يلعب بـ برباقول وابو كاي والاعتماد على تشيشاريتو كورقة رابحة مع الشمشون الكوري باااارك بربا اثبت في مباراة وستهام ان مكااانة اساااسي شفنا الاحتفاظ بالكرة بالشكل السليم والمطلوب وشفنا التحركات بدون الكرة والتمريرات الخوقاقية لذلك اشوف انو بربا اساسي في مباراة الغد..
3_ نجم اللقاء , النتيجة .
نجم اللقاء: برباتوف النتيجة : 3-1 لليونايتد
أترك لكم المساحة , ذكروني بـ 2008 >> نفس عميق بعد لحظات من روعة >> إنه ينزلق
ااخ يا الفين وثمانية من اجمل المواسم التي رأيت فيها المانيو ابداع من كل لاعبين الفريق ابتداءاً من العهات الحاليين براون واوشي وانتهاء بالمصابين هاري واقول يابو مالك الحملة خلها اذا فزنا ولا
إقتباس
ايفرا: خسرنا ضد تشيلسي قبل ثلاث اسابع لكن كان هناك فريق واحد في الملعب
يالبيه ياايفرا كلام كبير واعاد الذاكرة الى تصريحة الي جرح مشاعر البعض
لعبنا 11 رجل امام 11طفل..
--
**
شبااب الجدد:
الرجااء عدم النقل من المنتديات العربية.. لأنه مخالف لقوانين القسم.!!
2_ ماهو سيناريو اللقاء المرتقب . هي بتكون حماسية ورغبة كبيرة مننا لإثبات الذات في جسرهم وإثبات إنهم مايسوون شيئ بدون التحكيم خصوصاً في ملعبهم المانيو في فورمة خرافية ومن سوء حظهم إنهم بيقابلونا وحنا فازين في المباراة الماضية بالسيناريو اللي تابعناه . البلوز فازوا علينا بعد أن استعادوا روحهم >> كانكم تذكرون لما كانوا جايبين العيد وجاء وقت مباراتنا معهم وتأجلت , في تلك الفترة كان تشيلسي يتعادل بل ويخسر على ملعبه ولكن ما نقول إلا إنهم بيأكلونها يعني بيأكلونها إن شاء الله . أتوقع بأننا سنجد ثغرة كبيرة وهي ظهيرهم الأيمن بوسي أسم أمك الدايخ ولكن مدربهم أبو خدود بيحط راميريز قدامه عشان مايسمح لإيفرا بالمساندة . فالنسيا بحاجة إلا قرب اللاعبين منه عشان يلعب الـ ون تو ويأكل الظهير اللي قدامه >> وخير شاهد على ذلك الهدف الثاني أمام ويستهام و كذلك الثالث يوم قرب له فابيو وما قصّر فيهم أتمنى ألا يتأثر روني >> يا حبهم لمحارش هالمخلوق قبل كل مباراة كبيرة !!!!! تشيلسي سيسعى للخروج بأقل الأضرار وأتمنى ألا نتحمس من بداية المباراة حتى لايأتي الشوط الثاني ونأكلها لأنهم يتحمسون في ملعبهم وترجع لهم الروح كما شاهدنا في آخر مباراة ضدهم , وحتى في لقائهم ضد السيتزن ( أهدافهم ما جاءت إلا في الثمانين وأنت رايح ) ما يعني أنهم يعرفون من أين تأكل الركبة 3_ نجم اللقاء , النتيجة . روني النجم النتيجة : 2-1 للمانيو إن شاء الله
أترك لكم المساحة , ذكروني بـ 2008
سقى الله أيامك يا الدون >> نفس عميق
إقتباس
يآخوفي نزحلق حنا الحملة خلها اذا فزنا ولا
أقدر أسميها إحترام للخصم يا خوافين
إقتباس
لو اقول اني حبيتك من أول نظرة تصدقني ؟
شعور متبادل يا الغالي يكفي بأنك فرضت وجودك بيننا بسرعة كبيرة
الهلال سجل أول هدف يا الله نشوفكم بكرة إن شاء الله
طبعا هذي امنياتي , لكن اعتقد اندي ما راح يبدأ وممكن نشوف جيجز مكانه وتكليفه بالمساندة الدفاعية والحد من خطورة ايفانوفيتش ( في حال انه لعب بالظهير ) اما اذا ايفا لعب بالقلب بحكم غياب لويز فـ بنريح شوي , وممكن يكلف جيجز او اندي ( بحسب من يلعب فيهم ) بمهام دفاعيه والحد من خطورة العمق علينا انا اتمنى واتوقع فابيو , براون مصاب على ما اعتقد "صححوا لي" , ورافا مب مكتمل الجاهزيه وشغله ثانيه برضو انو السير راح يتركه ورقة رابحة وما يبدأ فيه ويكون التركيز عليه من لاعبين البلوز ما تكرر خروجه بالكرت الاحمر بآرك اعتقد بيكون افيد لنا بالاياب , اراحته بتكون افضل لنا ضد فولهام وبنفس الوقت يكون تحضير للاياب اللي اتوقع انه بيفيدنا كثير فيها اذا استعاد لياقته الكامله قبلها
2_ ماهو سيناريو اللقاء المرتقب . اتوقع اننا نبدأ برتم منخفض مع التحفّظ وما نخطي مثل مباراتنا ضدهم بالدوري قبل كم اسبوع ونستهلك اللياقه في شوط واحد وبالشوط الثاني نطفح , اعتقد السير راح يركز على عدم استقبال هدف اكثر من كوننا نسجّل , ويكون الظغط الهجومي بالاياب , اتوقع تقدمنا وبعدها يعادلوننا
3_ نجم اللقاء , النتيجة . اتوقع ناني بيفتّح شوارع بالجهة اليسرى , خصوصا برجعة فالنسيا راح تقل مراقبة ناني وزود على هذا بوسينغوا هو المرشح يكون ظهير ايمن للبلوز وايفا قلب , والبرتغالي اعتقد انه اسهل من الصربي بالنسبه لـ اختراقات ناني فـ توقعي بيكون هو مفتاحنا الرئيسي وبيكون النجم الفارق بعد ما كان مريّح هالاسبوع النتيجة 1-1 , واتمناها على اقل تقدير تعادل ايجابي بأكبر نتيجة ممكنه ، لآهنت ابو مآلك <_ يَ رب انه انت اللي حاط النقاش وما اكون خاطم لأني اخلط بينك وبين ابو سلطان وما افرق :$
مباراه هادئه لأبعد درجه ، ومنحصره في نص الملعب وماراح نشوف اهداف ماعدا فرص قليله وتنتهى المباراه بالتعادل السلبي .
3_ نجم اللقاء , النتيجة .
اتوقع فالنسيا يقدم مباراه كبيره
4-أترك لكم المساحة , ذكروني بـ 2008 >> نفس عميق بعد لحظات من روعة >> إنه ينزلق
لحظات حلوه وفريق كان جبار في ذيك الفتره ، مباراه كانت على الاعصاب خصوصا في ركلات الترجيح ، اتوقع مباراة مثل ذيك هي من اصعب المباريات في تاريخ المانيو الاوروبي ، من ناحية الشد العصبي والقلق وركلات الترجيح تخدم الفريق اللي يكون محظوظ وعن نفسي اكره ركلات الترجيح لأنها ممكن تخسرك رغم انك انت اللي تستحق .
~~~~~
وإثبات إنهم مايسوون شيئ بدون التحكيم خصوصاً في ملعبهم 
المانيو في فورمة خرافية ومن سوء حظهم إنهم بيقابلونا وحنا فازين في المباراة الماضية بالسيناريو اللي تابعناه .
, اعتقد السير راح يركز على عدم استقبال هدف اكثر من كوننا نسجّل , ويكون الظغط الهجومي
الوضع العادي
