إقتباس بشرونا عن بويول .. لنهاية الموسم :$ ؟

بويول يعاني من إنكماش في أوتار الركبة اليسرى

وآن شاءالله رآح يتوآجد بنهآئي الكآس والآبطآل

هـاردلك التعاادل !!!!

صـراحه مدريد كان يستحق الفوز

اصفق لـ مورينهو الي قدر يروض وسط برشلونه ولعب ع المرتداات

ولو لا التصرف الارعن من دي ماريا في بعض الهجماات كان يكون فيها كلام ثاني

مباراه حلوه في مجملهاا


بإنتظار إن شاء الله مساء الاربعاء ل تتويج الريال بالكأس وعقبال اللعب ع نهائي الابطال

خير مافعلت يامورينهو



مساء الخير للجميع

الصراحه كنت متخوف من الثلاث محاور لكن مورينهو بدع بالتشكيله
وبدع بالتبديلات خصوصا بيبي

بيبي نجم المباراه بدون منازع مع ديفيد فيا من برشلونه

انا اقول الحمد لله ياربي ان اللاعبين مايشوفون كلامكم بعد المباريات
البعض غسل البيول غسل
ياخي صحيح خطأ فادح بس موكذا اطلع برا السنه الجايه
ياخي تذكرون كيف شال كوره اشبيليه


مورينهو بتشكيلته هذي
قضى على اكزافي وانييستا وميسي قبل الكرت الاحمر
صراحه مورينهو قفل على وسط برشلونه وانتهت خطوره برشلونه
قبل البلنتي والريال كان مسيطر على الوضع
وعارضه كرستيانو يعني لولا البلنتي حرام كرستيانو مايسجل سوا كل شي خصوصا العارضه الفاول ياساااتر
الخطأ الوحيد اشوفه على مورينهو كان من المفروض يبدا باوزيل على حساب ديماريا والاديب على حساب بنزيمة الي مايمدي يلعب اساسي بمباراه حساسه مث هذي بعد الاصابه
لكن الحمد لله
اتمنى يستعجل لاس ديارا بالعوده عشان يصير 3 محاور واوزيل ورونالدو والاديب الاربعاء ان شاء الله


halah madrid

هارد لك التعادل ! ..
وفي نفس الوقت مبروك الخروج بالتعادل وانت بعشر لاعبين ( اتكلم نفسيا ! ) ..

انك تقاوم البرسا وانت ناقص ! .. وتجيب التعادل ! .. وتكون اقرب للفوز ! .. ذا يعطي انطباع مثل انطباع الفوز ( طبعا بشكل اقل ! ) انك بتقدر تكسر راس الفريق ذا في اي وقت ! ..

وجبنا مفتاح المباريات القادمه من المباره ذي بس بدون فوز ! ..

زي مااتوقعت ان مورينهو بيفاجئنا بشيء جديد ! ..
وهو وجود بيبي كمحور دفاعي وضيفته الضغط على حاملين الكره والاهم قتل الامركزيه الي كانت سبب خسرتنا بالخمسه ! ..
وطبعا هو كان نجم المباره بدون منازع ! ..

مورينهو مهو بغبي عشان ينلدغ مرتين ! .. تعلم من الدرس ووجد وصفته !

خلى البرسا يملك كوره بدون اي فائده ! .. يتناقلها ويتناقلها ويرجع ويبني من جديد بدون مايحصل فراغات وتحركات كثيره تفتح له الفراغات ذي ! ..

طبعا كانت لهم هجمات من اخطاء ! .. لانك تتكلم عن افضل فريق في العالم ومتعود على اللعب ذا ! ..
بس ماكانت كثيره ! .. لانه البرسا حتى وان كان ممتلك الكره ويلعب في مناطقنا كان متحفظ ! ..

وذا الشيء تتكلمت عنه ! .. ان البرسا اذا اهتم بمفاتيح لعبنا مابيقدم كورته المعتاده ! ..
عشان كذا مااشفنا كرواتهم بشكل كثير ! .. وماشفنا خطورتهم المعتاده ! .. حتى الفيس مااتقدم الا كم مره ! ..
لانهم يعرفون انهم يلعبون ضد افضل فريق يلعب الكره المرتده ! .. واي هجمه او كره مقطوعه بتكون خطيره ! ..

وذا الشيء كان واضح ! .. وكنا الاخطر ! ..

لكن كالمعتاد ! .. مشكله فريقنا مع انه افضل فريق يوصل للمرمى بأقل عدد من التمريرات لكن يضيع كثير ! .. ماايحسم اموره بدري بدري ! ..

كوره كرستيانو الي ماعرف يثبتها صح ! .. كوره اديبايور الي ماقدر يستغلها او يهيئها لنفسه صح ! .. وكوره اوزيل الي لعبها لخضيره ! .. غير طبعا كور دي ماريا ! ..

هجمات لو فريقنا يعرف يستغل انصاف الفرص كان طلعنا بفوز ! .. لكن مشكلتنا كذا نحتاج مرات كثيره عشان نسجل ! .. ومع فريق زي البرسا اذا ماسجلت من فرصك الاولى بتروح عليك المباره وبغت تروح لولا روح الفريق ودعم السنتياغو له ( الي عجبني اليوم انه كان مع الفريق حتى وهو خاسر ووثق فيه ! ) ..

الفريق اليوم كان تكتيكيا مميز ! .. وقدر يتفوق على البرسا ! ..
ومسأله امتلاك الكره ! .. والنسبه العاليه ! .. ماابيتكلم فيها وبيفتخر فيها الا الجاهل كرويا ! ..
لان المحصله ان الريال كان اخطر حتى وهو بعشر لاعبين ! .. والبرسا امتلك الكره ولا عرف يتصرف فيها ! ..

مورينهو ! .. افضل مافيه انه يعرف يقرا خصمه قبل المباره والاهم في اثناء المباره والمتغيرات الي بتحصله ! ..

في الشوط الاول ! ..
مورينهو دخل بالتشكيل الي شفناه ! .. مع وجود بيبي كمحور يضغط على اقرب لاعب له والاهم انه يوقف الا مركزيه الي كانت في لاعبين البرسا ! ..
قدر فريقنا يقفل مناطقه ! .. ويخلي تحركات البرسا بدون فايده ! ..

البرسا قعد يدور الكوره مره واثنين ويرجعها لدفاعه ! .. ولما يدخل للمنطقه يلاقي ضغط كبير في مساحات ضيقه ! ..
تنقطع الكره وتصير هجمه مرتده ! .. وتكون خطيره ! .. لكن للأسف مااستغليناها صح ! ..

البرسا لعب بأسلوبه لكن بشكل متحفظ ! .. لان اي كوره تنقطع منه تكون خطيره للريال لانه يعرف ينتقل بسرعه من الدفاع للهجوم ! ..

خضيره والونسو وبيبي قدروا يوقفوا التحركات الي من وراهم ! .. ومارسيلو كان ذكي في تعامله مع ميسي ومع الفيس وفي نفس الوقت دي ماريا كان مسوي قلق لألفيس سواء بالتغطيه او بتحركاته ( مع انه كان سيء جدا لما تكون الكره عنده ! ) ..

الكره اول ماتنقطع ! .. تحركات الاعبين معروفه ! ..
دي ماريا يفتح ويتحرك ! .. رونالدو نفس الموضوع وبن زيما يشغل مدافعينهم ويحاول يتحرك من خلفهم ! ..
عشان كذا شفنا كثير الكور الطوليه الي لعبها الريال للاعبينه ! .. وكانت مفيده لنا ! .. وحاولنا اننا نضرب البرسا مره بأطرافه ومره في عمقه ! ..

حاجه ثانيه ! .. الركنيات ! ..
مورينهو اتوقع انه حط في باله ان بالاسلوب ذا الفريق بيحصل ركنيات كثيره ! .. وحصل ! ..
عشان كذا شفنا تكتيك جديد بالركنيات للريال في مبارتنا معهم ! .. ركنيه تنلعب على القائم البعيد وتتهيئ للاعب القادم ( دي ماريا اكثر من مره اخطئ في لعب الركنيه وكانت تكون قصيره وفي القائم الاول ! ) وبغينا نسجل منها تقريبا هدفين كره كريس الي طلعها ادريانو وكوره بيبي الي ماعرف يتصرف فيها بشكل صحيح ! ..

عملنا نظام ضد نظام البرسا ! .. وقدرنا نوقفه ! ..
وطبعا زي ماقلت قبل كذا برا نظام البرسا يوجد ميسي ! .. وهو كان اكثر لاعب مقلق لنا لانه امكانياته كبيره ومهارته عاليه وهو الي يوجد حل لو عطلت سستم البرسا ! ..
عشان كذا شفناه في الشوط الاول لما تحرك بشكل مميز وقدر يدخل المنطقه لكن كاسياس كان موجود والثانيه لما شق الدفاع وقدر يسدد ولكن كاسياس كان موجود وقدر انه يلعب كوره بينيه لفيا الي موه فيها وطاح وكان يبي فيها بلنتي ! ..

عمل فرددي بحت ! .. لان سستم البرسا قدرنا نوقفه في الشوط الاول ! ..

الشوط الثاني ! ..
خطأ سخيف من البيول ! .. من كوره ميته يخطأ ويسبب بلنتي وكرت احمر ! .. وهنا انقلبت المباره ! ..
سجل ميسي ! .. مورينهو رجع بيبي كقلب ! .. ولعب بألونسو وخضيره كمحاور ! ..

شفنا البرسا تعدل بشكل ملحوظ لما رجع بيبي كقلب دفاع ! ..
لان تحركاته والامركزيه رجعت ثاني ! .. وقدر يلقى الحلول ! .. غير ان نفسيه الاعبين كانت في الحضيض ! ..

وحتى قبل تغير الونسو ! .. شفنا الفيس بدا يتجرأ ويطلع وبدا البرسا سستمه يشتغل مره ثانيه ! ..

لكن هنا مورينهو قدر يقرا المباره وقدر يعرف المتغيرات الي فيها ! ..
عشان كذا اخرج الونسو ! .. وادخل اربيلوا ورجع راموس كقلب وبيبي كمحور ! ..

حاجه في نفس الموضوع ذا ! ..
الونسو بطل كلاعب منظم للهجمه ونقل الكوره ! .. لكن وش فايدته اذا كانت الكوره مهي عندك ! ..
لان الونسو والكل يعرف انه لاعب بطيء ! .. مهو قوي بدنيا ! .. وماعنده القدره الكبيره في التحرك السريع ولا في افتكاك الكوره ! ..
الونسو ماقدر يجاري سرعه البرسا ! .. عشان كذا لازم يخرج ويرجع بيبي ثاني للمحور لانه اسرع واقوى وعنده قدره كبيره في افتكاك الكره ! ..

وهنا كان التغير الي قلب موازين المباره ثاني لنا ! .. وقدرنا نقطع كور البرسا وقدرنا نكون اخطر وقدرنا نسبب بلنتي ونسجل منه وكنا اقرب للفوز ! ..

وطبعا تغير اوزيل واديبايور ( وخاصه الاول ! ) حسن كثير من الفريق ! ..
اوزيل قدر يفكنا من عك دي ماريا بالكره لما تكون معه ! .. وكان افضل وقدر يمسك الكوره بشكل افضل ! .. وكريس تحرك نحو الفيس وقدر يعطله ويسبب مشاكل له ! ..

وشفنا الفريق يرجع ثاني يكون افضل ! .. حتى وهو بعشر لاعبين ! ..

وذا يرجعني لشيء تناقشت معه مع حايلي ! .. ان غوارديولا خبرته مهي كبيره ولسه بدري عليه قرائه المباره ! ..
مااحاول انه يدك الريال ويسجل الثاني ! .. ماحاول انه يضغط الريال ويقتله وخاصه انه يملك الافضل في العالم ! ..
بتفكيره انه يهدي اللعب ويحاول انه يستغل فرصه ويسجل منها ! .. خلى مورينهو يتجرأ وخل مدريد تتجرأ وقدر انه يسجل هدف وكان الاقرب للفوز ! ..

جزيئات صغيره ! .. نسمع عنها كثير في دوري الابطال ! ..
نفس الجزيئات ذي هي الي بتحسم مبارياتنا مع البرسا ! .. اقل الفرق اخطاء هو الي بينتصر بيننا ! ..

بصراحه درس الي حصل اليوم ! ..
سواء لنا ولا لهم ! ..
واهم درس لنا هو اننا لو نبي نفوز على البرسا لازم اننا نستغل فرصنا ! .. لازم نكون اكثر نجاعه وحساسيه عند القول ! ..
لاني صعب اضيع كثير مع اني ابذل مجهود خرافي في ايقاف نظام البرسا ! .. يااراجل نفسيا فريقي بيكون مدمر لما ابذل جهد كبير في ايقاف البرسا واضيع ويجي البرسا بارد مبرد ويسجل هدف ! ..

تمنيت الفوز مهو عشان الفوز الا عشان نفسيه الاعبين ! .. لكن الحمد لله بالطريقه الي تعادلنا فيها نفسيه الاعبين بتكون وكأن الفريق خرج بفوز ! ..

اولى المعارك ! .. واقلها اهميه ! .. طلعنا بها بنتيجه ! ..

الكأس ! .. ودوري الابطال ! .. هي الزبده ! ..
نحقق وحده منها ! .. بيكون موسمنا ناجح ! ..

مباره الاربعاء بتكون اصعب ! .. لان البرسا بيكون صاحي اكثر ! .. هذا غير ان الملعب مابيكون معنا ! ..

لكن كلي امل في الله ثم بروح الاعبين وفكر مورينهو ! ..

اسفين على الاطاله

هاردلك التعادل
والتعادل نتيجه جدا طيبه امام افضل نادي فالعالم حاليا خصوصا وانت تلعب بعشر لاعبين

للأمانه

مثلك ولد فلا جابته بنت

مايستاهل هاللاعب يابيريز انك تساوم على راتبه


لعب رجولي بطل اصاب الخصم بالشلل && بوجود هذا الصخره صار الدخول للعمق مسدود

لو علي انا اعطيه نفس راتب كريس وبوسه فوق الخشم

ابي لعيبه كذا وحوووووووووووووووووش + روح قتاليه + يدعس على خشوم البرسا ويمشي
بس لو قتاليته عند رونالدو وبنزيما ودي ماريا


ايضا تحية لهذا البطل
والله بطل ومحنك وداهيه
اجل يامورينهو
خلال مباراة واحده تضع خطتين وتنجح فيهم && صراحه انت المكسب للريال اولا واخرا


كما قلت سابقا برشلونه شيل ميسي ماهي النتيجه ؟؟؟؟؟
استحواذ على اللعب لكن الخطوره 0صفر والتهديف صفر

اخطر خطورتهم اذا توغل ميسي بالعمق ولاشي يذكر



البرسا تفوق بالاستحواذ والعدد (( 11 لاعب ))
لكن الريال تفوق بعدد الفرص والتسديد والركنيات والاخطاء القريبه من المنطقه والاخلاق (( صوره مع التحيه لطفل الانابيب ميسي وكابنهم ابو شنب محلوق موس ))


تخيلوا شباب ولا ركنيه اظن للبرسا خخخخخخخخخخخخخخخخخخخ
ولا خطأ قريب من منطقة الجزاء

هدف من بلنتي وخطأ دفاع && والحظ كالعاده وقف مع البرسا كثيرا
وبالتوفيق للملووووووووك في الكأس والابطال

السلام عليكم ورحمة الله وبركاته ،،
أسعد الله أيامك بكل خير وسرور

20 دقيقة ، وتأثيرها الإيجابي

قد تكون أخر 20 دقيقة لعب فيها الفريق بروح وحماس و ( ثقة ) بالامكانيات ، لها التأثير الأكبر على الريال في المواجهات القادمة ، فالفريق عاد للمباراة رغم النقص ورغم الضغوط النفسية بعد هدف ميسي الذي أحبط الفريق في دقائق ليست بالبسيط خاصة وأن الهدف سبقه طرد للمدافع ( البيول ) .
مثل ما قلنا أن بيب تفوق في المباراة الأولى أعتقد أن جوزيه تفوق هذه المباراة رغم التعادل ، فلو عدنا للمباراة فالمو أستطاع أن يجرب أكثر من طريقة في اللعب داخل المباراة خاصة في الشوط الثاني وهو الأمر الذي يدل على أن المو يفكر في المواجهات القادمة أكثر من مباراة البارحة ، المو فاجأ الجميع بإشراك بيبي في منطقة الوسط ، بيبي اللى قدم مستوى رائع في منطقة الوسط واستطاع أن يقتل الكثير من الهجمات ، حتى أن الفريق تأثر بعودة لخط الدفاع مما جعل المو يعيده مرة أخرى لوسط الملعب بعد التغييرات التي أجراءها بإشراك ( الاديب ) و ( اربيلوا ) .
المو وفي أمس الحاجة للاعب مثل ( الونسو ) يعتبر ركيزة أساسية في منتصف الملعب يخرجه وأعتقد أن السبب التفكير ( بالنهائي )

ما حدث أمس لا يبعث الفخر أو ما شابه كما يعتقد البعض ولكن ما حدث أمس يبث الحماس والثقة في الفريق بعدما فقدناها في المواجهات الأخيرة ..

أخيراً .. هناك فرق بين أن تكون مسيطر على الكرة و أن تكون مسيطر على المباراة ، في مباراة الأمس البرشا كان مسيطر على الكرة ولكن لم يسيطر على المباراة .. وكان الريال يتحكم في مجريات المباراة الا في بعض دقائق المباراة ..


تقبلوا تحيتي وتقديري ...

كانو الاقل عطاءً مع الونسو
دي ماريا تكتيكياً كان كويس لأنه مسوي شغل كبير مع الفيس
لكن اللمسه الاخيرة عنده ما كانت كويسه أمما بنزيما للاسف
افتقد للحماس الي كان عليه في الفترة الاخيرة حسنته الوحيدة انه
تمنيت بدأ بـ اوزيل مكان البنز و خلا رونالدو راس حربه
كان ممكن نكون احسن هجومياً لكن يظهر أن المو كان يبي يضربهم من الطرف
بوجود السريعين كريس و ماريا

إقتباس حكيم كم مقاس هالزاويه برأيك ؟

بويول ملك الزويا الصعبه

كاسياس : الفريق اصر على موقفه

لقد عملنا بجد و في النهاية انهينا المباراة بالتعادل بـ عشرة لاعبين فقط

الكابتن ايكر كاسياس خاطب الأعلام بعد نهاية الكلاسيكو

انه من المعقد جدا الوقوف على ارضك بعد ان تم احتساب ركلة جزاء و اللعب بعشرة لاعبين

جرينا و لعبنا بجد و كسبنا ركلة جزاء بنهاية المطاف .واجهنا هذا التحدي بمستوى,علينا ان نكون ايجابيين

واجهنا الفريق الخصم بـ 10 لاعبين فقط و الجمهور كان معنا

و من الواضح انه معقد لنا الفوز بالليجا , كان هدفنا اليوم الفوز و تقليص الفارق مع المتصدر , انهينا المباراة بالتعادل في نهاية المطاف لكنه لم يكن سهلا

لعبنا معظم فترات الشوط الثاني بعشرة لاعبين .وسنستمر في القتال حتى النهاية.


Real Madrid C.F. - Official Web Site - Casillas: "The team stood its ground"