نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - √∂ [ الإجتمـاع الأول لحملة خطوة بخطوة نصنع إنجاز ] ∂√

R D H · #36 22/04/2010, 02:12 AM

إقتباس

الرسالة الأصلية كتبت بواسطة hilalemooot


	. ^ أخيراً لقيت أحد مثلي هدفك الأول هو نفس الهدف اللي راسمه لنفسي من سنتين يمكن .. طبعاً خلال فترات متقطعة بسبب ظروف العمل ومشاغل الحياة الكثيرة .. التزمت بنادي صحي وجربت انواع الريجيم بالنهاية طلعت غلطان .. المشكلة ماهي بالاكل نفسه بقدر ما كانت في الكميات .. تقدر تاكل الاكل اللي تبيه وتحبه لكن تخفف من الكمية فقط طبعاً خلال اقل من سنتين خسرت 40 كيلو ولله الحمد (بعد قولوا ماشاء الله ) .. وباقيلي 8 كيلو فقط وانجز مهمتي .. طبعاً اغلب اللي نزلته لما كنت ملتزم بالنادي ومخفف من اكلي .. يمكن ما يخفاكم النادي له فوايد كثيرة غير التخسيس و اللياقة و الشد وخلافه .. طبعاً الجزء الآهم كان هو تعود الجسم على الحركة .. ساعات نومي قلّت .. نشاطي اصبح مضاعف ولله الحمد .. ان شاء الله في الموضوع القادم ابلغكم بالتطورات شكراً عقد الياسمين ومن كان معك من إعداد وتصاميم الله يكتب لكم أجر ما سويتوا مضاعف

هلا بوحميد .. الله حيّه

ماشاء الله تبارك الله

40 كيلو انجاز رائع .. لكن الحمدلله وضعي ماكان زياده مره مثلك .. كنت اخف ويمكن شفتني انت عالطبيعه ايام بطولة الشبكه ..

أحب أعلق على اكثر من نقطه

تبي الصراحه ؟! أنا ماكنت اتصور بعمري اني ممكن في يوم ما انجز انجاز مثل هذا وانزل 17 كيلو .. كنت اعتبره شي كبير وصعب ..

لكن بعد ما قعدت مع ناس مثلك وشرواك بالنادي .. اللي نزل وزنه 30 كيلو .. واللي نزل 40 .. واللي نزل 50 ..

عرفت أن الامر ليس مستحيل ، وان كل شي ممكن .

وهالشي شجعني جداً أني استمر .. والكلام للاخوه اللي يرغبوا بتخفيض وزنهم ويرون ان الامر مستحيل .. حتى وان كان من الاوزان الثقيله جداً .. مافي شي مستحيل وربي

النقطه الثانيه .. هي الأكل .. نظريتك فيه منه لكن ليس على كل أنواع الاكل .

يعني واحد يعشق شي اسمه ( صاروخ شاورما ) .. هل ممكن يصير ياكل صاروخ واحد .. بعد ما كان يكفيه إلا صاروخين ..

منطقياً ما تجي

لكن .. أفضل الريجيمات .. هو الريجيم اللي تنزل من خلاله .. لكن برتم معين ومايكون سريع .

يعني أفضل شي سويته انت ماشاء الله عليك .. أنك نزلت 40 كيلو خلال سنتين .. وهالشي يعتبر جيد .. انك نزلته شوي شوي ..

اعرف واحد معي بالنادي .. نزل 45 كيلو خلال 3 شهور .. طبعا يعتبر أجرم في حق نفسه .. لأن هناك قاعده بسيطه ومهمه تقول : ( اللي يروح بسرعه .. يرجع بسرعه ) .

وهالرجال لو توقف عن الريجيم او الرياضه .. رح يرجع أسمن من أول وبسرعه بعد .

غير كذا .. ممكن يكون فيه ضرر عالجسم هالنزول العنيف .

ثالث نقطه .. أن التسجيل بنادي كويس أمر مهم وضروري مع الريجيم .. التمارين السويديه بطله بطله بطله

غير المسبح طبعا

عالعموم أنا أخر مره شفتك عالطبيعه من 10 شهور تقريبا .. وضعك كويس .. لكن استمر وبإنتظار جسم رائع ومقسم مثل اللي يجون بإعلانات الشامبو

يمكن أطل عليك بالخاص .. أبي من خبرتك شوي بهالموضوع

وقبل لا أختم .. نصيحه للأوزان الثقيله .. أياك تلعب حديد وانت سمين .. يصير شكلك غلط .. تخيل عاد عضلات على الكرشه

عذراً صاحبة الموضوع ، لكن أعيد واكرر للجميع .. مافي شي صعب

وصدقني تقدر على تحقيق هالهدف

دمتم بود