من أول فرصة للتأهل , كسبها ..! وفيدرير 5 فرص ولا جاب ولا وحده
فيدرير , بالله وشتحس به بعد هالمباراة ؟! ليه هالتضييع ؟!
أوكي فاهمين كان كويس ومتحسن , لكن الفرص اللي جاتك بيدك , يعني أبي أفهم شيء واحد بس , فيدرير إلى متى راح يستمر من تطيير الكورة خارج نطاق الملعب !
يا عمي حرام عليك , هذا والجمهور ما عمل فيك مثل غيرك وتتوتر كذا , أجل شخليت للباقي وأنت صاحب الخبرة
صحيح مونفيس محظوظ , لكن هالمرّة تختلف اختلاف كُلي عن مواجهة المحظوظين وأخس بالذكر الأسطورة في مونتريال , لأن السبب وقتها كان هو استغلال وحماس الأسطورة لهفوة فيدرير فقط .. لكن الليلة غييييير , دام ان اللي في يده أكثر من اللي في يد خصمه , معناها الحق عليه .
حرااام وربي حرام اللي صار , هذا وأنا ما أشجع فيدرير ولا لي في البطولة لا ناقة ولا جمل , إلا إني منغبن عليها , رغم إني وقت المباراة ما أشجع أحد .
إني أحصر الأمور في ان إما يكون فيدرير غير محظوظ أو خصمه محظوظ , هالأمر صعب جداً
صحيح قلت فوق ان مونفيس محظوظ , لكن لزوم أعطي كل ذي حقٍ حقـه .. " مونفيـس " بطـل في المباراة , وقللّ كثير من أخطاء ذاك اللاعب " الجبـان " اللي تعودنا عليه أمام الكبار .. وهالشيء تطور كبير يُحسب للفرنسي .
كلامي مشتت .. غصة فيدرير صارت فيني
المشكلة إني ما أعرف هل هذا أداء فيدرير , هل ارتفع هل نزل , لان آخر مباراة شفت فيها خشّة المايسترو هي سمي فاينل أمريكا , وهذي أول مباراة له أشوفها , فصعب جداً أتكلم فيها عن أداءه , با استثناء في حاجة وحدة , اللي هي هبوط الأخطاء المباشرة على الشبك , آخر ما خبري فيه انها كانت مرتفعة بشكل مُخيف ولا تليق بِـ لاعب في التصنيف الثاني أبداً .. حتى وإن كانت لا زالت موجودة وما زالت معظمها " تافهة " إلا ان هالشيء لوحده تغير ... ما أدري هل هالتحسن كان فقط في هالمباراة أو قبل , الله أعلـم .
اممم .. أظن كفاية شتشتة .
وهاردلك من كل قلبـي هالمرّة لجماهير فيدرير , وغبنة كبيرة للجمهور اللي تابع المباراة , وشاهد كيف الـ 5 فرص تضيع الواحدة تلو الأخرى ... أدري مهيب أول غبنة , لكن هذي أسوأها هالموسم , لأن الأحقية " كلهـا " للمايسترو .
وبالتوفيق لِـ روبن , اللي قدم مباراة بطلة بطلة أمام لودرا , أكمل مشواره على هالأداء الخرافي , هذا هو " روبن " اللي أعرفه .. اللي قدمه في المبارتين الأخيرتين حاجة عجيبة , ما عندي وقت أفصل في مدحه , ورانا مباراة كالتشيو , لكن بالمجمل رغم تحسن طرفيّ النهائي بالوجه العام , إلا ان " روبـن " هو الأفضل وبمسافات , وأظن هو الأقرب والأحق للقب , وإن شاء الله ما يتأثر للجمهور التحفـة .
على طاري الجمهور , تعليق سبق وذكرته , الجمهور الأمريكي عندي أهون بكثيـر من جمهور النصب جمهور فرنسا
جمهور امريكا حتّى لو يلعب أضعف لاعب أمريكي أمام فيدرير أو نادال , يبقوا معه كأنه " روديـك " وأكثر , لكن الجمهور الفرنسي لا .. تعصبهم فجأة يقل وبشكل ملحوظ إذا كان خصم مواطنهم فيدرير أو نادال .. الله على الوطنيّة !
على كلِ , نتمنى يكون الفاينل بكره لا يقال حماساً ومتعة عن نهائييّ الموسمين الماضيين .
/
Lionel
أجل لودرا
اممم .. مش بس القصة ان كبير وما في أمل قدامه مثل ما قال رهيف
لكن القصة الكبيرة , أن ماله صيت تاريخي من الأساس .
يمدحون " جوكوفيتش " .. وحيّاك معنا
من أروع المباريات اللي شفتها مباراة اللود و سودرلنق ..
تمنيتها تنتهي للمبدع الممتع لودرا بس ما كتب الله ..
مونفيس جمهور فرنسا نرفز الخبل موري و تنرفز على طول
و لا كان قدر عليه .. و الآن يطلع فيدرر بطريقة غريبة !
لي عودة أن شاء الله ..
بس روبن " رهيـب " ما زال يكمل مشواره في بهالأداء المميز , طبعاً بدون ما أنسى ان سهّل عليه الغيـاب التام لِت مونفيس وإن شاء الله يصحصح فقط لإضافة المتعة المباراة لا أكثر ولا أقل
وبإذن الله البطـل بيكون " روبن " في حال أنهى المباراة على نفس الأداء وإن عاد مونفيس إلى مستواه .
أحلى شيء في المبـاراة ان الجمهور ماخذ له غفوة .. يا زينك يا ربون اذا بتسوي فيهم كذا .
فرصتك للتصويت لأفضل لاعب تنس بموسم ( 2010 )
عن طريق الموقع الرسمي لرابطة لاعبي التنس المحترفين ( ATP ) ***
سيتوقف التوصيت في ( 17 نوفمبر 2010 ) ***
وستعلن النتائج ختام الموسم في بطولة ( كأس الأساتذة ) بـ ( لندن )
علماً بأن التصويت يشمل أفضل لاعب في الفردي والزوجي
المباراة كانت أقل ما يُقال عنها " فاشلـة " ومن طراز عالي .. شككونّي في اللي أتابعه !
ويييين فاينل الأسطورة ونالبي الخرافـي أو النول ومونفيس , فرق السما عن الأرض ... بس يلا على الأقل هالفاينل أهون بكثير من فاينل 07 " نالبـي vs نادال " <
الحمد لله البطـل " روبن " مثل ما توقعت وتمنيت
روبن , الموسم الماضي طلع من الربع النهائي من أمام النول , ومازلت أذكر ان كان هو الأحق من النول بالتأهل , كان أداءه الموسم الماضي في هالبطولة جداً مميز وأكمل تألقه مباشرةً في لندن اللي قدم فيها أداء خـرافي كاد فيها يتأهل إلى الفاينل لولا تألق الغائب الحاضر " دل بوترو " .
روبن مشكلته الأساسية ان ما يستمر على نسق واحد , وبالمقابل نشوفه اذا استمر دائماً ما يحرز المكسب .. روبن مميزاته كثيرة , مميزاته من طينة عالية بإمكانها تغطي على عيوبه , يعني هو مهوب من طقّة اللاعبين اللي اللهـم " الإرسال " معيشهم , بلعكس روبن كويس في التبادلات وتغطيته للملعب ممتازة , صحيح تغطيته للشبك سيئة لكن في الوقت الراهن أشوفها تحسنت وبشكل كبير وواضح , وهالتحسن والتطور يحسب له أكيد في استغلال غياب الأرجنتيني والتقدم في التصنيف ومن ثم المحافظة عليه حتى الآن !
بالفعل , " روبن " منذ إقصائه لِـ " نادال " في الرولان 09 , وهو في استمرار ممتاز لمسيرة تألقه .. والإنجاز اللي عمله في الرولان كان بمثابة " تحفيـز " كبير له و التفكير في وضع بصمة كبيـرة في سجله في اللعبة .
طبعاً ملاحظة على بطولة باريس , هي أكثر بطولة يكون احتمال فيها تتويج بطل جديد .. يعني مين يصدق ان تومـاس كان بطل لها طبعاً السبب أظن يرجع لوقتها وانها في نهاية الموسم ووقتها اللاعبيـن الكبار واللي يُعوّل عليهم المجهود الأكبر لتحقيق اللقب ووقتها استهلكوا طاقاتهم مما يفتح المجال للي أقل منهم وياخذون راحتهم , يعني معقولة فيدرير لأول مرّة يتأهل إلى سمي فاينل باريـس وهو صاحب الألقاب والأرقام القياسية !!
إقتباس
تمنيت هالبطولة تروح لمونفيس على الاقل مايروح جهده هالموسم الا بطولة كبيره ..!
حراام عليك ... أي مجهود له هالسنة ؟!
يمكن هذا أكثر موسم له تبطح فيها على السرير
مونفيس أنسب كلمة له هالموسم هي " كخـة " !
لدرجة ان الوكاد نشوف مبارياته لأن ما يتأهل أدوار متقدمة في البطولات , هذا اذا شارك فيها , يعني احسب ان كثير ما يغيب عن البطولات لأسباب معروفة .
يمكن أكثر مباراة تحضرني له هي أمام فونيني في الرولان , وبعد أمام نادال في مدريد اللي جاب فيها دروب شوت اختراع .. قط شفت دروب شوت تطلع الكرة من خلاله قريب المدرجات
مونفيس من سوئه هالسنـة سواها .. حتى أذكر الشطي قال " مدري هذي دروب شوت وإلا ايش يا مونفيس "
في المقابل روبن قدم موسم جداً طيب , كسب نقاط كثيرة , حافظ على نقاطه .. يعني أظن الفروقات بينهم واضحة .
صح , بالنسبة لِـ فيدرير , أثاريك تشجعه .. على بالي انك نادالي
المهم فيدرير هالموسم - حتى الآن - أضاع 10 فرص تقريباً للفوز بالمباراة وانهزم فيها !
" فرصتين " امام باغداتيس في إنديانا + " فرصـة " أمام بيرديتش في ميامي + " فرصتين " أمام النول في امريكا
ومصخها عاد أمام مونفيس بِـ 5 فرص !
ولو حسبنا النقاط اللي خسرها من هالبطولات من هالخروج اللي طلعه
اممم يمكن تجي حوالي 750 يمكن أكثر ويمكن أقل ما حسبتها صحّ , وهذا مع حساب الزيادة اللي من باريس اللي هي حوالي 315 نقطة !
السؤال اللي يطرح نفسه .. هل دايم يكون سبب تفريطه لهالفرص هبوط مستواه ؟!
المهم مالي فيه وعساه بهالحالة وأردى
صحّ , شكراً ع الولكمة واسمي محمد
/
بطولة لندن يا عيال قريب تبدأ ... ودي أساهم فيها بما إني فري , وودي برضو نعمل حاجة ديفرنت , يعني ان كل لاعب يكون لوحده بحيث نتكلم عن موسمه بالأرقام وبأداءه ثم عن اسلوبه والإحتمالات المرتقبة لكل لاعب في البطولة , وما إلى ذلك
مادري عنكم اذا كنتوا سويتوا شيء .. الأرقام ما في أسهل منها والمعدلات برضو , والأمور الثانية اللي تكون بآراء يُغيّر نمطها مع بعض الإضافات
بطولة باغيس بيغسي كانت بطولة ممتعة الصراحة , فيها مباريات نارية مثل سودر و لودرا و لودرا و جوكوفيتش و موري و مونفيس المهم إني استمتعت بها شخصياً أكثر ما أعجبني هو لودرا المقاتل يكفي ولده لابس البي أس جي , الجمهور الفرنسي كالعادة جمهور أبو ريالين ما في أي أحترام للخصم و ضد موري كان متجلي هذا الأمر ! مبروك لسودرلينق لاعب حظه سيء دائماً أخيراً جاب ماسترز أظنها الأولى له و لا ؟
إقتباس
طبعاً ملاحظة على بطولة باريس , هي أكثر بطولة يكون احتمال فيها تتويج بطل جديد .. يعني مين يصدق ان تومـاس كان بطل لها طبعاً السبب أظن يرجع لوقتها وانها في نهاية الموسم ووقتها اللاعبيـن الكبار واللي يُعوّل عليهم المجهود الأكبر لتحقيق اللقب ووقتها استهلكوا طاقاتهم مما يفتح المجال للي أقل منهم وياخذون راحتهم , يعني معقولة فيدرير لأول مرّة يتأهل إلى سمي فاينل باريـس وهو صاحب الألقاب والأرقام القياسية !!
يا سلام عليك يا محمد 10/10 بهالنقطة أنا كنت مستغرب كيف نادال و فيدرر و المصنفين الأوائل أغلبهم ما قدروا يحققون شي مميز بهالبطولة كلامك يوضح كل شي وولكم بااك يا مستر
1- الاسباني رافاييل نادال 11450 نقطة 2- السويسري روجيه فيدرر 7645 نقطة 3- الصربي نوفاك ديوكوفيتش 5635 نقطة 4- السويدي روبن سودرلينغ 5380 نقطة 5- البريطاني اندي موراي 5360 نقطة 6- التشيكي توماس برديتش 3755 نقطة 7- الاسباني دافيد فيرر 3735 نقطة 8- الأميركي اندي روديك 3665 نقطة 9- الاسباني فرناندو فرداسكو 3240 نقطة 10- الروسي ميخائيل يوجني 2920 نقطة
4Likes
تصويت 
كانت بطولة ممتعة الصراحة , فيها مباريات
, الجمهور الفرنسي كالعادة جمهور أبو ريالين
الوضع العادي
