السلام عليكم ورحمة الله وبركاته /
أما مسلسلات أمريكيه يا أبو أصيل
أوخس يا أبو يوسف
شوف أنا أتابع مسلسات امريكيه كوميديه وبس ,
يعني حقت الدراما والرعب والكلام الفاضي أنا ما أحبه
بس والله يا عليهم أفلام ,
أفضل فلم شفته بحياتي هو شاوشانك ريديمبشن , وهذا اللي أخذو منه بريزون بريك الفكره ,
لجميع من يحب الكوميديا الأمريكيه
أبو صالح ,
دوم هالضحكه يا رجل
واقرأ ردي على فيصل , وتعرف ليه ندافع عن جرانيرو ,
لك يا بعدههم
وخلنا نشوفك أكثر ,
فيصل " حايلي " ,
ترا بكلامك ارتكبت جريمه كبيره
جرانيرو موهوب , والدليل بدايته القويه واللي خلتنا نفضله على شنايدر , لكن يمكن هذي كانت
بداية نهايته بالمويم الماضي !
اللاعب ممتاز بالتسليم والاستلام , رائع بالتمركز , الكونترول ممتاز , حتى الفينيشنق خيالي !
بس ما قدم كثير الموسم الماضي لأسباب , منها زي ما قال أبو دحه أنه لعب بمركز مب مركزه ! !
هذي تكفي يا أخي ,
أنا ما أدافع عن اللاعب حب فيه , بالعكس أكره ما عندي لحيته
لكنه موهوب .
وبما أنه موهوب , فـ أكيد راح يفيد الدكه مع مدرب زي مورينهو "" اللي أعاد سامويل لمستواه ""
وشكرا
.
نجي لأبو يوسف والأربعة اللي يتنافسون ,
فيه واحد على الأقل بيطلع , لكن خلنا نتكلم عن الأربعه حاليا :
لاس ,
ما ينفع أبد
بثر جدا , وجربناه الموسم الماضي جنب ألونسو ولا ضبط ,
ممادو ,
توه راجع من اصابه ولا ينعرف له , لكن إذا كان بيقدم مستواه السابق فهم المرشح الأول ,
خضيره ,
أعتقد أن مورينهو بيعتمد عليه , اللاعب كان مكمل لـ شفان و أعتقد أنه يقدر يكمل ألونسو ,
جاجو ,
شاب , موهوب , لكن تطوره بطيء جدا !
يمكن بسبب توالي المدربين عليه , لكنه يبقى من أهم المرشحين إذا قدم كل ماعنده من حماس ,
هذاباختصار
.
نجي لجهاد و أبو يوسف اللي موافقه بالرد ,
طيب , كاكا ألحين مستواه دمار وأنا معك !
وأنا واحد أتمنى نعطي مورينهو فرصه " مع إني مب مأمل " عشان يثبت كلامه ,
و زي ما تفضلت : كل فريق وله خطته واعتماده .
لكن لو جاء أوزيل بيكون من أهم أعمده الفريق لأنه - على حسب مثلثات بو يوسف
- بيكون
الموزع الرئيسي لثلاثي المقدمه ,
طبعا بيكون وراه ثنين محاور أغلب مهامهم دفاعيه , ألونسو و خضيره ,
نرجع لتشلسي عشان توضح أكثر ,
مثلثهم يعتمد على لامبارد كرأس المثلث , وإيسيان كـ لاعب دفاعي لكن كثير ما يقدم ويساند , ونشاطه وعقله
يساعدونه على كذا , ركز على العقل لأن هذا اللي يفقده خوينا لاس ,
طيب وعلى حسب رسمة سليم هذا الكلام صحيح بالغالب , يعني راح يكون فيه ثلاثه قدام و أحدهم راس حربه ,
هل العناصر قادره على تطبيق الخطه هذي ؟ لا , ليه ؟
لأن ما عندها صانع اللعب المناسب , طيب هل من الأفضل أن نشتريه ؟
لا , لأن الفريق لم يثبت على خطه إلا الآن ,
طيب ليه ما نجيب صانع لعب و الفريق ما بناء خطه عشان نبني الخطه عليه ؟
أنا مع إننا نجيب صانع لعب , لكن ضد أننا نعتمد عليه وعلى كاكا معا ,
نجيب صانع لعب , آخر يغادر من الإثنين " كاكا - فارت "
وأنا متفائل بموسم فارت القادم , لأنه دايم كان البديل المثالي , ودايم ما يكون رائع .
لكن كاكا يبيله فرصه ثانيه نشوف مورينهو وش بيسوي معه .
لكم جميعا يا أعظم العظماء
نجي لصورة سليم ,
فيه شخابيط ماني متفلسف فيها ,
لكن أتوقع أنه يبي يوسع المنطقه ويفتح المساحات أكثر .
يعني حركات العمق والعمق فقط مب شايفينها مره ثانيه ,
لكن اللي متأكد منه أنه بيعتمد على ثلاثه قدام زي ما تشوف , وهذا معناته أنه يبي يكمل دربه
مع خطة تشلسي و الأنتر ,
لي عوده ,
,
اللي قبل .. اللي يعتمدون على اللاعب نفسه .. يعني فيه مدرب يقول اللاعب انت بامكانك انك تسدد من بعيد ليش ما تسدد وتجرب وتفتح على اليمين في الهجمة المرتدة .. وفيه مدرب يقوله انت خطتك تطلع على اليسار وتعرض وحاول تعطي النجم اللي قدامك فرصه انه يتحرر من الرقابه علشان يسجل
من اوووول
ما شاء الله في ردودك يعني قويه 
الوضع العادي
