.
.
][ التشكيله الرسميه ][

رينا

كونشي ....... سكيرتل ....... كيرياغوس ....... جونسون

ميراليس ........ لوكاس

كاوت ..................... ماكسي

نغوغ ....... توريس

الإحتياط : جونز - كيلي - اوريليو - بولسن - كول - يوفانوفيتش - بابل

^
^
^

بابل لازم يسجل هاتريك و يسحب الفريق الخصم من الهجوم للحارس عشان يدخل اساسي

و كونشيسكي وش يبي ، ابي اسال روي اعمى او وش السالفة ، ودي اعرف وش اللي شايفه بالأقرع و ما حنا شايفينه .

يارب تعدي ع خير .

الى متى ياليفربول

والله شي يقهر

اعتقد الكل بات يعلم وش الأخبار صباح الغد

فحتى الأحمق يعلم ان من لعب 67 مباراة خارج ارضه و فاز في 6 فقط لا يجيب لك لا دوري ولا ابطال و لا خرطي .

هاردلكم

يارب بكرا ما اقوم الا على خبر اقالة روي

افضل من يمرر الكره في التاريخ


شرفووووووونا

نتيجه مباره تشيلسي ماعاد تشفعلك ياروي ! .. الاستمراريه كانت اهم من النتيجه نفسها ! ..

التخبط ! .. وعدم الثبات على المستوى ! .. كفيله بأطاحه رأسك ياروي ! ..

خل نكون صريحين ! .. روي مااعطى اي اشاره ( بأستثناء مباره تشيلسي ! .. الي كمان روح الانفيلد وظهور النجوم لها يد كبرى فيها ) على ان يستحق الاستمرار ! ..

وبصراحه مع اني كنت اتمنى انه بعد مباره تشيلسي يستمر الفريق عليه ! .. ولكن داخل النفس مااكنت اشوف روي مدرب مستقبلي لليفر ! ..

فأتمنى الاداره تاخذ الموضوع من قاصرها ! .. وتقيله وتأتي مدرب له فكره الخاص عشان يطبقه على الفريق ! ..
حرام الفريق يستمر على فكر روي ! .. وخاصه ان الفريق مقبل على انتقالات شتويه ممكن تكون نقطه تحول للفريق ! ..

مافي مشكله لو الاداره تخاطر بأقاله على قرب الانتقالات ( وخاصه انه الاعلم بنواقص الفريق ! ) .. لكن بصراحه اشوف المخاطره الكبرى انك تستمر على روي وتبني عليه مستقبلك اذا كان هذا كل الي يملكه من فكر ! ..

الليفر عشان يطلع والاداره تطلع فيه فلازم انه يعصر نفسه ويعصر مستواه ويقدم دبل الي يقدمه الاخرين اذا كان يبي يطلع بشكل مخالف جدا في الموسم القادم ! .. لازم انه يصعد ويطلع بالفريق للمراكز االاربع الاولى الي فيه ناس تطحن فيها ! ..
وبهذا المستوى وبعدم الاستمراريه الفريق ماابياكل عيش ابد ! ..

اذا انت تنهزم في مباره زي نيوكاسل وانت تحتاج الى كل 3 نقاط ! .. واذا بتقعد كل مباره تحط يدك على قلبك وتخاف انك مااتحقق الثلاث نقاط ! ..
فالفريق ماايحتاج مدرب بهذي النوعيه وخاصه في هذا الوقت ! ..

الفريق يحتاج الى مدرب يكون قوي شخصيه ! .. يبث الحماس في الفريق وفي لاعبينه ! .. ويكون صاحب فكر قوي عشان يصعد بالفريق ! ..

يارجل على الاقل تكون مدرب واثق بفريقك وبقدرات لاعبينك ! .. مهو في كل مباره تحسب حساب لاعبين الخصم قبل لاعبينك ! ..

حتى سياسه المكافئه يااروي مهي عندك ! .. لاعب مثل بابل مقدم مستوى كبير تركنه في الدكه ! .. وتبقي على الي اقل منه ! ..
ممكن لو قلنا انك بتحافظ على ثبات التشكيله ! .. لكن مهي على حساب مبدع ! ..

ممكن اكون جاف شوي بحق روي ! .. بس بصراحه روي له نصف موسم الى الان مااظهر شيء ملموس تقدر تمسكه وتحسبله ! ..
مع اني من الناس الي يشوف ان المدرب يحتاج على الاقل لموسم عشان يطبق فكره ويستخرج فكر الي قبله ! .. بس مهو لدرجه انه ماابيان اي فكر لك لنصف موسم الى الان ! ..

وبعدين لو قلنا ان عناصر الفريق سيئه ممكن ماتساعد روي على انه يطبق فكره بنقول معليش ! .. لكن الفريق يملك سكوادا ولاعبين وعناصر مهو بعاديه ابد ! ..

ماكسي بابل توريس ميراليس لوكاس جونسون جوي كول جيرارد كاوت يوفا ! .. اسماء المفروض انها تقدم افضل من الي حاصل ! ..
صحيح انك ممكن ماتملك دكه واسماء عشان النفس الطويل بالدوري ولكن بتحقق نتائج افضل ! .. مهو بالنتائج ذي ! ..
حتى الاعبين نفسهم عنده مخزون اكبر من كذا وامكانيات اكبر من كذا ! .. وكمدرب لازم تحاول تخرجها بشكل افضل من كذا ! ..

عشان كذا اذا كان هذا كل فكره ! .. او هذا هي امكانياته ! .. وهذي بوادره ! .. فهو ماايلزمنا ! ..

فأقالته افضل من انك تستمر عليه ! ..
لانه بصراحه روي زي ماقلت مااعطى اي بوادر ملموسه عشان تثبت عليه ! .. وزيد عليه كمان انه مهو بالمدرب صاحب الفكر الخرافي او السجل الكبير عشان تستند عليه ! ..

واذا ماكان صاحب فكر ولا سجل ولا اعطاك شيء ملموس نستمر عليه ليه ؟! ..

.
.
الحمد لله الذي لا يحمد على مكروه سواه

لا جديد حماقة روي تزيد .. كان عندي شوية أمل ان اللعيبه يسوون شيء ويعطونا النتيجه لكن قدر الله وما شاء فعل ..
أنا بعرف شيء واحد بس روي وش لاقي في كونشيسكي ؟! لاعب ثقيل وغبي ونكبه درجة أولى !! أمس الهدفين الاول
والثاني كانت من جهته ولاحس ولاخبر !! غير الاخطاء الفرديه الغبيه اللي كادت تزيد الغله يعني اني قوي !!
بعدين بابل تنزله الدقيقه 72 وش تبيه يسوي ؟! مخلي نغوغ محله يلعب ليش ؟! مارادونا على غفله !! .. بوفانوفيتش
تنزله الدقيقه 85 ليش ؟! سوبرمان على غفله !! بإختصار مدرب غبي لايجيد التكتيك حتى التغييرات خاطئه ولايمكن تأثر
على نتيجة المباراه !!

هالموسم قاعدين نشجع ونتابع فقط لعيون الكيان ونتأمل في اللاعبين بس !! ولا روي مامنه خير !!

3 ومن نيوكاسل قويه علينا وعلى تاريخ فريقنا لكن مع روي شويه وشويتين بعد !!

الله يصبرنا بس .. ويارب يارب هنري يرحمنا ويشوت روي في الزاويه التسعين !!

شوي وبجيب صور المباراة الغثيثه !

المزيد ( هنا )

.
.
شباب .. هاليومين راح يقل دخولي على النت بشكل عام والرابطه بشكل خاص , وادعولي أعدي هالاختبارات على خير
وبرضو العمليه اللي راح اسويها

ألقاكم على خير ان شاء الله

هاردلك ياشباب الهزيمه وبصراحه مستوى الفريق مايطمن
كل ماقلنا تعافينا وجاء وقت الانتعاشه نطيح بفرق مايحسب لها حساب ..؟!!!

إقتباس يارجل على الاقل تكون مدرب واثق بفريقك وبقدرات لاعبينك ! .. مهو في كل مباره تحسب حساب لاعبين الخصم قبل لاعبينك ! .. حتى سياسه المكافئه يااروي مهي عندك ! .. لاعب مثل بابل مقدم مستوى كبير تركنه في الدكه ! .. وتبقي على الي اقل منه ! .. ممكن لو قلنا انك بتحافظ على ثبات التشكيله ! .. لكن مهي على حساب مبدع ! .. ممكن اكون جاف شوي بحق روي ! .. بس بصراحه روي له نصف موسم الى الان مااظهر شيء ملموس تقدر تمسكه وتحسبله ! .. مع اني من الناس الي يشوف ان المدرب يحتاج على الاقل لموسم عشان يطبق فكره ويستخرج فكر الي قبله ! .. بس مهو لدرجه انه ماابيان اي فكر لك لنصف موسم الى الان ! .. وبعدين لو قلنا ان عناصر الفريق سيئه ممكن ماتساعد روي على انه يطبق فكره بنقول معليش ! .. لكن الفريق يملك سكوادا ولاعبين وعناصر مهو بعاديه ابد ! .. ماكسي بابل توريس ميراليس لوكاس جونسون جوي كول جيرارد كاوت يوفا ! .. اسماء المفروض انها تقدم افضل من الي حاصل ! ..

حيا الله جهاد
بصراحه كلام كبير واتفق معك في مجمله .. لكن اثر النتيجه اثر عليك في بعض النقاط

راح اذكر النقاط الي بالاقتباس واعلق على كل واحد منه حتى تكون اكثر وضوح :

الاولى : المدرب يحسب حساب للخصم اكثر من ايمانه بقدرات لاعبينه .

للاسف حتى بينتز كان يقوم بهالطريقه وهي اكبر عيب في رافا .. روي اللي جالس يسويه من هالناحيه هو نفسه اللي كان يسويه بينتز , وهنا المدرب يكون ظالم للاعبينه وامكانياتهم وقاتل لها والدليل بابل ؟؟؟ مع انه يشارك احياننا ويكون مبدع !! مادري كيف المدرب ماينتبه لهالنقطه . وبهالمرحلة ادخل على المرحله الثانيه وهي مكافئة اللاعبين اللي قدموا بالمقارنه بلاعبين تراجع مستواه ومنها اتخلص من ضمان المركز (للاسف هذا اللي صاير بالفريق ) انه فيه لاعبين مهما كانوا سيئين راح يكونون اساسين ..؟؟!! كاوت العام الماضي . وثبات التشكيله يكون بثبات الاداء مو بثبات العناصر والفرق الثانيه تبني 22 لاعب مو 11 , ونظام الفرق الكبيره انه الاحتياطي بمستوى الاساسي وماراح يوصل حتى انه ياخذ فرصه ويثبت جدارته ويكون حافز كبير للاعب المنافس الانضباط ورفع المستوى حتى يحضى بالثقه . ( يعني اللاعب هو اللي يسعى لك مو انت اللي تسعى لتطوير اللاعب ) .


بحق روي بصراحه فيه اجحاف انه المدرب يتحمل مسؤوليه اي خساره ..؟؟؟!!
انا ضد المقارنات ... الاداره ماختارت روي بهالوقت الا ولها غاية معلنه وهدف خاص بالاداره

روي بختصار شديد يلعب على امكانياته المتوفره حاليا وشفناه كيف قدر يوصل لتشكيله مثاليه للفريق .
المدرب قدر انه يخلق انسجام على الاقل بين اللاعبين الاساسين وشفنا موراليس صفقته الاولى وكيف اثره على الفريق شفنا معه بعد كيف تركيبه الفريق تتغير حسب مجريات اللقاء وحسب الاسماء المتوفره يعني شفناه يغير بالرسم التكتيكي للفريق حسب الخصم وحسب النتيجه بالاسماء المتاحه حاليا . وانت قلته المدرب ماتتضح معالم بصمته الا بعد موسم . وشفنا الشباب اللي طالبوا باقاله قبل كيف انه تغيرت نظرتهم .. وكيف راح تتغير بالمستقبل لانه الليفر قلناه قبل بقرارا اقاله راا قرر اعادة البناء وفقا للشروط الي راح تطبق في 2014 ونسبة اللاعبين الاجانب من اللاعبين الانجليز .
ولا نجوج لاعب ...؟؟!! مع هذا معطيه الفرصه واللاعب يسجل لكنه مع هذا اقل من مستوى الليفر او بالاصح طموح جمهور الليفر .
بالعربي مجبرا اخاك لابطل


عن اللاعبين اللي استعرضتهم :
ماكسي : مقدم مستوى ممتاز واللاعب في تصاعد في مستواه وتحسب لروي هالتطوير .
بابل : معضلة الانفيلد مادري هي مزاجية في الاداء او انه ضعف في اللياقه ؟ قلنا من قبل فيه ناس تعطيك في ثلث ساعه مالاتعطيه في ساعه ونصف .
موراليس : في مركز غير مركزه ومع هذا سلب عقول عشاق الريدز ويكاد بالاجماع انه يكون افضل صفقه لروي .
جونسون : نفس بابل ...؟؟؟ مزاجيه مفرطه
توريس : بالله فيه احد يلوم المدرب على المسخره اللي جالس يقدمه النينو ؟؟؟
كاوت : لاعب ممتاز لكنه يحتاج متابعه لياقه خصوصا انه مكروف بالفريق والمنتخب ...!!
يوفا : اشوفه عبى على روي
لوكاس : ممتاز باللي جالس يقدمه لكنه لازال لم ينضج بعد

بهالاسماء اشوف الفريق يحتاج الى انضباط اداري اولا << وهو الركيزه الاساسيه في البريمير
وبعده يجي الانضباط التكتيكي ومنه تتضح العيوب ويجي دور المدرب ومساعدينه في معالجه الامور اما بالصفقات او بالاسماء الشابه .

المسئله مسئلة ثقه تماما زي ماهو حاصل مع رافا في الانتر جالس يصير مع روي في الريدز .
كلي ثقه في انا روي راح ينجح بالليفر لكنه يحتاج للصبر على الاقل موسم واحد .
كثرة تغيير المدربين بالبريمير تعتبر نقطه سلبيه عيوبه تستمر بالفريق مواسم .


على العموم بروي ولابدونه الليفر يعاني
واذا قاله روي ويجي ريدناب انا موافق
اما انه يجي مادري منهو ولا لاعب اسطوري بالفريق فهالسياسه انا ضده نهائيا
لامكان للعواطف والمحسوبيات .


جهاد تجبر الواحد على انه يسترسل

إقتباس الرسالة الأصلية كتبت بواسطة LIVER 4 EVER المسئله مسئلة ثقه تماما زي ماهو حاصل مع رافا في الانتر جالس يصير مع روي في الريدز . كلي ثقه في انا روي راح ينجح بالليفر لكنه يحتاج للصبر على الاقل موسم واحد . كثرة تغيير المدربين بالبريمير تعتبر نقطه سلبيه عيوبه تستمر بالفريق مواسم . على العموم بروي ولابدونه الليفر يعاني واذا قاله روي ويجي ريدناب انا موافق اما انه يجي مادري منهو ولا لاعب اسطوري بالفريق فهالسياسه انا ضده نهائيا لامكان للعواطف والمحسوبيات . جهاد تجبر الواحد على انه يسترسل

هلا مجيد ! .. الشعور متبادل يأكثر واحد لازم اتخالف معه بوجهات النظر خخ ..

انت جبت المربط والنقطه الاهم ! ..
الثقه ! ..

هل انت واثق بروي كمدرب مستقبلي لليفر ؟! ..
هنا السؤال ! .. وهنا لازم يكون جوبنا عليه ! ..

ثقتنا بروي ! .. وثقه الاداره نفسها بروي ! .. هي الي تحكم ..

يعني مثلا لو نملك مدرب مثلا زي كابيلو وعنده التخبطات ذي ! .. مااعندنا مشكله ان المدرب يستمر بالتخبط لانه في الاخير كابيلو له سجله وتاريخه عشان نثق فيه ونثق ان بعد التخبطات بيصعد بالفريق ! ..

لكن هل روي يستحق الثقه ذي !؟ .. هنا الكلام ! ..
يارجل حتى الاداره ممكن مااعندها الثقه العمياء الي تحط على روي كامل امكانياتها ! ..

انا كل الي اقصده انه حرام اننا نستمر على مدرب ثقتنا فيه مشكوك فيها ! ..

انا ممكن معك انه مدرب يأسس ويحط اساس للفريق ! .. ثم يأتي مدرب ويمشي على اساسه ! ..
هنا بكون معك ! .. لان اغلب المدربين الي نتمناهم يملكون عقود وصعب خروجهم من انديتهم ! ..

لكن الاعتماد عليه للقادم ! .. اشوفها صعبه بصراحه ! ..
وحتى لو وجدنا مدرب صاحب فكر في الوقت الحالي اتمنى الايتاء به من الان عشان الفريق يقدر يصعد بنفسه ! .. وكمان عشان الانتقالات الشتويه بتكون منحنى مهم لنا بالموسم ذا ! ..

صدقني انا مااهمني الموسم ذا ابد ابد ! .. كل همي الموسم القادم ! ..
لازم الفريق عشان يصعد والاداره تصعد به لابد انه يأتي بالمراكز الاربع الاولى ويتأهل للأبطال ! .. عشان نحافظ على لاعبييننا ونشد لاعبين العالم لنا ! ..
ومع روي بالتخبطات ذي صعب جدا اننا نحقق احد المراكز الاولى ! .. وخاصه انه عندك 5 فرق قاعد تطحن على المراكز الاربع الاولى ! ..

توتنهام تشيلسي المان والسيتي الارسنال ! .. لازم انت تقدم ضعف الي يقدمونهم عشان تاخذ احد المراكز الاربعه المأهله للأبطال ! ..

الشيء الوحيد الي ممكن اقتنع بأن روي يكمل معنا فيه لنهايه الموسم انه الاعلم بنواقص الفريق ! .. لكن كمدرب مستقبلي لنا ! .. صدقني صعبه ! ..

عموما اتمنى ان الفريق بروي ولا بحتى ناصر الجوهر يطلع ! .. مااهمني اكون محق ولا مخطئ ! ..

بس روي مااقدم شيء لليفر ولا اشوف انه قادر على تقديم اي شيء كبير لليفر ! ..

ياااااخي ما تفهم ياروي

كم مرة قلتها

مانبييييك

اطلع برا انت والحثالة كونشسكي

حسبي الله عليك أجل ما تبي أنسوا

حسبي الله عليك ما تبي أكويلاني اللي شايل اليوفي

جايب لي بولسون ويوفانوفيتش وإعاقااااات وفوق كذا ما تعتمد على بابل

إلى الجحيييييييييييييم يا هودجسون


معليش على الكتابة بس اكتب من البلاك بيري بس والله. ما قدرت أصبر


ما بنكسر صااااااابر