حيا الله الاخضر

اول شي يالطيب انا ماحتكلم عن الشيشه والدخان لان الي بيروح لهم بيديه موب مجنون ولا بزر عشان نعلمه عقله معه

والي اعرف ان المقاهي ماادخل اقل من18سنه للمقهى يعني الي يدخل رجال

واذا شيش جعله للمغص في بطنه الي ماينفك بالا بعمليه قيصريه

،،،،،،،،،،،،،،،،

نروح الحين للموضوع الي اعجبني جدا جدا جدا

إقتباس ياجماعة الخير ترى الاطفال مسؤولية عظيمة وكل اب مسؤول عن تربيتهم يوم القيامة

اااااااااااااااااااااااااااااهـ يا صخره كلام درر

تدري شالمشكله يقولك بعضهم مشتاقـ/ـه اشوف عيالي

يشبهولي او يشبهولك<<قمت السخافه

مشتاقـ/ـه ألعبهم

تجي تقولهم عندكم امكانيات تصرفوا عليهم

الدنيا تغيرت الحين

كل ماكبر شوي كل مازادت طلباته

من حفايظ وحليب وسيريلاك الى فديو قيم ومنتزهات الى موبايلات وبلاك بيري الى عرس ومهر وسياره

عندكم امكانيه تلبون له

طيب نجي للخلق والنفسيه
امراض وزكام وكحه ومغص وتسنين الى تدريس وتعليم الحروف وجدول الضرب والعادات السليمه الى المراهقه وماادراك مالمراهقه الى الشباب وهم الشباب الى الزواج وهم العرس واهم مابعد العرس

عندكم امكانيه تحمل

اذا انتم منتو قادرين تتحملو نفسكم كل سنه جايبين لنا بزر ليش عشان تربيهم امي ويصرف عليهم ابوي

نعنبو ذا الفره متى بتستوعبون

صخرهالله يخليلك عقلك

،،،،،،،،،،،،،،،

تعليق ع رد سناتور

ماعليش يالطيب بالنسبه لمرت اخوك مدري منهي الي تأخر حملها

ماله دخل حبوب منع الحمل

هي من اساس عندها ضعف فالتبويض

فعشان كذا تأخرت بالحمل

وممكن هي كلتها من دون استشارت طبيب قبل تاكلها

يعني تحصل امها ولا صديقتها قالتلها كلي النوع الفلاني وكلته

لارحت ولا كشفت ولا عرفت وش لي يناسبها وش الي ثقيل عليها

يعني لازم الوحده تسوي تحاليل قبل تاكلها

((قلبنا قناة بدايه))

تحياتي

بصراحة كلام عين العقل ,,,

و اتفق معاك بكل نقطة ذكرتها ,,

انا الحمد لله قطعت الشيشة بس المشكلة لما قطعتها ,, طحت بالدخاان ,, و خايف اقطع الدخاان و اطيح بالحشيش :q

انا شخص ما انعطى وجه



و بخصوص البزران و كثرتهم ,,

الله يرزق الكل ,, بس زي ما ذكرت ,, الواحد لازم يعرف ايش بوصله هالشي !!

يعني هدي اللعب و خلك في السليم ...

تقبل مرووووري

أهلا ابوصالح..

والله انا مدري يمكن انا توّي طالع على الدنيا..!
بس ألاحظ ان الشيشة.. صارت مثل الببسي..
و كأنه شي عادي.. الله يرحم الحال بس.!


أمّا (الركادة) بالإنجاب..
أمر مهم جداّ..
(فاتقوا الله ما استطعتم) آية كريمة.. و قاعدة فقهية لاتخفى على أحد..
حين يأمرنا الرسول صلى الله عليه وسلم.. بأن نتكاثر حتى يفاخر بنا الأمم يوم القيامة..
هذا أمر.. و فعل أي أمر.. في الشريعة مرتبط بالاستطاعة..
فحين أنجب 10 أبناء.. و راتبي 1500 ريال..!!
بمعنى أن كل فرد من العائلة.. سيكون نصيبه 125 ريال من الراتب..
غير التلفون و الكهرب و الماء و الجوال و الملابس و مصاريف التعليم و السيارة و البنزين و..و..و.. الخ
هذا امر فوق المعقول.. خصوصاً في زمن كهذا..!
إذاً الإستطاعة فقدت هنا..
فالتوقف مطلوب..!؟ أليس كذلك..!؟

حديثي هذا.. ليس فتوى بقدر ماهو تساؤل..
و قد أكون مخطئاً..!؟
فلا أملك من العلم مايتيح لي الحديث عن أمور شريعة متخصصة..


و شكراً يابوصالح..

اهلاً وسهلاً فيك ابو صالح .. نورت المجلس بطلتك ..

للاسف الشديد الكثير الكثير الكثير من شبابنا اصبح المعسل شي لابد منه !!
وبالساعه والساعتين وهو يشفط وينفخ , ويمكن البعض يعتبرها رجوله ..

الشي اللي انخدعوا فيه الشباب , ان المعسل مهو الا قطع خشب مطحونه ومنكهه بنكهات صناعيه !!
وعلى ذمة احد الاطباء ان الشيشه عن 100 سيجاره !!! والله اعلم ..

المقاهي مليانه بشكل كبير .. ما اقول الا الله يهديهم .. والله لا يبلانا ..

الف شكر لك ولطرحك القيم .. وتقبل احترامي ..
دمت بخير

الله يجزاك خير صخرة بيه ..

المعسّل منتشر بكثرة بين المراهقين ..
أما الشيشة للكبار والشيّاب ..
ومن ثمَّ التدرّج ..
^^^
المفهوم الشائع .. ..

إقتباس الشنب اللي ما تحته ( فلوس ) يبي له أطلق ( موس )

تخيّل !! ..


يعطيك العافية ،، ..

بالنسبة لموضوع الشيشة فهذا اصبح شي عاادي هذي الايام .. اما موضوع تحديد النسل انا اقول لو ان الاب يخلف حتى لو 60 بس يقدر يصرف عليهم وكمان يهتم فيهم فأنا ما عندي مشكلة
اذكر احد من اصحابي من إحدى الدول العربية الشقية يقول انتم يالسعوديين ليش تخلفون كثيير وكأنكم بتسوون فريق .. المهم اللي اقصده انا هو المشكلة عندنا مو بس في العدد كمان في الاهتمام .. يعني هل الاب مهتم في عياله ومربيهم زين .. سواء كانوا 60 او 2 .. تحياتي

تعليقي ع المعسل ؟؟



فين تبون نروح ما عندنا اللى المقاهي اذا تبي تطلع اي مكان غيره مثلا سوق ... لازم الواحد يتزوج عشان يروح سوق لازم عايله


البحر وربي ملينا منه ..



يسلموو تقبلو مروري

يا سبحااااان الله ..


يعني اللحين كل الدنيا تشيش لكن اعضاء المنتدى ما يشيشون كل واحد يجي يقول .. اي والله الشيشة مضرة .. وأنا ما أشيش ولا أدخن

الله يهدي كل من يظلم نفسه سواء بالشيشة أو الدخان ..




وأنا معك بنقطة الأطفال .. وفيه ملاحظة غريبة لاحظتها .. أن العوائل الكبيرة حدهم 4 أو 5 أطفال ..

أما العوائل الفقيرة تلقاهم درازن ماشاءالله تبارك الله .. من جد كيف يعيشون !!

بصراحة أنا أعتبر هذا جهل من الأم والأب .. ويحتاجون للتوعية ، وأنت جزاك الله خير سويت الي عليك من الرجال و وفهمته


ميغسي

إقتباس الرسالة الأصلية كتبت بواسطة marsal في واحد كان فكرته مثل فكرتك كل اربع سنوات او خمس سنوات أجيب طفل لان المال لا يكفي ..الحصيلة خلال عشرين سنة كانت النتيحه اربع أطفال ورباهم أحلى تربيها أفضل من عشره و لا يقدر يربيهم ... المهم جلس يربيهم ويربيهم لما كبروا وصاروا شبه كبار و أحسن تربيه و احسن علم واحسن ملابس و بعد فترة راحوا الاربعه بسيارة وحده وصار لهم حادث وماتوا .. ألان ايش استفاد من تحديد النسل بأكثر من عذر ..؟؟ ايش استفاد من تربيه و علم و ملابس وفي الاخير ما بقى له احد ..؟؟ لو تخير من أمره الان أكيد بيقرر ان يكون له اكثر من ولد ولو ليس المال بذاك القدر مع اربع يكفيهم المال ويزيد ولكن صاروا ماضي . بتقولي قضاء وقدر وهذا شي مكتوب لهم ما بيده حيل أقولك وحتى المستجيب لحديث الرسول صلى الله عليه وسلم راح يكون داخل ضمن أطار القضاء و القدر... فالرزق بيد الله و المال بيد الله و الصلاح وحسن التربيه بيد الله كثيرا من الفقراء لديهم أبناء علماء و ذو منصب و شأن و بارين بأهلهم أكثر من بعض أصحاب المال الذين ليس لديهم سوى القليل من الابناء ... و دائما كثرة الاطفال تعتبر لك أمان في الدنيا .. لدي جيران افغانيه ماشاء الله اولادهم من كثرتهم لا تستطيع ان تحصيهم .. و راتب الافغاني ليس بذالك الكثر لكن الله باركله و كل ولد يشتغل بمكان و النتيجه سيارة فخمة و عيشه لم اراها لدى سعودي .. لاجل أوصلك كلامي المال مربوط بالبنين و طالما أنك تبحث عن الزياده في المال في كل مكان و كل وقت و كل ريال يدخل جيبك يعطيك سعاده فأيضا البنون كل زياده فيهم تعتبر سعاده ...هذا ما تعلمناها و هذا ما تناقلته السير من قصة عبدالمطلب وبئر زمزم الى وقتنا الحاضر فقيرا كان أم غني .. لاتحرص انك تجيب مولود من اول الزواج [CENTER]اصبر لك كم شهر.. حتى تتأكد ان وضعكم كزوجين مريح والامور ممتازة بينكم علشان مايكون هالطفل ضحية وينشأ وهو متشتت لاسمح الله [U]

ما في شي اسمه اختبار كم شهر ..
هذا اذا تزوجت وحده لا تعرفها و لا تعرف اهلها و لا تعرف أخلاقها فهناك تكون النصيحه مقنعه لانك تخاف من المستقبل وتخاف أن تكشف لك اخلاق لا يمكن ان تتقبلها ..

اما اذا تزوجت بالطريقة السليمة و طبقت النصيحة النبوية فأظفر بذات الدين تربت يداك فهنا تكون النصيحه في غير محلها و بالعكس الطفل سوف يكون مدعم ومقوي للحياه وكاسر للحواجز ..

لان الطلاق ليس خاص بالشهور الاولى فكم حالة أعرفها كانت بعد عشر سنوات او اكثر ...

[/QUOTE]

يوم قريت الرد .. قلت بتأكد هذا لـمرسال صدق !!

شوف أخوي مرسال ، ربي كتب وقدر أن أبناء الرجال يتوفون بحادث .. وهذا "ابتلاء" من الله جل وعلى صح ولالا ؟

و حتى لو الرجال جاب 20 طفل ممكن تصير لهم نفس الحادثة ويموتون مرة وحدة !

لأن المكتوب بيصير بيصير ومافي شيء رح يفرق ..

وقدوتنا في حبيبنا صلى الله عليه وسلم .. ماتوا كل أبناءه وبناته أمام عينيه ، ما عدا ابنته فاطمة رضي الله عنها ..

بالنسبة للأمر الثاني .. الي هو بعد الزواج ، لازم الزوج والزوجة يكتشفون أنفسهم مع بعض "يعني الكيمياء الي بينهم "

صحيح تجيك بنت ملتزمة بالدين وصالحة ، لكن أفكاركم تختلف ومبادأكم تختلف .. يعني حتى الحياة الي عاشتها تختلف عن حياتك ..

لازم كل من الزوج والزوجة يكتشفون حياتهم مع بعض من البداية .. تصلح ولا ما تصلح !

كثير من حالات الطلاق تصير بعد شهور من الزواج ومع الأسف بعضها تُثمر عن طفل مظلوم عمره بالشهور !

وجهة نظر تقبلها ..

والعذر من أخوي ابوصالح على المداخلة ..

ترى ابلشتني صورة المعسل .. يالله اضفتها .. الله يتوب علينا ..
وبعدين ومن هذا المنبر ترى الحجز ممنوع وإلا شفتوا الصخره
مشرف جديد بتمشونها

تدخل بالموضوع

بالنسبه للنسل تراهم بكثره في سيارات الفقراء مما يؤكد ان المسأله
قلة وعي ونقص في الفهموالادراك لما يحويه المستقبل ..
قال تعالى " الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً "[الكهف : 46]

قدم الأموال على الأولاد وكليهما جَمال وقوة في هذه الدنيا الفانية، ولكن الأعمال الصالحة
وبخاصة التسبيحُ والتحميد والتكبير والتهليل أفضل أجرًا عند ربك من المال والبنين

هذه الأعمال الصالحة أفضل ما يرجو الإنسان من الثواب عند ربه
فينال بها في الآخرة ما كان يأمُله في الدنيا .

صــدق شي يضحــك , خخ
,,
الف شكر لك يـ آلصخــرة ,,

مراحب بالجميع

فيه نقطة قلتها قبل ابدأ الكلام عن الاطفال.. وعدتها قبل انتهي

لكن مدري ليه بعض الردود تصر على مخالفة المضمون ؟؟

قلت بالفم المليان : كلامي ليس دعوة لتحديد النسل ( اللي هو طفلين مدى الحياة )

كلامي بالضبط : التريّث في الانجاب وعدم الانجاب المتواصل بدون مراعاة للحالة المالية والمعيشية

فرق شاسع بين الامرين..
ابوالمراسيل

انا ماقلت كل خمس سنين.. قلت كل ثلاث سنين.. اعتقد مناسبة وليست بعيدة

وجاركم الافغاني المطخطخ شكله تاجر مخدرات وحشيش على هالفلوس

وعلى المنطق اللي انت ضربت فيه المثال حق اللي ماتوا بالسيارة..

اجل انا من اليوم ورايح مانيب مصلّي في المسجد... افرض وانا طالع صدمتني سيارة.. وش تنفعني الصلاة مع الجماعة ؟؟

مرسال تراي احبك واحب احارشك شوي