المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > أرشيف شبكة الزعيم > أرشيف المنتديات الخاصه بالمناسبات > أرشـــيف منتدى الروابط العالميه
   

أرشـــيف منتدى الروابط العالميه أرشـــيف منتدى الروابط العالميه

 
   
 
LinkBack أدوات الموضوع طريقة عرض الموضوع
  #13891  
قديم 26/05/2011, 05:17 PM
الصورة الرمزية الخاصة بـ ARSENAL- FC
محرر اخبار رابطة ارسنال
تاريخ التسجيل: 18/06/2010
المكان: أبو ALi << سابقاً
مشاركات: 1,117
تم استدعاء بعض الاسماء لمنتخباتهم
ويلشير - والكوت مع انجلترا
سانيا - ديابي - نصري مع فرنسا
سونغ مع الكاميرون
رامزي مع ويلز

فابريغاس مستبعد من تشكيلة اسبانيا ونفس الكلام لكارلوس فيلا وكليشي
تقريباً هذا المعلن عنه حتى الان
  #13892  
قديم 26/05/2011, 07:30 PM
الصورة الرمزية الخاصة بـ نايف راشد
زعيــم مميــز
تاريخ التسجيل: 27/08/2010
المكان: سجن الحياة
مشاركات: 1,254
إقتباس
الرسالة الأصلية كتبت بواسطة ARSENAL- FC
تم استدعاء بعض الاسماء لمنتخباتهم
ويلشير - والكوت مع انجلترا
سانيا - ديابي - نصري مع فرنسا
سونغ مع الكاميرون
رامزي مع ويلز

فابريغاس مستبعد من تشكيلة اسبانيا ونفس الكلام لكارلوس فيلا وكليشي
تقريباً هذا المعلن عنه حتى الان

غريبة ليش ماضموا فابري
  #13893  
قديم 26/05/2011, 07:44 PM
زعيــم متألــق
تاريخ التسجيل: 13/04/2009
المكان: برد الغيآب ..!
مشاركات: 1,017
بالنسبه ارتبآطنا في بنزيمآ ,, تستهبلون انتم تخيل ان فنقر بيدفع 25 على لاعب بطئ

زي بنزيمآ , اخبآر بنزيمآ وفالكـآو عآريه تمآمآ من الصحه البوس يطلع ويقول

لا املك 50 مليون لشرآء لاعبين وانتم تبونه يدفع 30 على لاعب وآحد



عطونآ شي يصدق يآجمآعه , حتى اللاعب الارجنتيني صآر اشآعه تمشي مليون

طلع متحدث بموقع يونق قونرز اللي اسمه جيمي ونفى هالشي وقآل ان فوكس طلعت هالاشآعه الغبيه



ثآنيآ انآ مآنيب مصدق خبر اي لآعب بخط الهجوم حتى اشوفه مسجل هدف ورآيح يفرح





دينلسون - المونيآ - روزسكي - بندر



فقط , يطلعون ونجيب بديلهم حتى لو مبزره بس لاعبين يفيدون الفريق موب متسدحين

طول الموسم واذا لعبوآ مبارتين اصيبوآ , نصري مقتنع انا بتجديد عقده طآلما ان فآبريقآس بالفريق

بالنسبه لكليشي فآنآ اختلف معكم بهالنقطه صحيح اللاعب يرتكب بعض الهفوآت القآتله

لكن احسبها بآي حسبه كليشي يقف بالجهه اليسرى لوحده ومع ذلك يرتكب خطآ او خطئين

في ست مباريات تخيل لو كآن معه قآئد موجه بخط الدفـآع يعني لاعب خبره


وبمطنقة المحور لاعب خبره الاكيد ماراح يرتكب مثل هالاخطـآء البدائية



سبب اخطـآء كليشي هي عدم منآفسة اي لاعب له بهذا المركز , ضعف توجيه خط الدفآع والمحور

يعني اللاعب لا يمكن انك
تقول انه سيء وفيه كذا نآدي كبير مهتمين فيه اضف الى ذلك نحن لم نصل مرحله التي نقول اللاعب لا يعجبنآ ونريد البديل



يعني الخلآصه كليشي ملك الجهه اليسرى بالنسبه لي في حآل وجد قلب دفآع يغطي ورآه

ومحور يسآنده في حآل المرتده ,,





تصريح كآن لويلشر قبل اسبوع يمكن محد انتبه وقرآه كويس , لكن فيه نقطة اجآب فيها

عن سوأل وقآل ( اريد تسجيل وتحضير الاهدآف هذي كآنت مهمتي عندما كنت العب بشبآب )

على خطى سيسك بأذن الله محور لمده ثلآث سنوآت وبعدهـآ تمسك مكآن المآيسترو ..!







نرجع لبو حسن

بالنسبه لنقطتي بخصوص نصري , كآنت في حآل جلب لاعب اخر يشآبه طريقة نصري باللعب

ويكون فردي اكثر منه انه جمآعي وخلني اقول انه جيرمي مينيز

طيب تقدر تقول كم اسيسة لنصري بالدوري فقط ؟ وانا اقولك ليش قلت لك نصري

لانه من اللاعبين اللي تقل خطورته اذا لعب قدآم التكتلآت الدفآعيه فيصبح من ( مصدر خطر) الى ممول

كور طيب يمول كور لمن ؟؟ اذا صرت جآيب مهآجم متخصص بالعرضيآت

وصآحب قآمه زي الشمآخ ولا يوجد شخص متخصص للعرضيآت كيف بتسجل

في حآله تكتل اي فريق يلعب امآمك وارجع لمبارة مانشستر الذهآب

وشف كيف انعزل الشمآخ عن خط الوسط ( مافيه عرضيآت ولا فيه بينيآت ولا فيه

مهآره قآدره على تجآوز ثلآث لاعبين من مآنشستر < احد قآل رييس )

وهذي هي مشكلتنآ امآم الاندية المتكتله وخلتنآ نخسر كثير من نقآط هالموسم

طريقتين فقط لفكفكة التكتل بالعرضيآت وامآ التسديد من خآرج المنطقه وشف كم مره فزنآ

على مانشستر بهذي الطريقتين , نصري يعتبر سوبر ستآر بالفريق ومعك بكل نقطه

لكن تكلمت مآذا لو اصبح الجنآح الاخر تمآمآ كنصري

من الجوله عشرين حتى الان لعب نصري مع فآن برسي تقريبآ 14 مباراة

كم هدف صنعه لبرسي ؟.. وهذآ اللي خلآني افضل هآزآرد فقط ولا غيره للعب بالجهه

المقآبله لسمير بحكم انه اول مآيستلم يلتفت لمنطقة الجزآء ويلعب لك عرضيه بالملي لاعب متكآمل بالفعل

وهو مكمل لخط الهجوم ( عرضيآت + تسديد + مهآره + صنآعه + نجآعه امآم المرمى )

بآختصآر لو صقل لآصبح روبرت بيريس اخر ..!









  #13894  
قديم 26/05/2011, 08:48 PM
أرسنالي مميز
تاريخ التسجيل: 21/05/2010
المكان: الخبر
مشاركات: 1,247
إقتباس
البوس يطلع ويقول لا املك 50 مليون لشرآء لاعبين وانتم تبونه يدفع 30 على لاعب وآحد عطونآ شي يصدق يآجمآعه


فينغر قال لن أصرف 50 مليون على لاعب واحد

إقتباس
في ست مباريات تخيل لو كآن معه قآئد موجه بخط الدفـآع يعني لاعب خبره

وبمطنقة المحور لاعب خبره الاكيد ماراح يرتكب مثل هالاخطـآء البدائية



سبب اخطـآء كليشي هي عدم منآفسة اي لاعب له بهذا المركز , ضعف توجيه خط الدفآع والمحور



قبل امس كنت معارض بجلب محور خبرة وينافس سونغ، والان تطلب محور خبرة وظهير ينافس كليشي اممم احس انك اقتنعت.

+

تويتر فلة

اخر تعديل كان بواسطة » your soul في يوم » 26/05/2011 عند الساعة » 09:10 PM
  #13895  
قديم 26/05/2011, 09:34 PM
زعيــم متألــق
تاريخ التسجيل: 13/04/2009
المكان: برد الغيآب ..!
مشاركات: 1,017
^
من اللي الموجود بالسوق يسوى 50 مليون علشآن فنقر يقول هالكـلآم ؟
مقصد فنقر بـ 50 مليون يعني لاعب او لاعبين يوصلون لمبلغ الخمسين مليون

بعدين فنقر على ايآم الطنآخه مآ شرآ لاعب فوق العشرين يعني اعلى صفقه لنآ كآنت رييس
بـ 17 مليون جنيه استرليني ولآحظ كآنت فترة توهج للفريق , فنقر لو بجيب مهآجم ماراح يدفع اكثر من 15 مليون
وهذي هي عآدته , لكن كلآمه عن الخمسين مليون اتوقع عن قيمة اللاعبين اللي بيحضرون بصيف
واللي عنده نيه يجيبهم ..!



بالنسبه لنقطة الثآنيه بخصوص كليشي اولا انا قلت لك سبب من اسبآب انخفآض مستوآه
ولم اقل اننا نحتآج لاعب ينآفس , ولو بجيب لاعب ينآفس مانيب جآيب وآحد مثل بينز ابجيب وآحد احتيآطي , كليشي ممتآز بالتغطيه لاعب على لاعب لكن اللي ينقصه
هو غيآب القآئد الدفآعي عنه , حتى فيه بعض الاخطآء تلقآه مفهي وكآسر التسلل
وهذآ يرجع لعدم توجيه قلب دفآع شف كم مره فيديتش ينبه ايفرآ ولاحظ اني اتكلم عن ايفرآ صآحب الثلاثين سنه ..!

امآ في مآ يخص خآنة المحور سونق يعتبر لآعب خبره لكن توظيف سونق وين يكون ..؟
وهذآ اللي كنت بقوله لو سونق التزم بالمهآم الدفآعية زي مباراة المآنيو لن تجد على كليشي خطأ وآحد
لو لعبته بنفس مركزه العآم المآضي , ولازلت عند كلآمي هالفتره مانحتآج
لاعب خبره بهالمركز مثل مآحنا محتآجين لاعب يخلص لك المباراة ويكون خطر حقيقي
بالمقدمه , صح سونق اصآبآته كثيره لكن هالسنه سوء الحظ الفريق باصابات خط المحور
هي اللي ادت الى خرق تلك المنطقه اضف الى ذلك توظيف سونق بآكثر من مركز
يعني ديآبي مصآب , فريمبونغ ربآط
كل هالاصآبآت ادت ضعف هالمركز ولا شفنآ كيف كآن اداء فريمبونغ ببطولة الامآرآت

وبعدين حتى لو كآن كليشي يحتآج لاعب خبره بهالمركز هذآ مو معنآته اني اطآلب
ببآركر او لاعب ينآفس سونق , معنآته اني اقولك ان كليشي لا يلآم في بعض الاخطـآء يعني لو توآجد
معه محآور خبره دفآعيه ثآبته مآشفنا منه هالاخطـآء ؟

اخر شي ترآي اتكلم لك بلغة ارسنآل ولم اتكلم بلغة العقل يعني الود ودي يكون محورنآ
بآركر و يآيآ توريه ( تبطي )وفآبري لكن الوآقع يقولك ان سونق كويس ويمشي الحآل
ضعفنآ فقط بخط الدفـآع وعدم وجود بديل للاجنحه ومهآجم يعول عليه قليل الاصآبآت


قفله






ظنكم عنده جودة ونوعية ..؟






  #13896  
قديم 26/05/2011, 10:05 PM
أرسنالي مميز
تاريخ التسجيل: 21/05/2010
المكان: الخبر
مشاركات: 1,247

إقتباس
من اللي الموجود بالسوق يسوى 50 مليون علشآن فنقر يقول هالكـلآم ؟
مقصد فنقر بـ 50 مليون يعني لاعب او لاعبين يوصلون لمبلغ الخمسين مليون



سلامتك أخوي سعد، كلام فينغر أوضح من الشمس في رابعة النهار. قال وبالحرف الواحد "سأدخل السوق وبقوة ولكن لن أقوم بصفقة قيمتها 50 مليون، هذا لن يحدث" صعب أوضح الموضوع أكثر من كذا.


إقتباس
بالنسبه لنقطة الثآنيه بخصوص كليشي اولا انا قلت لك سبب من اسبآب انخفآض مستوآه
ولم اقل اننا نحتآج لاعب ينآفس

طيب، يعني احنا متفقين ان أحد أسباب انخفاض مستوى كليشي هو عدم وجود المنافس. أجل وين الخلاف ؟
اذا لم يجد اللاعب منافس قريب من مستواه، ويخشى من خطف مركزه، فلن يعطي 100% من مستواه.


إقتباس
كليشي ممتآز بالتغطيه لاعب على لاعب لكن اللي ينقصه
هو غيآب القآئد الدفآعي عنه , حتى فيه بعض الاخطآء تلقآه مفهي وكآسر التسلل
وهذآ يرجع لعدم توجيه قلب دفآع شف كم مره فيديتش ينبه ايفرآ ولاحظ اني اتكلم عن ايفرآ صآحب الثلاثين سنه ..!

طيب نرجع ونقول يبي لنا محور له خبرة ويوجه الفريق من الخلف، وسونغ يفتقد هالأمر.

إقتباس
امآ في مآ يخص خآنة المحور سونق يعتبر لآعب خبره لكن توظيف سونق وين يكون ..؟
وهذآ اللي كنت بقوله لو سونق التزم بالمهآم الدفآعية زي مباراة المآنيو لن تجد على كليشي خطأ وآحد

سونغ لاعب خبرة !!! سونغ تطور هذي ما فيها نقاش، لكن خبرة؟ ما أعتقد. كروت ساذجة ياخذها وما لها أي داعي، وعلى سبيل المثال مباراة برشلونة الذهاب بغى ينطرد لولا رحمة الله.
إقتباس
لو لعبته بنفس مركزه العآم المآضي , ولازلت عند كلآمي هالفتره مانحتآج
لاعب خبره بهالمركز مثل مآحنا محتآجين لاعب يخلص لك المباراة ويكون خطر حقيقي
بالمقدمه ,

اسمح لي أقول انك هنا تناقض نفسك، يعني مرة تقول كليشي يحتاج للاعب خبرة يوجهه، ومرة تقول ما نحتاج لاعب خبرة بها المركز!!

إقتباس
صح سونق اصآبآته كثيره لكن هالسنه سوء الحظ الفريق باصابات خط المحور
هي اللي ادت الى خرق تلك المنطقه اضف الى ذلك توظيف سونق بآكثر من مركز
يعني ديآبي مصآب , فريمبونغ ربآط
كل هالاصآبآت ادت ضعف هالمركز ولا شفنآ كيف كآن اداء فريمبونغ ببطولة الامآرآت

فريمبونغ!! الموهبة ميب كل شيء وأنت أفهم مني بها الشي. ثانياً فريمبونغ الى الآن ما أثبت لنا أي شيء بتاتاً، ولا يعقل أن نحمل الطفل فوق طاقته زي ما سوينا مع الي سبقوه، وأضف إلى ذلك أن ديابي ليس محور دفاعي بل لاعب خط وسط وكثير اصابات. الشي الي يرجعني أقول أننا نحتاج للاعب محور خبرة يساعد الفريق مثل باركر وفان بوميل وعلى هالشاكلة.

إقتباس
وبعدين حتى لو كآن كليشي يحتآج لاعب خبره بهالمركز هذآ مو معنآته اني اطآلب
ببآركر او لاعب ينآفس سونق , معنآته اني اقولك ان كليشي لا يلآم في بعض الاخطـآء يعني لو توآجد
معه محآور خبره دفآعيه ثآبته مآشفنا منه هالاخطـآء ؟

أنا أتفق معك ان سونغ يتقدم لكن خف كثيييييير عن بداية الموسم، وهالشي آذى الدفاع ككل مو بس كليشي.
  #13897  
قديم 26/05/2011, 11:00 PM
زعيــم متألــق
تاريخ التسجيل: 13/04/2009
المكان: برد الغيآب ..!
مشاركات: 1,017
^
اخيرآ لقيت وآحد اتهآوش معه
إقتباس
لكن لن أقوم بصفقة قيمتها 50 مليون، هذا لن يحدث" صعب أ
وضح الموضوع أكثر من كذا.

إقتباس
يقال ان الشايب مصرح بعد المباراة بعد ما شكر جمهور الاوي قال انه ما يقدر يصرف 50 مليون على لاعبين وهذي حقيقة ..



نفس نص الخبر قريته بآحد الموآقع وهو مشآبه لترجمة ابوعلي : وهذآ اللي مثبت على لسآن فنقر .. خآصه يوم قآل هذي حقيقه
صح طلعت تصآريح كلها تقول ان فنقر بيكون نشط في الانتقآلآت طيب بالعقل يآعبود
على ايآم الطنآخه مآجبنآ لاعب تعدى العشرين تبينآ بعز التقشف نجيب لاعب بثلاثين مليون
ادري ان فنقر قال هالكلآم لكن لاعب وآحد سعره ثلاثين مليون صعب مرره على احوآلنا ..!
قدوم بنزيمآ صعب وهو يلعب اسآسي ومسجل فوق 15 هدف زود على كذآ اللاعب اليوم مصور بطقم
السنه الجآيه يعني اذا بتآخذه ماراح يقل المبلغ عن 25 مليون

إقتباس
اسمح لي أقول انك هنا تناقض نفسك، يعني مرة تقول كليشي يحتاج للاعب خبرة يوجهه، ومرة تقول ما نحتاج لاعب خبرة بها المركز!!

المحور يوجه الظهير كدور اساسي لا , اللي يوجه الظهير قلبي الدفآع بشكل كبير
يعني لمآ يكون عندنآ وآحد زي فيرمآلين وآخر نفس مستوآه ظنك مآيقدرون يوجهونه
قآرن مستوى كليشي مع فيرمآلين او حتى توريه بالتغطيه ..!

اضآفه
نقطه اخيره < جآي عقب صلآة الفجر


حتى لمآ قلت لك اننا مانحتآج لاعب خبره (قلت بالفتره هذي ) وشكلك مآشفتها ارجع ص12 < الرد اللي فوق وهالنقطه هي اللي اكتشفت منها اتنآقض

انا قلت بالفتره هذي لاني ادري ان فيه كذا مركز بالفريق له اولويه على هالمركز ..!

علشآن اقفل هالبآب : لما شرحت لك بالبدآيه ان كليشي لاعب يجي منه بحكم انه يلعب بلا خط منتصف ايسر يعني يتحمل لاعب الجنآح الخصم
ويتحمل ايضا الظهير , كنت ابقولك مآذا لو توآجد لاعبين خبره بالفريق
وقل خط الدفاعي مع المحور ظنك مستواه بيصير هو هو .. وخلك من اللي احتاجه انآ لأني لو بقولك وش احتآج انا او يحتآج غيري من اللي هنآ بنتعب ..!


يعني ظنك بينز بيكون افضل من كليشي وهو يلعب بلا وسط ايسر يسآنده

اتذكر شفت مباراة لايفرتون هالموسم مدري كآنت مع ويجآن الظآهر الخآل حق ويجآن
سدح ببينز تسديح وخلاه يعض الارض وكآنت كل هجمآت ويجآن من جهته
يعني ماذا لو لعب بينز بدون وسط ايسر او دفآع زي سكلآتشي

نقطة خلآفنا ذآك اليوم يوم نقول وش متطلبات الفريق قلت لك ان سونق يمشي
ومآيحتآج اننا نتعآقد مع باركر وندفع مبلغ وقدره , وكنت اقولك الولويه لاحتياجات الفريق
بعدين شف وش نقطة الضعف وهذي مالها دخل باللي يحتآجه كليشي لان هذيك وجهة
نظري بالاولويات , وهذي وجهة نظري بمستوى كليشي عموما ..!

يعني لما قلت كليشي يحتآج لاعبين خبره , تختلف تماما لما اقول مانبي لاعب خبره
بهالمركز بهالوقت تحديدا اللي نعيش بتقشف رهيب ومحتآجين كذا لاعب بكذا مركز ..!







إقتباس

سونغ لاعب خبرة !!! سونغ تطور هذي ما فيها نقاش، لكن خبرة؟ ما أعتقد. كروت ساذجة ياخذها وما لها أي داعي، وعلى سبيل المثال مباراة برشلونة الذهاب بغى ينطرد لولا رحمة الله.

ماشفت بآركر انت باركر معروف انه جزآر وبغى ينهي مسيرة جو كول لولا لطف الله
يعني مركز المحور عندنا اكيد بيكون رآعي كروت اذا علمنا ان خط الدفآع يقف دور المتفرج في بعض المرتدآت
فييرآ اسطورتنآ كآن رآعي كروت حمر وصفر بسبة الخشونه هل نقول انه قلة خبره
لا مركزه وموقعه وحيدا بالمحوريه يحتم عليه انه يآخذ كروت , بآركر على ايآم نيوكآسل مافيه الا قوة كروت والسبب خطة نيوكآسل اللي تعتمد عليه

إقتباس
فريمبونغ!! الموهبة ميب كل شيء وأنت أفهم مني بها الشي. ثانياً فريمبونغ الى الآن ما أثبت لنا أي شيء بتاتاً،


فريمبونغ يتمتع ببنيه جسمانيه رهيبه ومستوآه كان مقارب لبعض اللاعبين
من كآن يتوقع ان ويلشر بيكون نجم الموسم .. ومن كآن يتوقع ان سونق عآهة العاهات
بيكون مستلم المحوريه يعني لما يلعب فريمبونغ اخر الدقايق لتغطيه ظنك موب متحمل
الحين ملعبين رامزي وويلشر وغيرهم من هالمبزره واثبتوآ انفسهم جت على فريمي
خآصه ان منطقة المحور تحتآج للاعب بنيته قويه ومنآسبه
يعني مهيب مثل منطقة الهجوم تحتآج لتمرس اكثر ويكون اللاعب نآضج
زد على هذا كله ان فريمي يستلم ويسلم صح ..!

اما في ماثبت لنا , انا تكلمت لك عن السنه هذي اللي افتقدنا فيها لمركز المحوريه
بغياب سونق , وقلت لك في نقاشنا السابق خروج دينلسون يحتمل امرين

يآ ان فريمبونغ جآهز للمشآركه او ان فنقر بيشتري لاعب بالنسبه لي لو باركر
جآء بمبلغ بسيط فانا مع هالصفقه , لكن لو قآلوآ 14 او 15 مليون فاشوف انها صعبه

وارد اكرر لك باركر وبينس نجوم لكن احوآل الفريق ماتسآعد انك تغربل كل المرآكز

وسآمحني على لخبطة الافكـآر ان وجدت ترآني كآتب على عجآله



اخر تعديل كان بواسطة » جنرِآَل آَلـرِيآَض في يوم » 27/05/2011 عند الساعة » 05:08 AM
  #13898  
قديم 26/05/2011, 11:44 PM
الصورة الرمزية الخاصة بـ بــاتــو 7 مــيــلان
زعيــم نشيــط
تاريخ التسجيل: 21/07/2008
مشاركات: 859








آهلاً وسهلا بكل عشاق الكرة العالمية

آهلاً وسهلاً بكل عشاق الكالتشيو

آهلاً وسهلاً بكل عشاق الروسونيري





شرفونا
  #13899  
قديم 27/05/2011, 01:32 AM
الصورة الرمزية الخاصة بـ Arsenal
نائب رئيس رابطة الارسنال
تاريخ التسجيل: 12/09/2007
المكان: يا حلالات من راح لـ استاد الامارات
مشاركات: 11,113
.
فيه أخبار ربطتنا بـ ستيوارت داونينغ خاصه بعد رفضه للتجديد مع أستون فيلا

اللعب امنيه بالنسبه لي و أحلى بيعه لـ أرشافين
و روزيسكي

يملك السرعه و المهاره و التسديد و الكور الثابته ( أيسر )
.. يلعب جناح و وسط يمين و يسار و تحت المهاجم



ان شاء الله يجينا
.. اذا فنغر بيطلع روزيسكي و دينيلسون و أرشافين .. أتمنى يجيب داونينغ و باركر و فالكاو < يحلمون

جنرال سعد مبروك الفوز
.
  #13900  
قديم 27/05/2011, 02:07 AM
الصورة الرمزية الخاصة بـ ARSENAL- FC
محرر اخبار رابطة ارسنال
تاريخ التسجيل: 18/06/2010
المكان: أبو ALi << سابقاً
مشاركات: 1,117
إقتباس
الرسالة الأصلية كتبت بواسطة عشق رادوي 511
غريبة ليش ماضموا فابري

احسن ليتهم ما ياخذونه ابد
لكن للاسف الاستبعاد بسبب الاصابة
فابريغاس مالعب آخر 3 مباريات مع الفريق وما ادري اذا انهى البرنامج العلاجي او لا
  #13901  
قديم 27/05/2011, 06:21 AM
الصورة الرمزية الخاصة بـ a_m_t
زعيــم فعــال
تاريخ التسجيل: 21/01/2008
المكان: Saudi Arabia
مشاركات: 331
.



إقتباس
الرسالة الأصلية كتبت بواسطة ARSENAL- FC


هالسلق بغرفه التغيير بمقر التدريب
ما ادري وش المقصد من هالحركة



أقسم بالله قلة حيا !!

العام لبسوه الفنيلة باحتفال المنتخب بكأس العالم بمدريد !! يعني بحفل مباشر و امام العالم كله بدون أدنى إحترام لكيان أو جماهير الأرسنال !!

و الحين يتميلحون بهالشكل !!
النادي المفروض ما يسكت على قلة الحيا ذي !!
يقالهم يمزحون معه و انه صديقنا و مهب منتقل لاحد غيرنا - خصوصاً مع الكلام الي يقال عن اهتمام قطبي ميلان او مدريد به - !!


.
  #13902  
قديم 27/05/2011, 06:29 AM
الصورة الرمزية الخاصة بـ Madridi
مشرف سابق في منتدى الرياضة العالمية
تاريخ التسجيل: 05/04/2006
المكان: رابطة ريال مدريد
مشاركات: 14,319


قدامي انت واياه

http://vb.alhilal.com/t1019899.html
  #13903  
قديم 27/05/2011, 08:09 AM
أرسنالي مميز
تاريخ التسجيل: 21/05/2010
المكان: الخبر
مشاركات: 1,247

إقتباس
نفس نص الخبر قريته بآحد الموآقع وهو مشآبه لترجمة ابوعلي : وهذآ اللي مثبت على لسآن فنقر .. خآصه يوم قآل هذي حقيقه







جبت لك الفيديو بكبره، يقول

we will not buy players for 50 millions. this is a fact!


لن نشتري لاعبين بقيمة 50 مليون. هذه حقيقة. << معنى كلامه الي فهمته وفهمه المدونين الانجليز وراعين تويتر انه ما راح يحط 50 مليون في لاعب واحد، اذا العكس فراح يقول

we will not spend 50 millions. we can not afford that. this is a fact!

إقتباس
طيب بالعقل يآعبود على ايآم الطنآخه مآجبنآ لاعب تعدى العشرين تبينآ بعز التقشف نجيب لاعب بثلاثين مليون
ادري ان فنقر قال هالكلآم لكن لاعب وآحد سعره ثلاثين مليون صعب مرره على احوآلنا ..!
قدوم بنزيمآ صعب وهو يلعب اسآسي ومسجل فوق 15 هدف زود على كذآ اللاعب اليوم مصور بطقم
السنه الجآيه يعني اذا بتآخذه ماراح يقل المبلغ عن 25 مليون

وين التقشف يا سعد؟ ان الادارة توفر له اخر سنتين 40 مليون جنيه يعني فوق الـ 50 مليون يورو ولا يصرف منها؟ ولا تقول لي الادارة ما سوت الشي هذا المرة الي طافت جبت لك المصادر. وببيع بندتنر ودينيلسون وغيرهم زي روزيسكي واحتمال ارشافين، والاخبار تقول بيعلن النادي قريباً عن شراكة دعائية قريباً.

ومن ناحية مصور بالطقم فما هو مانع بتاتاً. يعني صعبة يقول الريال يا جماعة الخير لا تفشلوننا تكفون الرجال مصورينه بالطقم الجديد ما لها داعي، وقبل كل شي من الي قال لك انه صور بالطقم الجديد ؟ الطقم الى الان ما طلع!!

إقتباس
المحور يوجه الظهير كدور اساسي لا , اللي يوجه الظهير قلبي الدفآع بشكل كبير
يعني لمآ يكون عندنآ وآحد زي فيرمآلين وآخر نفس مستوآه ظنك مآيقدرون يوجهونه
قآرن مستوى كليشي مع فيرمآلين او حتى توريه بالتغطيه ..!



أكيد قلبي الدفاع لهم الدور الأكبر، ما عندي شك. بس المحور قريب من الدفاع وعليه واجب التوجيه زي غيره. ولو تذكر فسبق وقلت نبي محور خبير يوجه كامل الفريق مو كليشي بس طال عمرك. يعني لما نتقدم بهدف أو هدفين وتشوف الفريق مدرعم هجوم وفاتح ملعبه، هنا يجي دور لاعبي الوسط وعلى رأسهم المحور بقتل اللعب. وهذي النقطة الرئيسية عانينا منها الأمرين هالموسم، أصعب شيء تراهن عليه ان الارسنال يحافظ على النتيجة، والسبة كشف الوسط للدفاع والتسبب بمرتدات تجي منها الأهداف.


إقتباس
حتى لمآ قلت لك اننا مانحتآج لاعب خبره (قلت بالفتره هذي ) وشكلك مآشفتها ارجع ص12 < الرد اللي فوق وهالنقطه هي اللي اكتشفت منها اتنآقض

انا قلت بالفتره هذي لاني ادري ان فيه كذا مركز بالفريق له اولويه على هالمركز ..!


علشآن اقفل هالبآب : لما شرحت لك بالبدآيه ان كليشي لاعب يجي منه بحكم انه يلعب بلا خط منتصف ايسر يعني يتحمل لاعب الجنآح الخصم
ويتحمل ايضا الظهير , كنت ابقولك مآذا لو توآجد لاعبين خبره بالفريق
وقل خط الدفاعي مع المحور ظنك مستواه بيصير هو هو .. وخلك من اللي احتاجه انآ لأني لو بقولك وش احتآج انا او يحتآج غيري من اللي هنآ بنتعب ..!


يعني ظنك بينز بيكون افضل من كليشي وهو يلعب بلا وسط ايسر يسآنده

اتذكر شفت مباراة لايفرتون هالموسم مدري كآنت مع ويجآن الظآهر الخآل حق ويجآن
سدح ببينز تسديح وخلاه يعض الارض وكآنت كل هجمآت ويجآن من جهته
يعني ماذا لو لعب بينز بدون وسط ايسر او دفآع زي سكلآتشي

نقطة خلآفنا ذآك اليوم يوم نقول وش متطلبات الفريق قلت لك ان سونق يمشي
ومآيحتآج اننا نتعآقد مع باركر وندفع مبلغ وقدره , وكنت اقولك الولويه لاحتياجات الفريق
بعدين شف وش نقطة الضعف وهذي مالها دخل باللي يحتآجه كليشي لان هذيك وجهة
نظري بالاولويات , وهذي وجهة نظري بمستوى كليشي عموما ..!

يعني لما قلت كليشي يحتآج لاعبين خبره , تختلف تماما لما اقول مانبي لاعب خبره
بهالمركز بهالوقت تحديدا اللي نعيش بتقشف رهيب ومحتآجين كذا لاعب بكذا مركز ..!



أنا معاك ان ارشافين كان ما يساند كليشي دفاعياً، ويوم صار نصري بالجهة اليسرى تحسن بشكل كبير جداً، وأن بينز لو كان محل كليشي بيعاني. لكن لو بينز مكان كليشي ما تعتقد انه بيلعن خير الروسي ويتفل بوجهه ويقول: تعال هنا و ساعدني بالتغطية لعن الله آبو من انت روسيه !!!! هنا تجي الروح والخبرة، موب يسكت، ونقز ببالي حركة تشيفو مع بينيتيز بالانتر يوم سدحوا تشيفو بجهته وراح وسط المباراة يتفل على بينيتيز ويقول عزز منطقتي يا ابن *****.

آخر قطعتين، اعذرني والله ما قدرت أفهمها، يا ليت تبسطها لي.




إقتباس
ماشفت بآركر انت باركر معروف انه جزآر وبغى ينهي مسيرة جو كول لولا لطف الله
يعني مركز المحور عندنا اكيد بيكون رآعي كروت اذا علمنا ان خط الدفآع يقف دور المتفرج في بعض المرتدآت
فييرآ اسطورتنآ كآن رآعي كروت حمر وصفر بسبة الخشونه هل نقول انه قلة خبره
لا مركزه وموقعه وحيدا بالمحوريه يحتم عليه انه يآخذ كروت , بآركر على ايآم نيوكآسل مافيه الا قوة كروت والسبب خطة نيوكآسل اللي تعتمد عليه

أن أقبل بها العيب لو بيضيف هاللاعب الي فقدناه مع فييرا، وهي قيادة الفريق وقت الأزمات. وتكفى طلبتك لا تقول لي سونغ بيقود الفريق وقت الأزمة.


إقتباس
فريمبونغ يتمتع ببنيه جسمانيه رهيبه ومستوآه كان مقارب لبعض اللاعبين
من كآن يتوقع ان ويلشر بيكون نجم الموسم .. ومن كآن يتوقع ان سونق عآهة العاهات
بيكون مستلم المحوريه يعني لما يلعب فريمبونغ اخر الدقايق لتغطيه ظنك موب متحمل
الحين ملعبين رامزي وويلشر وغيرهم من هالمبزره واثبتوآ انفسهم جت على فريمي
خآصه ان منطقة المحور تحتآج للاعب بنيته قويه ومنآسبه
يعني مهيب مثل منطقة الهجوم تحتآج لتمرس اكثر ويكون اللاعب نآضج
زد على هذا كله ان فريمي يستلم ويسلم صح ..!

اما في ماثبت لنا , انا تكلمت لك عن السنه هذي اللي افتقدنا فيها لمركز المحوريه
بغياب سونق , وقلت لك في نقاشنا السابق خروج دينلسون يحتمل امرين

يآ ان فريمبونغ جآهز للمشآركه او ان فنقر بيشتري لاعب بالنسبه لي لو باركر
جآء بمبلغ بسيط فانا مع هالصفقه , لكن لو قآلوآ 14 او 15 مليون فاشوف انها صعبه

هذي المشكلة الي حولها أدندن، أنت تتوقعه ويلشير جديد، ويلشير استثنائي شخصية استثنائية بقياديته وروح المنافسة القوية ، هذا لاعب ما يجيك الا في الثلاثين سنة مرة. يعني عام 87 طلع آدامز والحين جاك !!

و صعبة صعبة نراهن بمركز مهم ممكن يقلب المباراة بلاعب صغير وما عنده خبرة أبد، يعني ويلشير أعرناه لبولتون وأثبت أنه يستحق الفرصة مو ضمان الفرصة حتى. فريمبونغ من وجهة نظري المتواضعة يبي له صبر.



إقتباس
وارد اكرر لك باركر وبينس نجوم لكن احوآل الفريق ماتسآعد انك تغربل كل المرآكز

أحوال الفريق المادية تساعد لكن الآن وفقط الآن، اقتنع فينغر بأن بعض اللاعبين خذلوه وأن مشروعه فشل جزئياً وسيرممه هذا الصيف.

إقتباس
وسآمحني على لخبطة الافكـآر ان وجدت ترآني كآتب على عجآله

أنا أكثر


  #13904  
قديم 27/05/2011, 10:19 AM
أرسنالي مميز
تاريخ التسجيل: 21/05/2010
المكان: الخبر
مشاركات: 1,247
فينغر يطبخ صفقة ثنائي ليل



ارسين فينجر يقترب من التوقيع مع النجم البلجيكي إيدن هازارد ومن الممكن أن يعقد صفقة مع لاعب آخر من ليل كذلك.

مدرب ارسنال فينغر أبقى أيضا الاهتمام بجيرفينهو مهاجم ساحل العاج وليل ، الذي يقول انه سيقرر مستقبله في وقت لاحق في الصيف.

فينغر يحاول بشق للتغلب على المنافسة من ليفربول وتوتنهام للحصول على الجناح هازارد .

يمكن لهازارد، 20 عاما ، اختيار ناديه هذا الصيف ولكن ارسنال يعتقدون أنهم يستطيعون سحبه بصفقة بنحو 12 مليون جنيه استرليني .


ارسنال يريد أيضاً مهاجم. وجيرفينهو (23 عاما) يقول انه سيعلن قراره بشأن ما إذا كان سيبقى في ليل أو ينتقل الشهر المقبل.

"بعد المباراة الاخيرة والمباراة مع ساحل العاج ، فسوف أذهب لقضاء العطة" قال جيرفينهو.
"لقد اتخذت قراري فعلاً. الجميع سيعرف في وقت لاحق ، وهو اختيار شخصي."

وتابع "المدرب يريد مني البقاء. النادي سيلعب في دوري ابطال اوروبا وقال انه يريد أن يلعب معي ، أريد أن ألعب أيضاً ، إذا كان لدي مثل هذه الفرصة."

واضاف "لكن يمكنني اللعب في ليل أو في مكان آخر ، ذلك ليس مشكلة".

"لقد أجرينا محادثات عدة ونحن نعرف ما قلنا لبعضنا. لا تزال هناك بضعة أيام لاجراء محادثات قبل العطلة."


  #13905  
قديم 27/05/2011, 10:21 AM
أرسنالي مميز
تاريخ التسجيل: 21/05/2010
المكان: الخبر
مشاركات: 1,247
إقتباس
الرسالة الأصلية كتبت بواسطة your soul

يمكن لهازارد، 20 عاما ، اختيار ناديه هذا الصيف ولكن ارسنال يعتقدون أنهم يستطيعون سحبه بصفقة بنحو 12 مليون جنيه استرليني .

12 مليون !!! قوية يبو كروس.
بس من يدري، قبل كم يوم كان جون في النادي مشارك في برنامج منتدى الارسنال على الهواء، يمكن صاد الخبرية هناك! الله أعلم.
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:24 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube