هارد لك ياعيال

مورينيو اخطأ بنقطتين برأيي

كاكا أساسي
تطليعة مارسيلو

كاكا مش جاهز 100% .. كريس تقيده برأس الحربة !!؟
القضية قضية تلميّح وتصريح .. وفهمناها .. الميريا ضعيف .. اوكي
جازف بنقطة اني ماعندي مهاجم وشوفوا وضع فريقكم يالادارة بدون كريس كـ جناح وبدون مهاجم

صحيح الميريا الاخير في الدوري .. لكن نتايجه اختلفت كلياً بعد الـ 8 زي ماذكر عبود " بنزيما " .. الفريق اوكي أخير .. بس ع ارضه وبين جماهيره وصلللللب زي باقي صلب الليقا .. هذي نقاط لازم يكون عندك فريق فني كامل يتابع الفرق ويشوف تطور مستوياتها .. اللي عبدالله بنزيما اللي راح عمره مشاوير بين طريق الدمام والبديعة هههههههههههه عرفها شلون انت ماتعرفها ياكوتش " نو اوفنس عبود "

كاكا ماكان المفروض يبدأ اساسي وكان فيه تداخل كبير بينه وبين اوزيل وعدم تفاهم كمان.. زي ماقالوا الشباب .. الفريق ثابت ع تشكيلة معينة , ليش تتفسلف ؟ أقلها بخط الهجوم .. بهذي مورينيو اخطأ

ألبيول مااشوفه مشكلة ابداً .. لاعب كويس وامكانياته بطلة بس بشرط وجود لاعب خبرة جنبه .. لو مورينو اتبع نظام الروتيشن مع راموس في هذه الحالة بقول له اوكي

البيول يبرز باللي جنبه اما لو تحط جنبه لاعب بطل بس بدون خبرة وتوجيه يضيع

سبق قالها لاعب في فالنسيا ناسي مين بالضبط واعتقد انو ايالا " البيول لاعب ممتاز ولكنه يحتاج للتوجيه 90 دقيقة " << اوالله الحمار هههه

دي ماريا ماكان في يومه .. من البداية واضحه .. دي ماريا أوت , ليون بديله
تبديل كاكا بالبنز سليم جداً

مارسيلو بقرانيرو ؟ اممممم تغيير غريب شوي < الأخضر متلطم
مارسيلو افضل لاعب يلعب مع كريس .. يوم انك دخلت البنز .. أكبر غلط ان مارسيلو يطلع .. صحيح ان الجهة اليسار لألميريا كانت مشعلله اكثر من اليمين .. لذلك قل لأربيلوا ريّح وبديله كارا .. رجع راموس ظهير وخلي الأظهره تلعلع " راموس يمينك ويسارك مارسيلو " .. او خيار انك تطلع البيول وكارا مكانه وخلي مارسيلو يجنح يسار ويعيد ايامه مع بلقريني مدري شوستر.. والعب بثلاثة دفاع

خيارات كانت كثيرة .. استغربت تغييرات مورينيو .. لكن يلا هارد لك ونعوضها بالجاي ان شاء الله


ليقا حقيرة .. كل الفرق تلعب فاينل قدامنا .. وليتهم يستمرون على المنوال

إقتباس الرسالة الأصلية كتبت بواسطة khalid_sa01 فالدانو كفى يا عنصري حجز المكان ليه احد قايلك ان هالفريق طياره طال عمرك حاجزه لهيقواين ياخي الله ياخذك انت اللي تبي تهبّل بالريال مدريد يا نكره يا انك تسمع طلبات المدرب ولا انت انزل ورنا شطارتك مسوي لي انا عارف الكوفت وحركات اللكاعه لمورينهو ياخي تراك بنفس الفريق اول ما يقول ابي مهاجم توفر له اللي يبي فيه ملايين المشجعين ينتظرون البطولات ما نبي نصير مثل برشلونه 6 سنوات بدون بطولات ننتظر ونشوف الصحافه المدريديه المعاقه

ههههههههههههههههههههههههههههههههه اهنيك على مصطلح عارف الكفت وحركات اللكاعة
هههههههههههههه يلعن ام هالفالدانو اللي بثانوية المجد

إقتباس الرسالة الأصلية كتبت بواسطة Abo MaX خبر طيب : الفيس مصاب ويمكن يغيب مابين 10 الى 15 يوم , الفيس من مفاتيح اللعب المهمة في برشلونة

صلب يابولينا .. خصوصا هالجني ان تعدت اصابته اسبوع ياشيخ افلقني .. مايجيهم شي


قفلة كبيرة جداً


هارد لك ... Hard luck بمعنى حظ سئ

ماينفع ابد تقولون هاردلنا او هارد لكم
لازم تكمل الجملة كاملة .. هارد لك لنا , او هارد لك لكم


تصبحون على خير

السلام عليكم

هاردلك

الفريق اليوم ماكان بيومه ابد .. اللعيبه + المدرب + حتى كاسياس اللي ماعمره تهاوش نشوفه يتهاوش اليوم

التعادل ماكان مفاجأه صراحه بالنسبه لي .. لان الفريق مستحيل يفوز بكل المباريات وبرتم عالي ..

اللعيبه كان واضح عليهم الارهاق بشكل كبيير وواضح .. اوزيل , ديماريا , خضيره .. هذولي اللعيبه على وجه الخصوص كانوا خارج نطاق الخدمه تقريبا !

طبعا معذورين بسبب ضغط المباريات وتوهم مسوين مجهود خرافي في الديربي !

الخطأ الاكبر كان من مورينيو بوجهه نظري .. التشكيله اللي داخل فيها كانت غلط + التغييرات غلط

الفريق كان يلعب بدون راس حربه وهالشي سبب لخبطه كبيره للعيبه لاحظنا حوسه في لعيبه النص مايدرون من اللي مفروض يصير راس حربه وقت الهجمه ! وكان فيه تداخل كبير بين اوزيل وكاكا

كان من الاجدر انك تبدا في بنزيما زي المباريات السابقه وتحتفظ في اوزيل او كاكا كورقه تستفيد منها في الاحتياط !

ديماريا ماكان في يومه ابد .. وبيدرو ليون يتحقرص بالدكه يحتري فرصته

الكدش ؟؟ استغربت طلعته الصراحه كنت متوقع طلعه اربيلوا الصدز

الكدش يقدر يشكل جبهه يسار بلحاله ويمكن يطلع لك بشي

التحكيم سيئ ومافيه شي جديد

يعطيكم العافيه وبالتوفيق في الكوبا ديلاري







هو صدز ؟؟

إقتباس # انا ان انتقد الحكام ، و افضل ان اتكلم عنهم بشكل ايجابي . مثلما فعلت يوم الخميس الماضي بالرغم من ان هدف اتليتكو كان من موقع تسلل . اذا لم يكن هناك اي شئ ايجابي استطيع التحدث عنه ، افضل السكوت . اعرف هذا الحكم منذ قدومي الاول لاسبانيا ، كل شئ يتغير مع الزمن ولكن السيد بيريز لاسا لم يتغير منذ 1996 !!

كبيييير يالمو (قلوووب من هنا إالى مقر النادي)




يآشبآإب حطوا في روووسكم ( مافي فريق يفوز كل مبآإريآإته)
وحنا عندنا مبآإرآإة اصعب وأهم من مباراة اليوم
مبآإرآإة الـأتلتيكو يوم الربوع

وشسمه

وش فيكم معصبين ترا التحكيم صار شي عادي
يعني بالله وش اللي صار جديد باالمتش؟


*مازلنا نتنفس

هارد لكم التعادل
انا برايي اسباب التعادل هي الارهاق بسبب المجهود الكبير للاعبين في المباراة السابقه بكاس الملك
انا اشوف لو ريح رونالدو ودي ماريال واشرك بنزيما وبيدرو ليون من بدايه المباراه كان راح يكون افضل
وكان من الممكن يشرك رونالدو ودي ماريا في منتصف الشوط الثاني
ولكن قدر الله وما شاء فعل
وان شاء الله الريال قادر بوجود الداهيه مورينهو يعوض فرق ال 4 نقاط

إقتباس الرسالة الأصلية كتبت بواسطة a_m_t . صحيح برشلونه فريق قوي ، لكن هذا ما يخلينا نقول ان فريقنا ما يقدر ينافس او يفوز على برشلونه !! فريقنا الحالي هو احد افضل الفرق بالعالم !! - نملك أفضل مدرب بالعالم . - خط دفاع مميز ، خط وسط مميز ، خط هجوم ممتاز لكن ينقصه مهاجم صندوق !! - الفريق معدل اعماره من اصغر المعدلات بالليقا !! فريقنا ما ينقصه الا امور بسيطه و بتجي -ان شاء الله- مع الوقت ، مثل "الانسجام ، الثبات على المستوى و التوفيق" !! بالرغم من تعادلنا اليوم و توسع الفارق الى 4 نقاط و لكن مازال عندي امل بتحقيق نتايج و بطولات هالموسم !! برأيي !! # -ان شاء الله- اذا عدينا دور ال 16 امام ليون و كسرنا عقدتين "ليون و دور 16" !! # و اذا -ان شاء الله- وصلنا لنهائي الكاس خصوصاً مع صعوبة طريقنا للنهائي !! فالفريق بيكسب ثقة كبيره و بيقدر يكون شخصيه و بإذن الله وقتها نقدر على برشلونه !! خصوصا ان مشكلة الفريق قدام البرشا نفسيه و نابعه من داخل الفريق !! بحكم ان الفريق له الى الان 5 مباريات ينهزم فيها من برشلونه بشكل متتالي و بنتايج كبيره ! و هذا الشئ يولد ظغط مهب طبيعي على اللاعبين !! .

هلا الغالي.. أتفق معك بشكل كبير

لكن هنآك نقطه مهمه:

هي أن ليس هنآك لآعب خبره غير الونسو وكارفايو ..

والدليل مبرآة الميريا اذا جت هجمه لمدريد ع طول سيدآ للقده ياما هدف ولا تطلع برآ

مافيه مدآورة الكرة بين أقدآم الآعبين والإستحوآذ والسيطره الكآمله مثل الإنتر أيآم مورينيو

مثال مانشستر..: ننظر لفيدتش يمسك الكوره في الدفاع ويبدا تحضير الهجمه لكاريك او قيقز او لاعب آخر وترجع الكوره مره اخرى ويتبادلون الكره حتى يتفكك الخصم ومن ثم يبدأ الهجوم.

أتفق معك فريقنآ فريق شآب من أفضل أندية أوروبآ لكن يجب على الفريق أن يكون له تكتيك قوي مثل مورينيو مع تشيلسي ولا الانتر.

فريقنآ يعآب عليه التسرع وكثرة إنقطآع الكره ..وعدم الإستحوآذ ع الكره ومثل مآ قلت تتلآشآ مع الوقت لكن حتظيع علينا نقاط مهمه مثل مبراة البارح.


أتمنى أني وضحتلك وجهة نظري.

البلا منك يامورينهو بنسبه 80 بالميه والحكم 10 بالميه

مورينهو غلط غلطه كبيره انه لعب كاكا اساسي وبنزيمه احتياط
فريقك ماشي على نفس النسق من بدايه الموسم على نفس التشكيله ليه تغير
بس اعتقد ان مورينهو فكر بالاياب مع الاتليتكو وترك المباراه ذي وهذا غلط
بدايه التشكيله صار الفريق بدون مهاجم وكرستيانو تقيد باشياء كثيره ومايعرف يلعب راس حربه
وكاكا الى الآن مدري وين كان مكانه يركض ورا اوزيل كانهم يلعبون مطارده خرب على اوزيل طريقه لعبه كصانع لعب
دي ماريا الاثول الثاني بعد قام يخورها وقام يلفلف يسار ويمين مايدري وين يروح لانه متعود يتفاهم مع رونالدو على تبديل الاجنحه اثناء المباراه لكن رونالدو كان راس حربه ومايدري وش يسوي
ممكن بيريح بنزيمه وكارفالهو عشان الكاس وبسبب بنزيمه لحاله مهاجم بالفريق (فالدانو فاقع مرارتي)
شفتو الكره الحديثه وشلون
بس غير لاعب واحد هو بنزيمه ودخل كاكا صارت كل البلاوي اللي ذكرتها
وبالنسبه لكارفالهو ماأثر غيابه كان في تنظيم بالدفاع ولعبو صح بس الهدف الخطأ الوحيد تقريبا هي الفرصه الوحيده الي تعتبر خطيره لالميريا المرتشي من برشلونه<<<نصراوي يشكك بالذمم
إن شاء الله نفوز على الاتليتيكو وبالنسبه لنستلروي اداره هامبورج تذكرني بإداره الاتفاق تطلع روحك ولاتبيع اللاعب

إقتباس الرسالة الأصلية كتبت بواسطة عاشق s.ramos معليش عبدالله لكن يوم تشوف هـ الزلآيب كيف يلعبون قدآمنآ وكيف يلعبون قدآم بعض النآس , ويوم تشوف تحكيم مدري شيبي مآ تلوم الرجآل , الحين برشلونة عشرطعش فوز ورى بعض وآنآ آخر شي أفكر فيه إني أعلق أملي على زلآيب الليغآ يآ رجل حتى فآلنسيآ و الأتليتكو و إشبيلة صآروا زلآيب يعني مآفي مؤشرآت تسآعد وتقولك والله في أمل إنهم يتعثرون يآ رآس حربة ينشد فيه الظهر يآ نطلع زيرو

انا مايقهرني الا اننا نخسر نقاط ثمينة قدام اندية صغيرة ! وقدام الاندية الكبيرة نبدع وناخذ النقاط الكاملة ! تخيل لو اننا ماتعادلنا مع الميريا و اوساسونا مدري مايوركا وسوسيداد ! وش كان وضعنا الحين ؟ كان احنا متقدمين على برشلونة بـ ٤ نقاط !

ياليت اننا خسرناها بسبب سوء اداء ! لا خسرناها بسبب التحكيم الي زمان كان من تحت لتحت وغلطة كل ٣ مباريات ! اما اليوم صار في كل مباراة ٣ اغلاط !

بس ماهوب صحيح اننا مع هذا كله نفقد الأمل ونقول الدوري ضاع ! تونا اليوم انتهينا من الدور الأول باقي دور ثاني و ١٩ مباراة ثانية ! تتوقعون ان البرسا راح يفوز فيها كلها ؟ لا مستحيل .. راح يخسر وفوق الـ ٦ نقاط على الأقل بإذن الله ..

الاتلتيكو قادر على الفوز على البرسا .. اشبيلية قادر على الفوز على البرسا .. فياريال قادر على الفوز على البرسا .. احنا قادرين على الفوز على البرسا .. حتى اسبانيول قادر !

احنا راح نفقد نقاط بما لا شك فيه .. ولكن البرسا ايضاً من المحال ان يستمر في الفوز في كل المباريات الـ ١٩ القادمة ..

اتمنى منكم انكم ماتفقدون الأمل من نص الدوري ! الفريق اذا كان مهزوم في الشوط الأول جمهوره لايفقد الأمل بالعودة مرة أخرى والفوز في الشوط الثاني ! إلا لو كان فريق سيئ ولم يؤدي مايشفع للثقة في الشوط الأول .. بينما فريقنا في الشوط الأول من الدوري أدى أداء مبهر بفريق جديد وشاب ومدرب جديد ! لا أرى أي مبرر لفقدان الأمل ..

لك وللجميع

تحيتي .،،.

تبا للتحكيم ... ولابن الكلب ماسا ..

اهدى الحوثيين نقطتين وسلبنا نقطتين ..

صباح الخير
اولاً : هاردلك التعادل
ثانياً : خلو التحكيم على جنب شوي .. من بداية المباراة والمور حايق التشكيله حوق
يعني على شان الجمهور صفر على بن زيما في البرنابيو يجي يحطه بالدكه .. المفروض يكون البنز موجود صح انه مو في مستواه
بس ع الاقل يحرر كريستيانو شوفوا يوم طب البنز تحرك الفريق صح .. بغض النظر عن مستواه اللي يجيب الحموضه بس الولد عليه باصات تذبح ..
كاكا الى الان ماوصل للياقته وجاهزيته الكامله الرجال مايقدر يلتحم مع اي لاعب اي ضربه تلقاه طايح

هذا مالدي والله يحفظني

هذي اول مشاركه وياليت تتقبلون شخصاً جديد بالرابطه

.



لاتزال هناك المزيد من الجولات

الدوري طويل .. أنا حزين لفقدان نتقطتين .. فالدوري سيحسم في النهاية بقليل من النقاط

نحن مع المدرب وراضون عنه ..

وسنحاول أن نوفر مايطلبه حتى يبقى الفريق بصوره جيده

RM