متآبعه بصمت..

أجل مدهون خيرنا بالشمس..!!

طيب بس من قالك إننا نحب حليمة بولند ..؟!! << واحد يبي يحفظ كرامة الشباب ههههه

أهم شيئ الشمس ترى مطلوبه في الخارج << بيرقع هههه
أجل الفضائيات أثرت على عقولنا هاه..طيب وانتم ما أثر عليها ..؟!! وإلا مدخلينها في علب تونه يحفظها..؟؟!!<< أمزح أمزح لاتعصبن يابنات..احم
والله كلامك ضحكني من قلب..

الله يسعدك ويسعد الجميع..

مواصل : سوووووووري والله بس هي أثارت حفيظتي << اقعد ياهووووه..

سلام..

..سيناتور..

********
اولا مبروك اللقب
ماشاء الله اشوف مواضيع المجلس غالبيتها من تدشين راعين الالقاب

**********
الغزو الاعلامي هوغزو فكــــري خطره اكبر من مجرد مسلسل
تعجب بابطاله فتاة في قرارة نفسها عارفة انه مايعدو كونه رجل ككل الرجال

والامربس هياط وتحدي فقط
ولامع اول خطيب خلق ربي حسن
ياحياتي يابعض البنات تنسى
انهاكانت تبي مثل فلان وعلان
وتنسى انها قدشافته اصلا

بس المشكلة الكبيرة هي بالرجال وشروطهم وتعجيزهم بالبنيات
ومقارنتهن بفلانة وعلانة
وماننسى انهم هم ابطال الطلاق غالبامثل ماقرأنا بعد غزو هالمسلسلات

وانا كوجهة نظرشخصية أشوف ان المسلسلات الاجنبية اللي فيها رومانسية
ومشاعر متابعتها أخف خطر
من متابعة المسلسلات الخليجية الحالية اللي اسميها
مسلسلات اجرام ورعب وشذوذ
وكل شي قبيح بالحياة

*******
متابعة بصمت
<<<

********
عوافي مواصل
تقبل مروري

مرحباً

بالفعل , أرى تساهل كبير بخصوص العلاقات بين الجنسين في المسلسلات و الأفلام , حتّى أن بعضها أصبح يُعرض بشكل مُستفز و مقزز !!

أمّا من يتعلّق بأشخاص بمجرّد أنهم يقومون بتمثيل مشهد و يعتقد أن ما يراه منهم ينطبق على و اقعهم , فهو مع احترامي له شخص تافه جداً ! ( و الذكر و الأنثى في هذا سواء )

إقتباس الرسالة الأصلية كتبت بواسطة أبو سواج العولمة باتت تهدد مجتمعات العالم لتصبح نسخة كربونية من الشعب الأقوى على هذه الأرض .. وعندها لن يكون للدنيا طعم ولا رائحة ..

لا فُضّ فوك


شكراً لك أخي عبدالله
دمت بخير

حــي الله موآصــل
أول شيء مبروكـ على اللقـب المستحق واللي يمكن تأخر بس أهم شيء جاء
من يوم مابدأت أتــابع المجلس كنت أقول هذا المفروض يكون مشرف أو أي
منصب ثاني بــس تسـتاهل والله كل خـير
:
/
:
هذا هوالغــزو الفكري أشلـون يفسدون المرآه وهي جآلسـه في بيتهـآ الآ بالآعلآم
والمسـلسلآت ويصورون لهــا أنـها عايـشه بجحيــم وقــرف وأن الحــياهـ كلها رومانسيه
مع أنه العكس
بس أنت ماتكـلمت بعد عن الشبـآب اللي حتى هم مشـاء الله تـأثـرو ببطـلآت المسلسـلآت
تــخيل مره شفت وحدهـ بمشغل تقـول ولدهـا مايبي يعرس الآعلى وحدهـ مثل جميلـه اللي
في بآب الحآره الله يهدي شبآبنـآ وبنـآتـنآ

مشكور يا مواصل على هالموضوع .. اللي يخص افراد المجتمع كافة ..

أنا اقولك متى دخلت الفضائيات بيتنا .. بعد أن كنا من أشد المعارضين لهذه الاجهزة ولازلت اقول انها قذرة ..

هذا الله يسلمك .. اخوية
كان عنده دورة تدريب في الشرطه .. وايامها كانت مباريات كاس العالم >>يعني من زمااااااااان
وهوا عاد موووووته هالمباريات ..
حاول يقنع ابويه مرة ومرتين وما فلح .. ورد بعد اصرار وكلم ابويه ..
ابويه فديته بما انه ولده بعيد عنه وبيغيب لاكثر من شهر بسبب الحجز .. قاله اوكيه خلاااص
وعاد اخوية ما صدق .. وعلى طول راح اشترى وركباه في البيت ..

وبالذيج الفترة ما كان عندنا قنوات الا الرياضيه منها والاماراتيه اللي كانت قناة الامارات ودبي وعمان بس
ويوم بعد .. صار كل شي عادي .. ولحد الحين عادي ..

وايام زمان .. من اتشوف وحدة لابسه قصير .. وله لابسه نص كم كان عندنا عيب وعلى طول انغير القناة ..
لكن الحين الناس لو اتشوف لقطة مب زينه عادي ما تغيره والمشكله انه يدام العيال ..
صار الامر بالنسبة لهم شي ما يخرب العقل ..

وقبل الرقابه تحذف المقاطع الممنوعه .. لكن الحينه ما ادري وينها الرقابه عن هالمسلسلات ..

وبعدين صارت المسلسلات الخليجية اخس واخس عن الاجنبية ..
كله صار اغتصاب .. واعتداء ووووووو ما في حيااا وكانه بمجتمع غير اسلامي و اخس عن الاجنبي بعد ..


وبالنسبة للبنت .. والله اني وايد اسمع بنات يرمسن ويقولن ..
ليت ريلي يكون هذا او مثل هذا
او يااااااارب يتقدم لي ..
او او او ..

والفتاة كلها مجرد عاطفة تبى الاشياء هاذي بكونها على قولتك انثى


::

إقتباس برايفت للزوار بس إذا تبي تشارك بالموضوع برد إرسلي على رابط موقع راسلني على أن يكون الإيميل الموضوع ( وهمي ) - وبنزل ردك بالموضوع ، وشكراً

يا حركات انته يا مواصل ..
لا قمت اتشرك الزوار بعد في مواضيعك ..
من الحين اتكون لك شعبية ^_^



ويعطيك العافيه يا مواصل ..

وعليكم السلام ورحمة الله وبركاته

اهلاً وسهلاً مواصل .. والف مبروووك اللقب .. تستحق وبجداره ..
واخيرأً شفنا لك موضوع بعد الزواج .. شكلك مثقل علينا

من ناحية الموضوع .. اتفقك معك بما ذكرت جملةً وتفصيلاً .. للاسف ان البعض سواء اطفال -ولا يلامون - او كبار ..
يتأثر تأثراً عجيباً .. حتى وهو يدرك تماماً ان هذه المشاهد مجرد تمثيل ..

والاثر الكبير والسلبي حقيقه هو ع الاطفال , الذين يجلسون بالساعات اما الشاشه ..
دون ادراك من الاهل ان الفضائيات ضررها كبير جداً واثرها سريع على فكر الطفل ..
وهنا اوجه اللوم على الاهل .. يجب ان يتفرغوا قليلاً لمتابعة الابناء ..

عبدالله .. ابدعت بالطرح .. كعادتك ..
تقبل احترامي وتقديري .. دمت بخيير

إقتباس الرسالة الأصلية كتبت بواسطة مواصل من عام 1413هـ بسم الله الرحمن الرحيم السلام عليكم ورحمه الله وبركاته . قد لا تلام هذه الفتاة أن تعيش الخيال في ظل مجتمع ذكوري فرض عليها أعراف ، وحرمها مما أوجبه ربها عليهم ، إلا أنني لا أعطيها الحق بمقارنة رجل مسلم يتقيد بشرعه سبحانه ، برجل غربي أو مطرب مشهور ينتهي ( حسه المرهف ) بعد أن ينطق المخرج كلمه ( STOP ). وع ، وشكراً

وعليكم السلام ورحمه الله يا عبدالله ،،
والله اشوف السطرين هذي عن مجلدآت
وفهمت المطلوب منها .. اكثر من بآقي الموضوع .

ع العموووم اعجبتني طريقتك في المواضيع الي ذكرتها
بـ احد ردودك ..

عـز / ريآن