.
.
][ صور تدريبات الفريق استعدادا لمباراة اوتريخت باتسر ][

إقتباس وضربت لك مثال بديشامب .. بعدين افهمني يادلخ رجاء .. انا قلت ابي الاداره تقيل روي .. وتعين اي مدرب سوا دالغليش او غيره .. لأخر الموسم من ثم نجيب مدرب ممتاز وكبير مثل غوس هيدينك او غيره من الفطاحله .. عساك فهمت بس ؟! .. وش دخل حلول مؤقته ؟ جميعنا متفقين ان روي مدرب سيئ لا يستطيع ان يقود ليفربول .. واذا انت تشوف غير هالكلام فوالله ثم والله انت ماتفهم كورة ..

محسن صحيح اتقبل منك بس مب بهالمستوى
رجاء ارقى بالنقاش لكلمات تليق بك ومن تناقش اول وتليق بمستوى الرابطه ورواده .
تكررت ردود ارفع نفسي عن الرد عليه ... واذا النقاش يبي يكون فيه اسائات بلاش منه


انا ادري انك تبي الاداره تقيل روي .. وادري انك مافهمت ولاكلمه من اللي انا ارمي له .
تدري ليه لانك تبي تفتك من هالمدرب باي طريقه وتجرب غيره سواء يناسب الليفر ولا لا . << حسب ردك اللي فوق

انا طالبت اذا هو يبي يقال فالبديل ريدناب وماراح ارضى بغيره .

بجاوبك على سؤالك بمطالبك من تغيير المدرب ,,, وهل المبتغى منه الفوز على نيوكاسل وبلاكبول و ....

جواب بسيط جدا : الفريق ماوصل لهالمستوى وانه يعجز عن الفوز على هالنوعيه من الفرق الا بسبب الضعف الاداري وانت قلته استعرض الاسماء تبي تشوف انه الفريق غني بالاسماء << موافقك
لكن قارد ادارتنا باداره الارسنال المان حتى البلوز .... فيه فرق
والبلوز الشهر الماضي نتائج الفريق تدهورت ماشفنا مطالبات باقاله المدرب ....

بختصار وعلى بلاطه : لايكون المدرب هو الشماعه

.
.


روي هودجسون يؤكد بأنه موب خايف من الإقاله وإن الملاك بيدعمونه ويساندونه
في هالظروف اللي يعيشها مع النادي .
وتكلم عن وضع الفريق حاليا ومثل ما خبرناه كلام لايودي ولا يجيب ( نحن سيئين علينا العوده ! )


المصدر + فيديو المقابله

إقتباس محسن صحيح اتقبل منك بس مب بهالمستوى رجاء ارقى بالنقاش لكلمات تليق بك ومن تناقش اول وتليق بمستوى الرابطه ورواده . تكررت ردود ارفع نفسي عن الرد عليه ... واذا النقاش يبي يكون فيه اسائات بلاش منه

اعتذر يامجيد .. قلت هالكلام من باب الدعابه واننا عيال رابطة واحده ونمون على بعض ... وبخصوص كلمة فطاحلة مادري كيف فهمتها انت ؟ .. مشكلة الي مايعرف اللهجه الحجازيه .. فطاحله يعني كبار المدربين .. واعتذر منك بشده وقدام الشباب واتمنى تسامحني .. وراجع لك بالنقاش

.
.


هودجسون يؤكد بأن توريس راح يشارك في مباراة اليوم , ويتمنى أن يسترجع حسه التهديفي .




كونشيسكي بيغيب عن المباراة بسبب كدمة بسيطه , وأوريليو راح يكون البديل




هودجسون يقول بأن كاوت راح يكون ضمن الـ 18 لاعب اللي استدعاهم للمباراه , لكن مشاركته غير مؤكده .


المصدر

إقتباس اعتذر يامجيد .. قلت هالكلام من باب الدعابه واننا عيال رابطة واحده ونمون على بعض ... وبخصوص كلمة فطاحلة مادري كيف فهمتها انت ؟ .. مشكلة الي مايعرف اللهجه الحجازيه .. فطاحله يعني كبار المدربين .. واعتذر منك بشده وقدام الشباب واتمنى تسامحني .. وراجع لك بالنقاش

هلا محسن ...
ادري والله انه مو بقصدك
وهو على قولك حنا بالرابطه اخوان ونمون على بعض والاجواء فرندلي
لكن قصدت هالكلام عشان يكون النقاش راقي ويليق بمشجعين ورواد هالرابطه

عن النقاش انا بنتظارك يالانبراشي






والله اوريليو لاعب مهم للفريق
لكن اشوفه كظهير ثغره بصراحه الجانب الدفاعي ضعيف جدا عنده

اشوفه كجناح افضل خصوصا انه هو افضل اللاعبين بالكرات الثابته .


بالتوفيق للريدز الليله

إقتباس روي هودجسون يؤكد بأنه موب خايف من الإقاله وإن الملاك بيدعمونه ويساندونه

إقتباس في هالظروف اللي يعيشها مع النادي . وتكلم عن وضع الفريق حاليا ومثل ما خبرناه كلام لايودي ولا يجيب ( نحن سيئين علينا العوده ! )

مصيييييييييبة ، لو الملاك واثقين فيه خلاص طار علينا الموسم .

كل اللي نقدر نأمل عليه كأس اوروبا لأنه نقدر نحسم المباريات على ارضنا ، اما مع هذا احلم تفوز خارج ارضك و التعادل فوز لك .

إقتباس انا طالبت اذا هو يبي يقال فالبديل ريدناب وماراح ارضى بغيره .

إقتباس

هههههههه اجل اصبر على روي لين نهبط للثانية و يجينا شانكلي ثاني

إقتباس الفريق ماوصل لهالمستوى وانه يعجز عن الفوز على هالنوعيه من الفرق الا بسبب الضعف الاداري وانت قلته استعرض الاسماء تبي تشوف انه الفريق غني بالاسماء

شف عبدالمجيد ، الإدارة الشيء الوحيد السيء فيها و اللي تتحمل فيه المسؤولية انها ابقت على روي ، ياخي والله مدرب ما براسه ابد ، والدليل راح تشوف بالمباراة اللي بعد شوي ، احس اوتريخت راح يحرج فريقنا بالأنفيلد .

.
.
][ التشكيله الرسميه ][

Jones, Kelly, Aurelio, Skrtel, Wilson, Poulsen, Shelvey, Jovanovic, Cole, Babel, Eccleston.

Subs: Hansen, Johnson, Kyrgiakos, Pacheco, Torres, Kuyt, Meireles.


---


][ أسئله نقاشيه ][

س1 / التشكيله مليانه شباب , وجيرارد ما يلعب خوفا عليه , رأيك ؟

س2 / نجوم آلفريق آلكبآر بدلآ عن آلشبآب في مبآرآة تحصيل حآصل ، رأيكم ؟

س3 / ادخال كول وإبعاد باتشيكو , كول لاعب لايحتاج الفرصه كما يحتاجها باتشيكو , رأيك ؟

س4 / : ٺوقعآٺڪَ ؟

س5 / مساحه حره لك ؟

س1 / التشكيله مليانه شباب , وجيرارد ما يلعب خوفا عليه , رأيك ؟

حقيقة اشوف انه المفروض يزود الشباب ، و جيرارد المفروض انه يلعب لأنه زي ما يقول روي انتهى تأهيله و عاد للتمارين ، و جيرارد لاعب يحتاجون الشباب انهم يتعاملون معه في مثل هذي المباريات .


س2 / نجوم آلفريق آلكبآر بدلآ عن آلشبآب في مبآرآة تحصيل حآصل ، رأيكم ؟

حقيقة غباء تام ، الحين عندك لاعبين شباب بكل المواقع تقريبا ، وين سبيرينج ، آمو ، سوسو ، ايالا ، روبينسون ، ايروين ، ما يهم تخسر لأنك تكسب لاعبين للمستقبل ، و يمكن تكتشف موهبة تفيدك بالأيام الجاية .

س3 / ادخال كول وإبعاد باتشيكو , كول لاعب لايحتاج الفرصه كما يحتاجها باتشيكو , رأيك ؟

باتشي نجم الفريق الرديف و قائده ، و افضل لاعب صاعد في كأس اوروبا للشباب ، و هدافها ، و نجم المنتخب الإسباني للشباب ، لا يلعب مع فريقه حتى بمباراة تحصيل حاصل ، عندها لا يوجد سوى تفسير واحد ، اللاعب لديه مشاكل مع المدرب ، عندما تضع مشاكلك مع لاعب و تدمجها مع مشاكل الفريق ، فأنت تهوي به ، ولنا برافا مثال مع بابل ، رغم انه كان ليس مقتنعا به الا أنه يشركه بكل فرصة .

س4 / : ٺوقعآٺڪَ ؟


اتوقع مباراة سلبية ، و لكن نفوز بدون طعم . 3 او 4 مقابل لا شيء

س5 / مساحه حره لك ؟

من الجيد مشاهدة اوريليو و كيلي و ويلسون اساسيين ، لكن لا زلت اقول ان الشباب يجب اشراكهم .

برب مشاهدة المباراة .

^
^
^

هههههههههههههههههههه ، لهالدرجة الإنجليز اغبياء و توهم ينتبهون ؟

حقيقة المباراة سيئة جدا و زادها سوء المعلق خالد اليوسف

فريق لا يقدر ان يصل الى شباك فريق ضعيف و على ارضنا ، و ترجو منه شيء ؟

الله يستر بالمباراة قدام المان بالأولدتراشورد .

.
.
هاردلك شباب =(

وبصراحه ماشفت المباراه لذلك بأكتفي بتنزيل صور المباراه من الرسمي