باقول لكم موقف صار لي قبل فترة... والله على ما اقول شهيد


كنت اسوق سيارتي بشارع الاحساء بالملز... الساعة 1,30 منتصف الليل... رايح اتعشى

وقفت عند اشارة هرفي اللي بوسط الشارع... تقاطع الاحساء مع الاربعين.. كانت الاشارة حمراء

صارت خضراء ومشيت بكل هدوء

مادريت الا سيارة المرور وراي ومشغل السيفتي و ( على جنب يا راعي السيارة )

وقفت ونزلت له وقلت : خير ان شاء الله ؟؟

قال : رخصتك واستمارة السيارة

قلت : وش سويت ؟؟؟؟

قال : ليش تقطع الاشارة !!!!

قلت له : انا قطعت الاشارة ؟؟؟!!!!!!! انت من جدك والا تستخف دمك ؟؟؟

قال : انت قطعت الاشارة وانا شايفك.. ومايحتاج تكثر كلام منت قده

قلت له : انا ماقطعتها وانت كذاب بعينك !!!

تدرون وش صار بعدين ؟؟

سحب رخصتي واستمارتي وركبني معه بسيارته واخذني من شارع الاحساء وحطني بالغرابي عند البطحاء

فيه باص هناك كله باكستانيين وهنود... وقعدت بالباص من الساعة 2 الى قبل اذان الفجر

ومن حسن حظي جاء عسكري ملتزم وملتحي وسألني وش السالفة ؟

وعلمته بكل اللي صار... والرجال يسمعني اتكلم ويشوفني متأثر

راح ( الله يجزاه خير ) وجاب لي رخصتي واستمارتي ونزلني من الباص وقال توكل على الله

وحاولت فيه يعلمني باسم الحيوان اللي تبلاني لكنه رفض... وقال احتسب الاجر ويا بخت من نام مظلوم

سألته : ليش طيب يسوي كذا ؟؟

قال : تلاقيه خلاص ورديته انتهت ويبي يسلّم ولازم يحرر مخالفة وطاح فيك ولصقها بظهرك

سألته وانا مذهول : يصير هالكلام ؟؟؟

جاوبني : كثييييييير وخلها على ربك بس ولا تدقق بالحيل !!!!!!

وش رايكم بالهمجية ؟؟

......................

موقف ثاني... صار قدامي والله على ما اقول شهيد

هندي مسكين يشتغل في محطة بنزين ( الدريس ) بحارتنا

لقيته هذاك اليوم يبكي والهنود مجتمعين حواليه... وقفت وناديته وسألته وش فيه ؟؟

قال لي : اثنين رجال شرطة بالدورية وقفوا عنده بالمحطه.. قالوا له هات اقامتك

وبعد ما عطاهم الاقامة قالوا له اركب

وركب معهم ومغطوا فيه الى اقرب برحه... ونزل واحد منهم وقال للهندي انزل

ويوم نزل قام العسكري وسطره بكف وقال له هات الفلوس اللي معك كلها

الهندي خاف وعطاه اللي بمخباته.. تقريباً 1800 ريال

واخذ منه الفلوس ورمى الاقامه بوجهه وتركه بالبرحه وركب الدوريه وراح

وش رايكم بالهمجية ؟؟

.........................

تحياتي

مع اني ما احب اتطرق لنقد الهيئه لان البعض عنده حساسيه من هالشي يعني الهيئه او بمعنى اصح "كل من ربى لحيته وقصر ثوبه" ان اخطى نردد المقوله (الانسان ليس معصوم) اما لو جهه غلطت طالبنا بالتحقيق والعقاب ..

الهيئه عندها مشكله الحمدلله بدت تتلاشي في السنتين الاخيره بس المصيبه ان الفئه التالي ذكرها الى الان موجوده وهي التوظيف كأنها "سبيل" يعني مهرب مخدرات تاب وأعفى وقصر ومالقى شغل حطوه بالهيئه كنوع من الفزعه بلاهي رجل زي هذا شهاده ابتدائي او متوسط متعود على الاجرام وعلى الغلاظه كيف تحطه في عمل ميداني مهمة الاولى النصيحه ؟؟ .. وفيه نقطه انا ماني متأكد منها للأمانه هي عدم التخصص يعني الي امس مشارك في مداهمه اليوم نشوفه بسوق ..

وفيه نقطه سبقوني فيها بعض الاخوان وهي ان الي يعمل بالهيئه مؤدلج على مذهب واحد وعلى فكر واحد فقط مايعترف بغيرها ولا يعترف بشي اسمه تعدد المذاهب ..

وانكر على بعض الاخوان يقولون ان مالها الحق تكشف والسبب احترام مذهب الدوله عفوا هي مارفعت الصليب او جهرت بقراءة التوراة..

وعلى حسب علمي ان جميع المذاهب فيها اختلاف على هالمساله وياليت احد يصححلي لو كنت مخطى ..

والملك حفظه الله من دوله لأخرى ينشر التسامح ولعل حوار الاديان اهمها ويجي شويه جهله من داخل البلد ومحسوبين عليه حفظه الله يخربشون على لوحة التسامح الي قاعد يرسمها المليك ؟؟

اتمنى محد يكفرني عشاني انتقدت الهيئه والله اني مسلم سني اشهد ان لا اله الا اللهواشهد ان محمد رسول الله ..

^
^
ياخي انا وغيري عندما ندافع عن الهيئه ليس معنى ذلك اننا نؤيدهم بكل مايفعلونه

لكن ياخي لنكن منصفين .. الا تلاحظ ان هناك نقد لاذع مبالغ فيه على الهيئه وتقليل من شأنهم ؟

هل تريدنا نقف وقوف المتفرج ونؤيد كلامهم ؟

ياخي هذا الخبر المنقول في هذا الموضوع مع احترامي لكاتبته التي لم اقرا له من قبل ... هل كتبت قبل عن الازمه في المستشفيات ؟

هل تكلمت عن عنجهية وغطرسة وظلم رجال الامن مع المواطنين !!!

هل كتبت عن معانأة الالاف من شباب هذا الوطن الذين شارفت اعمارهم الثلاثين واكثر وهم لم يجدوا عمل يساعدهم على مواجهة الحياة !!

هل وهل او لايوجد مشاكل في المجتمع الا على هالهيئه مايصدقون يسمعون خبر عنه الا منزلينه وهمهم هو ( رزة الأسم )

ان كانوا لايعلمون فتلك مصيبة وان كانوا يعلمون فالمصيبه اعظم
احياناً وانت تقرأ مقال او خبر يخيل لك انه ( الكاتب) عايش بكوكب آخر !!

البعض يتمنون الدقيقه قبل الساعه زوال الهيئه لكن يبطون عظم دام ( نايف يشم الهواء ) ولايهونون اخوانه

ختاما ً / ان كان يضايقكم دفاعنا عن الهيئه فنحن ايضاً يؤلمنا نشر مثل هذه الأخبار عن الهيئه ..!

والله ما ادري وش الفآيدهـ اذا سوو كذا ..!!

قسم بالله ما صآرو هيئة .!

والله لو اني من الرجآآآل ..!

آآآه بس ... آآآآه

مشكلـه اذا عطيت الضوء الأخضر ..~
لنـآس خريجيـن سجون !!

((كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ ))


مـــــــــادري ليه حقدين على الهيئه؟؟
انا الحمدالله لما ادخل مكان واشوف الهيئه احس بالراحه
مهم كان يعطون المكان هيبه

الله معكم يااارجال الهيئه
وعساكم على القوه

لانكر ان للهيئة ايجابيات و ايضا سلبيات من بعض افرادها الذين لهم نظرة دونية في الشباب

الله يهديهم بس

المشكله من بعض رجال الهيئة الله يهديهم شوهوا صورة الغالبية الحين اذا الله سبحانه وتعالي قال في كتابه الحكيمانك لاتهدي من احببت ولكن الله يهدي من يشاء)

كيف يبغى هو بهذا الاسلوب الفض يخلي المراة تسمع بنصيحته مع اني ماتوقع انها نصيحة ..

الله يهديهم يارب جد لو امره باسلوب النصح واللباقه كان ماصار كل هالفوضى ..

رجال الحسبه ( هيئة الامر بالمعروف والنهي عن المنكر )
أنكر عليهم الحالة , لانه في كل السعودية فيه اجانب واقصد
الاجانب , غير السعوديين , مع زوجاتهم , ومغطين الراس
بحجاب من دون تغطيه الوجة , ليه ما عملوا معهم مثلما
عملوا مع المسكين السعودي وعائلتة ,,!!
والا لانه سعودي وزوجته سعودية , اسلامه غير عن اسلام
المصري والقطري والكويتي , وزوجته اسلامها غير عن
اسلام المصرية والقطرية والكويتيه والسورية وغيرها ,!!

رجال الحسبة , أتمنى يراجعوا أنفسهم لا والله العظيم طفح
الكيل منهم ومن المطاوعه بشكل عام , مفتيين و رجال هيئة .

أتمنى من وزارة الداخلية ممثلة في اميرها الاسد / نايف بن عبدالعزيز
ينظر في موضوعهم , في اقرب فرصة ممكنة .

أصبحنا واصبح الملك لله ,,,

حقيقة نقاشات انتقاد الهيئة والدفاع عنها صارت مملة للغاية ..
عموما كل عمل لا يخلو من الخطأ ولكن كما قيل :

كفى المرء نبلاً أن تعد معايبه ..

نسأل الله الهداية والحفظ للجميع وان يجعل اعمالنا خالصة لوجه .
دمتم برعاية الله ,,,