حيا الله الجميع ..

والمنجزين أهم شيء ( )


بس ما أعرف ليه الغالبية يكتبون ( حققنا أهدافنا ) بدون ما يذكرونها ؟

لما طلبنا كتابة أهدافكم ؛ كان هذا حتى يستفيد الجميع ..

اولاً .. حتى تعلو همة الواحد لما يشوف أهداف الآخرين المختلفة ؛ خصوصًا الأهداف الكبيرة والعظيمة

مثلاً شخص هدفه يكتب كتاب ؛
هذا هدف كبير وحلو .. خارج عن المؤلف عادةً .. فهو رح يحمس غيره ويخلي طموحه كبير


ثانياً .. حتى يسهل تحقيق الهدف على غيرك ، يعني شخص قال أنا كان هدفي أنزل وزني و الحمدلله نزل

فلما يجي شخص ( أمنيته ) ينزل وزنه رح يتفائل و يجيه دافع أنه فعلاً ينزل وزنه ..


وأقرب مثال .. الأخ رسام الأحاسيس لما قال أن صار يقرأ قرآن بعد صلاة الفجر ..
الشيء هذا يعطيني ويعطي غيري مثل الأخت الهنوف ( دافع ) كبير لقراءة القرآن يومياً ،،،


اتمنى ..
اتمنى..

أنو كل أحد يشارك يساعدنا بكتابة أهدافه .. عشان النقاط الي ذكرتها قبل شوي

والله يعطيكم العافية على هذا الحماس والمشاركة الحلوة ..

ربي يحقق لكم ولي كل ما نتمناه .. ويعينا على الخير


و الى الآن على وعدي بأني رح أكتب تقرير عن الثلاث شهور الماضية
ولكن اذا لقيت وقت يناسبني أفضل من هالوقت بإذن الله تعالى ..،،

.

^
أخيراً لقيت أحد مثلي
هدفك الأول هو نفس الهدف اللي راسمه لنفسي من سنتين يمكن .. طبعاً خلال فترات متقطعة بسبب ظروف العمل ومشاغل الحياة الكثيرة .. التزمت بنادي صحي وجربت انواع الريجيم بالنهاية طلعت غلطان .. المشكلة ماهي بالاكل نفسه بقدر ما كانت في الكميات .. تقدر تاكل الاكل اللي تبيه وتحبه لكن تخفف من الكمية فقط

طبعاً خلال اقل من سنتين خسرت 40 كيلو ولله الحمد (بعد قولوا ماشاء الله ) .. وباقيلي 8 كيلو فقط وانجز مهمتي .. طبعاً اغلب اللي نزلته لما كنت ملتزم بالنادي ومخفف من اكلي .. يمكن ما يخفاكم النادي له فوايد كثيرة غير التخسيس و اللياقة و الشد وخلافه .. طبعاً الجزء الآهم كان هو تعود الجسم على الحركة .. ساعات نومي قلّت .. نشاطي اصبح مضاعف ولله الحمد .. ان شاء الله في الموضوع القادم ابلغكم بالتطورات

شكراً عقد الياسمين ومن كان معك من إعداد وتصاميم
الله يكتب لكم أجر ما سويتوا مضاعف

إقتباس الرسالة الأصلية كتبت بواسطة hilalemooot . ^ أخيراً لقيت أحد مثلي هدفك الأول هو نفس الهدف اللي راسمه لنفسي من سنتين يمكن .. طبعاً خلال فترات متقطعة بسبب ظروف العمل ومشاغل الحياة الكثيرة .. التزمت بنادي صحي وجربت انواع الريجيم بالنهاية طلعت غلطان .. المشكلة ماهي بالاكل نفسه بقدر ما كانت في الكميات .. تقدر تاكل الاكل اللي تبيه وتحبه لكن تخفف من الكمية فقط طبعاً خلال اقل من سنتين خسرت 40 كيلو ولله الحمد (بعد قولوا ماشاء الله ) .. وباقيلي 8 كيلو فقط وانجز مهمتي .. طبعاً اغلب اللي نزلته لما كنت ملتزم بالنادي ومخفف من اكلي .. يمكن ما يخفاكم النادي له فوايد كثيرة غير التخسيس و اللياقة و الشد وخلافه .. طبعاً الجزء الآهم كان هو تعود الجسم على الحركة .. ساعات نومي قلّت .. نشاطي اصبح مضاعف ولله الحمد .. ان شاء الله في الموضوع القادم ابلغكم بالتطورات شكراً عقد الياسمين ومن كان معك من إعداد وتصاميم الله يكتب لكم أجر ما سويتوا مضاعف

هلا بوحميد .. الله حيّه

ماشاء الله تبارك الله 40 كيلو انجاز رائع .. لكن الحمدلله وضعي ماكان زياده مره مثلك .. كنت اخف ويمكن شفتني انت عالطبيعه ايام بطولة الشبكه ..

أحب أعلق على اكثر من نقطه

تبي الصراحه ؟! أنا ماكنت اتصور بعمري اني ممكن في يوم ما انجز انجاز مثل هذا وانزل 17 كيلو .. كنت اعتبره شي كبير وصعب ..

لكن بعد ما قعدت مع ناس مثلك وشرواك بالنادي .. اللي نزل وزنه 30 كيلو .. واللي نزل 40 .. واللي نزل 50 ..

عرفت أن الامر ليس مستحيل ، وان كل شي ممكن .

وهالشي شجعني جداً أني استمر .. والكلام للاخوه اللي يرغبوا بتخفيض وزنهم ويرون ان الامر مستحيل .. حتى وان كان من الاوزان الثقيله جداً .. مافي شي مستحيل وربي




النقطه الثانيه .. هي الأكل .. نظريتك فيه منه لكن ليس على كل أنواع الاكل .

يعني واحد يعشق شي اسمه ( صاروخ شاورما ) .. هل ممكن يصير ياكل صاروخ واحد .. بعد ما كان يكفيه إلا صاروخين ..

منطقياً ما تجي

لكن .. أفضل الريجيمات .. هو الريجيم اللي تنزل من خلاله .. لكن برتم معين ومايكون سريع .

يعني أفضل شي سويته انت ماشاء الله عليك .. أنك نزلت 40 كيلو خلال سنتين .. وهالشي يعتبر جيد .. انك نزلته شوي شوي ..

اعرف واحد معي بالنادي .. نزل 45 كيلو خلال 3 شهور .. طبعا يعتبر أجرم في حق نفسه .. لأن هناك قاعده بسيطه ومهمه تقول : ( اللي يروح بسرعه .. يرجع بسرعه ) .

وهالرجال لو توقف عن الريجيم او الرياضه .. رح يرجع أسمن من أول وبسرعه بعد .

غير كذا .. ممكن يكون فيه ضرر عالجسم هالنزول العنيف .


ثالث نقطه .. أن التسجيل بنادي كويس أمر مهم وضروري مع الريجيم .. التمارين السويديه بطله بطله بطله غير المسبح طبعا

عالعموم أنا أخر مره شفتك عالطبيعه من 10 شهور تقريبا .. وضعك كويس .. لكن استمر وبإنتظار جسم رائع ومقسم مثل اللي يجون بإعلانات الشامبو



يمكن أطل عليك بالخاص .. أبي من خبرتك شوي بهالموضوع


وقبل لا أختم .. نصيحه للأوزان الثقيله .. أياك تلعب حديد وانت سمين .. يصير شكلك غلط .. تخيل عاد عضلات على الكرشه



عذراً صاحبة الموضوع ، لكن أعيد واكرر للجميع .. مافي شي صعب


وصدقني تقدر على تحقيق هالهدف



دمتم بود

.

^


تعرفه ؟!
كل ما شفته تذكرتك .. هذا ماركو ايمليا حارس ايطالي .. قسم بالله كل ما شفته تذكرتك .. يشبه لك .. و برضو حارس بطل و كويس مثلك

بالنسبة لاخر مرة شفتك فيها وشفتني انا كنت بادي قبلها بشهرين تقريباً .. مشكلتي ما استمريت بسبب الظروف يعني التزم شهرين واقطع شهر و الوزن صار زي سوق الاسهم .. هو البداية النزول كان خرافي بعدين الواحد يواجه صعوبة بسيطة لان اللي ينزل بالبداية السوائل اللي بالجسم .. المرحلة الاخيرة الدهون وهي المشكلة

بالنسبة للأكل انا اوكي قلت الاكل اللي تاكله بس مو لهالدرجة عاد .. اصلاً الكلام ما يشمل الوجبات اللي فيها دهون كبيرة + الفاست فود .. هم اساس المشاكل بصراحة .. و الناس قليل تاكل اكل صحي .. الفطور فلافل والا كبده .. الغدا كبسة .. العشا صاروخ والا برغر .. خخخخخخخخخ .. اكلات تذبح وضررها كبير وفايدتها قليلة اذا كان لها فايدة !

نقطة مهمة للي يبي ينضم .. زي ما قلت انت النزول بسرعة معناته الوزن يرجع بسرعة .. اكل العنب حبة حبة .. الموضوع يبيله صبر وإرادة و عزيمة قوية .. وان شاء الله خلال الثلاث شهور الجاية اخلص من الزيادة البسيطة وابدا اشتغل حديد

عموماً ما ابي اطول ونقلب الموضوع شتشتة
وان شاء الله نسوي حملة انا وياك عن هالموضوع
ان احتجت شي راسلني خاص
اعتذر من صاحبة الموضوع و المشرفين ان كان في ردي شتشتة