هدو يا شباب وراكم تلاقطتو ما تسوى ترى , بغض النظر عن الحكم ترى فريقنا كان داج أمس , واضح على اغلب لعيبتنا الارهاق واولهم دي ماريا الي من بدايه المتش وهو واضح انه ما عنده شيء يقدمه بسبب المجهود الي قدمه ضد اتلتيكو مدريد , المو أخطآ بالتشكيله الي مفروض تبدا المتش , كارا مكان البيول الرقله , وليون مكان دي ماريا , وكاكا احتياط والبنز اساسي مع ان مستواه ما يأهل بس مهما كان اسمه مهاجم , كريس ما يعطي 50 % من مستواه اذا لعب مهاجم معروف عنه انه يجيك يمشي ارض جو من الطرف ويسحب بكم زلابه ويسجل يعني لاعب يبي مساحه ياخذ راحته فيها عشان يقدم الي عنده اما انك تقيده بهالدور صعبه عليه ما يمديه ولا ينطلق زي الناس الى ودفاعهم متجمعين عليه , البيول للمره الثالثه يأكد لنا أنه خجمه وبرحه وبر والصحراء الكبرى بعد , من متش ليفانتي الاياب لمتش خيتافي لمتش امس مدافع متواضع ويبيله وقت كبير عشان يثبت نفسه ويكون مدافع مميز , غاراي افضل بكثييير مدافع راكد وبنيته قويه ممكن يلتحم معك بالزاويه وتلقى نفسك بمواقف الملعب خامن لك قزازه سياره موب البيول كلن يدعسه بالالتحامات , ليه نجامل المو أطلق مدرب مافيها كلام بس اذا اخطآ لازم نقول الحق ,
..
للأمانه جرانيرو تطور مستواه كثير مع المو , صار يدافع ويلعب لعب جماعي ويفيد الفريق بالنص , حتى جسمه مع انه قزم بس صار يلتحم صح ويدعس ما عنده مشكله , ناقصته فرصه ونشوف اذا عنده شيء كبير يقدمه ولا يدفي الدكه زي العاده ,
..
اذا بغت الليغا تكون الافضل بالعالم على الانديه الي تستأسد قدامنا انها تلعب بنفس الروح بكل مباراه , وقتها نقول الليغا بخير وماشيه بالسليم .
