باك ,

إقتباس .. فيه نقطة توها طرت في بالي وماحد تكلم عنها قبل اللي هي التبديلات في وسط المباراة .. طبعا نعرف لو الريال متقدم ممكن يخرج ماريا او اوزيل ويدخل ديارا لكن لو فرضنا الريال كان متأخر فرضا بهدف او هدفين ويحتاج طبيعي هنا هو يبادر ويهاجم .. هنا وش التغير اللي تظنه الانسب لمدريد .. اتمنى من محللينا الفطاحل يتكلمون عنها يمكن اكثرنا ركزنا على وضع الفريق لو كان فايز لكن لو حدث العكس اتمنى شباب تناقشون هالنقطة صراحة لانها فيه شوي صعوبة صحيح بنقول البنز يدخل لكن بدال من ووش التغير التكتيكي داخل الملعب اللي يصير ؟؟

هلا بك
والله فيه خيارين , الأول فيه مغامره شوي والثاني خيار ماله مردود كبير ,
الأول إنك تلعب على محور واحد , و مهاجمين إثنين قدام , هذي مضمونه فايدتها الهجوميه لكنها بتفتح الملعب أكثر لـ تشافي و البرسا ,
الثاني , إنك تعتمد 4 - 4 - 2 التقليديه بجناحين ولعب تام على الأطراف مع مهاجمين إثنين قدام , مع إخراج أوزيل و الزج بـ مهاجم ,

يديك الصحه



أبو يوسف

بالنسبه لنقاشك , أعتقد إننا بنلعب تشكيلة اياكس لكن بدون لاس ومع أبو خضر , هذا لو كان هيجو مصاب فعلا ,
والبنز قادر على التسجيل و الإبداع بالكلاسيكو , وذي أكبر فرصه له للتألق , نفيا اللاعب جاهز , بدنيا جاهز ,
إذا ما استغل هذي الفرصه , ما راح تجيه مثلها ,




لي عودة إن جد جديد

,

.

.


السلام عليكم ..

إقتباس الرسالة الأصلية كتبت بواسطة متيم زعيم القمة هيجواين سيغيب عن كلاسيكو الليلة اجريت اختبارات للارجنتيني صباح اليوم وتبين انه سيغيب للمباراة الثانية على التوالي وسيكون الابديل الاقرب هو كريم بنزيما مع وجود احتمالية اشراك الحسن ديارا بدلا منه وتقديم رونالدو كرأس حربة . Marca.com

ما ادري هل بيغيب عن المبارت كامله ؟! و لا بيكون احتياط ؟!

عموماً البنز ان شاء الله قده !! خصوصاً ان المبارات فرصة كبيره له لاثبات نفسه !!

ما اتوقع المو يبدأ بلاس لانه مصرح امس انه بيلعب بنفس التشكيله المعتاده !! و دخول لاس يعني تغير الخطه بشكل كبير !!
الهجوم بيكون فيه لخبطه لان اوزيل ما اخبر انه لعب بالطرف ، هذا غير ان الدون ما يبدع اذا لعب راس حربه صريح !!


باقي 5 ساعات و 40 دقيقة !!!!!
بالتوفيق للملوك


.

.

إقتباس الرسالة الأصلية كتبت بواسطة متيم زعيم القمة هيجواين سيغيب عن كلاسيكو الليلة خيرا ان شاء الله

قل آمين ،، الله يبشرك بالخير وتسلم يدينك على هالخبر الحلو وإن شاء الله يكون حقيقي وتستمر الإصابة

خبر ممتاز جدا بنفتك من العك الكروي لهيقوين وارتباكه في المبارايات الكبيرة وبنستمتع بالبنز وروقانه وبروده
وحتى ديارا لو يدخل أفضل من الطعس ،، بس أتمنى مورينهو يبدا بالبنز والسبيشل ون أبخص في جميع الأحوال

شباب بالنسبة للنقاش عن حلول الهجوم في حالة التأخر بالنتيجة ،، أعتقد إن مورينهو ما راح يجازف ويغير تشكيلته
إلا بآخر عشرين دقيقة وراح يستمر على نفس التشكيلة حتى لو جا فيه هدف مبكر ،، مثل ما قال واحد من الأعضاء
يلعب ضد البرشا مو ضد فريق ثاني
والحلول كثيرة جدا للريال منها تقديم مارسيلو أو راموس كأجنحة في أثناء المباراة بشكل كبير والإيعاز لخضيرة
وألونسو بتغطية أماكن الأظهرة في حال التأخر بالنتيجة ويرجع خضيرة كقلب ثالث وألونسو قدامهم محور مثلا
وأكيد مورينهو لاحظ إن هجوم البرشا نادر من العمق ودفاعه ضعيف بعض الشيء من الأطراف ،،
ميزة الريال هالموسم الخيارات كثيرة جدا ومتعددة وبإذن الله ما نحتاج لشي منها ويكون اكتساح كامل من بداية
المباراة وعلى جميع الأصعدة

باقي خمس ساعات ويا طولها في انتظار الملوك

الله يستر ما تكون صدمه اليوم والتعادل حلو والله : )