الاتحاد الاسيوي يحصي جمهور الهلال ويعلن ان عددهم 17000 فقط !!! - نادي الهلال السعودي - شبكة الزعيم

^دٍِّوٍِّلاٍِّرٍِّ^ · #1 14/04/2010, 12:59 AM

السلام عليكم ورحمه الله وبركاته ,,

الف مبروك التأهل وعقبال الـ 8 ,,,

تتوالى ظلم الاتحاد الاسيوي من فتره عند احصاء مباراه الهلال ومس كرمان التي كانت بدره الملاعب وقد احصت الجمهور احصاء ظالم ظالم ظالم ...

والآن موقع الاتحاد الآسيوي يحصي جمهور الهلال بدره الملاعب في مباراه الهلال والسد بحضور 17000 هلالي ,,

اذا ماخاب ظني فجمهورنا وصل لـ 45 الف متفرج ..

امتلاء الواجهه مع الاطراف مع المنصه ويسار المنصه ,,,

الاتحاد الآسيوي الى متى ؟؟!!

موقع الاتحاد الاسيوي

سمسم سامي9 · #2 14/04/2010, 02:18 AM

والله انا استغرب مثل ها الاحصائيات المغلوطه اذا كان 17 الف حضروا فقط اجل الاستاد ماشيل الا 22 الف مقعد

زعـــــالبطولات ــيم · #3 14/04/2010, 02:21 AM

دوري محترفين ودوري متطور والاحصائيات الاهم تكون بالشكل هذا شي جدا غريب !!
يعطيك العافية على الملاحظة ووفقك الله

الذيبـ9 · #4 14/04/2010, 02:30 AM

الحين الجمهور هذا كله 17000 بسـ؟؟؟

مستحيل آكيد فية خطاء او الاستاد مايشيل70000 ألف متــفــرج

جمهور بن أزرق · #5 14/04/2010, 02:36 AM

الاتحاد الآسيوي يأخذ الإحصائيات من الاتحاد السعودي
هل عرفت السبب

دوم مبسوطه · #6 14/04/2010, 02:37 AM

مع نفسسهم
إذا يبون دروس تقويه في الاحصـاء ترانا حاضرين

يعطيك العافية

mr.m7md · #7 14/04/2010, 02:46 AM

مسجل في نهاية الصفحة

ملاحظة : هذه ليست وثيقة رسمية إلا إذا وقعه مفوض المباراة.

طيب .. بودي اعرف .. من اللي حدد عدد الجمهور .؟

مراقب المباراة .؟ او تقرير من مدير الاستاد .؟

او من أين ؟

أتمنى من إدارة نادي الهلال طلب تقرير من مدير استاد الملك فهد .. يوضح فيه عدد الجمهور الحاضر .. وتصدر الادارة الهلالية بيان ..توضح فيه عدد الحضور الحقيقي .. للمباراة

وترد فيه على الاحصائية التي وضعها الموقع الآسيوي !!

الاسطورة يوسف 15 · #8 14/04/2010, 02:46 AM

اجل 17000 !!

يستهبلون ولا وش السالفة

الحضوور اكبر من كذا بكثير واتمنى من الادارة الرد وتوضيح الحقيقة

لو الحضور هذا للنصر كان تشوفون انواع التطبيل من الفراج وطقته

هلالي دووووووم · #9 14/04/2010, 02:51 AM

اذا الواجهه بكبرها 17 يعني الاطراف خمسه ألاف يعني بالكثير استاذ الملك 22 الف

خخخخخخخخخخخخخخخخخخخخخخخخخخخخخخخخخخخخخخخخخخخخ

حلوه منك يالاتحاد الاسيوي

فتى الأمل · #10 14/04/2010, 02:56 AM

والله شي يقهر

واللي يعطي الاتحاد الاسيوي هالمعلومات هم مسؤولي الملعب

ليه كذا حرااااام !!! وربي انهم يحاولون يقللون من جماهيرتنا

حظور اليوم ما بين 35 ألف و 40 ألف

وربي قهر كان المفروض اننا ناخذ المركز الثاني بعد مباراة الاستقلال مع الغرافه والمقدره بـــ 60 ألف

لا وبكره الاتحاد مجانا وبيصيرون اكثر منا ويتخطون 20 ألف

احفظوا حقوق الجمهور يا اداره !!!!

D.T U R K I · #11 14/04/2010, 03:08 AM

الحين الواجهه مليانه ويقولون 17 ألف ؟!
الواجهه لحالها تكفي 40 ألف يكون بعلمهم !
واليوم الواجهه فل .. ومع بعض الآطرآف ..

.هلالي ومرفوع راسي. · #12 14/04/2010, 03:13 AM

غريبة والله ,,

لاحول ولا قوة الابالله..

ḾŎĤǍṀẠḊ · #13 14/04/2010, 03:21 AM

إقتباس

الرسالة الأصلية كتبت بواسطة .هلالي ومرفوع راسي.


	فيه واحد من العيال داخل مع بداية الشوط رقم تذكرته 10000 وشوي. خلونا انقول الحضور 14000 وبالمنصة 5000 يعني 19000 بالكثيير بالنظر للارقام ,,

طيب انا شاري تذكره من موبايلي قبل المباره بيوم
ورقمها 24 الف

الحظور فوق 35 مايبيلها احصاء
اصلا واضح الحظور

بالتوفيق للزعيم اتمنى من الاداره تشوف حل لان هالشئ ممكن يأثر على الهلال مستقبلا من ناحيه الشركات التجاريه
اذا كان ارقام الحظور بهذا الشكل

شكرا صاحب الموضوع

.هلالي ومرفوع راسي. · #14 14/04/2010, 03:27 AM

إقتباس

الرسالة الأصلية كتبت بواسطة ḾŎĤǍṀẠḊ


	طيب انا شاري تذكره من موبايلي قبل المباره بيوم ورقمها 24 الف الحظور فوق 35 مايبيلها احصاء اصلا واضح الحظور بالتوفيق للزعيم اتمنى من الاداره تشوف حل لان هالشئ ممكن يأثر على الهلال مستقبلا من ناحيه الشركات التجاريه اذا كان ارقام الحظور بهذا الشكل شكرا صاحب الموضوع

ممكن يكوون التوزيع غير أمرتب ,,

الذئب البشري9 · #15 14/04/2010, 03:13 AM

بذمتك هذا اتحاد انا من شفتهم انا مافي ذهاب واياب في دور 16 وانا غاسل يدي من ها الاتحاد