 | إقتباس |  | | |  |
الرسالة الأصلية كتبت بواسطة iker |  | | | | | | | ثامر ..
مسألة أهميّة بقاء مورينهو ما عندي شك فيها .. ما علي من بقاء فالدانو حتّى لو كان حجر أساس هالمشروع <-- لأن إقالة مورينهو تعني فشل المشروع !
تصريح فالدانو أشوفه عادي جدًّا .. مُدير عام ريال مدريد صرَّح بخصوص مُدرّب الفريق .. وش صار ؟ .. حتّى نوعيّة التصريح ما فيها شي .. لغط وكلام حول مورينهو ما يخفى عليك .. كان هادئ بالمُباراة .. وفالدانو قال (بعد سؤال له من الصحافة) ان هدوءه جيّد عشان يقل الكلام حوله <-- بمعنى عتب فالدانو على من ينتقد مورينهو مهو مورينهو نفسه !
مسألة المُهاجم مورينهو كان مستعجل فيها .. فالدانو يقول نصبر ونشوف حالة هيجواين (يوم يروح للدكتور كاسيرس ببرشلونة) .. ومورينهو يُصر انّه مهو راجع بإعتبار انّه مر بمثل هالحالات قبل .. وكان يضغط على فالدانو بحاجته للمُهاجم عند الصحافة ..
بعد مُباراة التعادل مع ألميريا تحديدًا .. مورينهو تحجّج بأنّه ما يملك رقم "9" .. وفالدانو قال انّ المُهاجم مهو عذر .. والمُدرّب كان عنده "9" بالدكّة (يقصد بنزيما) .. طلع بعدها مورينهو وقال انّي أكبر من رسائل تُرسل عبر الصحافة .. رغم انّه هو اللّي بداها !
نفس فالدانو مهو جايز لمورينهو (خصوصًا بعد مقالته بماركا 2007) .. منصبه وطريقة عمله (اللّي ما تعدّاها خورخي أبد) مهي معجبته ويبيه ينقشع .. ما فيه مُشكلة هنا .. المٌشكلة بالطريقة اللّي يتعامل فيها مورينهو معه ! | |  | |  | |
قلبي عزوز

لو نظرنا في فحوى التصريح .. ممكن مافيه شئ
لكن بهالوقت .. الأمور خامده بين الأثنين !
مورينهو بدأ يسلك طريق خاص بالتصريحات
يجي فالدانو ويقول هالتصريح وكأنه يبي مورينهو يرد
خلاص مورينهو ما يستقبل من فالدانو
الا غصب يستقبل .. انسان على كلامك
انه ما يهضم فالدانو .. نفسه !
لازم مورينهو يهضمه ويتماشى مع سياسته ؟
بالنسبه لتصريحه يوم يقول رقم (9) كان عندك بالاحتياط
هذا تدخل في عمل المدرب
ياخي انا مدرب كبير .. ما اشوف ان بنزيما بالفورمه المطلوبه
اشوفه تايه .. مضيعن الجاده !
الضغط الاعلامي والجماهيري عليه كان ضخم هذيك الايام
لانه تقريباً كان المهاجم الوحيد .. بعد اصابة هيجوين !
تخيل انك تتكلم عن نادي بحجم ريال مدريد
ما عنده الا راسين حربه صريحين !
من بداية الموسم وانا المدرب وانا اصيح جيب مهاجم يا فالدانو
ياخي نظرتي التكتيكيه و رؤيتي للفريق
اشوف اننا محتاجين مهاجم ثالث
بنزيما كان ضايع وقتها .. ولا نكنا نأمل عليه شئ !
يعني صرنا بح .. ما عندنا مهاجم صريح
أنت وشعليك يا فالدانو ؟ مو أنا المدرب ؟
مو أنا اللي جابني بيريز من منصة البيرنابيو
بعد ما شلت الابطال مع موراتي !
المشكله ان الخطأ بالسالفه هذي حاطينه على مورينهو
بالرغم اني أشوف أن الخطأ كله على فالدانو !
اللي مهمته توفير بيئه مناسبة و جو صحي للمدرب
بتوفير طلباته
جاء اديبايور .. اللي فجر بنزيما نفسياً وعقلياً
شفنا انسان يقاتل ع الكوره .. يهاجم يدافع .. يسجل !
اشوف الكوره عند رجوله .. اتطمن واقول خطيره وبيلعبها صح
ما عاد شفنا العك و التوهان وأيام الضياع اللي كان بنزيما يمارسها
بداية الموسم .. شفنا إنسان ثاني !
بذمتك يا عزوز .. لو فالدانو خلى التعنت عنه بداية الموسم
وجاب المهاجم الثالث من بداية الموسم .. كيف بتكون بداية البنز ؟
خلاص الريال جاب مدرب كبير .. واثق فيه
لا يجي أحد يتكلم بنظرة المدرب !
خلك في عملك و خلني في عملي
ولكم دين ولي دين .. وقضت السالفه !
لكن اللي ريحني بسالفة التصريح
ان مورينهو ما رد .. إن شاء الله بوادر خير
بالمناسبه .. أسمع كثير عن اجتماع ماروتا بـ بيريز
اليوفي كله .. ما يصلح لنا منهم الا كيليني
غيره .. اشوفهم كديش مجمعين
وإن شاء الله نسمع تأكيدات رسميه
ببقاء البنز
يعطيك العافيه حبي عزوز
