04/08/2010, 01:59 PM
|
زعيــم جديــد | | تاريخ التسجيل: 23/07/2010 المكان: Royal Commission Yanbu
مشاركات: 33
| |
نقاط كثيره مثيره للنقاش طرحت هنا, سواء نقطة الجماهير والالترا من سليم
أو مقابلة مورينهو اللي فيها كل مالذ وطاب من التصاريح القيمه وايضا بالنسبه لمباراة مبكره
والترقيعات اللي راح يسويها مورينهو لـ بعض الخطوط للـ الكثره العدديه اللاعبين اللي يملكهم حاليا
لكن حبه حبه, ونخللي الكلام الكثير للأخير
مقابلة مورينهو
المقابله تبين لنا اشياء كثيره عن فكر مورينهو اللي راح يتبعه مع الفريق ورأيه في مواضيع عديده
في مقابلات سابقه كثيره لـ مورينهو من يوم اتى للريال, لكن عن نفسي ماشفت شيء مثير غير القليل جدا
ما أدري هل الصحفي ماعرف يسأل الاسئله الحلوه, أو مورينهو كان وقتها خجول وهو شيء مستبعد تماما
لكن هالصحفي عرف كيف يجعل مورينهو يتكلم في المفيد, ويبدي رأيه في اشياء كنت شخصيا ادور جواب لها.
مثلا | إقتباس | | | | | | | | | أريد هذا الضغط لكن بطريقةٍ موضوعيـَّـة غير خياليـّـة ، يمكنه التحسـُّن فقط إذا الفريق تحسـَّـن ، هذه الطريقة الوحيدة لحلِّ المسألة ، في الموسم الماضي قام الفريق على أكتافه في مناسباتٍ عديدة ، إذا الخصم في المباراة قام بعمل استراتيجيةٍ جيدة لإيقافه أو لم يظهر في المباراة جيداً لسببٍ أو لآخر يعاني الفريق ، هذا سيء للاعب لكن جيد جدا للعبرة ، الفريق يحتاجه لكن لا يمكن الإعتماد عليه وَ هو يعمل للفريق وَ ليس وحيداً. | | | | | | ركزوا على اللي تحته خط في السطر الاول, مورينهو عارف ان رونالدو من النوع اللي تقدر تبني عليه فريقك
وتعتمد عليه كثيرا, وعارف نوعية رونالدو اللي يقدر يحول الضغط المسلط عليه الى نقطة قوه في صالحه
ويكون في أفضل شكل تحت الضغط. لكن عارف في نفس الوقت ان رونالدو انسان وراح يكون بعض الاحيان خارج الفورمه بالتالي الفريق راح يكون خارج الفورمه مثل ماصار في بعض مباريات الموسم الماضي.
موضوعيه غير خياليه!
تتذكرون تصريح مورينهو انه راح يحاول يجعل رونالدو كـ السمكه في الماء؟
وطبعا اللي يقصده انه راح يوفر له كل شي عشان يكون مرتاح تماما و نشوف رونالدو never seen before
هذه الموضوعيه, يحب يضع رونالدو في الواجهه عشان نشوف منه الافضل, لكن في نفس الوقت ماراح يغامر
وراح يدرب الفريق ان رونالدو مو كل شي, وحتى لو غاب رونالدو او كان مو في يومه, يكون وراه فريق يشيل نفسه
ويساعد حتى رونالدو, مثل ماقال مورينهو رونالدو راح يكون ممتاز اذا كان الفريق ممتاز, وقتها رونالدو راح يكون
قادر انه يشيل الفريق "الممتاز اصلا" على اكتافه, وفي حالة رونالدو كان سيء, الفريق راح يشيل رونالدو على اكتافه.
وهذه النقطه لو نجح مورينهو في تنفذيها ماراح نعاني كثيرا في المباريات الصعبه نفسيا واللي يكون فيها احد
اللاعبين المهمين مصاب او مو في يومه. وحتى لو الفريق كان سيء لكنه راح يكسب اللقاء وهذه من اهم
المميزات المطلوبه للفريق البطل. | إقتباس | | | | | | | | | أملك كلمة وحيدة لتعريفه: كريستيانو لاعبٌ خارق. | | | | | |
مورينهو من زمان وهو قاعد يكبر راس رونالدو ويعطيه من الكلمات اللي بصراحه "شيء عادي" بالنسبه
للاعب مثل رونالدو, لكن انها تأتي من مدرب كـ مورينهو غير عن لما تأتي من مدرب اخر!
وحتى الكلمات العاديه تؤثر على اكبر اللاعبين لما تطلع من مدربين كبار ولهم هيبتهم
وهذا بالضبط اقدر اسميه "البنزين" حق رونالدو... تصحيح , "الكيروسين" حق رونالدو
اقعد ابلف في الولد الين ماينفجر مع بداية الموسم ويعطيك مستوى ماشفته بحياتك يا مورينهو "زاهر هيا افهم هالكلمه" | إقتباس | | | | | | | | |
ستأخذ الألقاب من السنة الثانية أو تريد أخذها من الآن ؟ عادة أقول بأنَّ السنة الثانية هي النضج .... | | | | | | | إقتباس | | | | | | | | |
هل من الممكن أن تمرَّ سنة بدون تحقيق على الأقلّ لقب ؟ هذا مستوى مرتفع قليلاً .. لقب واحد لا ، على الأقلّ اثنين ... | | | | | | ممكن الواحد يقول ان فيه تناقض في اجابتي مورينهو
مره يقول السنه الثانيه هيا سنة البطولات, ومره يقول من السنه الاولى احقق اقل شيء بطولتين!
تناقض لغوي....ممكن
لكن الفكره والمحتوى اللي يقصده المدرب شيء جدا جميل, وحافز رائع يكون لدى مدربك وفريقك.
دائما نقول مع السنه الثانيه راح يكون الفريق متشبع تكتيكيا وحافظ و عارف كل مايريده المدرب
لكن هذا مايمنع اننا نحقق بطوله او اثنين في الموسم الاول, والحافز هذا مهم للفريق عشان يشتغل صح
ويحط هدف له على الاقل ولا يكون هدفه فقط اتقان مايريده المدرب مع نهاية السنه الاولى!
كذا ماراح نوصل مكان ولا راح نتقدم ابدا.
وضع الحافز مهم, لكن في المقابل معرفة ان الفريق يحتاج وقت عشان يتقن تماما مايريده المدرب منه
مو بس مورينهو, كنا نقدر نتفادى اخطاء عديده فقط لو ابقينا مثلا على كابيلو لـ موسم اخر او غيره.
لكن من مره ثانيه اقرا التصريح, احس ان مورينهو وضع له شبكة امان او مبرر اذا لاسمح الله فشل في تحقيق اي شيء
في الموسم الاول, وهذا يناقض اللي قاله من قبل انه مايحب يضع اعذار وتبريرات.
نجي للأكثر اهميه والسؤال اللي كنت ادور اجابه عليه من زماااااان
يعطيه العافيه الصحفي, عرف كيف يسأل السؤال صح | إقتباس | | | | | | | | | في الأساس الهدف الدائم هو أننا نريد توحيد أسلوب لعبنا وفق خصائص اللاعبين ، لكلِّ فردٍ فلسفته لكن المدرب الأفضل هو الشخص الذي ينسجم مع القطع المتوفــِّـرة لديه ، ريال مدريد مع اللاعبين الذين يملكهم سيقدِّم بالضرورة فريقاً يلعب كرة هجومية جيدة ، لهذه الأمور نحتاج للعمل كفريق ، هذا كان دائماً سمة فرقي. | | | | | | وهذا اللي توقعته
مورينهو يعمل باللي عنده من لاعبين او خلينا نقول عناصر.
مع بورتو عناصره كانت تساعده في المرتدات السريعه نرا للاعبين السريعين اللي يمتلكهم ودفاعه القوي.
مع تشيلسي لقى ان عناصر الفريق قادره انها تطبق لعب انجليزي محكم, هجمات مرتده واللعب الطويل والتسديد من بعيد.
مع الانتر طبيعي دامك تملك صامويل وماتيرازي وتشيفو وكوردوبا ومايكون راح تبدأ تفكر دفاعي
زود عليهم كم عنصر سريع في الوسط والهجوم عشان يساعدوك في المرتدات وانتهى!
يعني المدرب ماله تكتيك معين على عكس باقي المدربين, يتشكل بحسب البيئه اللي هو فيها وبحسب مايملكه من لاعبين.
الوضع الان نفسه, عندك مجموعة عناصر هجوميه, طبيعي جدا راح تبدأ تفكر في التكتيك الهجومي اللي راح تتبعه
واللي راح يكون سلاحك الاقوى, لأنه من غير المعقول عندك هـ الكومه من اللاعبين الهجوميين وتبدأ تفكر لعب دفاعي مقفل وهجمات مرتده!
كأنه عندك فراري وتحاول تستعملها استعمال Hummer او جيب!!
عندك فراري يامورينهو, ادعس ياحبيبي ادعس
عـ السريع لأني طولت في هالنقطه
- نقطة ليون و دي ماريا تخلينا نعرف ان مورينهو ناوي يلعب اكثر على الاطراف. اجري, عدي بعدين ارفع
هذا اللي يبغاه من الاثنين هذولا وهذا السبب انه طلبهم لأن الفريق مايملك لاعبين مثل هالنوعيه
وماكان فيه لاعب من هذه النوعيه من ايام فيجو وبيكهام فقط!
- قدوم خضيره بحسب ماقاله مورينهو هو اعطاء وزن اكبر للقوه البدنيه في الوسط, وهو شيء مهم اذا كان ناوي
الفريق يحافظ على كورته اكثر ويربح معركة الوسط امام اقوى الفرق في اوروبا. مع الشكر El Blanco_7 على الترجمه
سليم
من الفتره اللي منع فيها بيريز الالترا من دخول الملعب وانا ماكنت احس بالبيرنابو وهيبته القويه في ارعاب الخصوم
الالترا كانوا من اقوى الاسلحه خصوصا في الشامبيونز, اتذكر مباراة البايرن والرعب اللي كان على وجوههم
لما دخلوا البيرنابو, تحس النازيين دخلوا حصار اسباني , رعب رعب بشكل غير طبيعي
ولو شفت مستواهم في الذهاب والاياب راح تقول انه مو نفس الفريق اطلاقا!
المباراه الوحيده اللي الموسم الماضي اللي ذكرتني بتلك المباراه هيا مباراة ليون في البيرنابو "الشوط الاول"
الالترا قدرو يدخلوا في عقول الفرنسيين واخرجوهم خارج المباراه قبل بدايتها!
وفي نفس الوقت الريال استعمل هذا في صالحه, وشفنا كيف المستوى كان الشوط الاول واللعب الرهيب اللي صار.
الالترا سلاح جدا مهم وشيء جدا جميل ارجاعهم من قبل بيريز الموسم الماضي, لأنه هذه الفئه ولو عنصريتها
لكنها تقف مع الفريق وتستمر بالتشجيع مهما كانت النتيجه ومهما كانت نتيجة المباراه السابقه للريال
الالترا اول من يبدأ التشجيع واخر من يوقفه في الملعب.
وبعيدا عن تشجيعهم وكل هذا فـ هم كرهو الشياب والعوائل في الحضور للملعب وهذا يمكن السبب اللي تقول عنه
في قلة الحضور من الجماهي رعلى عكس اخر المواسم, الله يهديك يا سليم خليتها عزوف مره وحده
العوائل والشيبان اللي كانوا يحضروا المباراه وفي يدهم البوب كورن والتويكس وi-pod! و مانسمع صوت منهم
الا وقت الهدف, وليته صوت حتى ! تصفيق وانتهينا وكأننا في مسرح وامامهم المايسترو والآلآت الموسيقيه الكلاسيكيه!
وقتها كان كل من هب ودب يسجل وياخذ نقطه او نقاط من ملعبنا! الملعب فقد هيبته ورهبته في الفرق الاخرى!
لكن الموسم الماضي ومع حضور الالترا شفنا كيف الفريق يقدم مستوى في البيرنابو وكيف الفرق الثانيه
ترتعب عندما يعلو صوت الالترا! مثل ماقلت سلاح جدا قوي ولا يمكن باي شكل من الاشكال يكون سلبي على الفريق!
بصراحه لا أتذكر السبب اللي جعل من بيريز يمنعهم من الدخول سابقا
لكن اللي متأكد منه انه القصه قصة اموال نظرا للوضع المالي الصعب اللي كان فيه الريال وقتها
وفعل كل شيء ممكن عشان يساعد على نمو الفريق اقتصاديا. والان مافيه اي عذر لـ منعهم!
نقطه اخيره
اسعار التذاكر مالها دخل في حضور الجماهير, انت قلتها بنفسك نفس اسعار تذاكر الكامب نو,
زيادة اسعارها شيء طبيعي جدا لأنك راح تدخل وراح تشوف لاعب بقيمة 94 مليون ولاعب اخر بقيمة 60 وهكذا.
نادي بحجم ريال مدريد وبالقاعده الجماهيريه الضخمه في انحاء العالم لايمكن باي شكل من الاشكال يصير فيه
عزوف جماهيري عن الحضور بسبب او بـ اخر, مررنا في اخر المواسم بـ أسوء فتره في تاريخ النادي
لكن مازالت الجماهير تحضر حتى وان كانت سـ تشاهد راؤول برافو وغرافسين!!
لك
مباراة بكره راح يحصل فيها ترقيع مو طبيعي للمراكز
مورينهو ماراح يكون عنده اي ظهير ايمن مثلا, بالتالي ممكن نشوف احد لاعبي الكاستيا او ممكن لاس
ولا يوجد اي صانع العاب بما ان كاكا وفارت غير متوفرين!
ماادري كيف راح يلعب مورينهو ولا يهمني الصراحه كيف راح يلعب!
لأنها فقط اول مباراه وديه! يهمني فقط اني اضبط الساعه عشان تصحيني بكره واشوف الملكي الابيض مره ثانيه! بطولات زعيم , سليم
وغيرهم سواء هنا او في الخاص
شكرا على ترحيبكم, ,والله يا شباب احرجتوني و متأكد إني راح استفيد كثير من الرابطه بالنقاشات الممتعه والمثريه.
اتأسف على الاطاله
اخر تعديل كان بواسطة » R U S T Y في يوم » 04/08/2010 عند الساعة » 02:27 PM |