مقطوع راسي + Z!ZOO + BaRiO

كلامكم درر

ما اقدر ازيد عليهم

بالتوفيق لك اخوي و الله يوفقك

بصراحة اخوي مادري وش اقووولك

لعلي انفعك بانك تستمر معه وتتلصق فيه وتسال عن اهله وتصير له اكثر من الاخو لين ماتعرف وش مشكلته

او انك تسشير اخصائي نفسي وتساله وش الحل مع علي

وان شاء االله يجازيك ربي بالخير الكثير

وبالتوفيق

لاهنتو لاهنتو الله يجزاكم خير وبيض وجيهكم

والله ياولد ديرتي ....

اذا تبي تتركه رح اشغل بالك في شيء ثاني ....

رح لمخيمات ,, سافر ,,, اطلع للبر ولا تشيل هم ,,,,

اما اذا تبي تتكلمه الله يعينك ... وخاصة اذا صار يستهبل عليك والا يعاندك ...

رح لأحد الشيوخ او الشيخ الفريدي وكلمه بالموضوع وشف وش يقولك ...

وشف انت الولد وش اكثر شيء يحبه او يجذبه وخذه معك للشيخ ...

والطريق لاتفتح الموضوع عشان مايقعد يستهبل ويصرفك سولف واضحك ...

والا شغل قران يتأثر به ... وعند الشيخ افتح الموضوع وهذا اللي عندي ...

وبالتوفيق لك ...

8
8
8
ممكن أميله طيب..؟..وبأي صفحه يكتب..؟

إقتباس الرسالة الأصلية كتبت بواسطة !!هلالي الرس!! ..الولد عنده شي وشي كبييير..بس خايف يقوله..! حاولت بكل الطرق..لكن مافاد..لين وصلت اني اقرر أتركه..! بعدها بمده..يجيني عثمان يقول تهاوشت معه..

حرام .. كسر خاطري..

أمانه عليك لاتتركه يمكن تكون انت السبب في إصلاح حاله ..
إذا شايف إنك ماراح تقدر تساعده خل المساعده تجي له عن طريقك يعني.. فيه موقع حلو اسمه شبابيات فيه دعاه جزاهم الله خير مخصصين روم للاستشارات وحل المشاكل تقدر تطرح عليهم ذا المشكله او تعطيهم رقمه وإن شاء الله ماراح يقصرون وهم معروفين ..منهم أبو زقم .. وأبو غازي..وغيرهم من الدعاه الأفاضل ..

وربي يوفقك ويجزاك خير ويصلح حال هالولد وكل عيال المسلمين ويسترعليهم<< طلعت عجوز


وهذا إيميل د. خالد المنيف

[email protected]

و الله يا الغالي سبحان الله كنك تدري اني وقعت في نفس المشكله تقريباً , احد الاقارب الاعزاء

على قلبي وقع في مصيدة اصدقاء السوء و لكن ليس حشيش انما ( شراب ) يعني خمر و العياذ

بالله في البداية انصدمت لكن وضعت نفسي أمام الأمر الواقع المشكله اني رغم طلعاتي معه الشبه

يوميه الا انني لم الاحظ عليه اي شيء ربما تكون الثقه الزائده لها دور في هذا الموضوع عموماً

أنا اخبرتك بموقفي لأبين لك ماذا سأفعل و ممكن تستفيد :

1. بعض الاخوان يقول لا تعلم أهله !! في البداية لا تعلم أهله من باب الستر على المسلم , و ايضاً

حتى لا يتأثر بعقوبتهم و يفسرها على هواه ( يعني ممكن يفكر ان هذا كره أو حقد ) ...

2. بتكلم معه و بنصحه و بلهجه قاسيه عشان ابين له أن الأمر خطييييير !!

3. اوضح له الاضرار حتى لو كان يدري بالاضرار و لكن تطبيقاً للآية الكريمة : ( فذكر فان

الذكرى تنفع المؤمنين ) ..

4. اذكره بأشياء جميله عملها معي أو مع غيري و أني مستاء من فعلته هذه !!

5. ممكن اضرب له امثله لأناس وقعوا بمثل هذه الاشياء و ما مصيرهم ...

6. احاول استشير انسان فاهم من المشايخ أو اصحاب العقول الراجحه ...

7. اكرر نصحه و بحاول اتقرب منه اكثر ( جلسات , اتصالات , زيارات و غيره ...)

8. اذا ما نفع كل اللي فوووق آخر الدواء الكي يعني بعلم احد اقرباءه اللي احس انه حريص عليه

أو ابلغ احد الجهات المسؤوله وممكن يساعدوني ....

9. قبل كل شي الدعاء بظهر الغيب و الدعاء لنفسك بالتوفيق و حتى بعد العمل بالاسباب ايضاً

الدعاء مهم جداً ...!


اسأل الله أن يوفقني و اياكم وكل مسلم و أن يهدي هذا الانسان الغالي على قلبي و أن يهدي علي

و أن يوفقك يا هلالي الرس و ينفع بك و يجعل ما تقوم به في ميزان حسناتك ...

اتمنى ما اكون اطلتك عليكم و ادعوا لي يا اخوااااااان

أخوي نصيحه حاول (تلزق) بـ علي
حاول يكون خويك اللي دايم معاه

مثل عثمان والشباب اللي دايم تتقابلون بالكافي
خله صديقك وخلكم دايم تتقابلون (انت وعلي فقط)

عشان يبداء يرتاح معك ويبداء يفض فض لك
واكيد راح يكشف لك حاجات ماتدري عنها
وتوصل لحل معاه


حاول تلزق فيه اعزمه على عشاء
مره بسياره اطلع تمش انت وياه

يكون عند عينك شف من يتصل عليه
ومن يركب معاه ويمره

يعني خلك فاهم كل شي فيه
وتعرف ظروفه عشان تقدر تعالج حالته

ودام نيتك صافيه صدقني الله سبحانه بيوقف معاك ويسهل لك كل شي .

واذا تبي شاب ماشاء الله عليه شبابي
ودايم يفر على الشباب ويطق سواليف معهم
وينصحهم .. طبعاَ مطوع
دايم يجينا في حديقه الروابي او يمر بحارتنا ويلقانا صافطين نسولف مع الشباب
يجي يوقف ويسولف معانا ويعطينا اذكار وملاحظات بالجوال
والله انا متاكد ان هالمطوع راح ينفعك بعد الله سبحان
وراح يعلمك طرق تقدر تساعد نفسك ويحل مشكلتك او هو يجيك
بس اشر على الولد وهو يحلها لك


وعندي ايميله ورقمه
لو برسالة جوال او محادثه مسنجر راح يرد عليك

هو مايصدق احد يكلمه

راسلني على الخاص اذا بغيت .

حاول تستحمله ولا تتركه يمكن هالحلم اشارة ان بيدك مساعدته بعد الله
لاتياس وحاول دوم تخوفه من هالطريق كل ماتشوفه
الله يعينك

الله يستر


انت حاول تكلم المشايخ واكيد تبي تلقى اللي يساعدك عشان يستطيع الحياه براحه

الله لايهييييييينكم سلمتو..!

السلام عليكم ,,,
هلا بك اخوي هلالي الرس
الاخوان ما قصروا نصايح الله يعطيهم العافية ..
لكن بعطيك موقف حصل معي قبل اسبوعين تقريباً

دق علي صديق عزيز جدا وكان واضح من صوته ان في شي ماهو طبيعي !!
على طول سألته محمد وشفيك ؟؟
قال اخوي عبد الله مسكوه مكافحة المخدرات !!!!!!!!!!!!!!!!!!!!!!
عبد الله اخوه الصغير واعرفه زين من كان عمره 10سنوات انسان حبوب وطيب
والحين عمره تقريباً 18سنه وهو لا يدخن ولا يحشش ولا شي !!
بس يعرف واحد يبيع حشيش والظاهر مسكوه معه وذاك لبسه التهمه !!
ويقولي خويي :
ياماجد اول مره اشوف ابوي يبكي كذا !! ويقول امي حالته حاله وتروح غرفة عبد الله وتصيح !!
بصراحة انا قسم بالله كل ما تذكرته ضاق صدري والحين له اسبوعين في السجن واحتمال يحكمون عليه كم سنه !!

باختصار هذه نتيجة من صاحب رفاق السوء ..د مر نفسه واهلة واصحابه !!!

كان الله في عون الجميع ,,,

أول شيئ شكرا لك لأنك وثقت في أخوانك وأخواتك أعضاء المجلس..

ثاني شيئ : أشوف المسألة كبيرة ومو سهلة..وإنت لحالك ماتقدر عليها..مو لأنك مو مؤهل لالالا..فالرسول عليه السلام احتاج لأناس يقودهم ليغيروا الدنيا..يعني يبيلك فريق عمل وكل واحد يتولى شغلة وتتكاملون كلكم لتحقيق الهدف الأبر (إصلاح صاحبكم)..

ثالث شيئ: تشوف كل نصايح الأعضاء ..؟!! العلاج يكمن فيها كلها ..ولأجل هذا قلت لك يبيلك ناس تساعدك وتطبقون كل هالأفكار..

رابع شيئ : أنا بعطيك رأيي في رسالة خاصة سأكتب فيها كل شيئ أرى أنه مناسب ..
وسبب عدم ذكري له هنا هو أني أخشى الإطالة..

شكرا للجميع..

..سيناتور..