ألف ألف مبروك لقطر هذا الفوز الكبير بشرف تنظيم كأس العالم 2022
يستاهلون حبايبنا القطريين تعبوا واشتغلوا وربي حقق مناهم
ان شاء الله ان الله احيانا حياة طيبة .. بذاك الوقت بنصفق 39 وبروح انا وعيالي ان شاء الله
اما مؤيد بيصير متقاعد وصافق الـ 65 منتب قادر على الروحة يابواصيل مير خل اصيل الله يخليه يخاويني
أبويوسف نشوفك بالجنة ان شاء الله
<< على أساس انك بتكون صافق الـ 80 واحتمال تكون ميّت ههههههههههههه استغفر الله بسم الله عليك ياحياتي
الله يحيينا حياة طيبة ونحضرها جميع ويجمعنا وياكم بجنات النعيم
الخفافيش .. صدقوني مايحتاج لهم تحليل ولاشي .. يجون وناخذ منم 3 نقاط ونمشي
بس الخوف من الجماهير اللي بتطلع مناديلها وتبي تلعن والدين الفريق , لكن ان شاء الله لو صار هالشي يصير دافع للفريق انه يمسخر الفالنس بجد ويبيّن للجماهير ان اللي صار في الكامب نو مجرد كبوة حصان , والفريق بيستمر على اسلوبه البطل
قريت في أحد المواقع معلومة ماني متأكد من صحتها أن السّيد فلورينتو بيريز قال :
ان الفريق راح يجيب لاعبين في الشتوية أحدهم في مركز المنتصف
وش النظام ياسيادة الريّس ..؟
الامور هي هي ماتغيرت والا وش الوضع معك ؟ .. انتداب اللاعبين حنا في حاجته من الصيف اللي راح لكن بقرار المدرب اللي طلب وقلتو له معصي اصبر للصيف , مو معناتها تلقم 5 من البرشا وتشتري!! .. معناتها كل هزيمة بتجي سواليف اول الجرايد تمجّد في اميز لاعب في الفريق اللي هزمنا .. ونروح نشتريه بأقرب مناسبة .. او اذ انهزمت قلت بجيب لاعبين .. مهوب منطق ابد
اوكي احنا نحتاج رأس حربة صريح وهالشي كل المدريدية تقريباً اجمعوا على هالفكرة من الصيف نظراً لأنه ماعندك الا مهاجمين صريحين هيجواين والبنز اللي ماتثق فيه للأسف
تحتاج مهاجم من طينة الرود , هنتلار , تريزيغيه .. قناص مايرحم جوات الـ 18
اما تقول لي نبي لااعب في النص؟ .. ليش يعني من قّل محاورك او قّل لاعبين النص عندك ؟.. هذا وكاكا لساته جايك " أعتبره انتداب جديد "
لكن لاس , محمد , قاقو , خضيرة , تشابي .. حتى قرانيرو ... مااعجبوك وتبي تزيد ؟ .. عشان لقمت خمسة ؟ .. مش منطق ابداً
الا في حالة انه محمد راح لملقا مدري أوساسونا , شراحيلي راح لأي فريق في الحياة , واللي له سبع وثلاثين سنه مصاب " قاقو "
..بيكون عندك 3 محاور , وهنا بنعذرك نوعاً ما ونقول حاجة الفريق
لكن كلنا نعرف وموقنين بان حاجة الفريق لرأس حربه تقليدي وكان عندنا واحد مجنون حسبي الله ع اللي كان سبب بطلعته زي هنتلار ماقعد عندنا ولاستة شهور الظاهر ولااعطي نص الفرصة اللي اعطيت لـ لاعبين غيره ومع ذلك كان يسّجل بكل وقاحة.. وشفه يملد مع راؤول وخورادو في شالكة .. وماهيب مناسبة اني اتكلم عن اللبن المسكوب .. راح الولد وخلصنا
لكن الحاجة الماسّة للفريق رأس حربة
يبرررّد القلب
YouTube - Edin Dzeko 2010 HD Best goals
زي هالمملوح .. بلالورينتي بلاقلة حياء .. لاعب يلعب بمخه قبل رجليه , يلعب برجليه كلهم مهوب زي فؤاد أنور
, رأس عنيفة , طويل وبنيه جسمانية بنت كلب
يسوى له 30 او حولها .. على ضمانتي انسوا الهجوم 10 سنين قدام بإذن الله
بيني وبينك يابو أصيل .. بالهجوم ماابي الا واحد من اثنين حالياً او خلنا نقول 3
توريس اللي صعبه جداً يطلع , تيفيز برضو نفس الكلام , والمملوح دزيكو اللي حطيت له رابط اليوتيوب
الله يستر من مفاجئاتك .. خايف يبلشوننا باديبايور او الميدا او الهدر قوميز ثمن صدق قشّر بصل
عطنا العلم يابوأصيل لو تكرمت لو رسالة بالجوال ماني من الناس اللي تحب تنتظر وأسحب على العيال خخخخخخ <
سعود .. يقولون انك مسوي في أمها وتبي تسحّب وجاك صليبي ؟؟ هههههههههههه الف سلامة ياصاحبي بس صدق ودي اتشمت بس اخاف يبلاني ربي ههههه وش كنت ناوي عليه ؟؟ ابي افهم بس ههههههههههه الف الف سلامة سعودي حبيبي ولي زيارة لك ان شاء الله اذا رجعت الرياض باذن الله
قفلة :
غيرة من استضافة قطر لكأس العالم 2022
انباء متواترة عن نيّة نادي النصر استضافة بطولة بإسم ( التوحّد )
وعنوانها
ماصديقنا إلا إنّا
ههههههههههههههههههههههههههههههههه
سلاااام