على طول من أشوف كاتب الموضوع الصخرة
أدري ان الموضوع كله إبداع

بالنسبة للشيشة الله يكفينا شرها عندنا شباب الرياض الله يهديهم مدمنين عليها
بعضهم ماخذها موضه ومرجله !!!! ياخي أي مرجله من ورى الشيشة
فيه أحد يضر نفسه بنفسه

واذا جيت تنصحهم قالوا خلاص أدمنا عليها

أنا أروح مقهى مع الشباب بس الحمدلله لاشيشة ولادخان
ولو عزيمتي ماهي قوية كان يمكن اطيح معهم في الشيشة
بس اللي يشيب راسك أن الشباب أغلبهم ينصح يقول لاتجربونها تراها مضرة وهو يشيش

بس أما سالفة البنات يشيشون هذي صراحه يبيلها حل جذري
وين أهلهم مايربونهم
أنا متأكد 99 % منهم أهلهم يشيشون وطروش بحر

صخ صخ وش فيكـ نسيت كــأس خـادم الحرمين ورحت على الآسيويه

إقتباس ومهما تنصحه وتحاول معه.. كل جهدك يروح على الفاضي

ودي أعرف وش يحــسون فيـه يـوم يشفطـون منهـآ لآوالبعـض يشرب شيـشـه يبي يكشخ
ويحـس أنـه رزه مـو مثل اللي يشرب دخـان مع ان الآثنيـن أردى من بعض الله يصـلحهم بس

إقتباس دامها صعبة ( لقمة العيش ) ليش مجمّع ( كل هالجيش )؟؟

صـح لسـانكـ معكـ بكل كلـمه بس ويـن اللي يفهـمون

إقتباس وماشاء الله تبارك الله زوجته تقل ( مفرخة )... كل سنة مولود

بعض الحـريم تفكيرهم أذا تبين تربطين الرجال جيبي لـه كـل سنه وآحـد وعـاد هو الله يعينـه
بالسلفيـآت

ايـه صح نسيت مــا أبارك لكـ على التميــز تستــاهل

معروف ان المعسل اخطر من الدخان لكن مايفهمون ....
وبخصوص تحديد النسل زي ماقلت لكن يصبرون حتى لو سنه عشان تركد اوضاعهم ويتسنعون وقتها يدرعمون

مشكورين جميعاً على المرور والتعليقات الجميلة والمميزة والساخرة والجادّة والمنتهية

والشكر للغالي سهل على تعديل الصورة

إقتباس الرسالة الأصلية كتبت بواسطة ع ـشقهــا هـلالـي نفسي افهم شي واحد وش الفرق بين الشيشه و الدخان ؟

بالضبط مثل الفرق بين ( الطماطم ) و ( البندوره )

إقتباس دامها صعبة ( لقمة العيش ) ليش مجمّع ( كل هالجيش )؟؟

هذا اللي تتكلم عنه أنت " تنظيم للنسل " وأجمع العلماء على جوازه ..

يعني مسألة كل كذا ولد جائزة ولا فيها نقاش ..

موضوع تشكر عليه

جيتني على الجرح يآ صخرة ..

شيشة كم آعشقهآ وآكرههآ وآحبهآ كرهآ كثيرآ ..

الشيشة شي حلو وشي مو حلو ؟؟؟

هو على حسب الجو ..

اذآ كنت شآطف مآك ومآخذ لك بيغ تيستي بدون خس ودوس عالشلال ..

وآنت تآكل الا أخويآك يعسلون وتشم ريحة التفاحتين بآشآ وتحس انك مدروخ ..

ووآآووتش آنه شعور المدري وشو ..

لكن صدق والله اغلب العالم اللحين طايحين فيهآ وبعنف ..

البلا وانا اخوك يالصخرة

انك تطفش من قعدة البيت واذا طلعت الاماكن محدودة يعني موب كثيرة تقدر تستمتع فيها
وغير كذآ لآ صآر كل أخويآك يعسلون
وما يجتمعون الا بهالمكان ..؟

وآذآ رحت لها المكان

تلقى اللي يدخن واللي يعسل وتحس بعجة .. >> تشوف ضباب على ريحة دخان ممزوج بالفرآولة , .

وتدروخ معهم ..

وبيني وبينك أأيد فكرة النسكفيه

بلأ شيشة بلا هم ..

-------------


اما التوبيك الثاني عن تحديد النسل وربي انك اللحين تخاف

عادارتفع سعر الرز واشوف ابوي اليوم شري كيسيين من النوع الثقيله مره >> ما يعرف الوز

وارتفعت القمحيات ..؟

والله من رأيي اللي رآتبه اللحين تحت الـ 4000
لا يتزوج ..

مصآريف الزوأج تهلك الوآحد ..

ما اقول الا الله يعين بس

عالبركة اللون الأخضر عمو عقبال الأحمر وأنت تستاهله دوك>>

أعجبني موضوعك عن هالمرض على إعتبار أني أكره التدخين والمدخنين

مجرد الطاري يجيب لي غثيان

أتفق معك في كلامك عن الأطفال

المشكلة أنك لو نصحت أحد فهمك غلط

الأطفال أمانه وللأسف ما يقهرني الا كلمة يربون بعض

سبحان الله الشخص اللي عدد أطفاله أقل وبينهم فترة لاتقل عن خمس سنوات

تلاقي عيالهم مؤدبين مثلي

لكن تعال للي عنده عشرة بزارين أكبرهم بالأبتدائي وشف شلون بذائة تربيتهم

أحنا محاسبين عن أطفالنا حتى لو جا ورزقه جا معه نحتاج لتربية سليمة بدل ثقافة جدي وجدك يربون بعض

مساكين جيلنا أنا أشوف أنهم مسؤلين عن تربية أبنائهم وآبائهم مع هالأنفتاح<<شطحة تربية

خلاص حتسي بديت أخربها

بالحب والإشراق

أهلاً بالصخرة

للأسف ظاهرة التدخين و الشيشة منتشرة بشكل كبير عند الشباب و أنا أشفق كثيراً على الشاب عندما أراه يحرق زهرة عمره بهذه الأشياء التي لو لم يأت ِمنها إلا النتن و خبث الرائحة لكفت .

أمّا تحديد النسل , قرأت الردود و أستغرب من المؤيدين و الرافضين و كأن إنجاب الأولاد هو أمر بأيديهم متى أرادوا !! فكل شيء مكتوب و مقدّر من الله سواء كان عدد الأبناء أو جنسهم