اخوي مناجي الهلال كلامك رائع جداً

أنت وعاشق فن الابداع

الله يعطيكم العافية ..

إقتباس الرسالة الأصلية كتبت بواسطة ابيدال العــرب 4 كلام سليم 200 % , الاجانب هم اللي ينقلون الكرة بشكل سريع ويبنون الهجمه صح بالذات لي يونق ورادوي لي يونق يوم تجيه كوره ماياخذ 4 ثواني الا انه متقدم وقاطع نص الملعب عكس الزوري على بال مايستلم باليسار ويقدم الكوره ويناظر يمين ويسار بعدين يمرر وعزيز احسه تحسن شوي في نقل اللعب بسرعه والمرشدي المفروض اذا جته الكوره لايتفلسف فيها ويتقدم وبيسوي يناول للاعبين الوسط ماعمري شفت للمرشدي تمريرة صحيحه للاعبين الوسط المهاجمين

هذا ما اقصده اخي الكريم

وهو ملاحظ في بعض اللاعبين تاخير الكره بغير داعي وكثرت الكرات العرضية التي لاتفيد الفريق وقد تسبب خطرا عليه

واتمنى ان يتطور المرشدي وبعض اللاعبين الاخرين في سرعة التفكير ونقل الكرة الطولي للامام بدلا من العرضيات

واشكر لك المشاركة

إقتباس الرسالة الأصلية كتبت بواسطة No E7tkak H نقل الكره السريع وايضا الضغط ع حامل الكره واهم شي احترام الخصم بأذن الله البطوله هلاليه

بالتاكيد اخي العزيز

احترام الخصم من الامور الواجب توافرها اساسا بكل مباراة

الله يسعد قلبك

وكلامك رائع

الله يوفق نادي القرن في البطوله الاسيويه
وان شاء الله نتاهل لكاس العالم للمره الثانيه

الله يوفق نادي القرن في البطوله الاسيويه


الله يعطيك العـآفيـه على الموضوع .. ^_*

نظرة فنية رائعة من إنسان فاهم كورة .

أضرب لك تحية سلام يا بطل .

إقتباس الرسالة الأصلية كتبت بواسطة سمانا هلاليه انا معاك ان نقل الكره بسرعه سبب الفوز بعد توفيق الله وازيد الروح والحماس لها دور كبير وانا قلتها قبل كذا وكتبتها بموضوعي عن مس كرمان

ولله الحمد الفريق هذا الموسم في جميع مبارياته ماعدا اثنتين او ثلاث

كلها كانت الروح موجودة وكانت مقرونة بالنتائج ولله الحمد

فقط اتمنى تحسين مسالة نقل الكرة السريع

و انت الحين مسوي جايب شيء !!

من سنه الغرقه و حنى نقول نقل الكرة بسرعه تكفون اسرع

و الزوري هذا لو وش يصير ما فيه امل يعتدل !!!

و الرياضه اذا ما صار فيها خصخصه و شغل احترافي احلم ان يكون لعبك احترافي

و دمتم سالمين ... ^_^

إقتباس الرسالة الأصلية كتبت بواسطة زعيمي صريح الله يعطيك العافيه على موضوعك الرائع بس كيف يتم نقل الكوره بالطريقه التي ذكرتها وعنك واحدمو يذبح الهجمه الا يذبح المتابع وهو الفريدي عشان لقبناه بالفيلسوف قعد يسحب ويتمشكل ارجو النضر في امره ومستواه متغير..

اشكرك على المرور اخي الكريم

الفريدي صاحب مهارة وثقة في ارض الملعب

ولكن انظر لجريتس لم يشرك الفريدي في كثير من المباريات الا كبديل او يضعه على قائمة الاحتياط

ليس لسوء الفريدي بل لانه لايخدم الخطة فجريتس حريص على تسريع اللعب

والفريدي اتوقع انه يتعلم بسرعة ويعرف ان اللعب السريع وصناعة اللعب بسرعة هي مفتاح الفوز وارباك الفريق المقابل وان شاء الله نرى الفريدي بشكل مختلف في المباريات القادمة

إقتباس الرسالة الأصلية كتبت بواسطة ~ احترآفيـــه..! اتفق معك تماما .. واتفق اننا نعاني احيانا من مشكلة الاحتفاظ الزائد بالكرة من غير مبرر .. خصوصا من بعض اللاعبين كـ الزوري والشلهوب اللي اتمنى يطورون هالناحية عندهم ويكونون أسرع بالتفكير وبنقل الكرة .. في شي ثاني غير النقل السريع .. التركيز الدائم مفتاح للحضور الذهني والبدني التام.. لذلك اتمنى من اللاعبين جميعهم الاجتهاد والجدية وعدم السماح لأي اطراء او مديح -وهو متوقع بالفترة القادمة وبكثرة - أن يؤثر عليهم لأن المبالغة بكلمات الاشادة قد تؤثر سلبا وليس ايجابا .. والتركيز يجب ان يستمر لحين انتهاء الدور 16 بغض النظر عن حجم الفرق اللي بنقابلها .. حتى نقدر تجاوز اسوء الظروف أكثر ما أخشاه .. هو حدوث هبوط مفاجئ لمستوى اللاعبين واللي ممكن يؤثر سلبي.. أو حدوث نتيجة كبيرة سلبية اكثر منها ايجابية رغم اننا نسعى للفوز.. ولكن لا أتمنى نتائج كبيرة أبدا واللي تكون فوق المتوقع بكثير لكن ان شاء الله اللاعبين قدها والله يوفقهم وبإذن الله هالموسم بكامله أزررق

اشكر لك المشاركة التي اضافت للموضوع الكثير

وكما قلتي يجب على هؤلاء اللاعبين وغيرهم ان يطوروا هذا الجانب المهم في كرة القدم وهو ماينقص الفريق بوجهة نظري

الحضور الذهني يكون حاضرا اذا كانت اللياقة ممتازة وهي موجود ولله الحمد في لاعين الهلال هذا الموسم

بالنسبة للاطراء والمديح فعلا هذا امر نخشاه ولكن بوجود رئيس يعرف خفايا الامور النفسية كالامير عبدالرحمن بن مساعد ورجل اخر اضحى خبيرا في مثل هذه الامور والتاثيرات والالعاب الصحفية وهو سامي الجابر فلا خوف على الفريق ان شاء الله من هالناحية

وما اراه في وجوههم انهم يريدون تعويض اخفاق الموسم الماضي بحول الله ..

وان شاء الله يكون الموسم ازرق

كلامك صحيح بس هذا الشي عادي لو فعله المرشدي وهوساوي

بس البطئ يجي من نيفيز والشلهوب والزوري والفريدي