عموماً الثابتين كانو 4 ..بالعربي..نعرف كل شي عن بعض..يعني مرره
اشياء مأحد يتوقعها..كل شي كل كل شي..يعني أكثر من أخوان..يشهد الله جلستنا
مع بعض اكثر من جلستنـا مع أهلنـا..!
شوفو كل كلمه تبي تنقال..مب مدح بنفسي لكن عشان أحطكم بالصوره وتفهمون كل شي..!
محمد..انسـان مرح..نتيييف درجه اولى عمره 20
يوسف..لكيييع..ويرفع ضغطك بكل اريحيه عمره 20
عثمـان..ثقل..بس كلمته وحده..انطوائي نوعاً ما وعمره 17
أنا: مرح..ماعندي اي شي..كل شي قدام..زبيدي درجه اولى>>يعني احد مانبيه بالشله..يزهلون امور التزبيد علي..العيب..(العصبيه الزائده)
من اولى ثانوي كانت انطلاقه الشله..الى حد يومنا هذا
لاجينا نتشاوف ..مانتشاوف بالبيوت..ولا لنا علاقات بحواري بعض..!
أجتماعنا بكوفي..ودايم لابغينا بعض ماندق..نروح للهاكفي..يالقى واحد منهم او اجلس شوي ويجي واحد منهم..!
جاء عثمان مره..ومعه..واحد من اخوياه اسمه علي..!
علي: يكون ولد جيران عثمـان..وتربو مع بعض..يعني أخـوان..!
تكينا ذاك اليوم..وفلينهـا
بعدهـا بيوم:وهنا بدايه القصه..!
جاني عثمـان..وكان منغبن ومستحيل اذا انت مخاوي واحد اكثر من 3 سنوات..ولا راح تعرف انه متضايق من وجهه..!
شف وجه..لقيته متضايق..قلت وش فيك..؟
قال:كل خير..!
قلت تكلم وقل الي عندك..الغبنه طالعه من عيونك..!
قال:..علي..!!
قلت الي امس معنى ..؟
قال ايه..قلت وش فيه..؟
قال:..يدخـن>>هذي مب مشكله تستحق التهويل..!
قلت:قلت علييي يدخن>>انا على معرفه سابقه بعلي
شخصيه علي
وسيم..من مواليد 1415..مهمل من والديه..عثمـان غالباً مايتكفل فيه..فيه فشل كلوي..جسمه ميأهله يوقف بوجه الهواء.يعني عنده الهرومونات ناقصه بالجسم..!
يعني شكله ابو 9 سنين..حتى 9 سنين..كثيره عليه..لو تشوفه تقول بزر بزر
بثالث ثانوي..رحت لمدرسه..أهليه..صادفت وجود علي..معي بنفس المدرسه..كان يدرس وقتها باولى ثانوي..!
كان يجلس مع واحد من اخوياه..!
بس ماكنت مرتاح له..لكن احسنت النيه وقلت الله يوفقه..!
خلال 3 ايام..حلمت بعلي..حلم..!
ويتكرر نفس السناريو بالحلم ..بأختلاف الأشخاص..!
فسسرته عند مفسر معروف..قالي..هذا يقرب لك..قلت لا..؟
قال تشوفه بشكل يومي..قلت تقريبـاً
قال والعلم عند الله..انه يحتاج مساعده منك..شخصياً
مانمت ذاك اليوم من التفكير..وش هالمساعده الي هو يبيهـا..؟
رجعت دقيت ع الشيخ..قلت له سالفه الي محلم فيه من الى..انه كيت وكيت
قال فيه واحد من أخوياك يدرس معه..قلت لا..!
قال طيب..يعني انت لحالك..قلت ايه..قال اجل أسأل عنه شف يمكن عنده مشكله ولا شي
مسكت عثمـان ولا قلتله شي..بس جرجرته بالكلام لين..وصلت لشي...!
قسماً جتنبي الصيحه يوم سمعته..أنه يحشش..!
مهمل من والديه..!!
ماعد له بأحد..يدري..ان هالناس يستغلون جماله..عشان هالحشيش..
أنا معي واحد بالفصل راعي هالأمور هاذي ومهمل من والديه
ورسب بـ9 مواد بالفصل الأول
نقول له ننصحه نهارجه لكن ماعندك أحد راكب راسه
وانت تهارجه تقول خلاص يبي يهتدي وأول ماتخلص يسوي الي براسه
أول مايطلع يشرب له كم سجارة ومعه كم حبه
لكن الحمد لله ماحلمت به وإن شاء الله ماحلم فيه واذا حلمت ماراح افسره
بالنسبة لك ياهلالي من الرس أنت فعلت كل ما بوسعك ولم تستطع
هذا قدر الله ولازم ترضى فيه
ممكن مع مرور الأيام تسنح لك الفرصة
. . . هلالي الرس .. والله ما أدري وش الحل وانا اختك .. لكن مالك ألا الدعـــاء .. وذكّره انه ما راح يندم على اللي يصير له ألا بعدين .. قوله انسى انك تتزوج وتكوّن أسره وأنت بهالحاله .. والله محد يزوجه ولا أحد يوظفه .. عطه من هالأشرطه الدينيه كود ربي يطرح فيه البركه ويهتدي بإذن الله .. ان شاء الله يجي اليوم اللي تبشرنا فيه بهدايته وصلاحه .. الله يكثّر من أمثالك .. ............. . . .
أعتقد ياهلالي إنك بذلت كل ماتقدر عليه
إذا تملك من الصبر فلا تقف عن دعوته
والدعوة لها طرق عديدة :
1-الكلام معه
2-الكتب
3- الأشرطة
4- فيديو توضح ماذا يحدث لهؤلاء .
أولاً وأخيراً خل الموضوع بينك وبينه ولاتقول أكلم شيخ ولا أبوه ولا أخوه
هلا بالطيب
قبل كل شئ اقولك بيض الله وجهك على اللي تسويه وان شاء الله انك مأجور انك شلت همه ولو لم تفعل شئ
هلالي اسمحلي ردي فيه بعض الاشياء اللي قد تنزعج منها لكن ابتكلم بالواقع والصراحه :
بخصوص علي الله يعينه ويحفظه هذا ممسوك عليه شئ وطبعاً مستغل استغلال من قبل ملعن وهذا حال اغلب شباب اليوم الدشير يستغلون الوسيمين لمثل هالأمورمن حيشيش وغيره ..
علي يعيش في عالم متقلب او بمعنى اصح ( تائه ) ومضيع الطريق ويعيش في قلق ولم يجد من يوجهه ووجد شباب استغلوه كما يريدون على مزاجهم ..
علي بسببه اهملت دراستك ومحصولك العلمي .. ونفسك اولى من غيرها لانك لو ناظرت لمثل مشكلة علي لما ذاقت عينك النوم ..
فيه امور اعظم من سالفة علي بكثير ولو كل حاله بتناظرله بتتعب وبتذهب ايامك كله تفكير وهواجيس .. لذلك لا تهمل بنفسك جراء حرصك على الآخرين ..
لا اطلب منك تركه وتطنيشه لا بالعكس احرص لكن انتبه ان حرصك يكون فيه ضرر عليك انت شخصياً ...
انتبه تقفل الباب قدامه .. ممكن واجزم انه بيقط عليك كلمه قويه يوم من الايام اذا تلاقيتوا وماتتحمل وترد عليه بالمثل انت وتفارقه ( هيأ نفسك لمثل هالشئ لان اللي مثله يعيش في اظطرابات ويقط الكلام ولا يحسبله من اللي يحس فيه ) وأحرص وحاول انك تفتح بابك له وماتغلقه يمكن يحتاجك يوم من الأيام ومايحصلك لو تزاعلتوا .. وقله كذا اذا بغيت اي مساعده باي وقت انا معاك .. حتى لو لم تكن معه لكن ممكن يظطر يوم من الايام ويحتاج مساعده ويتصل فيك ..افضل من اي يلجأ الى غيرك ويستغله ..
نصيحه اخيره فيه ناس يهتمون بمثل هالأمورهذي ممكن تكلم احد الثقاة عن حاله وهو بيكون عارف للي مثل وضعه بحكم مرور حالات عليهم .. وبيساعده بمساعدتك انت ..
تراي قلت هالكلام ماهو من راسي مريت بمثل حالتك .. شخص عزيز علي ووسيم تعرف على شخص اكبر منه واستغله كما يريد وتغير علي وبدأ يدخن وحاله لم يعجبني وحاولت اقابله احيان يستجيب واحيان يعتذر واسلوبه متغير مره غير الأول ..
قابلته مره من المرات وصارحته ولكن لم يكن متقبل وبالعربي قالي ( اللي براسي ابسويه وش تبي ؟ ) انا سكت وتركته قلت الله يوفقك .. ولا شافني بطريق فحط ولا دخن بيسوي نفسه انه كفو واني مسكين .. فارقني لمدة سنه وبعده طلب لقاءي ووالله ان دمعته على خده وفارق خويه والولد الان حاله افضل بكثير من اول الحمدلله .. ومتأسف عن اللي صارله ..
الله يحفظك ويخليك لأهللك يالطيب ويكثر من امثالك ويهدي علي .. وانتبه على روحك لان الشخص احيان يدخل بمثل هالأمور بنية الخير ومايدري الا جاره حبه حبه ومع الايام يضيع .. لذلك اقولك انتبه واهتم لنفسك اولاً ثم الاخرين
هلالي الرس اهتمامكـ وانشغال بالكـ وتأثركـ نفسيًا ينم عن معدنٍ صافٍ تملككـ وأحاط بتصرفاتكـ , فلا عليكـ فإنكـ مأجور وستثمر جهودكـ وينتج اهتمامكـ بإذن الله , أما رأيي وما أشيره عليكـ فأعتقد أني أوافق أخي وصديقي بريماكس بيض الله وجهه وأنار بصيرته بالتالي :
إقتباس
الرسالة الأصلية كتبت بواسطة بريماكس
لا اطلب منك تركه وتطنيشه لا بالعكس احرص لكن انتبه ان حرصك يكون فيه ضرر عليك انت شخصياً ... انتبه تقفل الباب قدامه .. ممكن واجزم انه بيقط عليك كلمه قويه يوم من الايام اذا تلاقيتوا وماتتحمل وترد عليه بالمثل انت وتفارقه ( هيأ نفسك لمثل هالشئ لان اللي مثله يعيش في اظطرابات ويقط الكلام ولا يحسبله من اللي يحس فيه ) وأحرص وحاول انك تفتح بابك له وماتغلقه يمكن يحتاجك يوم من الأيام ومايحصلك لو تزاعلتوا .. وقله كذا اذا بغيت اي مساعده باي وقت انا معاك .. حتى لو لم تكن معه لكن ممكن يظطر يوم من الايام ويحتاج مساعده ويتصل فيك ..افضل من اي يلجأ الى غيرك ويستغله ..
نصيحه اخيره فيه ناس يهتمون بمثل هالأمورهذي ممكن تكلم احد الثقاة عن حاله وهو بيكون عارف للي مثل وضعه بحكم مرور حالات عليهم .. وبيساعده بمساعدتك انت ..
انا مدري بالضبط انت وش تبي منه , بتبعده عن الحشيش ولا بتصالح بينه وبين خويك
المهم ان كل شي بالطيب يجي , اذا تقدر تعطيه من الكلآم القآسي شوي بنيه حسنّه ترآ ماعندك مشآكل
لان الحشيش ادمآآآنه مشكككككككككله كبيره
هذآ غير الطرحـة عليه من الحكآيم , وغير كذآ الحشيش مايطلع من دمه الا بعد 45 يوم
فلذلك حآول معه بهالاسلوب , تهديد انه رآح يجي يوم وبينمسك , ولآ رآح يفيده ويوقف معه بهآلوقت الا امه وابوه
والله يوفقك إن شآء الله +
معليش..لكن وشو الي انت ماتدري وش أبي منه انا بالظبط يابعدي قلتلك محلم فيه..3 ايام..يعني تهقى..مزحه هالحلم ...اكيد يهدف لشي..وش أبي منه..ياحبيبي..ابي يترك العيشه الي هو عايشهـا..لكن والله مشكله اذا الواحد مب حاس..ياخيي قلتلك انا اشيل هم الشي..!
معليش..لكن وشو الي انت ماتدري وش أبي منه انا بالظبط يابعدي قلتلك محلم فيه..3 ايام..يعني تهقى..مزحه هالحلم ...اكيد يهدف لشي..وش أبي منه..ياحبيبي..ابي يترك العيشه الي هو عايشهـا..لكن والله مشكله اذا الواحد مب حاس..ياخيي قلتلك انا اشيل هم الشي..!
مالك غير حل واحد تصير خويه الروح بالروح معه علشان يثق فيك ولايقدر يستغني عنك
وبعد ماتخاويه وتزبط الصحبه صح اعزله عن المجتمع حقه يعني اعزله عن معارفه الي يعطونه الحشيش
وحاول تلعب معه على وتر الصحه والمستقبل وتبين اضرار المخدرات
واذا عنده خوات قول بكره لاقدر الله اذا صار في ابوك شي من يشيل مسؤلية اخواتك
والكلام الهين يغلب الحق البين
بس لاتنسى نفسك انت بعد وراك مستقبل يعني حاول توفق بين دراستك وبين نصح خويك
وفي الاخير لايكلف الله نفس الاوسعها واذا فشلت معه لاتحمل نفسك ذنب
انت سويت الي عليك وبيض الله وجهك
آخوي اذا معك رقم جوآله كلم احد المشايخ واعطهم الرقم وهم بيحلون مشكلة
وحده من صديقاتي عطت رقم اخوها شيخ لانه عاق بوالدينه ورايح جاي ضارب
بخواته بس من يوم عطت رقمه شي تكلم معه الشيخ واخذه للمخيمات الدعويه ومن
عقبها الولد تغير حاله وعلاقتة مع والدينه وخواته من افضل مايكون
وجزاك الله كل خير
اتوقع الحل انك تحاول تتقرب منهــ ماراح تفيدهـ لين يصير يأمنك
لكن بقول شي لاتحاول تتواصل مع اهلهــ لان مستحيل يقبل منهم شي
وفيهــ شي ثاني معقولهــ ما في واحد من اخوياهـ زين يعني فيهـ خير كل اخوياهــ حقين حشيش ما توقع
حاول انكك تكلمهــ يمكن ما يتقبل منك ويتقبل من شخص ثاني
بســ يالغلا بقولك شي اذا انت سويت الي عليك ونصحتهـ وحاولت لاتضيق صدرك
لانك سويت الي عليك وهو الي ما يبي مصلحهــ نفسهــ صح يمكن تشوفها صعبهـ
بســ الي كذا اكيد ورااااهــ ناس مستفيدين منهــ ومستحيل ما يلاحظونك وبيحاولون بيعدونك عنهــ باي طريقهــ اي طريقهــ يعني ذولا مايخافون الله ممكن يسون اي شي بس يبعدونك عنهـ