ابوفاطمه يعطيك العافية ..
صراحة موضوعك على جرح !
في الـ NBA اذا اللاعب رما الكورة من برا المنطقه وكان في شك حول وقوفه على الخط من عدمه يناظرون الحكام الشاشه ويقررون وتخصم النقطة او تزيد النقطه ، وفي بعض الاحيان تتعدل النتايج ولو بعد الربع الاول او الثاني او الثالث وحتى الرابع ، ومرات قليلة تتعدل النتايج بعد المباراة !
طبعا ً كرة القدم تختلف عن السلة بكثير من الاشياء ، والقرارات اللي مثل استخدام التكنولوجيا بتكون صعبه وممله في بعض الاحيان ، يعني تخيل ان كان في شك حول اللاعب اللي سجل هل هو مستلل ولا لا .. وما طلع متسلل وقعدوا يناظرون الشاشه هل بيركض اللاعب وبيفرح بهدفه ولا الجمهور بيطامر
انا ضد استخدام التكنلوجيا في كرة القدم رغم انها نجحت في رياضات اخرى ، لان اللعبة عفوية وهذي حلاوتها ..
ويجب عقد دورات تدريبية و برامج لتطوير الحكام وزيادة لياقتهم ، ايضا ً تغيير نظام اختيار الحكام ، واعادة النظر في الحكام الدوليين لان طلع في كثير منهم ما يستاهلون .
هي المشكلة في ازمة حكام في العالم كله .. حكام الطليان مرتشين والاسبان مدري وش قصتهم والانقليز تحس انه عير وجلف و ماله عقل !
والسعوديين ذبحتهم الكبسه
على العموم انا وجهة نظري ان تطوير الحكام افضل من استخدام التكنلوجيا وخلونا نعيش مستقبل بامور يحسمها انسان موب آلة ولا حاسب ..
احس ان بعد 30 سنة كل واحد قاعد في بيته و ويشتغل وياكل ويربي عياله ويوصلهم المدرسه ويلعب بلوت وكن كان ويروح بن بان وهو جالس
يا عمي فكونا
معليه على الشطحه ابو ثامر بس ياخي خلني افضفض